ဒိန်းမတ်နိုင်ငံတစ်ဝန်းက မဲရုံတွေကို နိုဝင်ဘာ ၁ ရက်မှာ ဖွင့်လှစ်ပေးခဲ့ပြီးနောက် မဲပေးမှုတွေ စတင်ခဲ့ပါတယ်။ အခုကျင်းပနေတဲ့ ရွေးကောက်ပွဲဟာ ဒိန်းမတ်နိုင်ငံရဲ့ နိုင်ငံရေး အခင်းအကျင်းကို ပြောင်းလဲစေလိမ့်မယ်လို့ လေ့လာသူတွေက ခန့်မှန်းနေကြပါတယ်။ ပါတီသစ်တွေ ပါလီမန်ထဲကို ရောက်လာလိမ့်မယ်လို့ ခန့်မှန်းထားကြပြီး ပါတီဟောင်း အမတ်တွေကတော့ ထောက်ခံမှုကျဆင်းနိုင်တယ်လို့ ခန့်မှန်းထားကြပါတယ်။
ဗြိတိန်က ရုရှားသမ္မတ ပူတင်အား မော်စကိုသည် ယူကရိန်း စစ်ပွဲအတွင်း နျူလက်နက်များ အသုံးပြုပါက ပြင်းထန်သော နောက်ဆက်တွဲ ဆိုးကျိုးများနှင့် ရင်ဆိုင်ရမည်ဟု အောက်တိုဘာလ ၃၁ ရက် တနင်္လာနေ့တွင် သတိပေးခဲ့သည်။ နိုင်ငံခြားရေး ဝန်ကြီး ဂျိမ်းစ်ကလဲဗာလီက ရုရှားအား စပါးတင်ပို့မှုများပေါ် ဟန့်တားခြင်း မပြုရန် တိုက်တွန်းခဲ့ပြီး ကရင်မလင် ၏ ပြင်းထန်သော ထုတ်ပြန်ချက်များသည် ၎င်း၏ ယိမ်းယိုင်လာသော စစ်ရေးအားထုတ်မှုများကို အာရုံမစိုက်မိအောင် ရည်ရွယ် လုပ်ဆောင်ခြင်း ဖြစ်သည်ဟုလည်း ပြောခဲ့သည်။
တရုတ်နိုင်ငံအလယ်ပိုင်းရှိ ကမ္ဘာ့အကြီးဆုံး iPhone စက်ရုံ၌ ကိုရိုနာဗိုင်းရပ်စ်ကူးစက် ရောဂါဖြစ်ပွားသဖြင့် အလုပ်သမားအများအပြား ထွက်ပြေးမှုဖြစ်ပွားခဲ့ပြီးနောက် စက်ရုံ၌ ဆက်လက်နေထိုင်မည့် အလုပ်သမားများကို အပိုဆုကြေးလေးဆပေးမည်ဟု နိုဝင်ဘာ ၁ ရက်တွင် ယင်းစက်ရုံက ထုတ်ပြန်ခဲ့သည်။
တရုတ်သည် ကိုဗစ်ကင်းစင်မူဝါဒကို စွဲစွဲမြဲမြဲကျင့်သုံးနေသည့် အင်အားကြီးနိုင်ငံဖြစ်ရာ ဖြစ်ပွားနေသော ကူးစက်ရောဂါကို ထိန်းချုပ်ရေးအတွက် လျှပ်တစ်ပြက်လော့ဒေါင်းများချခြင်း၊ လူအများအပြားဆေးစစ်ခြင်းနှင့် အချိန်ကြာကြာ ကွာရန်တင်းဝင်စေခြင်းတို့ကို တောက်လျှောက်လုပ်ဆောင်ခဲ့သည်။
အိန္ဒိယနိုင်ငံအနောက်ပိုင်း ဂူဂျာရတ်ပြည်နယ်မှာ လူကူးကြိုးတံတား ပြိုကျခဲ့တာကြောင့် အနည်းဆုံး လူ ၇၈ ယောက် သေဆုံးခဲ့ပါတယ်။ တနင်္ဂနွေနေ့ ဒေသစံတော်ချိန် ည ၆ နာရီ မိနစ် ၄၀ လောက်မှာ တံတားပြိုကျမှု ဖြစ်ခဲ့တာပါ။ မတော်တဆမှု ဖြစ်တဲ့အချိန် တံတားပေါ်မှာ သွားလာနေသူ အယောက် ၄၀၀ လောက်ရှိတယ်လို့ သတင်းတွေမှာ ခန့်မှန်းဖော်ပြထားပါတယ်။
အမေရိကနှင့်တောင်ကိုရီးယားတို့သည် ၎င်းတို့၏ အကြီးမားဆုံးလေကြောင်းစစ်ရေးလေ့ကျင့်မှုတစ်ခုအား အောက်တိုဘာ ၃၁ ရက်ကစတင်ခဲ့ပြီး နှစ်ဘက်စလုံးမှရာနှင့်ချီသော စစ်လေယာဉ်များပါဝင်ခဲ့သည်။
Vigilant Storm ဟုအမည်ပေးထားသော အဆိုပါစစ်ဆင်ရေးကို သောကြာနေ့အထိလုပ်ဆောင်မည်ဖြစ်ပြီး စစ်လေယာဉ် အစင်းပေါင်း၂၄၀ ခန့်ပါဝင်မည်ဖြစ်ကြောင်း အမေရိကန်လေတပ်က ပြီးခဲ့သည့်သီတင်းပတ်က ထုတ်ပြန်ကြေငြာခဲ့သည်။
ပြုံယမ်းကမူ ယင်းသို့ပြုမူခြင်းသည် ဝါရှင်တန်နှင့်ဆိုးလ်တို့၏ ရန်လိုသောမူဝါဒများနှင့် ကျူးကျော်ရန်စလိုသော လုပ်ရပ်အဖြစ်ရှုံ့ချခဲ့သည်။
တနဂၤေႏြေန႔ကက်င္းပခဲ့တဲ့ ဘရားဇီးႏိုင္ငံရဲ႕ တေက်ာ့ျပန္သမၼတေရွးေကာက္ပြဲမွာ သမၼတေဟာင္း Luiz Inacio Lula de Silva က လက္ရွိသမၼတ Jair Bolsonaro ကို အႏိုင္ရရွိသြားပါတယ္။
ယူကရိန်း က သူတို့နိုင်ငံက ထွက်ရှိတဲ့ ဂျုံ နဲ့ ပြောင်းကို ပင်လယ်နက်ဆိပ်ကမ်းတွေကနေတစ်ဆင့် နိုင်ငံခြား တင်ပို့ခွင့်ရရှိစေခဲ့တဲ့ နိုင်ငံတကာက ကြားဝင်ညှိနှိုင်းပေးထားတဲ့ သဘောတူညီချက်မှာ မိမိတို့ပါဝင်ပတ်သက်မှုကို ဆိုင်းငံ့လိုက်တယ်လို့ ရုရှား က ပြောကြားပါတယ်။
ခရိုင်းမီးယားဒေသ ၊ ဆီဗက်စ်တိုပိုလ်မြို့က မိမိတို့ရဲ့ ပင်လယ်နက်ရေတပ်အုပ်စု အပေါ် ယူကရိန်း က ဒရုန်းတွေနဲ့ တိုက်ခိုက်ခဲ့ကြောင်း ရုရှားက စွပ်စွဲပြောကြားခဲ့ပြီးနောက်မှာ ဆိုင်းငံ့မှု ကြေညာချက်ထွက်ပေါ်လာတာ ဖြစ်ပါတယ်။
တောင်ကိုရီးယားနိုင်ငံ ဆိုးလ်မြို့တော်ရှိ ညဘက် လူစည်းကားသည့်နေရာတစ်ခုတွင် အောက်တိုဘာ ၂၉ ရက်က Halloween ပွဲတော် (တစ္စေကြီးများပွဲတော်) ကျင်းပချိန်အတွင်း လူအုပ် ကသောင်းကနင်းဖြစ်ပွားခဲ့ပြီး လူ ၁၅၁ ဦးသေဆုံးခဲ့ပြီး ယင်းဖြစ်စဉ်ကြောင့် နိုင်ငံတော်အဆင့် ဝမ်းနည်းဖွယ် ကာလအဖြစ် သမ္မတ ယွန်းဆက်ယိုက အောက်တိုဘာ ၃၀ ရက်တွင် ကြေညာခဲ့သည်။
လူငယ်လူရွယ်တွေကြားမှာ ဆေးခြောက်ကို အပန်းဖြေဖို့နဲ့ ပျော်ရွှင်မှုအတွက် တရားဝင်အသုံးပြုခွင့်ပေးဖို့ စီစဉ်နေပြီဖြစ်ကြောင်း ဂျာမနီညွန့်ပေါင်းအစိုးရက အတည်ပြုကြေညာလိုက်ပါတယ်။
သတင်းတွေအရ ဂျာမနီမှာ လူတစ်ယောက်မှာ ဆေးခြောက် ၃၀ ဂရမ် (တစ်အောင်စ) အထိ သယ်ဆောင်အသုံးပြုခွင့်ပေးမှာဖြစ်ပြီး ရောင်းချမယ့်ဆိုင်တွေအတွက်လည်း တရားဝင်လိုင်စင်ချပေးမယ်လို့ သိရပါတယ်။
ဒီအစီအစဉ်ကို ဂျာမနီလွှတ်တော်က အတည်မပြုသေးပေမယ့် ဥရောပကော်မရှင်ရဲ့ထောက်ခံမှုနဲ့အတူ ၂၀၂၄ ခုနှစ်မှာ ဥပဒေကြောင်းအရ အတည်ပြုနိုင်မယ်လို့ ဂျာမနီကျန်းမာရေးဝန်ကြီး လော်တာဘက်ချ် က ပြောပါတယ်။
တရုတ်မြို့ကြီးရှန်ဟိုင်းသည် အောက်တိုဘာ ၂၆ ရက်တွင် ရှူသွင်းနိုင်သောကိုရို နာဗိုင်းရပ်စ်ကာကွယ်ဆေး တိုက်ကျွေးမှုကို စတင်ခဲ့သည်ဟု သိရသည်။
အဆိုပါရှူသွင်းနိုင်သော ကိုဗစ်ကာကွယ်ဆေးသည် ကမ္ဘာ့ပထမဆုံးကာကွယ်ဆေးဖြစ်ပုံရသည်ဟု ဆိုသည်။
ပါးစပ်မှတစ်ဆင့် စုပ်သွင်းသော အငွေ့ဖြစ်သည့်ကာကွယ်ဆေးကို ယခင်ကာကွယ် ဆေးထိုးနှံထားသူများအတွက် နောက်တိုးကာကွယ်ဆေးအဖြစ် အခမဲ့ပေးခြင်းဖြစ်သည်ဟု ရှန်ဟိုင်းတရားဝင်လူမှုမီဒီယာတွင် တင်ထားသော ထုတ်ပြန်ချက်အရ သိရသည်။
