မြောက်ကိုရီးယား ခေါင်းဆောင် ကင်ဂျုံအန်းဟာ လွှတ်တော်ရွေးကောက်ပွဲအတွက် မတ်လ ၁၀ ရက်နေ့က မြို့တော်ပြုံယမ်းမှာ မဲပေးခဲ့တယ်လို့ အစိုးရမီဒီယာက ထုတ်ပြန်ပါတယ်။
ကင်မ်ချိုက် နည်းပညာတက္ကသိုလ်က မဲရုံကို ကင်ဂျုံအန်း ရောက်လာပြီး သူ့ကို ရာနဲ့ချီတဲ့ ကျောင်းသားတွေ၊ ဒေသခံတွေက ကြိုဆိုပုံ ရုပ်သံကိုလည်း အစိုးရရုပ်သံ ကေအာတီက ထုတ်လွှင့် ပြသပါတယ်။
ဖေဖော်ဝါရီအတွင်း အကြမ်းဖက်မသင်္ကာသူ ကိုးဦးကို ဖမ်းဆီးမိပြီးနောက် နိုင်ငံခြား အကြမ်းဖက်တိုက်ခိုက်ရေး သမားများ နိုင်ငံအတွင်းသို့ ဝင်မလာစေရေး လုံခြုံရေးသတိ တိုးမြှင့်ထားသည်ဟု မလေးရှားရဲတပ်ဖွဲ့က ပြောသည်။ မသင်္ကာသူများ ရောက်ရှိလာခြင်းကို မလေးရှားရဲတပ်ဖွဲ့က အလေးအနက်ထားနေကြောင်းနှင့် မလိုလားအပ်သော အစိတ်အပိုင်းများ ရှင်းလင်းဖယ်ရှားရေး နိုင်ငံခြားထောက်လှမ်းရေး အေဂျင်စီများနှင့် ပူးပေါင်း ဆောင်ရွက်နေကြောင်း မလေးရှားရဲချုပ် မိုဟာမက်ဖူဇီဟာရွန်က ပြော သည်။
ထိုင်းတော်ဝင်မင်းသမီး ဥပေါရတနာကို ၀န်ကြီးချုပ် အဖြစ် ရွေးကောက်ပွဲ ၀င်ပြိုင်ရေး အဆိုပြုခဲ့တဲ့ အဓိကအတိုက်အခံပါတီ ကို ထိုင်းနိုင်ငံ အခြေခံဥပဒေဆိုင်ရာ တရားရုံးက မနေ့ပဲ ပယ်ဖျက်လိုက်ပါတယ်။
အခုလာမယ့် မတ်လ ၂၄ ရက်နေ့မှာ ရွေးကောက်ပွဲတွေ ထိုင်းနိုင်ငံမှာ ကျင်းပတော့မှာမို့ ရွေးကောက်ပွဲမတိုင်ခင် အချိန်၂ပတ်အလိုမှာ Thai Raksa Chart ပါတီကိုဖျက်သိမ်းဖို့ တရားရုံးက အမိန့်ချမှတ်လိုက်တာပါ။ အခုလိုတရားရုံးရဲ့ဆုံးဖြတ်ချက်ကြောင့် လက်ရှိထိုင်းစစ်အစိုးရနဲ့ နီးစပ်တဲ့နိုင်ငံရေးပါတီတွေအပေါ် အနိုင်ရမယ့် အခွင့်အရေးတွေ Thai Raksa Chart ပါတီအတွက် ဆုံးရှုံးစေခဲ့ပါတယ်။
အမေရိကန်၏ အရေးယူပိတ်ဆို့မှုများကြောင့် အီရန်နိုင်ငံ၏ စီးပွားရေးတွင် ဖိအားများကျရောက်လျက် ရှိနေသော်လည်း အီရန် အနေဖြင့် အမေရိကန်နှင့် ညှိနှိုင်းဆွေးနွေးလိမ့်မည်မဟုတ်ကြောင်း အီရန်သမ္မတ ဟတ်ဆန်ရိုဟာနီ က ပြောကြားခဲ့ကြောင်း သိရသည်။ ထို့ပြင် အမေရိကန်က ပိတ်ဆို့မှုများ လုပ်ဆောင်နေခြင်းမှာ နျူကလီးယားအရေးကိစ္စနှင့်မသက်ဆိုင်ဘဲ အီရန်၏ လက်ရှိ အချုပ်အခြာအာဏာကို ထိခိုက်အောင်ရည်ရွယ် လုပ်ဆောင်နေခြင်း ဖြစ်သည်ဟုလည်း ရိုဟာနီက ပြောကြားခဲ့သည်။ အမေရိကန်နှင့် အီရန်တို့သည် စီးပွားရေးနှင့် စိတ်ဓာတ်စစ်ဆင်ရေး ဆင်နွှဲနေကြောင်း ၎င်းက ပြောကြားခဲ့သည်။
တရုတ်နိုင်ငံရှန်းကျန့် မှာ ပြုလုပ်နေတဲ့ သတင်းစာရှင်းလင်းပွဲနဲ့ အတူ အမေရိကန်အစိုးရကို Huawei ဟာ စိန်ခေါ်လိုက်ပြီ ဖြစ်ပါတယ်။ Huawei ရဲ့ တရားဝင် Facebook စာမျက်နှာကနေ တိုက်ရိုက် Live ထဲမှာ ကုမ္ပဏီရဲ့ Deputy Chairman ဖြစ်သူ Guo Ping မှ ကုမ္ပဏီရဲ့ ထုတ်ကုန်တွေကို ဝယ်ယူခြင်းမပြုနိုင်အောင် ဖက်ထရယ် အေဂျင်စီတွေကနေ ပိတ်ပင်တဲ့ NDAA ဥပဒေကို တရားနည်းလမ်းမကျကြောင်း ပြောပြီး တရားစွဲခဲ့တာပါ။
ပါကစ္စတန်ရေပိုင်နက်အတွင်း အိန္ဒိယ ရေငုပ်သင်္ဘောတစ်စင်း ဝင်ရောက်ရန် ကြိုးစားခဲ့သည်ဟူသော သတင်းမှာ သတင်းမှားသာဖြစ်သည်ဟု အိန္ဒိယ နိုင်ငံက ငြင်းဆိုခဲ့ကြောင်း ကာကွယ်ရေး တာဝန်ရှိသူများက ပြောကြားခဲ့သည်။
အမျိုးသားရေကြောင်းအကျိုးစီးပွားကို ကာကွယ်ရန် ရေတပ်အင်အားကို ဖြန့်ကြက်ထားမည်ဖြစ်ကြောင်း အိန္ဒိယရေတပ်က သတင်းထုတ်ပြန်ထားကြောင်း သိရသည်။ ပါကစ္စတန်နိုင်ငံက ၎င်း၏ ရေပိုင်နက်အတွင်းသို့ အိန္ဒိယရေငုပ်သင်္ဘော တစ်စင်းဝင်ရောက်ရန် ကြိုးပမ်းနေကြောင်း ဗီဒီယိုဖိုင်တစ်ခုအား ထုတ်ပြန် ပြီးနောက် ယခုကဲ့သို့ အိန္ဒိယရေတပ် ၏ ထုတ်ပြန်ချက် ထွက်ပေါ်လာခြင်းဖြစ်သည်။
ဖိလစ်ပိုင်နိုင်ငံ မနီလာမြို့တော် နိုင်ငံတကာလေဆိပ်မှာ လာမယူတဲ့ ခရီးဆောင်အိတ်အတွင်း တိပ်တွေနဲ့ ရစ်ပတ်ထားပြီး မှောင်ခိုသွင်းလာတဲ့ လိပ်ကောင်ရေ ၁၅၀၀ ကျော်ကို ဖိလစ်ပိုင်အာဏာပိုင်တွေက မတ်လ ၃ ရက်နေ့မှာ သိမ်းဆည်းရမိခဲ့ပါတယ်။
ဗင်နီဇွဲလားအတိုက်အခံ ခေါင်းဆောင် ဂျူအန်ဂွိုက်ဒိုသည် မတ် ၄ ရက်က ဗင်နီဇွဲလားသို့ ပြန်လည် ရောက်ရှိလာခဲ့ရာ ၎င်းကို ထောက်ခံသူထောင်ပေါင်းများစွာတို့က အလံများကို ဝှေ့ယမ်းကာ သောင်းသောင်းဖြဖြ ကြိုဆိုခဲ့ကြသည်။
ဗင်နီဇွဲလားသမ္မတ နီကိုးလပ်စ်မာဒူရိုအစိုးရအဖွဲ့က ဂွိုက်ဒိုအားဖမ်းဆီးရန် ခြိမ်းခြောက် နေချိန်တွင် ၎င်းပြန်ရောက်လာခဲ့ခြင်းဖြစ်သည်။ ကျွန်ုပ်တို့အနေဖြင့် စွန့်စားမှုတစ်ခုကို ရင်ဆိုင်နေရခြင်းဖြစ်ပြီး ထိုအရာက ကျွန်ုပ်တို့ကို ရပ်တန့်သွားစေခြင်းငှာ မစွမ်းဆောင်နိုင်ကြောင်း နိုင်ငံပေါင်း ၅၀ ကျော်၏ ထောက်ခံမှုကို ရရှိထားသည့် မစ္စတာဂွိုက်ဒိုက ပြောကြားခဲ့သည်။
ပင်မဆဲအစားထိုးကုသမှု လုပ်ဆောင်ပြီးနောက် လန်ဒန်မြို့သားတစ်ဦးသည် AIDS ရောဂါဒုတိယမြောက် ပျောက်ကင်းသူ ဖြစ်လာကြောင်း လွန်ခဲ့သည့် တင်္နလာနေ့က ထုတ်ဝေခဲ့သည့် Nature ဂျာနယ်တွင် ဖော်ပြခဲ့သည်။
တရုတ် ဆင်ဟွာသတင်းဌာနက လူအရွယ်အစားရှိ စက်ရုပ်တစ်ရုပ်ကို သတင်းကြေညာသူအဖြစ် မတ်လ ၃ ရက်တွင် အသုံးပြုခဲ့သည်။ လူ့အမူအရာဟန်ပန်များနှင့် မျက်နှာပေးပုံစံအမျိုးမျိုးကို လိုက်လံတုပနိုင်သည့် အဆိုပါစက်ရုပ် သည် ‘နှစ်စဉ် ပါလီမန် အစည်းအဝေးတက်ရောက်ရန် ကိုယ်စားလှယ်များ ဘေဂျင်းမြို့သို့ ရောက်ရှိလာ’ဆိုသော သတင်းကို အစီရင်ခံခဲ့သည်။
