(၂၅-၇-၂၀၂၂) ရက်နေ့၊ ည (၈:၀၀) နာရီမှ (၂၆-၇-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၅,၄၅၈) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၁၄) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၆) ရာခိုင်နှုန်း ရှိပါသည်။သို့ဖြစ်ပါ၍ ယနေ့အထိ ဓာတ်ခွဲနမူနာစုစုပေါင်း (8,506,036) ခုအားစစ်ဆေးခဲ့ပြီး COVID-19 ဓာတ်ခွဲအတည်ပြုလူနာ စုစုပေါင်း (613,980) ဦး ရှိပြီ ဖြစ်ပါသည်။
ဇူလိုင် ၂၆၊ ပြည်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပဲခူးတိုင်းဒေသကြီး(အနောက်ပိုင်း) တိုင်းဒေသကြီး၊ ခရိုင်၊ မြို့နယ်ပါတီများ လုပ်ငန်းညှိနှိုင်းအစည်းအဝေးကို ၂၀၂၂ ခုနှစ်၊ ဇူလိုင်လ ၂၆ ရက်နေ့ နံနက် ၁၀၀၀ နာရီအချိန်တွင် ပြည်မြို့နယ်ရှိ တိုင်းဒေသကြီပါတီရုံး၌ ကျင်းပပြုလုပ်ခဲ့ပါသည်။
ရန်ကုန် ဇူလိုင် ၂၅
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ရန်ကုန်တိုင်းဒေသကြီး တိုင်း ခရိုင် မြို့နယ် တွေ့ဆုံပွဲကို့ ယနေ့နံနက် ၁၀ နာရီအချိန်က သံလွင်လမ်းရှိ ပါတီဌာနချုပ်ရန်ကုန်ရုံးခွဲ၌ ကျင်းပပြုလုပ်ခဲ့ကြသည်
အစီအစဉ်အရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ရန်ကုန်တိုင်းဒေသကြီး တိုင်းပါတီဥက္ကဌ ဦးခင်မောင်စိုးက အဖွင့်အမှာစကားပြောကြားခဲ့ပါသည်။ ဆက်လက်၍ တက်ရောက်လာသော ခရိုင်ဥက္ကဌများနှင့် မြို့နယ်ဥက္ကဌများက မိမိတို့မြို့ရွာများ၏ ပါတီဝင်စီစစ်ပြီးအခြေအနေနှင့် လှုပ်ရှားဆောင်ရွက်မှုများ ဒေသတွင်းလိုအပ်ချက်များအား မြို့နယ်အလိုက် တင်ပြခဲ့ကြသည်။
မြန်မာနိုင်ငံ ရဲတပ်ဖွဲ့ဝင်တွေအတွက် သက်စွန့် တာဝန်စရိတ် တစ်ယောက်ကို တစ်လ ကျပ်တစ်သောင်း ထောက်ပံ့ သွားမယ်လို့ စီမံကိန်းနှင့်ဘဏ္ဍာရေးဝန်ကြီးဌာနက ဇူလိုင် (၂၅) ရက်မှာ ထုတ်ပြန်ပါတယ်။ ပြည်သူတွေရဲ့ လုံခြုံရေး နဲ့ အသက်အိုးအိမ်စည်းစိမ်ကို သက်စွန့်ကြိုးပမ်း ကာကွယ်စောင့်ရှောက်နေတဲ့ မြန်မာနိုင်ငံရဲ တပ်ဖွဲ့ဝင် တွေကို လက်ရှိလစာအပြင် ပင်ပန်းကြမ်းတမ်းမှု နဲ့ သက်စွန့်တာဝန်စရိတ်ကို အခုနှစ် ဩဂုတ်လကစတင်ပြီး ခံစားခွင့်ပြုလိုက်တာလို့ ထုတ်ပြန်ချက်မှာဖော်ပြထားပါတယ်။ နိုင်ငံတော်ဝန်ကြီးချုပ် ဦးဆောင်ပြီး ဇူလိုင်(၂၂) ရက်ကပြုလုပ်တဲ့ စီးပွားရေးရာကော်မတီ အစည်းအဝေး ဆုံးဖြတ်ချက်အရ မြန်မာနိုင်ငံ ရဲတပ်ဖွဲ့ဝင်တွေအတွက် လစဉ်ထောက်ပံ့တာကို အတည်ပြုခဲ့တာလို့ သိရပါတယ်။ အဲဒီနောက်မှာတော့ လစဉ်ထောက်ပံ့တာကို စီမံကိန်း နှင့် ဘဏ္ဍာရေးဝန်ကြီးဌာနက အမိန့်ကြော်ငြာစာနဲ့ ထုတ်ပြန်လိုက်တာလည်း ဖြစ်ပါတယ်။
တောင်ကိုရီးယားနိုင်ငံ၌ အလုပ်လုပ်ကိုင်မည့် မြန် မာအလုပ်သမား ၁၄၂ ဦးသည် ဇူလိုင် ၂၆ ရက် (ယနေ့)တွင် ရန်ကုန်လေဆိပ်မှတဆင့်အင်ချွန်းလေဆိပ်သို့ ရောက်ရှိလာခဲ့ကြောင်း မြန်မာသံရုံး၊ဆိုးလ်မြို့မှ သိရသည်။အဆိုပါ အလုပ်သမားများသည် စိုက်ပျိုးရေးနှင့် မွေးမြူရေးလုပ်သားအဖြစ်အသစ်ဝင်ရောက် လုပ်ကိုင်မည့် လုပ်သားသစ် ၂၃ ဦးနှင့်ကုန်ထုတ် လုပ်သားအဖြစ် အသစ်ဝင်ရောက်လုပ်ကိုင်မည့် လုပ်သားသစ် ၁၁၉ ဦး(စုစုပေါင်း ၁၄၂ ဦး)ဖြစ် ကြောင်း သိရသည်။
(၂၄-၇-၂၀၂၂) ရက်နေ့၊ ည (၈:၀၀) နာရီမှ (၂၅-၇-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၆,၃၃၆) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၁၅) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၄) ရာခိုင်နှုန်း ရှိပါသည်။သို့ဖြစ်ပါ၍ ယနေ့အထိ ဓာတ်ခွဲနမူနာစုစုပေါင်း (၈,၅၀၀,၅၇၈) ခုအားစစ်ဆေးခဲ့ပြီး COVID-19 ဓာတ်ခွဲအတည်ပြု လူနာ စုစုပေါင်း (၆၁၃,၉၆၆) ဦး ရှိပြီ ဖြစ်ပါသည်။
လားရှိုး ဇူလိုင် ၂၃
ရှမ်းပြည်နယ် မြောက်ပိုင်း လားရှိုးမြို့နယ်အတွင်းတွင် ပရဟိတ လူမှု့ရေးလုပ်ငန်းများကို စွမ်းစွမ်းတမံ လုပ်ကိုင် ဆောင်ရွက်လျှက်ရှိသော ပရဟိတ လူမှု့ရေးအသင်းများအား တွေ့ဆုံဂုဏ်ပြု နေ့လည်စာဖြင့် တည်ခင်းဧည့်ခံသည့် အခမ်းအနားကို ၂၀၂၂ ခုနှစ်၊ ဇူလိုင်လ ၂၃ ရက် စနေနေ့ မနက် ၁၁ နာရီ၌ ရှမ်းပြည်နယ် မြောက်ပိုင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံး၌ ကျင်းပခဲ့ရာ ပရဟိတအသင်း (၇) သင်း နှင့် ကိုယ်စားပြု တာဝန်ခံ (၃၄)ဦး တက်ရောက်ခဲ့ရာ ရှမ်းပြည်နယ် မြောက်ပိုင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဒေါက်တာမျိုးထွန်း ပြည်နယ်အတွင်းရေးမှူး ဒေါက်တာလဆိုင်း၊ ပြည်နယ်ပါတီဝင်များ၊ ခရိုင်နှင့် မြို့နယ်ပါတီဝင်များ စုံစုံညီညီ တက်ရောက်ခဲ့ကြပါသည်။
ဇူလိုင် ၂၅၊ နေပြည်တော်
နေပြည်တော် ပြည်ထောင်စုနယ်မြေ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ထန်းတပင်တောရကျောင်းတိုက်ရှိ ဝါဆိုသံဃာများအား အာရုံဆွမ်းလောင်းလှူပွဲနှင့် ဝါဆိုသင်္ကန်း ဆက်ကပ်လှူဒါန်းမှုကို ၂၀၂၂ ခုနှစ်၊ ဇူလိုင်လ ၂၅ ရက်နေ့ နံနက် ၆ နာရီအချိန်တွင် ဆပ်ကပ်လှူဒါန်းခဲ့ကြပါသည်။
အဆိုပါလှူဒါန်းပွဲသို့ ပြည်ထောင်စုနယ်မြေပါတီဥက္ကဌ ဗဟိုအလုပ်အမှုဆောင် ဦးမြင့်လှိုင်၊ ပါတီဗဟို အလုပ်အမှုဆောင် ဦးသောင်းအေး၊ ပြည်ထောင်စုနယ်မြေ ပါတီနာယကနှင့် ကော်မတီဝင်များတက်ရောက်ခဲ့ကြောင်း သတင်းရရှိပါသည်။
မန္တလေးတိုင်းဒေသကြီး၊ မိုးကုတ်မြို့နယ်တွင် အသက် ၅၁ နှစ်အရွယ် ကိုဗစ်-၁၉ ကာကွယ်ဆေးနှစ်ကြိမ်ထိုးပြီးသူ အမျိုးသားသည် ဖျားနာနေသဖြင့် မိုးကုတ်ပြည်သူ့ဆေးရုံ၌ ကိုဗစ်ပိုး ရှိ/ မရှိ RDT Test Kit ဖြင့် စစ်ဆေးခဲ့ရာမှ Covid-19 ပိုးတွေ့ရှိခဲ့ပါကြောင်း အဆိုပါ ကိုဗစ်ပိုးတွေ့လူနာအား မိုးကုတ်ပြည်သူ့ဆေးရုံကြီး အထူးကြပ်မတ်ကုသဆောင်၌ လိုအပ်သော ဆေးဝါးကုသမှုများ ဆောင်ရွက်ပေးထားပြီး ၎င်းနှင့် ထိတွေ့ဆက်စပ်ခဲ့သူများအား ကိုဗစ်ပိုး ရှိ/မရှိ ဆက်လက်စစ်ဆေးသွားမည် ဟု မိုးကုတ်မြို့နယ် Covid -19ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဝင် တစ်ဦး ကပြောကြားသည်။
(၂၃-၇-၂၀၂၂) ရက်နေ့၊ ည (၈:၀၀) နာရီမှ (၂၄-၇-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၃,၉၀၇) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၁) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်း မှာ (၀.၂၈) ရာခိုင်နှုန်း ရှိပါသည်။
