သွေးသန့်စေတဲ့ နေကြာစေ့
ရုပ်ရှင်ရုံထဲကို ၀င်တော့မယ်ဆိုရင် ရုပ်ရှင်ကြည့်ရင်းစားဖို့ နေကြာစေ့ထုပ်လေးတစ်ထုပ်တော့ ပါတတ်စမြဲပါပဲ။ အခွံလေးခွာလိုက်၊ စားလိုက်နဲ့ တစ်ခါတစ်လေ တစ်ထုပ်လုံး ဘယ်လိုကုန်သွားမှန်းတောင် မသိလိုက်ရတာမျိုးတွေ ရှိပါတယ်။ ဒါ့ကြောင့်လည်း ခုဆိုရင် အခွံခွာစရာမလိုတဲ့ အသင့်စားနေကြာစေ့ အထုပ်လေးတွေ တောင် ဈေးကွက်ထဲ နေရာယူလာကြပါပြီ။ နေကြာစေ့ဟာ မောပန်းနွမ်းလျခြင်း၊ ခြေလက်တွေကိုက်ခဲခြင်း၊ အအေးလွန်ကဲစေခြင်း စသည့် သွေးလည်ပတ်မှုနဲ့ သက်ဆိုင်တဲ့ ရောဂါပြဿနာတွေ ကုသရာမှာ ကူညီပေးပါတယ်။
နေကြာစေ့တွေမှာ သတ္တုဓာတ်နဲ့ ဗီတာမင်ဓာတ်ကြွယ်ဝပြီး အထူးသဖြင့် ဗီတာမင် B1နဲ့ E လည်း ပေါကြွယ်ဝ ပါတယ်။ သွေးလည်ပတ်မှု တိုးတက်ကောင်းမွန်စေဖို့ သူက ကူညီပေးနိုင်တဲ့အပြင် မျက်စိ၊ ဆံကေသာ၊ ကြွက်သား နဲ့ အရိုးတွေအတွက်လည်း အကျိုးဖြစ်စေပါတယ်။ အရေပြားပွန်းပဲ့ယောင်ယမ်းနီမြန်းခြင်းကို ကာကွယ် နိုင်တဲ့ သတ္တိ၊ ကိုလက်စထရောပမာဏ လျော့ချနိုင်တဲ့သတ္တိရှိပြီး ကင်ဆာရောဂါကိုလည်း ကာကွယ်ပေးနိုင်တဲ့ သတ္တိတွေပါရှိတယ်။ ကင်ဆာရောဂါကို ကာကွယ်ချင် သူတွေအတွက် နည်းလေးတစ်ခုကို ပြောပြပေးချင်ပါတယ်။
ဒီနည်းအတွက် လိုအပ်မယ့်အရာတွေကတော့ ရေ 500ml အခွံနွာပြီးသာ နေကြာစေ့ (1) ခွက် တို့ပဲဖြစ်ပါတယ်။
ပြုလုပ်ပုံပြုလုပ်နည်း
နေကြာစေ့ကို ပွတ်ပွတ်ဆူတဲ့ ရေနွေးထဲ ၂ နာရီကြာစိမ်ထားပါ။ စိမ်ထားတဲ့ ခွက်လေးကို ဖုံးထားဖို့ လည်း မမေ့ပါနဲ့။ အဲ့အရည်ကို မနက်တိုင်း တစ်ခွက် သောက်သုံးပေးသွားဖို့ပါပဲ။
ဖိုးသူတော်
