ပါတီဝင်အဆိုပြုလွှာပေးအပ်ပွဲအခမ်းအနားတွင် ဂုဏ်ပြုလွှာရရှိခဲ့သူတို့ ပြောကြားခဲ့သည့်အသံများ

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီက ဇေယျာသီရိမြို့နယ် ခေတ်အေးအုပ်စု မရင်းကြီးကျေးရွာ၌ စက်တင် ဘာ ၁၈ ရက်က ကျင်းပသည့် ပါတီဝင်အဆိုပြုလွှာပေးအပ်ပွဲအခမ်းအနားတွင် ဂုဏ်ပြုလွှာရရှိခဲ့သူတို့၏ ပြည်သူ့ အကျိုး ဆောင်ရွက်ခဲ့ကြသည့်အခြေအနေများနှင့် ပတ်သက်၍ ပါတီဝင်အင်အားတိုးအောင်ဆောင်ရွက်ပေးခဲ့ကြသူ ဇေယျာသီရိမြို့နယ်ကော်မတီဝင် ဦးဝင်းလွင်ဦးနှင့် ဇေယျာသီရိမြို့နယ် ခေတ်အေးကျေးရွာအုပ်စု ရပ်/ကျေးစည်းရုံး ရေးမှူး ဦးမောင်ဇော်ဦးတို့ ပြောကြားခဲ့ကြသည့်အသံများကို စုစည်းဖော်ပြလိုက်ပါသည်။

နွားထိုးကြီးမြို့နယ် ပြည်ခိုင်ဖြိုးပါတီ ဗဟိုအမျိုးသမီးညီလာခံအကြို အမျိုးသမီးနှီးနှောဖလှယ်ပွဲကျင်းပ

နွားထိုးကြီး၊ စက်တင်ဘာ ၁၈

နွားထိုးကြီးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အစည်းအဝေးခန်းမ၌ အမျိုးသမီးညီလာခံအကြို အမျိုးသမီးနှီးနှောဖလှယ်ပွဲကို စက်တင်ဘာ (၁၈) ရက်နေ့နံနက် ၁ဝ နာရီက ကျင်းပခဲ့ကြောင်း သိရသည်။

မောတောင်မြို့ ပြည်ခိုင်ဖြိုးပါတီ အမျိုးသမီးညီလာခံကို ဂုဏ်ပြုသောအားဖြင့် ဆရာဆရာမလက်စွဲစာအုပ်များ ပေးအပ်လှူဒါန်း

တနင်္သာရီ၊ စက်တင်ဘာ ၁၈

တနင်္သာရီမြို့နယ် မောတောင်မြို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ အမျိုးသမီးညီလာခံကို ဂုဏ်ပြုသော အားဖြင့် ကျောင်းသားကျောင်းသူများနှင့် ဆရာဆရာမလက်စွဲစာအုပ်များ ပေးအပ်လှူဒါန်းခြင်းကို ယမန်နေ့နံနက် ၁ဝ နာရီက မောတောင်မြို့ အခြေခံပညာအထက်တန်းကျောင်း (ခွဲ) တွင် ကျင်းပခဲ့ကြောင်း သိရသည်။

တောင်သာမြို့နယ် ပြည်ခိုင်ဖြိုးပါတီ အမျိုးသမီးညီလာခံအကြို နှီးနှောဖလှယ်ပွဲအခမ်းအနားကျင်းပ

 ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ တောင်သာမြို့နယ် အမျိုးသမီးညီလာခံအကြို နှီးနှောဖလှယ်ပွဲ အခမ်းအနားကို (၁၉-၉-၂၀၁၈) နေ့ နံနက်ခင်းမင်္ဂလာအချိန် (၀၉:၃၀) နာရီမှာ စတင်ကျင်းပပြုလုပ်ခဲ့ရာ မန္တလေးတိုင်းဒေသကြီး ပါတီဥက္ကဋ္ဌ ဦးဝင်းမောင်မှ အဖွင့်အမှာစကားပြောကြားပြီး မြင်းခြံခရိုင်နယ်မြေတာဝန်ခံ တိုင်းကော်မတီဝင် ဦးမြတ်သူ၊ ခရိုင်ပါတီဥက္ကဋ္ဌ ဦးကျော်တင့်၊ မြို့နယ်ဥက္ကဋ္ဌ ဦးသိန်းညွန့်အတွင်းရေးမှူးနှင့်မြို့နယ်ကော်မတီဝင် နယ်မြေမှူးများ၊ ရပ်/ကျေးပါတီကော်မတီဥက္ကဋ္ဌများနှင့် ပါတီဝင်အမျိုးသမီးများ အမျိုးသမီးရေးရာစာတမ်း အသီးသီးဖတ်ကြားတင်သွင်းမည့် အမျိုးသမီးကော်မတီဝင်များ ဖိတ်ကြားထားသော ဧည့်သည်တော်များနှင့် ပါတီဝင်အမျိုးသား/သမီးအင်အား (၁၅၀) ခန့် တက်ရောက်ခဲ့ပါသည်။

အမရပူရမြို့နယ် ပြည်ခိုင်ဖြိုးပါတီ ဗဟိုအမျိုးသမီးညီလာခံအကြို နှီးနှောဖလှယ်ပွဲကျင်းပ

အမရပူရမြို့နယ် ​ပြည်​ခိုင်​ဖြိုးပါတီရုံးခန်းမ၌ အမရပူရမြို့နယ် ​ပြည်​ခိုင်​ဖြိုးပါတီမှ ဗဟိုအမျိုးသမီးညီလာခံအကြို နှီးနှောဖလှယ်ပွဲအခမ်းအနားကို ယနေ့နံနက် ၉ နာရီက ကျင်းပခဲ့သည်။ အခမ်းအနားကို အစီအစဉ် သုံးပိုင်းခွဲ၍ ကျင်းပသွားမည်ဖြစ်ကာ အစီအစဉ်ပထမပိုင်းတွင် သဘာပတိအဖွဲ့မှ နေရာယူပြီးနောက် အခမ်းအနားကို နိုင်ငံတော်အလံအားအလေးပြု၍ နိုင်ငံတော်သီချင်း သံပြိုင်သီဆိုကာ ဖွင့်လှစ်ခဲ့သည်။ ထို့နောက် အမရပူရမြို့နယ်​ပြည်ခိုင်ဖြိုးပါတီဥက္ကဋ္ဌ ဦးသိန်းထွန်းဦးက အဖွင့်အမှာစကားပြောကြား၍ မြို့နယ်ပါတီအတွင်း​ရေးမှူး ဒေါ်​စောမြိုင်​က ဗဟိုအမျိုးသမီးညီလာခံအကြို ​အမရပူရမြို့နယ်၊ အမျိုးသမီးနှီးနှောဖလှယ်ပွဲကျင်းပမည့် အစီအစဉ်များကို ရှင်းလင်းတင်ပြခဲ့ပြီးနောက် အစီအစဉ် ပထမပိုင်းပြီးဆုံး၍ သဘာပတိအဖွဲ့မှ ပြန်လည်ထွက်ခွာခဲ့ပါသည်။

ဒေါပုံမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အနာဂတ်နိုင်ငံရေးခေါင်းစဉ်ဖြင့် ဆွေးနွေး

ရန်ကုန်၊ စက်တင်ဘာ ၁၈

ရန်ကုန်တိုင်းဒေသကြီး ဒေါပုံမြို့နယ် ပြည်ခိုင်ဖြိုးပါတီ မြို့နယ်ရုံးအစည်းအဝေးခန်းမတွင် ယမန်နေ့မွန်းလွဲ ၃ နာရီ က ” အနာဂတ်နိုင်ငံရေး ” ခေါင်းစဉ်ဖြင့် မြန်မာနိုင်ငံ၏ အုပ်ချုပ်ရေး၊ ဥပဒေပြုရေး၊ တရားစီရင်ရေး၊ နိုင်ငံရေး၊ စီးပွားရေး၊ လူမှုရေးအကြောင်းအရာများကို ဆွေးနွေးခဲ့ကြကြောင်း သိရသည်။

မကွေးတိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မြို့နယ်ကော်မတီဝင်များနှင့် တွေ့ဆုံညှိနှိုင်း

မကွေး၊ စက်တင်ဘာ ၁၈

မကွေးတိုင်းဒေသကြီး ပြည်ခိုင်ဖြိုးပါတီဥက္ကဋ္ဌနှင့် ကော်မတီဝင်များသည် မင်းဘူး / စကုမြို့နယ် ပြည်ခိုင်ဖြိုးပါတီ ရုံးခန်းမတွင် ယမန်နေ့နံနက်က တိုင်းဒေသကြီး/ခရိုင်/မြို့နယ် မျက်နှာစုံညီအစည်းအဝေးကို ကျင်းပရာ ပါတီဗဟိုအလုပ်အမှုဆောင် မကွေးတိုင်းဒေသကြီးပါတီဥက္ကဋ္ဌ ဒေါက်တာမောင်မောင်ဌေး၊ တိုင်းအတွင်းရေးမှူး ဦးဆန်းညွန့်အောင်၊ တိုင်းကော်မတီဝင်များ ဖြစ်ကြသော ဦးအောင်နိုင်၊ ဦးကျော်သူဦးနှင့် မင်းဘူးခရိုင် မင်းဘူး/ စကုမြို့နယ်ကော်မတီဝင်များ တက်ရောက်ကြကြောင်း သိရသည်။

ပြည်ခိုင်ဖြိုးပါတီ ဗဟိုအလုပ်အမှုဆောင် စစ်ကိုင်းတိုင်းဒေသကြီးပါတီဥက္ကဌ မုံရွာခရိုင် ပြည်ခိုင်ဖြိုးပါတီ နိုင်ငံရေး စီမံခန့်ခွဲမှုသင်တန်း (၁/၂၀၁၈) ဖွင့်ပွဲ တက်ရောက်

မုံရွာ၊ စက်တင်ဘာ ၁၈

စစ်ကိုင်းတိုင်းဒေသကြီး မုံရွာခရိုင် ပြည်ခိုင်ဖြိုးပါတီ နိုင်ငံရေးစီမံခန့်ခွဲမှုသင်တန်းအခမ်းအနားကို မုံရွာမြို့နယ် ပါတီရုံး၌ ယမန်နေ့နံနက် ၈ နာရီအချိန်တွင် ကျင်းပခဲ့သည်။

ယင်းအခမ်းအနားသို့ ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ ဗဟိုအလုပ်အမှုဆောင် တိုင်းဒေသကြီးပါတီဥက္ကဌ ဒေါက်တာမြင့်သိန်း၊ တိုင်းပါတီကော်မတီဝင် မုံရွာခရိုင်တာဝန်ခံ ဒေါက်တာဝင်းမြင့်အောင်နှင့် တိုင်းဒေသကြီးပါတီ ကော်မတီဝင်များ၊ မုံရွာခရိုင်ပါတီဥက္ကဌ ဦးအောင်တိုးနှင့် ခရိုင်ပါတီကော်မတီဝင်များ၊ မုံရွာခရိုင်အတွင်းရှိ ၄ မြို့နယ် မှ သင်တန်းသား / သူများ စုစုပေါင်း (၆၅) ဦး တက်ရောက်ကြပါသည်။

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အမျိုးသမီးညီလာခံကို ကြိုဆိုဂုဏ်ပြုသောအားဖြင့် ဝါဆိုသင်္ကန်း ဆက်ကပ်လှူဒါန်း

ကောလင်း စက်တင်ဘာ ၁၇

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ အမျိုးသမီးညီလာခံကို ကြိုဆိုဂုဏ်ပြုသောအားဖြင့် စစ်ကိုင်းတိုင်းဒသကြီးကော်မတီဝင် ခရိုင်ပါတီဥက္ကဋ္ဌ ဦးအောင်ကိုစံ၊ ခရိုင်ပါတီအတွင်းရေးမှူး ဦးမင်းဇော်မြင့်၊ ကောလင်း မြို့နယ် ပြည်ခိုင်ဖြိုးပါတီဥက္ကဋ္ဌ ဦးအောင်သန်းဦး၊ ပါတီအတွင်းရေးမှူး ဦးအောင်စိုးနိုင်နှင့် ပါတီကော်မတီဝင်များ၊ နိုင်ငံရေးစီမံခန့်ခွဲမှုနှင့် ပြည်သူ့ဆက်ဆံရေး (ဆင့်ပွား) သင်တန်း အမှတ်စဉ် (၈/၂ဝ၁၈) သင်တန်းသားများ စုပေါင်း၍ ယမန်နေ့နံနက် ၁၁ နာရီတွင် ကောလင်းမြို့ ကျော်ဇေယျာ (၁) ရပ်ကွက်ရှိ သုနန္ဒာရာမကျောင်းတိုက် ဆရာတော် ဦးသုနန္ဒအား ဝါဆိုသင်္ကန်း ဆက်ကပ်ခြင်းနှင့် ဝတ္ထုငွေများ ဆက်ကပ်ခြင်းများ ပြုလုပ်ခဲ့ကြောင်း သိရသည်။

ကြာအင်းဆိပ်ကြီးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အမျိုးသမီးညီလာခံအကြို နှီးနှောဖလှယ်ပွဲ အခမ်းအနားကျင်းပ

ကြာအင်းဆိပ်ကြီး၊ စက်တင်ဘာ ၁၇

ကရင်ပြည်နယ် ကြာအင်းဆိပ်ကြီးမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အမျိုးသမီးညီလာခံအကြို နှီးနှောဖလှယ်ပွဲကို ယမန်နေ့က ကြာအင်းဆိပ်ကြီးမြို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံးခန်းမ၌ ကျင်းပခဲ့ သည်။
အဆိုပါအခမ်းအနားသို့ ပြည်နယ်ကော်မတီဝင် ဦးစောမြဝင်း၊ ပြည်နယ်အမျိုးသမီးရေးရာကော်မတီဝင် ဒေါ်စန္ဒာဦး၊ ခရိုင်အတွင်းရေးမှူး ဒေါ်ဖြူစင်ဝင်းထွန်း၊ ကြာအင်းဆိပ်ကြီးမြို့နယ်ကော်မတီဝင် ဘုရားသုံးဆူမြို့နယ်တာဝန်ခံ ဦးခိုင်ဝင်း၊ မြို့နယ်လူငယ်ရေးရာကော်မတီဝင် ဦးချိုလေး၊ မြို့နယ်အမျိုးသမီးရေးရာကော်မတီဝင် ဒေါ်မိုးသူခိုင်နှင့် ဒေါ်အေးညိမ်းတို့ တက်ရောက်ခဲ့ကြသည်။