ရွှေစျေးကွက်အတွင်း အဝယ်ထက် အရောင်းများနေပြီး စျေးကွက်အေးနေသည်ဟု ရန်ကုန်တိုင်း ရွှေလုပ်ငန်းရှင်များ အသင်း ဥက္ကဋ္ဌ ဦးမျိုးမြင့်က ပြောကြားသည်။ “အဝယ်ထက် အရောင်းက များနေပါ တယ်ကွာ။ စျေးကွက်က တော်တော်အေးနေ တယ်။ ရွှေစျေးကလည်း နည်းနည်းကျတယ်”ဟု ဦးမျိုးမြင့်က ပြောကြားသည်။ ဒေါ်လာစျေးမှာလည်း အနည်းငယ်ကျ ဆင်းသဖြင့် ရွှေစျေးနှုန်းမှာလည်း အနည်း ငယ် ကျဆင်းလာကြောင်း ဦးမျိုးမြင့်က ဆက် လက်ပြောကြားသည်။
အိမ်ခြံမြေအကျိုးဆောင် လုပ်ငန်းလုပ်ကိုင်သူများ မှတ်ပုံတင်ရမည်ဖြစ်ပြီး ငွေကြေးခဝါချမှုနှင့် ပတ်သက် သည့် သတင်းများ ရှိပါက ငွေကြေးဆိုင်ရာစုံစမ်းထောက်လှမ်းရေးအဖွဲ့သို့ သတင်းပေးပို့ရမည် ဖြစ်ကြောင်း ပြည်ထဲရေးဝန်ကြီးဌာနက ထုတ်ပြန်သည်။
ပြည်ထဲရေးဝန်ကြီးဌာနလက်အောက်ရှိ ငွေကြေးခဝါချမှုတိုက်ဖျက်ရေးဗဟိုအဖွဲ့ က သတင်းပို့အဖွဲ့အစည်း ဖြစ်သည့် အိမ်ခြံမြေ အကျိုးဆောင်များဆိုင်ရာညွန်ကြားချက်ကို ထုတ်ပြန်ခဲ့ပြီး ယင်းထုတ်ပြန်ချက်တွင် ဖော် ပြထားသည်ကို တွေ့ရသည်။
ကိုဗစ်-၁၉ ရန်ပုံငွေမှ မွေးမြူရေးကဏ္ဍသို့ ကျပ် ၇ ဒသမ ၆ ဘီလျံထုတ်ချေးခဲ့မှုအနက် အတိုးပေးခြင်း၊ ချေးငွေ ရည်ရွယ်ချက်အတိုင်း ဆောင်ရွက်လျက်ရှိသည့် ကုမ္ပဏီ/လုပ်ငန်းများကို ချေးငွေပြန်လည်ပေးဆပ်ရမည့်ကာလ သက်တမ်းတစ်နှစ် ထပ်မံတိုးမြှင့်လိုက်ကြောင်း ကိုဗစ်-၁၉ ကြောင့် ဖြစ်ပေါ်လာနိုင်သည့် စီးပွားရေးသက်ရောက်မှု များအပေါ် ကုစားရေးလုပ်ငန်းကော်မတီက သတင်းထုတ်ပြန်ထားသည်။ ကိုဗစ်-၁၉ ရန်ပုံငွေမှ နိုင်ငံသားပိုင် ငါး၊ ပုစွန် မွေးမြူရေးအပါအဝင် မွေးမြူရေးကဏ္ဍသို့ထုတ်ပေးထားသည့် ချေးငွေများပြန်လည် ပေးဆပ်ရမည့်ကာလအား သက်တမ်းတစ်နှစ် ထပ်မံတိုးမြှင့်ပေးကြောင်း ၂၀၂၂ ခုနှစ် နိုဝင်ဘာ ၃၀ ရက်စွဲဖြင့် အသိပေးချက် ထုတ်ပြန်ထား သည်။
နိုဝင်ဘာ ၂၁ ရက်မှ ၂၇ ရက်အထိ နေ ပြည်တော်၊ ပြည်နယ်နှင့် တိုင်းဒေသကြီးများမှ တရားမဝင် သစ်မျိုးစုံ စုစုပေါင်း ၁၂၇ ဒသမ ၆၃၈၉ တန်၊ ယာဉ်/ယန္တရား ၁၂ စီးနှင့် ကျူး လွန်သူ ၂၄ ဦး ဖမ်းဆီးရမိကြောင်း သိရသည်။ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီး ဌာနသည် တရားမဝင် သစ်နှင့်သစ်တော ထွက် ပစ္စည်းများ ရှာဖွေဖော်ထုတ်ဖမ်းဆီးရေး ကို ပြည်သူပူးပေါင်းပါဝင်မှုဖြင့် လူထုအခြေ ပြု စောင့်ကြပ်ကြည့်ရှု သတင်းပို့စနစ် (Com-munity Monitoring and Reporting Sys-tem-CMRS)အပါအဝင် နည်းလမ်းမျိုးစုံဖြင့် အကောင်အထည်ဖော် ဆောင်ရွက်လျက်ရှိ ကြောင်း သိရသည်။
နိုင်ငံ့စီးပွား ဖွံ့ဖြိုးတိုးတက်ရေးအတွက် အခက်အခဲမျိုးစုံကြားမှ ကြိုးပမ်းဆောင်ရွက်ရာတွင် ယခုအခါ ထိုက်သင့် သည့် တိုးတက်မှုရှိလာပြီဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောကြားသည်။ မကွေးတိုင်းကြီးဒေသကြီး မြို့တော်ခန်းမ၌ နိုဝင်ဘာ ၂၈ ရက်က မကွေးတိုင်းဒေသကြီးအတွင်းရှိ အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းရှင်များနှင့် တွေ့ဆုံရာတွင် ဗိုလ်ချုပ်မှူးကြီး မင်းအောင်လှိုင်က အထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။
