ပရီးမီးယားလိဂ်ချန်ပီယံ မန်စီးတီးအသင်းသည် ပြီးခဲ့သည့် ၂၀၂၁-၂၂ ရာသီအတွက် ဘဏ္ဍာရေးနှစ်ချုပ်စာရင်းကို ထုတ်ပြန်ကြေညာခဲ့ရာ စံချိန်တင်ဝင်ငွေအဖြစ် ပေါင် (၆၁၃)သန်းအထိ ရရှိခဲ့ပြီး၊ အမြတ်ငွေအနေဖြင့်လည်း စံချိန်တင်အမြတ်ငွေ ပေါင် (၄၁.၇၃)သန်းအထိ ရရှိခဲ့ကြောင်း သိရှိရသည်။

မန်စီးတီးအသင်း၏ ဝင်ငွေမှာ ကလပ်အသင်းသမိုင်းတစ်လျှောက် အမြင့်ဆုံးစံချိန်တင်နိုင်ခဲ့ခြင်းဖြစ်သလို အင်္ဂလိပ်ကလပ်အသင်းများ၏ သမိုင်းတွင်လည်း ၂၀၁၉ ခုနှစ်က မန်ယူ အသင်း ရရှိခဲ့သည့် ဝင်ငွေ ပေါင် (၆၇၉) သန်းအပြီးတွင် ဒုတိယအမြင့်ဆုံး တစ်နှစ်တာဝင်ငွေအဖြစ် ရပ်တည်နို်င်ခဲ့ကြောင်း သိရှိရသည်။  
သတင္းအျပည့္အစံုကိုၾကည့္ရႈရန္

လာမည့် ၂၀၂၂ ကမ္ဘာ့ဖလားပြိုင်ပွဲတွင် ဘရာဇီးလ်အသင်း ဗိုလ်စွဲမည်ဟု စူပါကွန်ပျူတာက ခန့်မှန်းထားကြောင်း Sky Sports က ဖော်ပြခဲ့သည်။ အဆိုပါ ကွန်ပျူတာက ပြိုင်ပွဲဝင်အသင်းများ၏ ကမ္ဘာ့အဆင့်၊ သမိုင်းအစဉ်အလာ၊ လတ်တလောစွမ်းဆောင်ရည်၊ ပြိုင်ဘက်အသင်းများ၏ အနေအထား၊ ဗိုလ်စွဲနိုင်ခြေ အလေးပေးမှု စသည့် အချက်အလက်များစွာအပေါ် အခြေခံကာ တွက်ချက်ခြင်းဖြစ်သည်။ ဗိုလ်လုပွဲတွင် ဘရာဇီးလ်က ပြင်သစ်ကို အနိုင်ယူကာ ဗိုလ်စွဲမည်ဟု ခန့်မှန်းထားခြင်းဖြစ်ကြောင်း သိရသည်။ ဘရာဇီးလ်နည်းပြ ထိထီသည် ၂၀၂၂ ကမ္ဘာ့ဖလားပြိုင်ပွဲအတွက် အပြီးသတ်ကစားသမား(၂၆) ဦးစာရင်းကို ထုတ်ပြန်ခဲ့ပြီးဖြစ်သည်။  
သတင္းအျပည့္အစံုကိုၾကည့္ရႈရန္

ပရီးမီးယားလိဂ်ထိပ်သီးကလပ် လီဗာပူးလ်အသင်းကို ဝယ်ယူရန် စိတ်ဝင်စားနေကြောင်း အိုင်ယာလန်နာမည်ကြီး MMA အားကစားသမား ကော်နာမက်ဂရီဂေါ်က အတည်ပြုပြောကြားခဲ့သည်။

လီဗာပူးလ်အသင်းပိုင်ရှင် Fenway Sports Group သည် ကလပ်အသင်းကို ရောင်းချတော့မည်ဟု နိုဝင်ဘာလ ၇ ရက်က သတင်းများ ကျယ်ကျယ်ပြန့်ပြန့် ထွက်ပေါ် လာခဲ့သည်။  
သတင္းအျပည့္အစံုကိုၾကည့္ရႈရန္

၂၀၂၂ ကမ္ဘာ့ဖလားပြိုင်ပွဲ အိမ်ရှင်အဖြစ်  ကာတာနိုင်ငံကို ကျင်းပခွင့်ပေးခြင်းသည် မှားယွင်းမှုတစ်ခုဟု ကမ္ဘာ့ဘောလုံးအဖွဲ့ချုပ် (FIFA) ဥက္ကဋ္ဌဟောင်း ဆပ်ဘလတ္တာက ဝန်ခံခဲ့သည်။

အသက် ၈၆ နှစ်အရွယ်ရှိပြီဖြစ်သူ ဆပ်ဘလတ္တာသည် ကာတာနိုင်ငံကို ကမ္ဘာ့ဖလားအိမ်ရှင်အဖြစ် ရွေးချယ်ခဲ့သည့် ၂၀၁၀ ပြည့်နှစ်တွင် FIFA ဥက္ကဋ္ဌရာထူးကို ရယူထားသူ ဖြစ်သည်။  
သတင္းအျပည့္အစံုကိုၾကည့္ရႈရန္

၂၀၂၂ ကာတာကမ္ဘာ့ဖလားပြိုင်ပွဲအတွက် ဘရာဇီးအသင်းရဲ့ အပြီးသတ်လူစာရင်းကို ထုတ်ပြန်ကြေညာခဲ့ရာမှာ ပရီးမီးယားလိဂ်အခြေစိုက်ကစားသမား ၁၂ ယောက်အထိ ပါဝင်ခဲ့ပါတယ်။

ကမ္ဘာ့ဖလားပြိုင်ပွဲသမိုင်းမှာ အအောင် မြင်ဆုံးအသင်းအဖြစ် ၅ ကြိမ် ဗိုလ်စွဲထားတဲ့ ဘရာဇီးအသင်းဟာ ဂိုးသမားအဖြစ် လီဗာပူး ဂိုးသမား အလစ်ဆန်နဲ့ မန်စီးတီး ဂိုးသမား အီဒါဆင်တို့ကို ရွေးချယ်ခဲ့ပြီး အာဆင်နယ်အသင်းက ဂျီးဆပ်၊ မာတီနယ်လီ၊ ချဲလ်ဆီးနောက် ခံလူ တီယာဂိုဆေးဗား၊ မန်ယူအသင်းက ဖရက်၊ ကက်စ်မီရို နဲ့ အန်တိုနီ၊ စပါးတိုက်စစ်မှူး ရစ်ချာလီဆန်၊ နယူးကာ ဆယ်က ဘရူနိုဂွီမာရေး၊ လီဗာပူးက ဖာဘင်ဟိုနဲ့ ဝက်စ်ဟမ်းအသင်းက လူးကပ်စ်ပါကေတာတို့ ပါဝင်လာခဲ့ကြတာဖြစ်ပါတယ်။  
သတင္းအျပည့္အစံုကိုၾကည့္ရႈရန္

အာဂျင်တီးနားရှိ ဗွေနိုဇာရီမြို့တော်အစိုးရသည် ကာတာရှိ ကမ္ဘာ့ဖလား ဘောလုံးကွင်းများအတွင်းသို့ ဝင်ရောက်ခွင့် ပိတ်ပင်ခံရသည့် အာဂျင်တီးနားသား ၆,၀၀၀ ၏ အမည်စာရင်းအား နိုဝင်ဘာလ ၇ ရက် တနင်္လာနေ့တွင် ထုတ်ပြန်ခဲ့သည်။

“ကြမ်းတမ်းရမ်းကားတဲ့ ပရိသတ်တွေက ဒီမှာရော ကာတာမှာပါ ရောက်ရှိနေပါတယ်။ ဘောလုံးပွဲတွေကို ငြိမ်းငြိမ်းချမ်းချမ်းနဲ့ ပြန်လည် ကျင်းပစေချင်တယ်လေ။ ဒါကြောင့် ကြမ်းတမ်းရမ်းကားတဲ့သူတွေကို အားကစားကွင်း အပြင်ဘက်မှာပဲ ရှိနေစေချင်တယ်” ဟု မြို့တော်၏ တရားရေးနဲ့ လုံခြုံရေးဝန်ကြီး မယ်ဆယ်လို ဒယ်လီဆန္ဒရာ က အင်တာဗျူးတစ်ခုတွင် ပြောကြားခဲ့သည်။  
သတင္းအျပည့္အစံုကိုၾကည့္ရႈရန္

ဖော်မြူလာဝမ်းကမ္ဘာ့ချန်ပီယံဆုကို ၇ ကြိမ်ရရှိထားတဲ့ ဗြိတိန်ဒရိုင်ဗာ လူးဝစ်ဟာမီတန်ကို ဘရာဇီးနိုင်ငံက ဂုဏ်ထူးဆောင်နိုင်ငံသားအဖြစ် သတ်မှတ်လိုက်ပါတယ်။ အခုတစ်ပတ်ကျင်းပမယ့် ဘရာဇီး  ဂရင်းပရီ ပြိုင်ပွဲအတွက် ဘရာဇီးနိုင်ငံကိုရောက်ရှိနေတဲ့ ဟာမီတန်ဟာ နိုဝင်ဘာ ၈ ရက်က ဘရာဇီးလွှတ်တော်ထဲမှာ ဂုဏ်ထူးဆောင် နိုင်ငံသားအဖြစ်ဂုဏ်ပြုမှုကို လက်ခံရယူခဲ့တာပါ။  
သတင္းအျပည့္အစံုကိုၾကည့္ရႈရန္

ချန်ပီယံလိဂ် ရှုံးထွက်ပွဲစဉ်တွေအတွက် ဆွစ်ဇာလန်နိုင်ငံမှာ မနေ့က မဲခွဲရာ လက်ရှိချန်ပီယံ ရီးရဲလ်မက်ဒရစ်က လီဗာပူးနဲ့ ရင်ဆိုင်ရမှာဖြစ်ပါတယ်။ဒီနှစ်သင်းဟာ မနှစ်က ချန်ပီယံလိဂ် ဗိုလ်လုပွဲမှာ ဆုံတွေ့ထာပြီး ရီးရဲလ်မက်ဒရစ်က ၁ ဂိုး ဂိုးမရှိနဲ့ လီဗာပူးကို အနိုင်ယူထားပါတယ်။

ရီးရဲလ်နဲ့ လီဗာပူးတို့ဟာ ပြီးခဲ့တဲ့ ချန်ပီယံလိဂ် ၆ ရာသီအတွင်း ၄ ကြိမ်ဆုံခဲ့ပြီး ဗိုလ်လုပွဲက ၂ ကြိမ် ပါဝင်ပါတယ်။ အဲဒီဗိုလ်လုပွဲ ၂ ပွဲစလုံးမှာ ရီးရဲလ်က အနိုင်ယူထားပါတယ်။  
သတင္းအျပည့္အစံုကိုၾကည့္ရႈရန္

ကာတာ ကမ္ဘာ့ဖလားမှာ ယှဉ်ပြိုင်မယ့် နိုင်ငံတွေအနေနဲ့ အခုအချိန်မှာ ဘောလုံးကိုပဲ အာရုံစိုက်သင့်တယ်လို့ ကမ္ဘာ့ဘောလုံးအဖွဲ့ချုပ်ဖီဖာ က ပြောကြားခဲ့ပြီးနောက်မှာ လူ့အခွင့်အရေး က တစ်ကမ္ဘာလုံးနဲ့သက်ဆိုင်ပြီး နေရာတိုင်းမှာ အကျုံးဝင်တယ်လို့ ဥရောပဘောလုံး အဖွဲ့ချုပ် ဆယ်ခု က တုန့်ပြန်ခဲ့ပါတယ်။

ကမ္ဘာ့ဖလား အိမ်ရှင် ကာတာရဲ့ ရွှေ့ပြောင်းအလုပ်သမားများအပေါ်ဆက်ဆံပုံ၊ လူ့အခွင့်အရေးမှတ်တမ်းနဲ့ လိင်တူစုံမက်သူများအပေါ်ရပ်တည်မှုနဲ့ပတ်သက်လို့ ဝေဖန်မှုတွေ ထွက်ပေါ်ခဲ့ပါတယ်။  
သတင္းအျပည့္အစံုကိုၾကည့္ရႈရန္

၂၀၂၂ AFF Cup ပြိုင်ပွဲကို ဝင်ရောက်ယှဉ်ပြိုင်မည့် မြန်မာ့လက်ရွေးစင်အသင်းနည်းပြချုပ်ဖြစ်သူ ဂျာမနီနိုင်ငံသား အန်တွမ်နီဟေးက အောင်သူ၊ မောင်မောင်လွင် အပါအဝင် ထိုင်းလိဂ်များတွင် သွားရောက်ကစားနေသည့် မြန်မာကစားသမားများကို ပြန်လည်ခေါ်ယူသွားမည်ဟု ထုတ်ဖော်ပြောကြားခဲ့ကြောင်း ဒေသတွင်းမီဒီယာများက ဖော်ပြခဲ့ကြသည်။ ယခုနှစ်ရာသီတွင် ထိုင်လိဂ်များတွင် သွားရောက်ကစားနေသည့် မြန်မာကစားသမား(၁၅) ဦး အထိရှိနေပြီး ထိုင်းလိဂ်-၁ ပြိုင်ပွဲတွင် (၅) ဦး၊ ထိုင်းလိဂ်-၂ ပြိုင်ပွဲတွင်(၇) ဦး၊ ထိုင်းလိဂ်-၃ ပြိုင်ပွဲတွင် (၃) ဦး ရှိနေကြောင်း သိရသည်။