အမေရိကန်ပြည်ထောင်စုက အကြီးမားဆုံးကားကုမ္ပဏီဖြစ်တဲ့ GM လို့အတိုကောက်ခေါ်တဲ့ General Motors က ကုမ္ပဏီ လုပ်အားရဲ့ ၁၅ရာခိုင်နှုန်းကိုလျှော့ချမယ်လို့ မနေ့ကပဲကြေညာပါတယ်။
၂၁ရာစုနည်းပညာတွေနဲ့အတူလုပ်လာနိုင်အောင်နဲ့ ကုမ္ပဏီရဲ့ဖွဲ့စည်းပုံကိုလည်း ပြောင်းလဲမှာ ဖြစ်တာကြောင့် အခုလိုလုပ်အား လျှော့ချမှုလုပ်တာလို့ဆိုပါတယ်။ GM ကုမ္ပဏီမှာ လုပ်ကိုင်နေကြတဲ့ အရာရှိတွေနဲ့ အလုပ်သမား စုစုပေါင်း တသောင်းခွဲလောက်အထိ အလုပ်ပြုတ်မယ့်အခြေအနေကြုံနေရပါတယ်။ ကားထုတ်လုပ်တဲ့ စက်ရုံ ၇ရုံ ကို ပိတ်ပစ်မှာပါ။
ကိုလံဘို နိုဝင်ဘာ၂၆
နိုင်ငံရေးအကျပ်အတည်းများနှင့် ရင်ဆိုင်နေရသော သီရိလင်္ကာ သမ္မတ မိုင်သရီပါလာဆီရိဆီနာက ဖြုတ်ချခဲ့သည့် ဝန်ကြီးချုပ် ရန်နေးလ်ဝှစ်ခရန်မန်ဆင်းဂ်ကို ဝန်ကြီးချုပ်အဖြစ် ပြန်လည် ခန့်အပ်မည် မဟုတ်ဟု ပြောကြားခဲ့သည်။
ဝှစ်ခရန်မန်ဆင်းဂ်၏ပါတီသည် ပါလီမန်တွင် နေရာအများအပြားကို ရယူထားနိုင်ခဲ့သည်။
အင်္ဂါဂြိုလ်ပေါ်မှာ အမေရိကန်အာကာသအေဂျင်စီ NASA ကလွှတ်တင်တဲ့ InSight ဆိုတဲ့ မောင်းသူမဲ့ အာကာသစူးစမ်း လေ့လာရေး ယာဉ်တစီး အောင်အောင် မြင်မြင်ဆင်းသက်နိုင်ခဲ့ပြီလို့ နာဆာက ကြေညာပါတယ်။
အာကာသအတွင်း ကီလိုမီတာ သန်းပေါင်းများစွာဖြတ်သန်းပြီး အချိန်၆လကျော်ခရီးနှင်ခဲ့ရတဲ့ InSightယာဉ် တနင်္လာနေ့တုန်းကပဲ အနီရောင်အင်္ဂါဂြိုလ် ပေါ်ကို လုံခြုံစိတ်ချစွာဆင်း သက်နိုင်ခဲ့ပြီလို့ ဆိုပါတယ်။ InSightယာဉ် အင်္ဂါဂြိုလ်ရဲ့လေထုအတွင်းထိုးဖေါက်ဝင်ရောက် ပြီး ဂြိုလ်ပေါ်ကိုဆင်းသက် နိုင်ဖို့ နောက်ဆုံး အချိန်၆မိနစ်ခွဲ ဟာ အတိမ်းအစောင်းမခံတဲ့ အသည်းအသန်အချိန်ပဲလို့ နာဆာအဖွဲ့ကပြောပါတယ်။
ပင်လယ်နက်အတွင်း ယူကရိန်းရေတပ်သင်္ဘော ၃ စင်းနဲ့အတူ ၀န်ထမ်းတွေ အားလုံးကို ရုရှားတို့ ဖမ်းဆီး ထိန်းသိမ်းလိုက်ပြီးတဲ့နောက် ယူကရိန်းနိုင်ငံအတွင်းက ဒေသတချို့မှာ မာရှယ်လော – ညမထွက်ရအမိန့် ထုတ်ပြန်ဖို့ သမ္မတ Petro Poroshenko ရဲ့ အဆိုပြုချက်ကို လွှတ်တော်က အတည်ပြုပေးလိုက်ပါတယ်။
ခရစ်ယာန်ဘာသာဝင်တွေရဲ့ ကျေးဇူးတော်နေ့ပွဲတော် နောက်ဆုံးနေ့ဖြစ်တဲ့ နိုဝင်ဘာ ၂၅ ရက်နေ့မှာ အမေရိကန်နိုင်ငံအတွင်း အားလပ်ရက် အပန်းဖြေသူ အများအပြား လေဆိပ်တွေမှာ သောင်တင်နေပါတယ်။
အမေရိကန် အနောက်အလယ်ပိုင်း တလွှားမှာ နှင်းမုန်တိုင်း တိုက်ခတ်နေလို့ လေကြောင်းခရီးစဉ် ၆၀၀ ကျော် ဖျက်သိမ်းခဲ့ရတယ်လို့ မိုးလေဝသအရာရှိတွေက ပြောခဲ့တာပါ။
နိုင်ငံအရှေ့မြောက်ပိုင်း ကန်းဆတ်ပြည်နယ်ကနေ ချီကာဂိုအထိ ဒေသတွေမှာ နှင်းမုန်တိုင်း သတိပေးချက် ထုတ်ပြန်ခဲ့ပါတယ်။
ရွေ့ပြောင်းနေထိုင်လိုသူတွေက တနင်္ဂနွေနေ့က မက္ကဆီကို နယ်စပ်ကို ဖြတ်ပြီး အမေရိကန်ပြည်ထောင်စုအတွင်း အတင်းဝင်ရောက်ဖို့ ကြိုးစားခဲ့ကြပြီးတဲ့နောက် အမေရိကန်ဘက်က San Diego နဲ့ မက္ကဆီကိုဘက်က Tijuana အကြားမှာရှိတဲ့ San Ysidro နယ်စပ်ဂိတ်ကို အမေရိကန် အာဏာပိုင်တွေက ပိတ်ပစ်လိုက်ပါတယ်။
လိင်ပိုင်းဆိုင်ရာ ခွဲခြားဆက်ဆံတဲ့ အကြမ်းဖက်မှုတွေကို ဆန့်ကျင် ဆန္ဒပြပွဲတွေ ဥရောပတလွှားမှာ မနေ့ စနေနေ့က ကျင်းပခဲ့ကြပြီး လူပေါင်း သောင်းနဲ့ချီ တက်ရောက်ခဲ့ကြပါတယ်။ လောင်စာဆီ ဈေးတက်လို့ ဆန္ဒပြပွဲတွေ ပေါ်ပေါက်နေတဲ့ ပြင်သစ်နိုင်ငံ ပါရီမြို့တော်မှာလည်း မနေ့ စနေနေ့က လိင်ပိုင်းဆိုင်ရာ ခွဲခြား ဆက်ဆံ အကြမ်းဖက်မှုတွေကို သီးခြားဆန္ဒပြပွဲတွေ ကျင်းပခဲ့ပြီး လူပေါင်း ၃ သောင်းကျော် တက်ရောက်ခဲ့ကြပါတယ်။
ထိုင်ဝမ်နိုင်ငံရဲ့ ဒေသန္တရရွေးကောက်ပွဲတွေမှာ တရုတ်သြဇာအောက်က ထိုင်ဝမ်လွတ်မြောက်ရေးကြိုးပမ်းလိုတဲ့ DPP ခေါ် အတိုက်အခံ ဒီမိုကရက်တစ် တိုးတက်ရေးပါတီ အကြီးအကျယ် ရှုံးနိမ့်သွားခဲ့တဲ့အပေါ် တရုတ်အစိုးရ ကြိုဆိုလိုက်ပြီး၊ ဒါဟာ ထိုင်ဝမ်ပြည်သူတွေအနေနဲ့ တရုတ်ပြည်နဲ့ ငြိမ်းငြိမ်းချမ်းချမ်း နေထိုင်ဆက်ဆံလိုကြောင်း ပြသလိုက်တာဖြစ်ကြောင်း ပြောဆို လိုက်ပါတယ်။
ခွေးသားစားတဲ့ ဓလေ့ရပ်တန်းကရပ်လိုက်ဖို့ တိရစ္ဆာန်အခွင့်အရေးလှုပ်ရှားသူတွေက တိုက်တွန်းတဲ့အတိုင်း နိုင်ငံက အကြီးမားဆုံး ခွေးသတ်ရုံကို ပိတ်သိမ်းဖို့ တောင်ကိုရီးယား တာဝန်ရှိသူတွေက မနေ့က လုပ်ငန်း စတင်ပါတယ်။
နူးနေအောင်ချက်လိုက်ရင် အထူးအရသာရှိတဲ့အပြင် ခွေးသားစားတာ အားတိုးတယ်ဆိုတဲ့ အယူအဆနဲ့ တောင်ကိုရီးယားမှာ တနှစ်ကို ခွေးကောင်ရေ တသန်းလောက် သတ်စားပါတယ်။
အီးယူ ဥရောပသမဂ္ဂကနေ ဗြိတိန်နိုင်ငံခွဲထွက်ရေးမှာ စနစ်တကျနဲ့ချောချောမွေ့မွေ့ရှိစေမယ့် နိုင်ငံရေးဆိုင်ရာ ကြေညာ ချက်မူကြမ်းတရပ်ကို ဥရောပသမဂ္ဂနဲ့ ညလုံးပေါက် ပြောဆိုဆွေးနွေးမှုတွေအပြီး သဘောတူညီချက် ရခဲ့တယ်လို့ ဗြိတိန် ကပြောပါတယ်။
အဲဒီသဘောတူညီချက်ကို တနင်္ဂနွေနေ့ကြရင် ဥရောပသမဂ္ဂခေါင်းဆောင်တွေက အတည်ပြုကြလိမ့်မယ်လို့ ဗြိတိန်နိုင်ငံခြားရေးဝန်ကြီး Theresa Mayက မနေ့တုန်းကပဲ ကြေညာခဲ့တာပါ။
