ဗန်းမော်မြို့နယ် ပြည်ခိုင်ဖြိုးပါတီရုံး၌ရပ်/ကျေးပါတီ ဥက္ကဌများနှင့်တွေ့ဆုံ၍လုပ်ငန်းညှိနှိုင်း အစည်းအဝေး ပြုလုပ်၍ ရက်(၉၀)စီမံချက်နှင့်PRစနစ်အကြောင်း အသေးစိတ်ရှင်းလင်းဆွေးနွေးခဲ့ပြီး တက်ရောက်လာ သည့်ရပ်/ကျေးများ၏ သိရှိလိုသည့်အကြောင်းအရာများအပေါ် မြို့နယ်ဥက္ကဋ္ဌမှပြန်လည်ရှင်းလင်း ခဲ့ပါသည်။
တောင်ကြီးမြို့နယ်ပြည်ခိုင်ဖြိုးပါတီမြို့နယ်ပါတီဥက္ကဌဦးအောင်သူရရှင်းဦးဆောင်၍ မြို့နယ်အတွင်းရေးမှူး နှင့်မြို့နယ်ပါတီ ကော်မတီဝင်များလိုက်ပါလျှက် ကျောင်းကြီးစုရပ်ကွက် ရပ်ကွက်ပါတီရုံးတွင် ရပ်ကွက် ပါတီ ဥက္ကဌ နှင့်ကော်မတီဝင်များ တွေ့ဆုံပြီး ပါတီချမှတ်ထားသည့် လုပ်ငန်း လမ်းညွှန်ချက် ရက်ပေါင်း (၉၀)အတွင်း ဆောင်ရွက်ရမည့် လုပ်ငန်းစဉ်များအားချပြ ရှင်းလင်းဆွေးနွေးခဲ့ကြောင်းသိရှိရပါသည်။
မန္တလေးတိုင်းဒေသကြီး ကျောက်ဆည်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် ပါတီဗဟို ဌာနချုပ်၏ လမ်းညွှန်ချက်ဖြစ်သော ပထမ(၃)လပတ်၊ရက်(၉၀) စီမံချက်ပါ လုပ်ငန်းစဉ်တစ်ခုဖြစ်သော ပါတီဝင်အင်အားကျစ်လစ်ခိုင်မာရေးအတွက် ပါတီဝင်များကို တစ်ဦးချင်းစီစစ်ခြင်းလုပ်ငန်းနှင့် မိမိတို့ပါတီ အား ဝန်းရံအားပေးထောက်ခံသူများတိုးပွားလာစေရေး အတွက် နယ်မြေကွင်းဆင်းဆောင်ရွက်ခြင်းများကို နယ်မြေမှူးများမှ ဆောင်ရွက်လျှက်ရာ (၂-၁၂-၂၀၂၂) ရက်နေ့ နံနက် ( ၁၀း၀၀ ) နာရီ အချိန်မှ စတင်ဆောင်ရွက်ခဲ့ပါသည်။
တပ်ကုန်း မြို့နယ်ပြည်ခိုင်ဖြိုးပါတီ မြို့နယ်လုပ်ငန်းညှိနှိုင်း စည်းဝေး ကျင်းပခဲ့ပါသည်။ အစည်းအဝေးသ ဗဟိုပါတီ ကော်မတီဝင် ဦးကျာ်ကျော်လတ်၊ခရိုင်ပါတီဥက္ကဌ ဦးဝင်းဘို၊မြိုနယ် ပါတီနာယကကြီး ဦးစု၊ မြို့နယ်ပါတီ ဥက္ကဌ ဦးဇော်မျိုးသိန်းနှင့် မြို့နယ်ပါတီ ကော်မတီဝင်များ စုံညီစွာ တက်ရောက်ပြီး ရက်(90) စီမံချက်ကိစ္စများ အသေးစိပ်ဆွေးနွေးခဲ့ကြပါသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ရန်ကုန်တိုင်းဒေသကြီး ၊ ဗိုလ်တထောင် ခရိုင်ကော်မတီဝင် များနှင့် ပါတီဝင်ဟောင်းများ၊ပါတီ မိတ်ဆွေများ တွေ့ဆုံပွဲအခမ်းအနားကိုယနေ့နေ့လည် ( ၁:၃၀ ) အချိန် က မင်္ဂလာတောင်ညွန့်မြို့နယ် ပါတီရုံးခန်းမတွင် ကျင်းပပြုလုပ်ခဲ့ပါသည်။ အခမ်းအနားတွင် ပါတီဝင် ဟောင်းများက မိမိကိုယ်ကိုမိတ်ဆက်ကြပြီး ပြည်ခိုင်ဖြိုးပါတီ ဗဟိုအရန်ကော်မတီဝင် ဗိုလ်တထောင် ခရိုင် ဥက္ကဌ ဦးညဏ်ဝင်းထိုက် က လက်ရှိဖြစ်ပေါ်နေသောနိုင်ငံရေးအခြေအနေ၊ရွေးကောက်ပွဲ တွင် ပါတီဝင ်ဟောင်းများက ပါဝင်ကူညီဆောင်ရွက်ပေးနိုင်မည့်အခြေအနေ၊ ရွေးကောက်ပွဲ (PR)စနစ်အကြောင်း သိကောင်းစရာများ နှင့်ပက်သက်၍ပိုမိုသိရှိနားလည်အောင် ရှင်းလင်းပြောကြားခဲ့ပါသည်။ ပါတီဝင်ဟောင်း များ ကလည်းသိလိုသည်များကို မေးမြန်းခဲ့ကြပြီး ခရိုင်ပါတီဥက္ကဌ နှင့်အဖွဲ့ကပြန်လည် ဖြေကြားခဲ့ပါသည်။
ဒဂုံမြို့သစ်မြောက်ပိုင်းမြို့နယ် ပြည်ခိုင်ဖြိုးပါတီ၏ လူငယ်နှင့်အမျိုးသမီး ရက်တိုဆွေးနွေးပွဲအခမ်းအနားကို ၃.၁၂.၂၂ရက်(စနေနေ့) နေ့နံနက်(၉)နာရီက မြို့နယ်ပါတီရုံးခန်းမတွင် ကျင်းပပြုလုပ်ရာ အစီအစဉ်အရ နိုင်ငံတော်အလံ အလေးပြုခြင်းနှင့် နိုင်ငံတော်သီချင်း သီဆို၍ အခမ်းအနားဖွင့်လှစ်ပြီး ဗဟိုကော်မတီဝင် ဒေါ်စန်းစန်းဝင်းက ဆွေးနွေးပွဲသို့ အဖွင့်အမှာစကားပြောကြားသည်။
China-Guangxi Inetrnational Youth Exchange Institute မှာ တက်ရောက်ခဲ့တဲ့ ASEAN Young Leaders Training Program ကျောင်းသားဟောင်းများတွေ့ဆုံပွဲကို နေပြည်တော်မှာရှိတဲ့ ပြည်ခိုင်ဖြိုးပါတီ ဌာနချုပ်၊ သင်တန်းကျောင်းခန်းမမှာ ဒီကနေ့ ဒီဇင်ဘာလ ၃ ရက်နေ့ မနက် ၉ နာရီက ကျင်းပပြုလုပ် ခဲ့ကြပါတယ်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မှော်ဘီမြို့နယ် ရပ်ကျေးကော်မတီဝင်များ၏ ၈/၂၀၂၂ လပတ် အစည်းဝေးအား ယနေ့ နေ့လည် (၁)နာရီတွင် ကျင်းပရာ အစည်းအဝေးသို့ မှော်ဘီခရိုင် ဥက္ကဌ ဦးအေးလွင်၊ မှော်ဘီမြို့နယ် စီမံမှ ဦးဝင်းစိုး၊ မှော်ဘီမြို့နယ် ကော်မတီဝင်များ နှင့် ရပ်ကျေးပါတီ ဥက္ကဌများ တက်ရောက်ကြပါသည်။ အစည်းအဝေးတွင် ခရိုင်ပါတီဥက္ကဌ ဦးအေးလွင်မှ ရှေ့ဆက်ရမည့်လုပ်ငန်းစဉ် များ နှင့် ရပ်(၉၀)စီမံချက်အား ဆွေးနွေး ပြောကြားပါသည်။ ထို့နောက် မြို့နယ်စီမံ ဦးဝင်းစိုးမှ မြို့နယ်၏ လုပ်ဆာင်နေသည့် စီမံကိစ္စရပ်များအား ပြောကြားပါသည်။ ဆက်လက်ပြီး မြို့နယ်အတွင်းရေးမှူးမှ မှော်ဘီမြို့နယ်နှင့် ပတ်သက်သော လုပ်ငန်းစဉ်များအား ဆက်လက်ရှင်းလင်းကာ တက်ရောက်လာ ကြသော ရပ်ကျေးပါတီ ဥက္ကဌများမှ အကြံပြုဆွေးနွေးပြီး အစည်းဝေးအား နေ့လည် ၂နာရီ မိနစ်၃၀ အချိန်တွင် ရုတ်သိမ်းခဲ့ပါသည်။
