တောင်ကိုရီးယားနိုင်ငံတွင် တရားဝင်အလုပ်လုပ်ကိုင်မည့် မြန်မာလုပ်သားသစ် ၁၇၉ ဦးသည် ဇူလိုင် ၂၈ ရက်တွင် အင်ချွန်းအပြည်ပြည်ဆိုင်ရာလေဆိပ်သို့ ထပ်မံ ရောက်ရှိခဲ့ကြောင်း ဆိုးလ်မြို့ရှိ မြန်မာသံရုံးက သတင်းထုတ်ပြန် ထားသည်။ အဆိုပါ အလုပ်သမားများအနက် CBT လုပ်သားနှစ်ဦးနှင့် ကုန်ထုတ်လုပ်သားအဖြစ် အသစ်ဝင်ရောက် လုပ်ကိုင်မည့် လုပ်သားသစ် ၁၇၇ ဦး၊ စုစုပေါင်း ၁၇၉ ဦး တို့ဖြစ်ကြောင်း သိရသည်။
၂၀၂၂ ခုနှစ်၊ ဇူလိုင်(၂၇) ရက်နေ့၊ ည (၈:၀၀) နာရီကနေ ၂၀၂၂ ခုနှစ် ဇူလိုင် (၂၈) ရက်နေ့၊ ည (၈:၀၀) နာရီအတွင်း COVID-19 ရောဂါ ဓာတ်ခွဲအတည်ပြုလူနာသစ် (၁၈) ယောက် ထပ်တွေ့ခဲ့တယ်လို့ ကျန်းမာရေးဝန်ကြီးဌာနက သတင်းထုတ်ပြန်ပါတယ်။
လားရှိုး ဇူလိုင် ၂၇
ရှမ်းပြည်နယ်မြောက်ပ်ုင်း လားရှိုးမြို့ နတ်မောက်ရွှေဥယဉ်တောရကျောင်းတွင် သီတင်းသုံးနေသော ကမ္မဋ္ဌာနာစရိယ ကျောင်းထိုင် ဆရာတော် ကျန်းမာရေးအတွက်ဆေးကုသရန်ရှမ်းပြည်နယ်မြောက်ပိုင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မှ ခရိုင်ဘဏ္ဍာရေးမှူး ဦးဆောင်၍ ပါတီဝင်များမှ နဝကမ္မဝတ္ထုငွေနှင့် လိုအပ်သော ဆေးဝါးအချို့ကို
ဆပ်ကပ်လှူဒါန်းခဲ့ကြပါသည်။
ရန်ကုန် ဇူလိုင် ။ ။ ၂၇
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ရန်ကုန်တိုင်း တိုင်းဒေသကြီး၊ ခရိုင်နှင့် မြို့နယ်ပါတီများ လုပ်ငန်းညှိနှိုင်း အစည်းအဝေးကို ၂၀၂၂ ခုနှစ်၊ ဇူလိုင်လ ၂၇ ရက်နေ့ နေ့လည်( ၁ )နာရီအချိန်တွင် မင်္ဂလာတောင်ညွန့် မြို့နယ်ပါတီရုံး၌ ကျင်းပပြုလုပ်ခဲ့ပါသည်။
မန်တုံ ဇူလိုင် ၂၇
ရှမ်းပြည်နယ်(မြောက်ပိုင်း) ပလောင်ကိုယ်ပိုင်အုပ်ချုပ်ခွင့်ရဒေသ မန်တုံမြို့ အမှတ်( ၁)ရပ်ကွက် အောင်ချမ်းသာ (မန်တောက်)ဘုန်းတော်ကြီးသင် ပညာရေးကျောင်း၌ပညာသင်ကလေးများနှင့်ဆရာ/ဆရာမများ ရဟန်း သံဃာတော်များနှင့် ရှင်သာမဏေများ သီလရှင်များ စုစုပေါင်း (၃၆၄)ဦးအတွက် ရှမ်းပြည်နယ် (မြောက်ပိုင်း) ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီမှ ဆန်(၁၀)အိတ်၊ မန်တုံမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ဆီ (၂ )ပုံး အိုင်အိုဒင်းဆား (၂)အိတ်တို့ကို ပြည်နယ်ပြည်ခိုင်ဖြိုးပါတီကိုယ်စား မန်တုံမြို့နယ်ပါတီ ဥက္ကဌနှင့် ကော်မတီဝင်များ သွားရောက်လှူဒါန်းခဲ့ပါသည်။
ဇူလိုင် ၂၇။ ။ တောင်ညွန့်
ရန်ကုန်တိုင်းဒေသကြီး အရှေ့ပိုင်းခရိုင်မင်္ဂလာတောင်ညွန့်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ဟင်္သာတကျောင်းတိုက်ရှိ ဝါဆိုသံဃာများအား ဝါဆိုသင်္ကန်း ဆက်ကပ်လှူဒါန်းမှုကို ၂၀၂၂ ခုနှစ်၊ ဇူလိုင်လ ၂၇ ရက်နေ့ နံနက်( ၉ ) နာရီအချိန်တွင်ဆပ်ကပ်လှူဒါန်းခဲ့ကြပါသည်။
အခမ်းအနားကို နမောတဿ သုံးကြိမ်ရွက်ဆိုဖွင့်လှစ်ပြီး မြို့နယ်သံဃာ့နာယက ဥက္ကဌ ဟင်္သာတကျောင်း ဆရာတော် သီလပေးတရားဟောကြား၍ ဝါဆိုသက်န်းနှင့် လှုဖွယ်ပစည်းများဆပ်ကပ်လှုဒါန်းကြပါသည်။
(၂၆-၇-၂၀၂၂) ရက်နေ့၊ ည (၈:၀၀) နာရီမှ (၂၇-၇-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၅,၇၆၂) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၁) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်း မှာ (၀.၁၉) ရာခိုင်နှုန်း ရှိပါသည်။
ပုပ္ပါးတောင် ဒေသအား အမျိုးသားအဆင့် ဘူမိဥယျာဉ်အဖြစ်သတ်မှတ်တည်ထောင်သွားနိုင်ရေး ဆောင်ရွက် နေကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာနမှ သိရသည်။
ယင်းသို့ ဆောင်ရွက်ရခြင်းမှာ UNESCO ၏ ကမ္ဘာ့အဆင့် ကမ္ဘာ့ဘူမိဥယျာဉ်အဖြစ် အဆိုပြုနိုင်ရေး ကနဦး ဆောင် ရွက်ချက်ဖြစ်ကြောင်း သယံဇာတနှင့် သဘာဝ ပတ်ဝန်း ကျင်ထိန်းသိမ်းရေး ဝန်ကြီးဌာန ပြည်ထောင်စုဝန်ကြီး ဦးခင်မောင်ရီက ပြောသည်။
လျှပ်စစ်သုံးယာဉ်တွေ ပြေးဆွဲဖို့လိုအပ်တဲ့ အခြေခံအဆောက်အအုံတွေကို အကောင်အထည်ဖော် ဆောင်ရွက်ရမှာ ဖြစ်တယ်လို့ ဆောက်လုပ်ရေးဝန်ကြီးဌာန ဒုတိယဝန်ကြီး ဦးဝင်းဖေက ပြောပါတယ်။ ဇူလိုင်(၂၆)ရက်က နေပြည်တော်မှာ ပြုလုပ်ခဲ့တဲ့ လျှပ်စစ်သုံးယာဉ်များ ပြေးဆွဲအသုံးပြုရေးနှင့်အခြေခံ အဆောက်အအုံများ အကောင်အထည်ဖော်ရေးကော်မတီ လုပ်ငန်းညှိနှိုင်း အစည်းအဝေးမှာ အခုလို ပြောကြားခဲ့တာပါ။ လျှပ်စစ်ယာဉ်တွေ အသုံးပြုနိုင်ဖို့အတွက် Charging Station၊ ကားပါကင်၊ ဈေးဝယ်စင်တာ၊ အဝေးပြေးလမ်းတွေမှာ အလွယ်တကူအားဖြည့်နိုင်ဖို့ အခြေခံအဆောက်အအုံတွေ ဆောင်ရွက်ရမှာြဖစ်တယ်လို့ ဆိုပါတယ်။ အဲဒီလိုဆောင်ရွက်ရာမှာ လုပ်ငန်းကော်မတီအနေနဲ့ ယာဉ်မောင်းသူတွေနဲ့ စီးနင်းသူတွေ ဘေးအန္တရာယ် ကင်းရှင်းရေးဆိုင်ရာ အချက်တွေကိုလည်း ထည့်သွင်းစဉ်းစားရမယ်လို့ ပြောကြားခဲ့ပါတယ်။ လျှပ်စစ်သုံးယာဉ်တွေ ပြေးဆွဲ အသုံးပြုရေးနဲ့ အခြေခံအဆောက်အအုံတွေ အကောင်အထည်ဖော်ရေး ကော်မတီအနေနဲ့ တာဝန်(၅)ရပ် ချမှတ်ပြီး ဆောင်ရွက်နေတယ်လို့ သိရပါတယ်။ onenews
ပဲခူး
ပဲခူးတိုင်းဒေသကြီး(အရှေ့) ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ တိုင်း ခရိုင် မြို့နယ်ပါတီကော်မတီဝင် များ၏ ပါတီလုပ်ငန်းညှိုနှိုင်းဆွေးနွေးပွဲအား ဇူလိုင်လ ၂၅ ရက်နေ့ နံနက်ပိုင်းက ပဲခူးမြို့ရွှေမော်ဓောဘုရားလမ်းရှိ တိုင်းပါတီရုံးချုပ်အစည်းအဝေး ခမ်းမတွင် ကျင်းပပြုလုပ်ခဲ့သည်။
