အင်္ဂလန်လက်ရွေးစင်အသင်း၏ နည်းပြဖြစ်သူ ဆောက်ဂိတ်က အသင်း၏ မန်စီးတီးကွင်းလယ်ကြယ်ပွင့်ကစားသမား ဖီးလ်ဖိုဒန်သည် အင်္ဂလန်အသင်း၏ အရေးပါသည့် အစိတ်အပိုင်းတစ်ခု ဖြစ်နေဆဲဖြစ်ကြောင်း ပြောကြားခဲ့သည်။ ဆောက်ဂိတ်သည် အမေရိကန်အသင်းနှင့်သရေကျခဲ့သည့်ပွဲစဉ်၌ ဖိုဒန်အား လူစားဝင်ကစားသမားအဖြစ်ပင် အသုံးချခြင်းမရှိခဲ့သည့်အတွက် ဝေဖန်မှုများနှင့် ရင်ဆိုင်နေရသည်။ ဖိုဒန်သည် လက်ရှိအချိန်တွင် မန်စီးတီးအသင်း၏ အဓိကကစားသမားအဖြစ် ခြေစွမ်းပြနေကာ ပရီးမီးယားလိဂ်၏ အကောင်းဆုံးကစားသမားများထဲမှ တစ်ဦးအဖြစ် ရပ်တည်နေသော်လည်း အင်္ဂလန်အသင်းတွင်မူ (၁၉) မိနစ်သာ ကစားထားရသည်။
