UAB Pay မှတစ်ဆင့် ရွှေကိုတစ်ရွေးမှစတင်၍ ပေါက်ဈေးအတိုင်းဝယ်ယူနိုင်ပြီဖြစ်ကြောင်း သိရသည်။
UAB ဘဏ်သည် Digital application ဖြစ်သည့် uabpay မှတစ်ဆင့် မြန်မာနိုင်ငံ၏ ပထမဆုံးသော ဒီဂျစ်တယ်နည်းပညာနှင့် ရွှေရင်းနှီးမြှုပ်နှံခြင်းဝန်ဆောင်မှုအား စတင်လုပ်ဆောင်နိုင်ပြီဖြစ်ကြောင်း မတ်လ (၂၉) ရက် တွင် တရားဝင်မိတ်ဆက်ခဲ့သည်။
မတ်လ ၂၅ ရက်မှ စတင်ကာ ယာဉ်အသွားအလာ ရပ်ဆိုင်းခဲ့ရသော မြဝတီ-ကော့ကရိတ် ဒေါနတောင်ကျော်လမ်းတွင် မတ်လ ၃၀ ရက် ၌ မော်တော်ယာဉ်များ ပုံမှန်သွားလာနေပြီဖြစ် ကြောင်းသိရသည်။
မြဝတီ ကုန်သွယ်ရေးဇုန်၌ မတ်လ ၂၅ ရက်နေ့က ဖြစ်ပွားခဲ့သော တိုက်ပွဲများ၊ ဒေါနတောင်ကျော်လမ်း နှင့် ကျံဒိုး နယ်မြေအတွင်း ဖြစ်ပွားခဲ့သော တိုက်ပွဲများကြောင့် ထိုင်း-မြန်မာ နယ်စပ် ကုန်သွယ်မှုနှင့် ခရီးသွား မော်တော်ယာဉ်များ သွားလာမှု ရပ်ဆိုင်းခဲ့ရခြင်း ဖြစ်သည်။
ထိုင်းနိုင်ငံတွင် လူကုန်ကူးခံခဲ့ရသည့် မြန်မာနိုင်ငံသား ၂၃ ဦးအား မတ် ၂၉ ရက်နံနက် ၁၀ နာရီတွင် ထိုင်းနိုင်ငံတာဝန်ရှိသူများက မြန်မာနိုင်ငံမှတာဝန်ရှိသူများထံ လွှဲပြောင်းပေးခဲ့ကြောင်း သိရသည်။
ထိုင်းနိုင်ငံ၊တာ့ခ်ခရိုင်ရှိ ခရိုင်လူဝင်မှုကြီးကြပ်ရေးရုံး၌ ထိုင်းနိုင်ငံတာဝန်ရှိသူများက လွှဲပြောင်းပေးခဲ့ရာ မြန်မာနိုင်ငံမှ ပြန်လည်ထူထောင်ရေးဦးစီးဌာန၊မြဝတီမြို့ယာယီလက်ခံစောင့်ရှောက်ရေးဂေဟာ၏ ဦးစီးအရာရှိနှင့်တာဝန်ရှိသူများက လက်ခံခဲ့ကြောင်း သိရသည်။
အိန္ဒိယ-မြန်မာနယ်စပ်ရှိ ဝင်/ထွက်ပေါက်အချို့အား မီဇိုရမ်ဒေသခံ ၃ ဦး သတ်ဖြတ်ခံရပြီးနောက် မတ် ၂၉ ရက် မှစတင်၍ ရက်အကန့်အသတ်မရှိပိတ်ခဲ့သည်ဟု လိုင်းလူငယ်အသင်း Young Lai Association Bualpui(NG)Sub- Headquarters မှထုတ်ပြန်ခဲ့ကြောင်း သိရသည်။
အိန္ဒိယ-မြန်မာနယ်စပ်ဝင်/ထွက်ပေါက်များဖြစ်သည့် Archhuang , Tial dawngilung နှင့် Vawmbuk တို့ကို ရက်အကန့်အသတ်မရှိပိတ်ခဲ့ခြင်းဖြစ်ပြီး မည်သူမှ နယ်စပ်ဖြတ်ကျော်သွားလာခွင့်မပြုရန်၊မြန်မာဘက်နှင့်လည်း မည်သည့်ပစ္စည်းမှလွှဲပြောင်းရယူခြင်းမပြုရန်နှင့်လိုက်နာခြင်းမရှိပါက ထိရောက်စွာအရေးယူမည်ဖြစ်ကြောင်း သိရသည်။
ထိုင်းနိုင်ငံတွင် နိုင်ငံခြားသားကွန်ဒိုအခန်းဝယ်ယူမှု တန်ဖိုးအရ မြန်မာနိုင်ငံအနေဖြင့် တတိယနေရာသို့ ရောက်ရှိလာကြောင်း ဗန်ကောက်ပို့စ်သတင်းဌာန၏ မတ် ၂၄ ရက်တွင်ဖော်ပြထားသည်။
မြန်မာနိုင်ငံသားများသည် ထိုင်းနိုင်ငံတွင် ကွန်ဒိုအခန်း ဆဋ္ဌမ အများဆုံးဝယ်ယူသည့် နိုင်ငံသားများဖြစ်ပြီး တန်ဖိုးအားဖြင့် ဘတ် ၂ ဒသမ ၅၅ဘီလီယံရှိ အခန်း ၃၄၉ ခန်း ဝယ်ယူထားကြောင်း သိရသည်။
တောင်ကိုရီးယားနိုင်ငံသို့ EPS စနစ်ဖြင့် မြန်မာလုပ်သား ၁၃၀ ကျော်စေလွှတ်ခဲ့ကြောင်း ဆိုးလ်မြို့ရှိ မြန်မာသံရုံးမှ အသိပေးထုတ်ပြန်ထားသည်။
အစိုးရပြည်ပအလုပ်အကိုင်အေဂျင်စီ EPS စနစ်ဖြင့် ကုန်ထုတ်လုပ်သားသစ် (၅၃) ဦး၊ စိုက်ပျိုး/မွေးမြူရေး လုပ်သားသစ် (၄၂) ဦး၊ Re-entry ကုန်ထုတ်လုပ်သား (၃၈) ဦး၊ Re-entry စိုက်ပျိုး/မွေးမြူရေးလုပ်သား (၄) ဦး၊ စုစုပေါင်း (၁၃၈) ဦးကိုယနေ့ (မတ်လ ၂၈)ရက်တွင် စေလွှတ်ခဲ့ခြင်းဖြစ်သည်။
လာမည့် ၂၀၂၃-၂၀၂၄ ပညာသင်နှစ်တွင် စနစ်သစ်ပညာရေးအတွက် KG+12 ပညာရေးစနစ် စတင်အကောင်အထည်ဖော်မည်ဖြစ်ပြီး စာသင်နှစ် ၁၃ နှစ်ဖြစ်မည်ဖြစ်ကြောင်း ပညာရေးဝန်ကြီးဌာနမှ သိရသည်။
ဆောက်လုပ်ရေးဝန်ကြီးဌာနက ကုမ္ပဏီ ၁၂၄ ခုအား ကန်ထရိုက်လိုင်စင်များထုတ်ပေးခဲ့သည်။
အဆိုပါ ကုမ္ပဏီ ၁၂၄ ခုတွင် တည်ဆောက်ရေးလုပ်ငန်းအရည်အသွေးစစ်ဆေးရေးကုမ္ပဏီများ(QA/QC) ၂၇ ခု၊ အင်ဂျင်နီယာပညာရပ်ဆိုင်ရာအကြံပေးဆောင်ရွက်သော ကုမ္ပဏီများ(Consultant) ၂ ခု၊ တည်ဆောက်ရေး လုပ်ငန်းများကို ကန်ထရိုက်စနစ်ဖြင့် ဆောင်ရွက်လိုသော ကုမ္ပဏီများ(Construction) ၉၃ ခု၊ အဓိကတည်ဆောက်ရေး ပစ္စည်းပေးသွင်းလိုသောကုမ္ပဏီများ(Trading) ၂ ခုဖြစ်ကြောင်း သိရသည်။
နေပြည်တော်၌ကျင်းပမည့် တပ်မတော်နေ့အခမ်းအနားနှင့်ပျော်ပွဲရွှင်ပွဲနေရာများအား ၁၀၇ မမရှော့တိုက်ဒုံးဖြင့် ပစ်ခတ်ရန်ကြံစည်လုပ်ဆောင်နေသည့် နေပြည်တော် PDF အဖွဲ့ဝင် ၂ ဦးအားလက်နက်ခဲယမ်းများနှင့်အတူ လုံခြုံရေးအဖွဲ့ဝင်များမှ မတ် ၂၄ ရက်တွင်ဖော်ထုတ်ဖမ်းဆီးရမိခဲ့ကြောင်းသိရသည်။
တပ်မတော်နေ့၌နေပြည်တော်အတွင်းပြုလုပ်မည့် ပျော်ပွဲရွှင်ပွဲနေရာများ၊စစ်ရေးပြကွင်း (ရှမ်းစု)နေရာတို့ကို ၁၀၇ မမရှော့တိုက်ဒုံးများဖြင့်ပစ်ခတ်ရန် စီစဉ်ထားကြောင်း သတင်းအရလုံခြုံရေးအဖွဲ့ဝင်များက စုံစမ်းစစ်ဆေးမှုများ ပြုလုပ်ခဲ့ကြသည်။
မြန်မာနိုင်ငံ၊ မိုးလေဝသနှင့်ဇလဗေဒညွှန်ကြားမှုဦးစီးဌာနမှ မတ် ၂၄ ရက်(ယနေ့)နံနက် ၇ နာရီက အသိပေးထုတ်ပြန်ခဲ့ခြင်းဖြစ်သည်။
မိုးဇလ၏ ထုတ်ပြန်ချက်အရ လာမည့် ၂ ရက်အတွင်း၌ ရန်ကုန်တိုင်း၊နေပြည်တော်၊မကွေးတိုင်း ၊ပဲခူးတိုင်းနှင့် ဧရာဝတီတိုင်းတို့တွင် နေ့အပူချိန်များ အနည်းငယ်တိုးလာနိုင်ကြောင်း သိရသည်။
ထို့ပြင် ယနေ့ညနေအထိ စစ်ကိုင်းတိုင်း၊မန္တလေးတိုင်း၊မကွေးတိုင်း၊ကချင်ပြည်နယ်နှင့်ရှမ်းပြည်နယ်တို့တွင် နေရာကွက်၍ မိုးသည်းထန်စွာရွာသွန်းနိုင်သည်ဟုလည်း မိုးဇလကခန့်မှန်းထားသည်။
မြန်မာ့ကမ်းရိုးတန်းတစ်လျှောက်နှင့်ကမ်းလွန်ပင်လယ်ပြင်တို့တွင် လှိုင်းအမြင့် ၃ ပေမှ ၆ ပေခန့်အထိရှိမည့် လှိုင်းအနည်းငယ်မှလှိုင်းအသင့်အတင့်ရှိမည်ဟုလည်း မိုးဇလ၏ခန့်မှန်းချက်အရ သိရသည်။
