အာဖဂန်နစ္စတန်နိုင်ငံတောင်ပိုင်းရှိ လူနေထူထပ်သော ရပ်ကွက် များမှ ခနော်ခနဲ့ဆေးခန်းတစ်ခုသည် လွန်ခဲ့သည့်နှစ် တာလီဘန်တို့အာဖဂန်အာဏာကို ပြန်လည်ထိန်းချုပ်ချိန်ကတည်းက စစ်မက်ဖြစ်ပွားနေသော နိုင်ငံ၏ ဆိုးရွားသော လူသားချင်းစာနာထောက်ထားမှုအကျပ်အ တည်းကို ဖော်ပြနေသည့် လက္ခဏာ တစ်ရပ် ဖြစ်သည်။လွန်ခဲ့သည့်လက ဟယ်မန်းပြည်နယ်ရှိ မူဆာကာလာခရိုင်ဆေးရုံသည် ကာလဝမ်းရောဂါ သံသယလူနာများမှလွဲ၍ အခြားလူနာများကို လက်မခံခဲ့ပေ။ ယင်းဆေးရုံတွင ်မကြာမီ စာရင်းမဲ့လူနာများဖြင့်ပြည့်နှက်ခဲ့ပြီး ဆရာဝန်များက ၎င်းတို့ကို အကြောဆေးသွင်းပေးခဲ့ကြသည်။  
သတင္းအျပည့္အစံုကိုၾကည့္ရႈရန္

မြောက်ကိုရီးယားနိုင်ငံ၏ နိုင်ငံခြားရေးဝန်ကြီးဌာနသည် ကုလသမဂ္ဂအတွင်းရေးမှူးချုပ်၏ နျူလုံးဝကင်းစင်ရေး အားပေးသည့် မှတ်ချက်ကို ပြစ်တင်ရှုံ့ချခဲ့သည်။ ၎င်း၏ပြောကြားချက်သည် တရားမျှတမှုကင်းမဲ့သည်ဟုလည်း မြောက်ကိုရီးယားကဆိုသည်။ ကုလအတွင်းရေးမှူးချုပ် ဂူတားရက်စ်သည် တောင်ကိုရီးယားသမ္မတ မစ္စတာ ယွန်းဆော့ယော် နှင့်တွေ့ဆုံစဉ် မြောက်ကိုရီးယား၌ နျူလုံးဝဖျက်သိမ်းရေးကြိုးပမ်းမှုကို ၎င်းအနေဖြင့်အပြည့်အဝ ထောက်ခံကြောင်း ပြောကြားခဲ့သည်။

မြောက်ကိုရီးယားခေါင်းဆောင် ကင်မ်ဂျုံအန်းက ၎င်း၏တိုင်းပြည်အတွင်း ကိုဗစ်-၁၉ ကပ်ရောဂါကိုအောင်နိုင်ပြီဟု ကြေငြာခဲ့ပြီး ၎င်း၏ ညီမဖြစ်သူ ကင်မ်ယိုဂျုံက ကင်မ်ဂျုံအန်းကိုယ်တိုင်  ကူးစက်မှုဒဏ်ခံခဲ့ရကြောင်း နှင့် ဗိုင်းရပ်စ်ကူးစက်မှုကို ဖြစ်ပေါ်စေခဲ့သည့် တောင်ကိုရီးယားကို ပြင်းပြင်းထန်ထန် လက်တုံ့ပြန်သွားမည်ဟု ကတိပြုခဲ့သည်။ ကင်ဂျုံအန်းသည် မေလတွင် ချမှတ်ခဲ့သည့် အမြင့်ဆုံးကပ်ရောဂါတိုက်ဖျက်ရေး အစီအမံများကို ရုပ်သိမ်းရန် အမိန့်ပေးခဲ့သည်။  
သတင္းအျပည့္အစံုကိုၾကည့္ရႈရန္

ဂျပန်ဝန်ကြီးချုပ် ဖုမိအို ခိရှိဒါဟာ သြဂုတ် ၁၀ ရက်မှာ ဝန်ကြီး ၇ ယောက်ကို ထုတ်ပယ်လိုက်ပြီး  သူ့အစိုးရအဖွဲ့ကို အပြောင်းအလဲ လုပ်ခဲ့ပါတယ်။ လက်ရှိအာဏာရပါတီနဲ့ ပြန်လည်ပေါင်းစည်းရေးဘုရားကျောင်းကြားက ဆက်ဆံရေးနဲ့ ပတ်သက်ပြီး အများပြည်သူက ဒေါသထွက်နေချိန်မှာ ခုလို အပြောင်းအလဲ လုပ်ခဲ့တာပါ။  
သတင္းအျပည့္အစံုကိုၾကည့္ရႈရန္

ဟောင်ကောင်အမျိုးသားလုံခြုံရေးရဲတပ်ဖွဲ့သည် ဩဂုတ္လ ၉ ရက် နိုင်ငံ့ဝန်ထမ်းနှစ်ဦးကို ဖမ်းဆီးအရေးယူခဲ့သည်။

၎င်းတိုသည် ဟောင်ကောင်၏ လူတန်းစားအမျိုးမျိုးကြားတွင် နိုင်ငံတော်မကောင်းကြောင်းနှင့် ရန်ငြိုးဖွဲ့မှုကို အားပေးသည့်အရေးအသားမျိုးကိုဖြန့်ဝေမှုအတွက် ထိုအမျိုးသားနှစ်ဦးကို ဖမ်းဆီးလိုက်သည် ဟု တာဝန်ရှိသူများက ထုတ်ပြန်ချက်တွင်ဖော်ပြထားသည်။  
သတင္းအျပည့္အစံုကိုၾကည့္ရႈရန္

တရားဝင် သမ္မတရုံး မှတ်တမ်းတွေကို အိမ်ဖြူတော်ကနေ သူ့ရဲ့ ဖလော်ရီဒါနေအိမ်ကို ဒေါ်နယ်ထရန့် က ရွှေ့ပြောင်းခဲ့တာနဲ့ ဆက်စပ်တဲ့ စုံစမ်းစစ်ဆေးမှု တစ်စိတ်တစ်ပိုင်းဖြစ်ရပ်မှာ ဖက်ဒရယ် စုံစမ်းစစ်ဆေးရေး FBI အေးဂျင့်တွေက သူ့ရဲ့ မာအာလာဂို နေအိမ်ကို စီးနင်းရှာဖွေပြီး မီးခံသေတ္တာတစ်လုံးကိုပါ ဖွင့်ဖောက်သွားခဲ့တယ်လို့ ကန်သမ္မတဟောင်း ဒေါ်နယ်ထရန့် က ပြောကြားပါတယ်။  
သတင္းအျပည့္အစံုကိုၾကည့္ရႈရန္

ထိုင်ဝမ်၏ထိပ်တန်းသံတမန်က တရုတ်နိုင်ငံသည် ထိုင်ဝမ်ကိုကျူးကျော်ရန် ပြင်ဆင်နေကြောင်းစွပ်စွဲကာ အင်္ဂါနေ့ (သြဂုတ် ၉ ရက်) တွင် အမြောက်တပ်စစ်ရေးလေ့ကျင့်မှုတစ်ခုပြုလုပ်ခဲ့သည်။

အမေရိကန်အောက်လွှတ်တော် ဥက္ကဌနန်စီပေလိုစီ၏ ခရီးစဉ်အပြီးတွင် တရုတ်သည် ၎င်း၏အကြီးမားဆုံး ရေပြင်နှင့်ဝေဟင်စစ်ရေးလေ့ကျင့်မှုများကို ထိုင်ဝမ်အနီးတွင်ပြုလုပ်ခဲ့သည်။  
သတင္းအျပည့္အစံုကိုၾကည့္ရႈရန္

ဘင်္ဂလားဒေ့ရှ်တွင် စက်သုံးဆီဈေးအဆမတန်မြင့်တက်လာပြီး မူလဈေး၏ ၅၂ ရာခိုင်နှုန်းအထိခုန်တက်သွားခဲ့ကာ ဝယ်သူများအနေဖြင့် ညအချိန်ထိ စောင့်ဆိုင်းဆီဖြည့်နေရကြောင်း သိရှိရသည်။

ယခုဖြစ်ပေါ်နေသော အခြေအနေများကိုအမြန်ဆုံးထိန်းချုပ်ပေးရန် တောင်းဆိုလျက် ဆန္ဒပြသူများက ဘင်္ဂလားဒေ့ရှ်နိုင်ငံအနှံ့အပြားရှိ ဆီဆိုင်များကို တောင်းဆိုလျက်ရှိကြသည်။ လွတ်လပ်ရေးရပြီးကတည်းက အမြင့်ဆုံးအနေအထားသို့ရောက်ရှိနေသော ဆီဈေးနှုန်းဖြစ်ကာ ဒီဇယ်တစ်လီတာလျှင် ဘင်္ဂလားဒေ့ရှ်ငွေ ၃၄ တာကာ အထိဖြစ်လာခဲ့သည်။  
သတင္းအျပည့္အစံုကိုၾကည့္ရႈရန္

မိုးသည်းထန်စွာ ရွာသွန်းမှုကြောင့် ဆိုးလ်ရှိ ဧရိယာ အများအပြား ရေနစ်မြုပ်​နေပြီး မော်တော်ကားများပါ နစ်မြုပ်ကာ ဘေးလွတ်ရာ ရွှေ့ပြောင်းမှုများ ပြုလုပ်ခဲ့ကြရသည်။

ဆိုရှယ်မီဒီယာတွင် ပျံ့နှံ့​နေ​သော ဓာတ်ပုံများနှင့် ဗီဒီယိုများတွင်  လမ်းများပေါ်မှာ ရေလျှံနေပြီး မြေအောက်ရထားဘူတာရုံတစ်ခု၏ လှေကားထစ်တွင်လည်း ရေများ လျှံတက်နေတာကို တွေ့ရသည်။  
သတင္းအျပည့္အစံုကိုၾကည့္ရႈရန္

အစ္စရေးက ပါလက်စတိုင်း အစ္စလမ်မစ် ဂျီးဟတ်အဖွဲ့(PIJ)က ဒုတိယခေါင်းဆောင်တစ်ဦးကို သတ်ဖြတ် လိုက်ချိန်မှာပဲ ဂါဇာဒေသမှာ လေကြောင်းတိုက်ခိုက်မှုတွေကြောင့် သေဆုံးမှုတွေ မြင့်တက်လာခဲ့ပါတယ်။