ပြင်သစ်ထိပ်သီးကလပ် PSG အသင်းသည် မန်ယူအသင်းမှ အင်္ဂလန်တိုက်စစ်မှူး ရပ်ရှ်ဖို့ဒ်ကို ခေါ်ယူရန် စိတ်ဝင်စားနေကြောင်း သိရသည်။
PSG အသင်းသည် မက်ဆီ၊ နေမာ၊ ဘာပေ စသည့် နာမည်ကျော်ထိပ်တန်းတိုက်စစ်မှူးအများအပြားကို ပိုင်ဆိုင်ထားသော်လည်း အထောင်တိုက်စစ်မှူးအဖြစ်သာမက အခြားတိုက်စစ်နေရာများတွင်ပါ ကစားနိုင်ခြင်း ကြောင့် ရပ်ရှ်ဖို့ဒ်ကို ခေါ်ယူရန် ဆန္ဒရှိနေခြင်းဖြစ်ကြောင်း သိရသည်။
ဥရောပကလပ်အသင်းပြိုင်ပွဲတွေရဲ့ ချန်ပီယံအဖြစ်ဆုံးဖြတ်တဲ့ ဥရောပစူပါဖလားပွဲစဉ်မှာတော့ စပိန်ကလပ် ရီးရဲလ်မက်ဒရစ်က အနိုင်ရရှိသွားခဲ့ပါတယ်။ ချန်ပီယံလိဂ်ချန်ပီယံ ရီးရဲလ်အသင်းဟာ ယူရိုပါလိဂ်ချန်ပီယံဖြစ်တဲ့ ဂျာမန်ကလပ် ဖရန့်ဖတ်အသင်းကို ၂ ဂိုး ဂိုးမရှိနဲ့ အနိုင်ကစားခဲ့တာပါ။ ဖင်လန်နိုင်ငံ၊ ဟယ်လ်ဆင်ကီမြို့က အိုလံပစ်ကွင်းမှာ ကစားခဲ့တဲ့ပွဲမှာ ရီးရဲလ်အသင်း ခြေစွမ်းအသာနဲ့ ကစားနိုင်ခဲ့သလို ပွဲချိန် ၃၇ မိနစ်မှာ အလာဘာ နဲ့ ၆၅ မိနစ်မှာ ဘန်ဇီးမား တို့က အနိုင်ဂိုးတွေ သွင်းယူပေးခဲ့ကြတာ ဖြစ်ပါတယ်။ ဖရန့်ဖတ်အသင်းကတော့ ဒုတိယပိုင်းမှာ ဂေါ့ဇီကို ထည့်သွင်းခဲ့ပေမယ့် လိုအပ်တဲ့ချေဂိုးတွေမရဘဲ ရှုံးပွဲကြုံခဲ့ရတာပါ။
အမေရိကန် အိုးပင်း ပြီးရင် တင်းနစ်ကနေ အနားယူတော့မယ်လို ဆရီနာ ဝီလီယံ က ပြောကြားပါတယ်။
သူ့အနေနဲ့ သူ့အတွက် အရေးပါတဲ့ အခြားအရာတွေဆီ သွားချင်တယ်လို ဂရင်းဆလမ်း ဆု ၂၃ ကြိမ်ရရှိထားတဲ့ ချန်ပီယံ က ပြောပြီး အနားယူတဲ့စကားလုံးကို သဘောမကျဘူးလိုလည်း ဆိုပါတယ်။
ချဲလ်ဆီးတိုက်စစ်မှူး တီမိုဝါနာဟာ ပရီးမီးယားလိဂ်မှာ ၂ နှစ်ကြာ ဖြတ်သန်းခဲ့ပြီးနောက် အသင်းဟောင်း လစ်ပ်ဇစ်ဆီ ပြန်လည်ပြောင်းရွှေ့သွားခဲ့ပါတယ်။ ၂၀၂၀ ပြည့်နှစ်က လန်ဒန်ကလပ် ချဲလ်ဆီးကိုပေါင် ၄၅ သန်းနဲ့ ရောက်ရှိခဲ့တဲ့ ဝါနာအနေနဲ့ ပုံမှန်ခြေစွမ်းပျောက်ဆုံးခဲ့တာပါ။ ဒါကြောင့် ချဲလ်ဆီးအသင်းက အရှုးခံပြီး ပေါင် ၂၅ သန်း ဝန်းကျင်နဲ့ ပြန်လည်ရောင်းချခဲ့ရသလို လစ်ပ်ဇစ်အသင်းက ၄ နှစ် စာချုပ်ခဲ့တာ ဖြစ်ပါတယ်။
မြန်မာ ယူ-၁၆ အသင်းနည်းပြချုပ် ဦးအောင်ဇော်မျိုးက ၂၀၂၂ အာဆီယံ ယူ-၁၆ ချန်ပီယံရှစ်ပြိုင်ပွဲ ဆီမီးဖိုင်နယ်အဖြစ် အိမ်ရှင် အင်ဒိုနီးရှားအသင်းနှင့် တွေ့ဆုံနေပြီး အိမ်ရှင် ပရိသတ်ရှေ့မှောက်တွင် ကစားရမည်ဖြစ်သော်လည်း ဖိအားရှိမည့်အသင်းမှာ အိမ်ရှင် အင်ဒိုနီးရှားအသင်းသာဖြစ်မည်ဟု ဆီမီးဖိုင်နယ်အကြို သတင်းစာရှင်းလင်းပွဲတွင် ပြောကြားခဲ့သည်။
မန်ယူအသင်း၏ နည်းပြဖြစ်သူ အဲရစ်တန်ဟက်ဂ်က ဘရိုက်တန်အသင်းကို ရှုံးနိမ့်ခဲ့သည့် ပွဲစဉ်တွင် စီရော်နယ်လ်ဒိုကို ပွဲထွက်အဖြစ် အသုံးမပြုဘဲ အရန်ခုံတွင် ထိုင်စေခဲ့သည့် ဆုံးဖြတ်ချက် မှားယွင်းခဲ့သည်ဟု ဝန်ခံပြောကြားခဲ့သည်။အဲရစ်တန်ဟက်ဂ်သည် ယင်းပွဲစဉ်တွင် မန်ယူအသင်း၏ ကစားသမားသစ်တစ်ဦးဖြစ်သည့် ဒိန်းမတ်ဝါရင့် ကွင်းလယ်လူ အဲရစ်ဆင်ကို False 9 နေရာ၌ အသုံးပြုခဲ့ပြီး ကွင်းလယ်တွင် ဘရူနိုဖာနန်ဒက်စ်၊ တွမ်မီနေးနှင့် ဖရက်ဒ်တို့ကို သုံးခဲ့သည်။ နောက်ပိုင်းတွင် ဖရက်ဒ်အစား စီရော်နယ်လ်ဒို ကိုထည့်ကာ အဲရစ်ဆင်ကို ကွင်းလယ်တွင် ပြန်ကစားခိုင်းပြီးမှ မန်ယူအသင်း ၏ ကစားပုံ ပိုကောင်းလာခဲ့ခြင်းဖြစ်သည်။
ဘာစီလိုနာအသင်း၏ ဘုတ်အဖွဲ့သည် ယခုနွေရာသီတွင် ခေါ်ယူထားသည့် ကစားသမားသစ်များကို အချိန်မီ စာရင်းသွင်းနိုင်မည်ဟု ယုံကြည်နေကြောင်း သိရသည်။
ရာသီသစ်လာလီဂါပြိုင်ပွဲမှာ ယခုတစ်ပတ် သောကြာနေ့တွင် စတင်တော့မည်ဖြစ်ပြီး ဘာစီလိုနာအသင်းအနေဖြင့် စနေနေ့တွင် ဗယ်လက်ကာနိုအသင်းနှင့် စတင်ယှဉ်ပြိုင်ရမည် ဖြစ်သည်။
သို့သော် လက်ရှိအချိန်အထိ ကစားသမားသစ်များနှင့် စာချုပ်သက်တမ်းတိုးထားသည့် ကစားသမားများကို လာလီဂါအဖွဲ့ချုပ်ထံ စာရင်းသွင်းနိုင်ခြင်း(မှတ်ပုံတင်နိုင်ခြင်း)မရှိသေးပေ။
မန်ချက်စတာယူနိုက်တက်အသင်း၏ ပရိသတ်များသည် အသင်း၏ ရာသီအဖွင့်ပွဲစဉ်ဖြစ်သည့် ဘရိုက်တန်အသင်းနှင့် ပွဲတွင် အသင်းပိုင်ရှင် ဂလေဇာမိသားစုကို အိုးလ်ထရက်ဖို့ဒ်ကွင်းရှေ့တွင် ကန့်ကွက်ဆန္ဒပြမှုများ ပြုလုပ်ခဲ့ကြောင်း သိရသည်။
မန်ချက်စတာယူနိုက်တက်အသင်းပရိသတ်များသည် ဂလေဇာမိသားစု၏ မန်ယူအသင်းအပေါ် ပိုင်ဆိုင်မှုအား ကန့်ကွက်ဆန္ဒပြသည့် စာတန်းများကို ကိုင်ဆောင်ထားကြသလို၊ မီး ရှူးမီးပန်းများ၊ မီးခိုးမှုတ်စက်များကို အသုံးပြုပြီး ဂလေဇာ ထွက်သွားဆိုသည့် သံပြိုင်အော်ဟစ်မှုများကိုလည်း ပြုလုပ်ခဲ့ကြသည်။
လာမည့်ရာသီ စီးရီးအေပြိုင်ပွဲအတွက် ကြိုတင်ပြင်ဆင်မှုများပြုလုပ်ရာတွင် ရိုးမားအသင်းနည်းပြ မော်ရင်ဟိုသည် အသင်း၏ လစာငွေကို လျှော့ချပြီး ဒီဘားလား၊ ဝိုင်နယ်လ်ဒမ်းနှင့် မာတစ်တို့လို အတွေ့အကြုံရင့် ကစားသမားများအား အလွတ်ပြောင်းရွှေ့ကြေးဖြင့် ခေါ်ယူကာ လူစာရင်းပိုမိုအင်အားခိုင်မာအောင် ပြုလုပ်ထားသဖြင့် အီတလီမီဒီယာများက ချီးကျူးနေကြသည်။လက်ရှိနွေရာသီအပြောင်းအရွှေ့ကာလတွင် ရိုးမားအသင်းသည် ကစားသမားသစ် (၅)ဦးခေါ်ယူထားပြီး လိုင်လီအသင်းမှ ခေါ်ယူထားသည့်နောက်ခံလူ ဇီကီဆီလစ်ခ်အတွက်သာ ပြောင်းရွှေ့ကြေးယူရို (၇)သန်း သုံးစွဲထားရပြီး ရိုးမားအသင်းမှ ဒီဘားလား၊ PSG အသင်းမှ ဝိုင်နယ်လ်ဒမ်း၊ မန်ယူအသင်းမှ မာတစ်နှင့် ဘင်ဖီကာ အသင်းမှ ဆားဘီယားဂိုးသမား မီလေဆာဗီလားတို့ကို အလွတ်ပြောင်းရွှေ့ကြေးဖြင့် ခေါ်ယူထားခြင်းဖြစ်သည်။
