ထိုင်းနိုင်ငံက ပုဂံသို့ တိုက်ရိုက်လေယာဉ်ပျံသန်းရန် ကြိုးစားနေ
မြန်မာနိုင်ငံအလယ်ပိုင်းဒေသ ကမ္ဘာလှည့်ခရီးသည် လာရောက်မှုများပြားရာ ပုဂံဒေသသို့ တိုက်ရိုက် လေယာဉ် ပျံသန်း ပြေးဆွဲနိုင်ရေးကို ထိုင်းနိုင်ငံအနေဖြင့် ကြိုးစားလျက်ရှိကြောင်း အစိုးရတာဝန်ရှိသူ တစ်ဦးက မေ ၄ ရက်တွင် ပြောသည်။
မန္တလေးတိုင်းဒေသကြီးရှိ ရှေးဟောင်း ဘုရားစေတီဂူပုထိုးများ ၂၂၀၀ နီးပါး တည်ရှိသည့် ပုဂံဒေသသို့ တိုက်ရိုက် လေကြောင်းလမ်းကြောင်းသစ် ပြေးဆွဲနိုင်ရေးကို မကြာမီက ကျင်းပခဲ့သည့် ကက်ဘိနက် အစည်းအဝေး၌ ခရီးသွား လုပ်ငန်းနှင့် အားကစားဝန်ကြီး ကော့ကန်းဝတ်တာနာ့ရန်ဂကူက အဆိုပြုခဲ့ခြင်း ဖြစ်ကြောင်း ၎င်းကပြောသည်။
ထိုင်းနိုင်ငံသို့ ရောက်ရှိသည့် ကမ္ဘာလှည့်ခရီးသွားအများစုသည် ပုဂံသို့ သွားရောက်ခြင်း များပြားပြီး ညောင်ဦးလေဆိပ် မှ ပုဂံသို့ သွားရောက်ရပြီး ထိုင်းနိုင်ငံမှ ညောင်ဦး လေဆိပ်သို့ တိုက်ရိုက်လေယာဉ် ပျံသန်းနိုင်မှုက ယခုအထိ မရှိသေးပေ။
ပုဂံသို့ ထိုင်းလေကြောင်းလိုင်းခရီးသည်များ တိုက်ရိုက်သွားနိုင်ပါက ရန်ကုန်တွင် ဆင်းသက်ရခြင်းမရှိ၍ ခရီးသွား လာသည့် ကုန်ကျစရိတ်ကို သက်သာစေမည် ဖြစ်ကြောင်း ထိုင်းခရီးသွားဝန်ကြီးက ပြောသည်။ ထိုင်း-မြန်မာနှစ် နိုင်ငံကြား နေ့စဉ်လေကြောင်းပျံသန်းမှုများ တိုးချဲ့နိုင်ရေးအတွက် ထိုင်းဖက်က ကြိုးစားနေပြီး ထိုင်းနှင့် မြန်မာ အာဏာပိုင်များ၏ နှစ်ဖက်သဘောတူ ဆုံးဖြတ်မှုမျိုးက ထွက်ပေါ်လာသေးခြင်း မရှိပေ။ လက်ရှိတွင် မြန်မာနိုင်ငံသို့ ထိုင်းလေယာဉ်များ ပြေးဆွဲမှုက သီတင်းတစ်ပတ်လျှင် ပျမ်းမျှ ၁၅၀ ခန့်ရှိပြီး ထိုင်းနိုင်ငံသို့ မြန်မာဖက်က ပျံသန်း ပြေးဆွဲမှုမှာ တစ်ပတ် ပျမ်းမျှ ၃၀ အောက်သာ ရှိနေသည်။
