ကြားဖြတ်ရွေးကောက်ပွဲ လေ့လာစောင့်ကြည့်ရန် စေတနာ့ဝန်ထမ်းများကို PACE အဖွဲ့ဖိတ်ခေါ်
လာမည့်ကြားဖြတ်ရွေးကောက်ပွဲတွင် လေ့လာစောင့်ကြည့်ရန် စေတနာ့ဝန်ထမ်းလုပ်အားပေးများကို ယုံကြည်ရ သော ရွေးကောက်ပွဲများပေါ်ပေါက်ရေး ပြည်သူများပူးပေါင်းလှုပ်ရှားမှုအဖွဲ့ (PACE) က ဖိတ်ခေါ်လိုက်သည်။
ကြားဖြတ်ရွေးကောက်ပွဲကိုကာလတို စောင့်ကြည့်ရမည်ဖြစ်ပြီး မတ်လ ၁၅ ရက်မှ ဧပြီ ၅ ရက်အထိ စောင့်ကြည့်ရန် သတ်မှတ်ထားသည်။ ယင်းကာလမှာ မဲဆွယ်စည်းရုံးရေးကာလ၊ ရွေးကောက်ပွဲ ကာလနှင့် ရွေးကောက်ပွဲရလဒ် ကြေညာမည့်ကာလများဖြစ်သည်။
Pace က စေတနာ့ဝန်ထမ်း ဦးရေ ၆၀၀ အထိ ဖိတ်ခေါ်ထားပြီး ဖေဖော်ဝါရီ ၁၃ ရက်အထိ စာရင်းပေးနိုင်သည်။ လျှောက်လွှာပုံစံများကို www.pacemyanmar.org တွင် ၀င်ရောက်ရယူနိုင် မည် ဖြစ်သည်။
စည်းကမ်းသတ်မှတ်ချက်များလည်းရှိပြီး နိုင်ငံရေးပါတီဝင် မဟုတ်သူနှင့် ပါတီတစ်ခုခု၏ အကျိုးစီးပွားကို ကူညီရန် လုပ်ဆောင်ခြင်းမဖြစ်ရဟု တားမြစ်ထားသည်။
‘‘ဒီရွေးကောက်ပွဲက လစ်လပ်နေတဲ့ မဲဆန္ဒနယ်က ပြည်သူတွေအတွက် သိပ်အရေးကြီးတယ်ဆိုတာ မမေ့သင့် ပါဘူး’’ ဟု PACE အဖွဲ့မှ အမှုဆောင်ဒါရိုက်တာ ဦးစိုင်းရဲကျော်စွာမြင့်ကပြောသည်။
လျှောက်ထားသူများအနက် ရွေးချယ်ခံရသူများကို သင်တန်း နှစ်ရက်ပေးမည်ဟု Pace အဖွဲ့မှ သိရသည်။
စစ်တမ်းကောက်ယူရမည့် ကာလအတွင်း နေထိုင်သွားလာမှု ကုန်ကျစရိတ်နှင့် ဖုန်းသုံးစွဲမှု အသုံးစရိတ်များကို Pace က ထောက်ပံ့ပေးမည်ဖြစ်သည်။
လက်ရှိ မဲဆွယ်စည်းရုံးရေးကာလတွင် လစ်လပ်မဲဆန္ဒနယ်များ၏ အကျုံးဝင်မြို့နယ် ၂၂ မြို့ နယ်စလုံးကို Pace က လေ့လာစောင့်ကြည့်လျက်ရှိသည်။
Pace သည် ၂၀၁၅ ရွေးကောက်ပွဲကလည်း စေတနာ့ဝန်ထမ်း ၂,၀၀၀ ကျော်ဖြင့် မြို့နယ် ၁၀၀ ခန့်ကို စောင့် ကြည့်ခဲ့သေးသည်။
ကြားဖြတ်ရွေးကောက်ပွဲကို ၂၀၁၇ ဧပြီ ၁ ရက်တွင် မုံရွာ၊ ချောင်းဆုံ၊ အမ်း၊ လှိုင်သာယာ၊ ဒဂုံမြို့သစ်(ဆိပ်ကမ်း)၊ ဒဂုံမြို့ သစ် (အရှေ့ပိုင်း)၊ ကော့မှူး၊ ကျေးသီး၊ မိုင်းရှူး၊ ထန်တလန်၊ ကျောက် တံခါး၊ ညောင်လေးပင်၊ ကမာရွတ်၊ ကြည့်မြင်တိုင်၊ ဆိပ် ကမ်း၊ လသာ၊ လှိုင်၊ လမ်းမတော်၊ အလုံ၊ ဖရူဆို၊ ကျိုင်းတုံ၊ ညောင် ရွှေ စသည့်မြို့နယ်များ၌ ကျင်းပမည်ဖြစ်သည်။
# 7 Day Daily
