လားရှိုး ဩဂုတ် ၈
လားရှိုးမြို့နယ်၊ ပြည်နယ်ပြည်ခိုင်ဖြိုးပါတီအစည်းအဝေးခန်းမ၌ လားရှိုး ခရိုင် လုပ်ငန်းညှိနှိုင်းအစည်းအဝေးပြုလုပ် ကျင်းပခဲ့ပါသည်။ အစည်းအဝေးသို့ ပြည်နယ်အတွင်းရေးမှူးဒေါက်တာလဆိုင်း၊ လားရှိုးခရိုင်မှဥက္ကဋ္ဌ၊ အတွင်းရေးမှူး၊
ကော်မတီဝင်များနှင့် အရန်ကော်မတီဝင်များ လေးမြို့နယ်မှခရိုင် ဥက္ကဌများ၊ အတွင်းရေးမှူးများနှင့် မြို့နယ် ဥက္ကဋ္ဌများ တက်ရောက်ခဲ့ကြပြီး ပါတီ၏ ရှေ့လုပ်ငန်းစဉ်များ ဆွေးနွေးခဲ့ကြပါသည်။
သြဂုတ် ၇၊ ပုသိမ်
ဧရာတီတိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် ၂၀၂၂ ခုနှစ်၊ သြဂုတ်လ ၇ ရက်နေ့တွင် ပုသိမ်မြို့ရှိ တိုင်းဒေသကြီးပါတီရုံး၌ ပါတီဝင်အသစ် အဟောင်းများ၊ အသင်းတွင်ဆောင်ရွက်ခဲ့သော အသင်းဝင်များ တက်ရောက်ခဲ့သည့် လုပ်ဖော်ကိုင်ဖက်များတွေ့ဆုံပွဲအခမ်းအနားကို ကျင်းပပြုလုပ်ခဲ့ပါသည်။
သြဂုတ် ၆၊ ပြင်ဦးလွင်
မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် (၆-၈-၂၀၂၂)ရက်နေ့ နံနက်ပိုင်းတွင် ရပ်ကွက်ကြီး (၁/၂/၆)အတွင်း သန့်ရှင်းရေးနှင့် ဂဲလောင်ချောင်း ရေစီးရေလာ ကောင်းမွန်ရေးသန့်ရှင်းရေးအတွက် စုပေါင်းလုပ်အားပေးမှုတွင် ပါဝင်ဆောင်ရွက်ခဲ့ကြပါသည်။
အဆိုပါဆောင်ရွက်မှုကို ပြင်ဦးလွင်ခရိုင် ပြည်ခိုင်ဖြိုးပါတီဥက္ကဌ ဦးဟိန်းမင်းဦးနှင့် ခရိုင်ကော်မတီဝင်များ၊ ပြင်ဦးလွင်မြို့နယ် ပြည်ခိုင်ဖြိုးပါတီဥက္ကဌ ဦးဝင်းဇော်နှင့် မြို့နယ်ကော်မတီဝင်များ၊ ပါတီဝင်များမှ နယ်မြေခံ တပ်မတော်သားများ၊ ဌာနဆိုင်ရာများနှင့် ပူးပေါင်း၍ စုပေါင်းဆောင်ရွက်ခဲ့ကြကြောင်း သိရှိရပါသည်။
ရန်ကုန်။ ။ သြဂုတ် (၇)
ရန်ကုန်တိုင်းဒေသကြီး အရှေ့ပိုင်းခရိုင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် စုပေါင်း ဝါဆိုသင်္ကန်း ဆက်ကပ်လှုဒါန်းပွဲ ကို ၂၀၂၂ ခုနှစ်၊ သြဂုတ်လ (၇) ရက်နေ့ နံနက်(၁၀) နာရီတွင် မင်္ဂလာတောင်ညွန့်မြို့နယ်၊ သိမ်ဖြူလမ်းမပေါ်ရှိ ဒေ၀သာဂရ သိမ်ဖြူတော်ကြီးတွင်ကျင်းပခဲ့ပါသည်။
မြစ်ကြီးနား၊ ဩဂုတ် ၆
ကချင်ပြည်နယ် မြစ်ကြီးနားမြို့ ရမ်ပူ ရပ်ကွက်ရှိ ကချင်ပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံးတွင် ၂၀၂၀-၂၀၂၁ ပညာသင်နှစ်တက္ကသိုလ်ဝင် စာမေးပွဲ၌ ထူးချွန်စွာအောင်မြင်ခဲ့သည့် ကျောင်းသား/သူများအား ဂုဏ်ပြုချီးမြှင့်ခြင်း အခမ်းအနားကို ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံးမှ ဦးစီး၍ ယနေ့ နံနက် ၁၀ နာရီ အချိန်တွင် ကျင်းပ ပြုလုပ်ပေးခဲ့သည်။
ဗန်းမော် ဩဂုတ် ၆
ကချင်ပြည်နယ်၊ ဗန်းမော်ခရိုင်၊ ဗန်းမော်မြို့ ပြည်ခိုင်ဖြိုးပါတီရုံး၌ လုပ်ငန်းညှိုနှိုင်းအစည်းအဝေး ကျင်းပပြုလုပ်ခဲ့ ပါသည်။ အစည်းအဝေးသို့ မြို့နယ်ပါတီဥက္ကဌ၊ အတွင်းရေးမှူး၊ ဘဏ္ဍာရေးမှူးနှင့် မြို့နယ်ကော်မတီဝင်များ တက်ရောက်ကြပြီး ရှေ့လုပ်ငန်းစဉ်များကို အပြန်အလှန်ဆွေးနွေးခဲ့ကြပါသည်။
သြဂုတ် ၇၊ ပြင်ဦးလွင်
မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် ပါတီဗဟိုအတိုင်ပင်ခံ ဦးရဲမြင့် ဦးဆောင်မှုဖြင့် ၂၀၂၂ ခုနှစ် မိုးရာသီသစ်ပင်စိုက်ပျိုးပွဲကို ၂၀၂၂ ခုနှစ်၊ သြဂုတ်လ ၇ ရက်နေ့ နံနက် ၀၈၀၀ နာရီအချိန်တွင် ပြင်ဦးလွင်မြို့ တိပိဋကမဟာဂန္တဝင်ဓမ္မရိပ်သာကျောင်းဝင်းအတွင်း၌ ကျင်းပပြုလုပ်ခဲ့ပါသည်။
စစ်တွေ၊ ဩဂုတ် ၄
စစ်တွေမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ဝါဆိုသင်္ကန်း ဆက်ကပ်လှူဒါန်းပွဲကို ယနေ့ ဩဂုတ်လ ၄ ရက်နေ့ (ဝါဆိုလဆန်း ၈ ရက်နေ့) နံနက် ၉ နာရီက ပြုလုပ်ခဲ့ကြသည်။
စစ်တွေမြို့ ရွာကြီးမြောက်ရပ်ကွက်၊ သာသနာ့ဗိမာန်ကျောင်းတိုက်ရှိ ကျောင်းထိုင်ဆရာတော်ကြီးနှင့် သံဃာတော် အရှင်သူမြတ်များ ဝါဆိုသင်္ကန်းဆက်ကပ်လှူဒါန်းခဲ့ကြခြင်းဖြစ်သည်။ထို့နောက် ကျောင်းတိုက်ရှိ ဆရာတော်သံဃာတော်များနှင့် ဥပုသ်သီလဆောက်တည်ရန် ရောက်ရှိလာကြသော ဥပုသ်သည်များကို ဆွမ်းဘောဇဉ်များနှင့် အချိုပွဲများ ဆက်ကပ်လှူဒါန်းကျွေးမွေးခဲ့ကြသည်။
ဘူးသီးတောင်၊ ဩဂုတ် ၄
ဘူသီးတောင်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ စတုတ္ထအကြိမ်မြောက် ဝါဆိုသင်္ကန်း ဆက်ကပ်လှူဒါန်းပွဲကို ယနေ့ ဩဂုတ်လ ၄ ရက်နေ့ နံနက်ပိုင်းက ပြုလုပ်ကျင်းပခဲ့သည်။
အဆိုပါ ဝါဆိုသင်္ကန်းကပ်လှူမှုကို ဘူးသီးတောင်မြို့နယ်၊ အမှတ် ၅ ရပ်ကွက်ရှိ သာသနာ့ရိပ်သာ ဘုန်းတော်ကြီးကျောင်းတိုက်တွင် ပြုလုပ်ခဲ့ခြင်းဖြစ်သည်။သာသနာ့ရိပ်သာဘုန်းတော်တိုက် ဆရာတော် ဘဒ္ဒန္တအာစိဏ္ဏအား ဝါဆိုသင်္ကန်းဆက်ကပ်လှူဒါန်းခဲ့ပြီး ကျောင်းတိုက်ရှိ ဆရာတော်သံဃာတော်များနှင့် ဥပုသ်သီလဆောက်တည်ရန် ရောက်ရှိလာကြသော ဥပုသ်သည်များကို ဆွမ်းဘောဇဉ်များနှင့် အချိုပွဲများ ဆက်ကပ်လှူဒါန်းကျွေးမွေးခဲ့ကြသည်။
