ပညာရေးဝန်ကြီးဌာန၊အဆင့်မြင့်ပညာဦးစီးဌာနရှိ တက္ကသိုလ်၊ ဒီဂရီကောလိပ်နှင့် ကောလိပ်များတွင် ၂၀၂၂ ခုနှစ် တက္ကသိုလ်ဝင်စာမေးပွဲအောင်မြင်သူများ၏ တက္ကသိုလ်နေ့သင်တန်း ပထမနှစ်(ပထမနှစ်ဝက်)ဝင်ခွင့်ရသူများ စာရင်းအား နိုဝင်ဘာ ၃ ရက်တွင် ကြေညာသွားမည်ဟု ပညာရေးဝန်ကြီးဌာန၊ အဆင့်မြင့်ပညာဦးစီးဌာနမှ ထုတ်ပြန်ခဲ့သည်။
သက်ဆိုင်ရာတက္ကသိုလ် ၊ ဒီဂရီကောလိပ် နှင့် ကောလိပ်များ ၊ ပညာရေးဝန်ကြီးဌာန website http://www.moe.gov.mm နှင့်အဆင့်မြင့်ပညာဦးစီးဌာန website http://www.dhe.gov.mm တို့တွင် ကြေညာထားမည်ဟု အသိပေးထုတ်ပြန်ခဲ့သည်။
ရန်ကုန်မြို့ရဲ့ ပထမဆုံး ရေပေါ်ညဈေးကို လာမယ့်နိုဝင်ဘာ ၄ ရက်ကနေစတင်ပြီး ရန်ကုန်မြို့ ဗိုလ်တထောင် ဘုရားအနီးရှိ ဆိပ်ခံတံတားအမှတ် ၅ မှာ ဖွင့်လှစ်တော့မယ်လို့သိရပါတယ်။ အဲဒီရေပေါ်ညဈေးကို နိုဝင်ဘာ ၄ ရက်ကနေစတင်ပြီး ၁၃ ရက်အထိ ဖွင့်လှစ်သွားမှာဖြစ်ပါတယ်။
ဂျပန်ကုမ္ပဏီများက မြန်မာလုပ်သား ၇၀၀ နီးပါး ထပ်မံခေါ်ယူမည်ဖြစ်ကြောင်း တိုကျိုမြို့ရှိ မြန်မာသံရုံး၏ ထုတ်ပြန်ချက်အရ သိရသည်။
မြန်မာသံရုံး၊ တိုကျိုမြို့အနေဖြင့် အလုပ်သမား ဝန်ကြီးဌာနက နိုင်ငံခြားရေးဝန်ကြီး ဌာနမှတစ်ဆင့် ပေးပို့လာသည့် အလုပ်ကမ်း လှမ်းစာ (Demand Letter) များကို စိစစ် ဆောင်ရွက်နေကြောင်း၊ ထိုသို့ စိစစ်ရာတွင် ဂျပန်နိုင်ငံရှိ အလုပ်သမားကြီးကြပ်ရေး ကုမ္ပဏီနှင့် အလုပ်ခေါ်ယူသည့် စက်ရုံ/ကုမ္ပဏီများသည် ဂျပန်နိုင်ငံတွင် တရားဝင် တည်ထောင်ထားခြင်း ရှိ/မရှိ စာရွက်စာတမ်း အထောက်အထားများ စိစစ်ပြီး စိစစ်တွေ့ရှိချက်များ၊ သဘောထားမှတ်ချက်များကို နိုင်ငံခြားရေးဝန်ကြီးဌာနမှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့လျက် ရှိသည် ဟု သံရုံးက ဆိုသည်။
(၃၁-၁၀-၂၀၂၂) ရက်နေ့၊ ည (၈:၀၀) နာရီမှ (၁-၁၁-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၉,၇၅၇) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၈၁) ဦး တွေ့ရှိရသဖြင့် ရောဂါပိုးတွေ့ရှိမှု ရာခိုင်နှုန်းမှာ (၀.၈၃) ရာခိုင်နှုန်း ရှိပါသည်။
ရန်ကုန်တိုင်းတွင် ဓာတ်ဆီတစ်လီတာ ကျပ် ၂၀၀၀ နှင့် ဒီဇယ်တစ်လီတာ ကျပ် ၂၆၉၀ တွင် ငြိမ်သက်နေကြောင်း စက်သုံးဆီ အရောင်း ဆိုင်များထံမှ သိရသည်။ အောက်တိုဘာ ၃၁ ရက်တွင် စက်သုံးဆီ စျေးနှုန်းများအရ ရန်ကုန်တွင် ၉၂ တစ်လီတာ ကျပ်၂၀၀၀၊ ၉၅ တစ်လီတာ ကျပ်၂၀၉၀၊ ရိုး ရိုးဒီဇယ်တစ်လီတာ ကျပ် ၂၆၉၀၊ ပရီမီယံ ဒီဇယ်တစ်လီတာ၂၇၇၅ ကျပ်ဖြစ်ကြောင်း သိရသည်။ ယင်းစျေးနှုန်းများမှာ အောက်တိုဘာ ၂၉ ရက်မှ စတင်ကာ စျေးနှုန်းပြောင်းလဲခဲ့ခြင်း ဖြစ်ပြီး အောက်တိုဘာ ၃၁ ရက် အထိ ယင်း စျေးနှုန်းများတွင် တည်ရှိနေခြင်းဖြစ်သည်။
ကိုရီးယားနိုင်ငံမှ မြန်မာအလုပ်သမားများအား တရားဝင်ခေါ်ယူလျက်ရှိရာ အောက်တိုဘာလအတွင်း မြန်မာ အလုပ်သမား ၁၁၆၉ ဦးအား စေ လွှတ်နိုင်ခဲ့သည်ဟု ကိုရီးယားနိုင်ငံဆိုင်ရာ မြန်မာသံရုံး-ဆိုးလ်မြို့မှ သိရသည်။
(၃၀-၁၀-၂၀၂၂) ရက်နေ့၊ ည (၈:၀၀) နာရီမှ (၃၁-၁၀-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၈,၈၁၅) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၉၁) ဦး တွေ့ရှိရသဖြင့် ရောဂါပိုးတွေ့ရှိမှု ရာခိုင်နှုန်းမှာ (၁.၀၃) ရာခိုင်နှုန်း ရှိပါသည်။
နိုင်ငံတော်ကနေ ရှမ်းပြည်နယ်အတွင်း အသေးစား စက်မှုလက်မှု လုပ်ငန်းတွေအတွက် ချေးငွေ ကျပ်(၈)ဘီလျံကို ထုတ်ချေးပေးသွားဖို့ စီစဉ်ထားရှိတယ်လို့ ရှမ်းပြည်နယ်ဝန်ကြီးချုပ် ဒေါက်တာကျော်ထွန်းကပြောခဲ့ပါတယ်။
အောက်တိုဘာလ (၂၉)ရက်နေ့၊ ညနေပိုင်းက ရှမ်းပြည်နယ်(အရှေ့ပိုင်း)၊ တာချီလိတ်မြို့၊ ဆေခမ်းရပ်ကွက်၊ ဟောင်လိတ်စက်မှုဇုန်မှာ စက်မှုလုပ်ငန်းတွေလည်ပတ်နေမှုအခြေအနေနဲ့ ပြည်တွင်း ကုန်ထုတ်လုပ်ငန်း အခြေအနေတွေရဲ့ အားသာချက် ၊အားနည်းချက်တွေကို လမ်းညွှန် ဆွေးနွေးရာမှာဝန်ကြီးချုပ်က ပြောကြားခဲ့တာပါ။
ပြည်ပရောက်မြန်မာနိုင်ငံသားများ၏ နိုင်ငံခြားသုံးငွေဖြင့် ရရှိသောလုပ်ခ/လစာများအား လိုင်စင်ရဘဏ်များမှ တစ်ဆင့် လွှဲပို့ခြင်းအတွက် အမေရိကန်တစ်ဒေါ်လာ(ယင်းနှင့်ညီမျှသော နိုင်ငံခြားငွေ)အပေါ်တွင် ကျပ် ၃၀ နိုင်ငံတော်က အပိုဆောင်းငွေအဖြစ် ပံ့ပိုးသွားမည်ဖြစ်ကြောင် မြန်မာနိုင်ငံတော် ဗဟိုဘဏ်က အောက်တိုဘာ ၂၈ ရက် တွင် ထုတ်ပြန်ခဲ့ပါသည်။ နိုင်ငံတော်အတွက် နိုင်ငံခြားငွေများကို တစ်ဖက်တစ်လမ်းက ရှာဖွေပေးလျက်ရှိသည့် ပြည်ပရောက် မြန်မာနိုင်ငံသားများအား နိုင်ငံတော်က ချီးမြှောက်သောအားဖြင့် ပြည်ပရောက် မြန်မာနိုင်ငံသား များ၏ နိုင်ငံခြားသုံးငွေဖြင့်ရရှိသော လုပ်ခ/လစာငွေများကို ပြည်ပမှ ပြည်တွင်းသို့ နိုင်ငံခြားသုံးငွေ ရောင်းဝယ်ဖောက်ကားသည့် လုပ်ငန်းလိုင်စင်ရဘဏ်များမှတစ်ဆင့် လွှဲပို့ခြင်းအတွက် အမေရိကန် တစ်ဒေါ်လာ (ယင်းနှင့်ညီမျှသော နိုင်ငံခြားငွေ) အပေါ်တွင် ကျပ် ၃၀ အား နိုင်ငံတော်က အပိုဆောင်းငွေအဖြစ် ပံ့ပိုးသွားမည်ဖြစ်ကြောင်း ဗဟိုဘဏ်က ထုတ်ပြန်သည်။
(၂၉-၁၀-၂၀၂၂) ရက်နေ့၊ ည (၈:၀၀) နာရီမှ (၃၀-၁၀-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၈,၅၇၇) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၉၁) ဦး တွေ့ရှိရသဖြင့် ရောဂါပိုးတွေ့ရှိမှုရာခိုင်နှုန်းမှာ (၁.၀၆) ရာခိုင် နှုန်း ရှိပါသည်။
