တရုတ်-မြန်မာနယ်စပ်ရှိ ပို့ကုန်ပစ္စည်း အားလုံးကို ယွမ်/ကျပ်အစား အမေရိကန် ဒေါ်လာဖြင့်သာ အရောင်းအဝယ် ပြုလုပ်မည်ဖြစ်ကြောင်း နယ်စပ်ကုန်သည်များထံမှ သိရသည်။
ဆန်၊ ပဲ၊ ပြောင်းနှင့် ဆီထွက်သီးနှံ အစရှိသည့် ကုန်ပစ္စည်းများကို နယ်စပ်ဂိတ်များမှတစ်ဆင့် ကုန်သွယ်မှု ပြုလုပ်ရာတွင် ယွမ်/ကျပ် တိုက်ရိုက် အသုံးပြုခွင့်ပြုထားရာမှ ဇူလိုင်လမှ စတင်ကာ ဒေါ်လာနှင့်သာ ပေးချေရန် နိုင်ငံ ခြားသုံးငွေ ကြီးကြပ်မှုကော်မတီက ပြောင်းလဲ သတ်မှတ်လိုက်ခြင်းဖြစ်ကြောင်း သိရသည်။
ထိုင်းနိုင်ငံသို့ ပွင့်ဖူးအောင်အေဂျင်စီက တာဝန်ယူစေလွှတ်ပေးသည့် MoUမြန်မာလုပ်သား ၅၁ ဦး ဇူလိုင် ၃ ရက်တွင် ထိုင်းနိုင်ငံသို့ ထပ်မံရောက်ရှိခဲ့ကြောင်း သိရသည်။ ထိုင်း-မြန်မာ နှစ်နိုင်ငံသဘောတူစာချုပ် MoU စနစ်ဖြင့် ပြည်ပအလုပ်အကိုင်အကျိုးဆောင် ပွင့်ဖူးအောင်အေဂျင်စီက စေလွှတ်သည့် လုပ်သား ၅၁ ဦးသည် ဇူလိုင် ၃ ရက် နံနက်ပိုင်းက ရန်ကုန်လေဆိပ်မှ ထိုင်းနိုင်ငံသို့ ထွက်ခွာခဲ့ခြင်းဖြစ်သည်။
ရန်ကုန် ။ ။ ဇူလှိုင် (၃)
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဌ ဦးသန်းဌေး သည် (၂.၇.၂၀၂၂) နေ့လည်ပိုင်းက သံလွင်လမ်းရှိ ပြည်ခိုင်ဖြိုးပါတီရုံးခန်းမတွင် ရန်ကုန်တိုင်းဒေသကြီး ပါတီ တာဝန်ရှိသူအဆင့်ဆင့်နှင့် တွေ့ဆုံခဲ့ပြီး လတ်တလော ဖြစ်ပေါ်နေသောအခြေအနေများနှင့် ပါတီ၏ ရှေ့ဆက်ဆောင်ရွက်မာ့်လုပ်ငန်းစဉ်များအား ဆွေးနွေးခဲ့ကြပါသည်။
တောင်ဥက္ကလာ ဇူလိုင် ၃
တောင်ဥက္ကလာပမြို့နယ်၊ ပြည်ခိုင်ဖြိုးပါတီမှ ပါတီဝင်မိသားစုအတွင်း တက္ကသိုလ်ဝင်တန်းအောင်မြင်သူများအား ဂုဏ်ပြုဆုကြေးများ ပေးအပ်ချီးမြှင့်ခြင်း၊ ကျောင်းသားကျောင်းသူများအား စာရေးကိရိယာနှင့် ထောက်ပံ့ကြေးများ ပေးအပ်ခြင်းအခမ်းအနား ပြုလုပ်ကျင်းပခဲ့ပါသည်။
(၂-၇-၂၀၂၂) ရက်နေ့၊ ည (၈:၀၀) နာရီမှ (၃-၇-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၄,၀၃၃) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၆) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၁၅) ရာခိုင်နှုန်း ရှိပါသည်။
နိုင်ငံခြားရေးဝန်ကြီးဌာန၊ပြည်ထောင်စုဝန်ကြီးဦးဝဏ္ဏမောင်လွင်နှင့်တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီး မစ္စတာဝမ်ယိတို့ ဇူလိုင် ၃ ရက် နံနက် ၁၁ နာရီက ပုဂံမြို့၊ နန်းမြင့်မျှော် စင်၊ဘုရင့်နောင်ခန်းမ၌ တွေ့ဆုံစဥ်ဆွေးနွေးခဲ့ကြခြင်းဖြစ်သည်။
မြန်မာ-တရုတ် နှစ်နိုင်ငံကြား ရှိရင်းစွဲဆွေမျိုး ပေါက်ဖော်ဆက်ဆံရေးအား ပိုမိုမြှင့်တင်သွားရေး၊ ပူးပေါင်း ဆောင်ရွက်လျက်ရှိသည့် စီမံကိန်းများကို ဆက်လက်အကောင်အထည်ဖော်သွားရေး၊ တရုတ်နိုင်ငံမှ ဓါတ်မြေဩဇာများ မြန်မာနိုင်ငံသို့ ပိုမိုတင်သွင်းနိုင်ရေး၊မြန်မာနိုင်ငံမှ လယ်ယာနှင့်ရေထွက်ကုန်များအား တရုတ်နိုင်ငံသို့ ပိုမိုတင်ပို့သွားနိုင်ရေးတို့အား ဆွေးနွေးခဲ့ကြသည်။
ထိုင်း-မြန်မာနယ်စပ်မှတစ်ဆင့် မလေးရှားနိုင်ငံသို့ တရားမဝင်သွားရောက်မည့် မြန်မာအလုပ်သမား ၂၂ ဦးကို ထိုင်းနိုင်ငံ စွန်ခရာခရိုင်၌ ဖမ်းဆီးရမိခဲ့ကြောင်း ထိုင်းအခြေစိုက်သတင်းများတွင်ဖော်ပြထားသည်။
ပြီးခဲ့သည့် ဇူလိုင် ၁ ရက်၊ ညပိုင်းတွင် မလေးရှား-ထိုင်းနယ်စပ်တစ်ခုဖြစ်သည့် စွန်ခရာခရိုင်၌ ထိုင်းအာဏာပိုင်များက ကားလေးစီးကို ဖမ်းဆီးခဲ့ရာ ကားနှစ်စီးကိုသာ ဖမ်းဆီးရမိခဲ့ပြီး ကျန်ကား နှစ်စီးမှာ ထွက်ပြေးခဲ့ကြောင်း၊ ဖမ်းဆီးရမိသည့်ကားနှစ်စီးအနက် တစ်စီးမှာလမ်းကြောင်းရှင်း လမ်းကြောင်းကြည့် ကားသာဖြစ်ပြီး ကျန်ကားတစ်စီး၏အနောက်ခန်းထဲတွင် တရားမဝင်လိုက်ပါလာသည့် မြန်မာအလုပ်သမား ၂၂ ဦးကို ဖမ်းဆီးရမိခဲ့ခြင်းဖြစ်ကြောင်းသိရသည်။
ေက်ာက္မဲ ဇြန္ ၂၉
ေက်ာက္မဲၿမိဳ့နယ္ ျပည္ခိုင္းၿဖိဳးပါတီဥကၠဌဦးလွတင္၊ အတြင္းေရးမွူး ေဒၚနန္းသန္းသန္းဆင့္၊ ဘ႑ာေရးမွူး ေဒၚျဖဴျဖဴျမင့္ ႏွင့္ ပါတီဝင္မ်ားသည္ သက္ေတာ္ ( ၉၅ )ႏွစ္ရွိ အေဝရာဝါသေက်ာင္းထိုင္ဆရာေတာ္ ဦးဣႏၵသီရိ အား ဝါဆိုသကၤန္းႏွင့္ ေဆးဝါးကုသရန္အတြက္ နဝကမၼအလွဴေငြ သြားေရာက္လွူဒါန္းခဲ့ပါသည္။
လက်ရှိပြေးဆွဲနေတဲ့ အဝေးပြေးရထားလက်မှတ်ခတွေရဲ့ဈေးနှုန်းတွေကို ဇူလိုင် ၁ ရက်ကစပြီး ၅၀ ရာခိုင်နှုန်း တိုးမြှင့်သတ်မှတ်လိုက်ပြီဖြစ်တယ်လို့ ရန်ကုန်ဘူတာကြီးက ရုံပိုင်ချုပ်ကြီး ဦးသောင်းထိုက်ကပြောပါတယ်။ ဇူလိုင် ၁ ရက်ထွက်မယ့် ရထားလက်မှတ်တွေကို ဇွန် ၃၀ ရက် ရက်ကြိုရောင်းကတည်းက တိုးမြှင့်နှုန်းထား အသစ်နဲ့ စတင်ရောင်းချနေပြီဖြစ်တယ်လို့လည်း ပြောပါတယ်။
မြန်မာနိုင်ငံ၌ ကိုဗစ်(၁၉)ရောဂါဖြစ်ပွားမှုနှင့်သေ ဆုံးမှုနှုန်း လျော့နည်းကျဆင်းလာသဖြင့် ကျန်းမာရေးဝန်ကြီးဌာနမှ နှာခေါင်းစည်း(Mask)တပ်ဆင်ခြင်းအား ဖြေလျော့ပေးခဲ့ကာ မဖြစ်မနေတပ်ဆင်ရမည့်နေရာများအား ဇွန် ၃၀ ရက်က အသိပေးထုတ်ပြန်ခဲ့သည်။
နှာခေါင်းစည်း(Mask)အား အခန်းတွင်း၌ လူတစ်ဦးနှင့်တစ်ဦးနီးကပ်စွာရှိနေချိန်နှင့်အများပြည်သူအသုံးပြုသည့် ကား၊မီးရထား၊သင်္ဘော၊လေယာဉ်အစရှိသည့် ယာဉ်များဖြင့် ခရီးသွားလာရာ၌ မဖြစ်မနေတပ်ဆင်ရမည်ဖြစ်ကြောင်း ကျန်းမာရေးဝန်ကြီးဌာနမှ အသိပေးခဲ့သည်။
