အဲဗာတန်တိုက်စစ်မှူး ရစ်ချာလီဆန်ကို ပေါင်သန်း(၆၀)ဖြင့် ခေါ်ယူခဲ့ပြီးနောက် ပရီးမီးယားလိဂ်အပြောင်းအရွှေ့ ဈေးကွက်ကို စပါးအသင်း ဦးဆောင်နေ
စပါးအသင်းသည် အဲဗာတန်အသင်းမှ ဘရာဇီးလ်တိုက်စစ်မှူး ရစ်ချာလီဆန်ကို ပေါင်သန်း(၆၀)ဖြင့် ခေါ်ယူခဲ့ပြီး နွေရာသီအပြောင်းအရွှေ့ဈေးကွက်၌ ငွေအများဆုံးသုံးစွဲထားသည့် ပရီးမီးယားလိဂ်အသင်းအဖြစ် ဦးဆောင်နေ ကြောင်း သိရသည်။
စပါးအသင်းသည် ရစ်ချာလီဆန်အတွက် ကနဦး ပြောင်းရွှေ့ကြေး ပေါင်သန်း(၅၀)သာ ပေးချေရမည်ဖြစ်သော်လည်း Add-ons ကြေးများကိုပါ ထည့်တွက်ပါက ပေါင်သန်း (၆၀)အထိ ရှိလာမည်ဖြစ်သည်။
မန်ယူမှ ထွက်ခွာချင်နေတယ်လို့ ရော်နယ်ဒို ပြော
မန်ယူတိုက်စစ်မှူး ရော်နယ်ဒို က ချန်ပီယံလိဂ်မှာ ကစားချင်နေတာကြောင့် ဒီနွေရာသီမှာပဲ အသင်းက ထွက်ခွာချင်ကြောင်း မန်ယူအသင်းကို ပြောကြားထားတယ်လို့ သည်တိုင်းစ် သတင်းစာက ဖော်ပြပါတယ်။
လီဗာပူးတိုက်စစ်မှူး ဆာလာ ပရီးမီးယားလိဂ် လုပ်ခအများဆုံးကစားသမားဖြစ်လာ
လီဗာပူးတိုက်စစ်မှူး မိုဆာလာဟာ အသင်းနဲ့ ၃ နှစ်စာချုပ်သက်တမ်းတိုးပြီးနောက်မှာ ပရီးမီးယား လိဂ်ရဲ့လုပ်ခ အများဆုံးကစားသမားဖြစ်လာပါတယ်။ ဆာလာဟာ အသင်းနဲ့ ၂၀၂၅ ခုနှစ်အထိ စာချုပ်သက်တမ်းတိုးခဲ့ပြီး တစ်ပတ်လုပ်ခပေါင် ၄ သိန်းအထိတိုးမြှင့်ရရှိတော့မှာပါ။ အဆိုပါပမာဏဟာ တစ်ပတ်လုပ်ခ ပေါင် ၃၈၅၀၀၀ ရရှိနေတဲ့ စီရော်နယ်ဒိုကို ကျော်ဖြတ်ပြီး ဆာလာက လုပ်ခအများဆုံးကစား သမားဖြစ်လာခဲ့တာပါ။
ချယ်လ်ဆီးတိုက်စစ်မှူး လူကာကူကို ယူရို ၈ သန်းနဲ့ အင်တာမီလန် အငှားပြန်လည်ခေါ်ယူ
ချယ်လ်ဆီးအသင်းမှာ အငြင်းပွားဖွယ်ရာတွေဖန်တီးပြီး ပြဿနာရှိနေတဲ့ ဘယ်ဂျီယံတိုက်စစ်မှူး လူကာကူကို အသင်းဟောင်း အင်တာမီလန်က ယူရို ၈ သန်းနဲ့ အငှားပြန်လည်ခေါ်ယူလိုက်ကြောင်းသိရပါတယ်။
လူကာကူဟာ ပြီးခဲ့တဲ့နှစ်၊ နွေရာသီက အင်တာမီလန်ကနေ ချယ်လ်ဆီးကို ကလပ်စံချိန်တင်ပြောင်းရွှေ့ကြေး ပေါင်သန်း ၁၀၀ နဲ့ ရောက်ရှိခဲ့ပေမယ့် အသင်းနည်းပြ တူချယ်နဲ့ ဆက်ဆံရေးမပြေလည်မှုတွေ၊ အသင်းအပေါ် ဝေဖန်မှုတွေကြောင့် ပြဿနာတက်ခဲ့ပါတယ်။ ဒါ့ကြောင့် ပြီးခဲ့တဲ့ရာသီမှာ ၁၅ ဂိုးသွင်းယူနိုင်ခဲ့ပေမယ့် ချယ်လ်ဆီးတာဝန်ရှိသူတွေက လူကာကူကို တစ်ရာသီအငှားချဖို့ ဆုံးဖြတ်ခဲ့တာပါ။ Goal.com
ချန်ပီယံဆုပြန်ရရန် ဂျော့ရှူအာ ရည်မှန်းထား
ဗြိတိန်လက်ဝှေ့သမား ဂျော့ရှူအာနဲ့ ယူကရိန်းလက်ဝှေ့သမား အူဆက်ခ်တို့ရဲ့ မကျေပွဲအတွက် သတင်းစာ ရှင်းလင်းပွဲကို ပြုလုပ်ခဲ့ရာမှာ ဂျော့ရှူအာက ချန်ပီယံဆုတွေကို ပြန်လည်ရယူဖို့အတွက် အကောင်းဆုံး ပြင်ဆင်ထားတယ်လို့ ပြောကြားလိုက်ပါတယ်။ ဂျော့ရှုအာနဲ့ အူဆက်ခ်တို့ရဲ့ ပထမအကြိမ်ဆုံတွေ့မှုအဖြစ် ပြီးခဲ့တဲ့နှစ် စက်တင်ဘာလက ထိုးသတ်ခဲ့ရာမှာ အူဆက်ခ်အနိုင်ရခဲ့ပြီး ဂျော့ရှူအာရဲ့ ဟဲဗီးဝိတ်တန်း ချန်ပီယံဆုတွေကို ရယူသွားခဲ့တာဖြစ်ပါတယ်။ အခုမကျေပွဲကိုတော့ လာမယ့်ဩဂုတ် ၂၀ ရက် ဆော်ဒီနိုင်ငံ ဂျက်ဒက်မြို့မှာ ထိုးသတ်မှာဖြစ်ပါတယ်။ အူဆက်ခ်ရဲ့ အားနည်းချက်တွေကို အကောင်းဆုံးလေ့လာထားပြီးဖြစ်လို့ အခွင့်အရေးရတာနဲ့ အလဲထိုးနိုင်ဖို့ ကြိုးစားသွားမယ်လို့ ဂျော့ရှူအာက ပြောခဲ့ပါတယ်။ ယူကရိန်းနိုင်ငံသား အူဆက်ခ်ကတော့ စစ်ဘေးဒဏ်ခံနေရတဲ့ ယူကရိန်းပြည်သူတွေကို နိုင်ပွဲနဲ့အတူ ပျော်ရွှင်မှုတွေ ယူဆောင် ပေးသွားချင်တယ်လို့ ပြောကြားခဲ့ပါတယ်။
အသားအရောင်ခွဲခြားသည့် မှတ်ချက်ကို ဟာမီတန်ရှုတ်ချ
ဆီရီနာဝီလျံ ဝင်ဘယ်ဒန် ပထမအဆင့်မှာ ရှုံးနိမ့်
အသင်းဟောင်းနှင့် ဖာနန်ဒင်ဟို ပြန်လည်ပူးပေါင်း
ဘရာဇီးကွင်းလယ်လူ ဖာနန်ဒင်ဟိုဟာ မွေးရပ်မြေကလပ်ဖြစ်တဲ့ အသင်းဟောင်း အက်သလက်တီကို ပါရာနန်စီနဲ့ ပြန်လည်ပူးပေါင်းခဲ့ပါတယ်။ အသက် ၃၇ နှစ်ရှိပြီဖြစ်တဲ့ ဖာနန်ဒင်ဟိုအနေနဲ့ ၉ နှစ်ကြာကစားခဲ့တဲ့ မန်စီးတီး အသင်းနဲ့ ဒီနှစ်ရာသီကုန်မှာ စာချုပ်သက်တမ်းကုန်ခဲ့တာပါ။ ဒါကြောင့် ကမ်းလှမ်းမှုတွေ အများအပြားရှိခဲ့ပေမယ့် အသင်းဟောင်းနဲ့ ပြန်လက်တွဲဖို့သာ ဆုံးဖြတ်ခဲ့တာဖြစ်ပါတယ်။ မန်စီးတီးကစားသမားဘဝ ၃၈၃ ပွဲအထိကစားပြီး ၂၆ ဂိုးသွင်းယူခဲ့တဲ့ ဖာနန်ဒင်ဟိုဟာ ပရီးမီးယားလိဂ်ချန်ပီယံဆု ၅ ကြိမ် အပါအဝင် ဆုဖလား ၁၃ လုံးအထိ ရယူနိုင်ခဲ့တာပါ။ ၁၇ နှစ်အကြာမှာ အသင်းဟောင်းဆီ တစ်ကျော့ပြန်ရောက်ရှိလာခဲ့တဲ့ ဖာနန်ဒင်ဟိုအနေနဲ့ ချဲလ်ဆီးနည်းပြဟောင်း ဘရာဇီးလူမျိုး စကိုလာရီနဲ့ လက်တွဲရမှာ ဖြစ်ပါတယ်။
အမျိုးသမီး ပီဂျီအေချန်ပီယံရှစ် မေဂျာဂေါ့ဖ်ပြိုင်ပွဲတွင် အင်ဂီးချွန် အနိုင်ရဗိုလ်စွဲပြီး တတိယမြောက် မေဂျာ အောင်မြင်မှုရရှိ
၂၀၂၂ LPGA Tour ဂေါ့ဖ်ပြိုင်ပွဲရာသီအတွက် တတိယမြောက် မေဂျာပြိုင်ပွဲဖြစ်သည့် အမျိုးသမီးပီဂျီအေ ချန်ပီယံရှစ်(KPMG Women’s PGA Championship) ပြိုင်ပွဲတွင် တောင်ကိုရီးယားနိုင်ငံသူ အင်ဂီးချွန် အနိုင်ရဗိုလ်စွဲပြီး ကစားသမားဘဝတစ်လျှောက် တတိယမြောက် မေဂျာချန်ပီယံအောင်မြင်မှု ရရှိခဲ့ကြောင်း သိရသည်။ ၆၇ ကြိမ်မြောက် အမျိုးသမီးပီဂျီအေချန်ပီယံရှစ်ပြိုင်ပွဲကို အမေရိကန်ပြည်ထောင်စု၊ မေရီလန်းပြည်နယ်၊ ဘီသက်စ်ဒါမြို့ Congressional Country Club ဂေါ့ဖ်ကွင်း၌ ဇွန် ၂၃ ရက်မှ ၂၆ ရက်အထိ ကျင်းပခဲ့ခြင်း ဖြစ်သည်။