အရှေ့တီမောနိုင်ငံ အာဆီယံအဖွဲ့ဝင်နိုင်ငံဖြစ်လာ
==============
အရှေ့တီမော ခေါ် တီမောလက်စ်တီး နိုင်ငံသည် တနင်္ဂနွေနေ့(အောက်တိုဘာလ ၂၆ရက်နေ့) တွင် အရှေ့တောင်အာရှနိုင်ငံများအသင်း(အာဆီယံ)၏ ၁၁ နိုင်ငံမြောက် အဖွဲ့ဝင်နိုင်ငံဖြစ်လာခဲ့ပြီဖြစ်ကာ ပေါ်တူဂီအုပ်ချုပ်မှုလက်အောက်ကျရောက်စဉ် လွန်ခဲ့သော ရာစုနှစ်ဝက်နီးပါးက တည်းက ချမှတ်ခဲ့သော နိုင်ငံ့၏ လက်ရှိသမ္မတ၏ ရည်မှန်းချက်သည် ပြည့်ဝလာခဲ့ပြီဖြစ်သည်။
=================
ရုရှားနှင့် ငြိမ်းချမ်းရေးစာချုပ် ချုပ်ဆိုသွားရန် ဂျပန်နိုင်ငံ၏ဆန္ဒရှိမှုကို ရုရှားနိုင်ငံကကြိုဆိုကြောင်း သမ္မတရုံးကထုတ် ပြန်ထားသည်။
ဂျပန်နိုင်ငံဝန်ကြီးချုပ်အသစ် ဆာနာအီတာကာအီချီ က ရုရှားနိုင်ငံနှင့် ငြိမ်းချမ်းရေးစာချုပ် ချုပ်ဆိုနိုင်ရေးသည် ၎င်းအစိုးရအဖွဲ့၏ နိုင်ငံခြားရေးမူဝါဒတွင် တစ်စိတ်တစ်ပိုင်းအဖြစ် ပါဝင်နေကြောင်း ပြောပြီးနောက် ရုရှားသမ္မတရုံးမှ ပြောရေးဆိုခွင့်ရှိသူ ဒီမီထရီပက်စကော့ က ယခုကဲ့သို့ ကြိုဆိုကြောင်း ပြောခြင်းဖြစ်သည်။
=================
ခြင်တွေဆိုတာ အေးတဲ့နေရာမှာကျက်စားလေ့မရှိပါဘူး။ ဥပမာအားဖြင့် အဲကွန်းဖွင့်ထားတဲ့အခန်းထဲမှာ ခြင်တွေရှိတယ်ဆိုတာရှားပါတယ်။ ဒါကြောင့်လည်း အေးတဲ့ဒေသတွေမှာ ခြင်တွေမရှိတာ ဖြစ်ပါတယ်။
ဒါပေမဲ့ အခုတော့ အဲဒီအခြေအနေတွေက ပြောင်းလဲလာပါပြီ။ ဘာကြောင့်လဲဆိုရင် အလွန်အေးပါတယ်ဆိုတဲ့ ကမ္ဘာ့မြောက်ဖျားပိုင်းရှိ နိုင်ငံတစ်ခုဖြစ်တဲ့ အိုက်စလန်နိုင်ငံမှာ ခြင်တွေကို တွေ့ရှိလာရတယ်လို့ ထုတ်ပြန်လာတဲ့အတွက် ဖြစ်ပါတယ်။
====================
ရုရှားနဲ့ယူကရိန်း စစ်ပွဲအဆုံးသတ်ဖို့ အပစ်အခတ်ရပ်စဲရေး ဆွေးနွေးပွဲတွေဟာ တိုးတက်မှုမရှိဘူးလို့ အမေရိကန်သမ္မတ ဒေါ်နယ်ထရန့်က အိမ်ဖြူတော်မှာပြောကြားပြီး နောက်ပိုင်းမှာ ရုရှားအပေါ် ပထမဆုံးအကြိမ်အဖြစ် ပိတ်ဆို့အရေးယူမှုတွေ ချမှတ်ခဲ့ပါတယ်။
===============
ထိုင်းနိုင်ငံ၏ ဝန်ကြီးချုပ်ဟောင်း ပေတုံတန် ရှင်နာဝပ်ထရာ သည် ဖျူထိုင်းပါတီ ခေါင်းဆောင်အဖြစ်မှ နုတ်ထွက်ကြောင်း ယနေ့ကြေညာခဲ့ပါတယ်။
ကြေညာချက်တွင် ပေတုံတန် သည် လာမည့်ရွေးကောက်ပွဲမတိုင်မီ ပါတီကို ကျယ်ကျယ်ပြန့်ပြန့် ပြန်လည်ပြင်ဆင်မှုစတင်ရန် သူမရဲ့ရည်ရွယ်ချက်ကို ဖော်ပြခဲ့ပါတယ်။
ဆာနာအီတာကာအီချီက ဂျပန်နိုင်ငံ၏ ပထမဆုံးအမျိုးသမီးဝန်ကြီးချုပ်အဖြစ် တင်မြှောက်ခံရ
=====================
ဂျပန်နိုင်ငံရှိ အာဏာရပါတီဖြစ်သည့် လစ်ဘရယ်ဒီမိုကရက်တစ်ပါတီ (LDP) ခေါင်းဆောင် ဆာနာအီတာကာအီချီက ဂျပန်နိုင်ငံ၏ပထမဆုံးသော အမျိုးသမီး ဝန်ကြီးချုပ်အဖြစ် အောက်တိုဘာလ ၂၁ ရက်တွင်ရွေးကောက်တင်မြှောက်ခံရသည်။ ဆာနာအီတာကာအီချီသည် အောက် လွှတ်တော်၏ မဲပေးရွေးချယ်မှုတွင် ထောက်ခံမဲ ၂၃၇ မဲဖြင့်လည်းကောင်း၊ အထက်လွှတ်တော်၏မဲပေးရွေးချယ်မှု တွင် ထောက်ခံမဲ ၁၂၃ မဲဖြင့်လည်းကောင်း ထောက်ခံမှုရရှိကာ ဝန်ကြီးချုပ်အဖြစ် ရွေးကောက်တင်မြှောက်ခံရခြင်းဖြစ်သည်။ ဂျပန်နိုင်ငံ၏ ၁ဝ၄ ဆက်မြောက်ဝန်ကြီး ချုပ်အဖြစ်တာဝန်ထမ်းဆောင်ခွင့်ရရှိရန် ဆာနာအီတာကာအီချီသည် အတိုက်အခံ ပါတီများစွာနှင့် ဆွေးနွေးမှုများလုပ်ဆောင် ခဲ့ရကြောင်း၊ အဆိုပါအတိုက်အခံပါတီများ အနက် ဂျပန်တီထွင်ဆန်းသစ်မှုပါတီနှင့် ညွန့်ပေါင်းဖွဲ့စည်းမှုအတွက် သဘော တူညီချက်ရရှိကြောင်း၊ ယင်းသို့ညွန့်ပေါင်း ဖွဲ့နိုင်ခြင်းကြောင့်ယခုကဲ့သို့ထောက်ခံမဲများ၊ ရရှိခြင်းဖြစ်ကြောင်း သတင်းဌာနများက ဖော်ပြထားသည်။
=========================
ယူကရိန်း အပစ်အခတ်ရပ်စဲရေးကို မော်စကိုက ငြင်းဆိုထားတာကြောင့် အမေရိကန်သမ္မတ ဒေါ်နယ်ထရမ့်နဲ့ ရုရှားသမ္မတ ဗလာဒီမာပူတင်တို့ကြား ထိပ်သီးဆွေးနွေးပွဲကို အောက်တိုဘာ ၂၁ ရက်မှာ ခေတ္တဆိုင်းငံ့ထားခဲ့တယ်လို့ သိရပါတယ်။
ကန် နဲ့ရုရှား နိုင်ငံခြားရေးဝန်ကြီးတွေအနေနဲ့ “ဆက်သွယ်ပြောဆိုမှု ရှိခဲ့နိုင်ပေမယ့် သမ္မတထရွန့် နဲ့ တွေ့ဆုံဖို့ အစီအစဉ်မရှိဘူးလို့ အိမ်ဖြူတော်ကပြောပါတယ်။
================
အဖိုးတန်ကျောက်မျက်ရတနာတွေ ခိုးယူခံရပြီးနောက် ပြင်သစ်နိုင်ငံ ပါရီမြို့က ကမ္ဘာကျော် လုဗ် ပြတိုက်ကို ပိတ်ထားရဆဲဖြစ်တယ်လို့ သိရပါတယ်။
လုဗ်ပြတိုက်ဟာ ကမ္ဘာမှာ နာမည်အကျော်ဆုံး အနုပညာလက်ရာတွေအပြင် နန်းစင်ရတနာတွေနဲ့ အဖိုးတန်ရတနာ ပစ္စည်းတွေထားရှိရာပြတိုက်ဖြစ်လို့ ကမ္ဘာမှာ လူအများဆုံး လာရောက်လည်ပတ်ကြည့်ရှုတဲ့ ပြတိုက်လည်းဖြစ်တယ်လို့ သိရပါတယ်။
ကမ္ဘာ့ဖလား ဘောလုံးပွဲများကိုလိုအပ်လျှင်နေရာပြောင်းကစားစေမည်
=================
လုံခြုံရေးအရ လိုအပ်ပါက ကမ္ဘာ့ဖလားဘောလုံးပွဲများကို အမေရိကန်မြို့ကြီးများမှ နေရာပြောင်းရွှေ့ကစားရန် ဖီဖာဥက္ကဌ ဂီယန်နီ အင်ဖန်တီနိုက ထောက်ခံသွားလိမ့်မည်ဟု အမေရိကန်သမ္မတ ဒေါ်နယ်ထရမ့်ပ်က အင်္ဂါနေ့တွင် ပြောကြားခဲ့သည်။
ဒီမိုကရက်တစ်တို့ အုပ်ချုပ်သောမြို့ကြီးများတွင်ဆောင်ရွက်နေသာ သူ၏နှိမ်နင်းရေးစီမံချက်များကြောင့် ကမ္ဘာ့ဖလားဘောလုံးပွဲများကို ရွှေ့ပြောင်းရနိုင်ခြေကို စက်တင်ဘာလတွင်ထရမ့်ပ်က ထုတ်ဖော်ပြောကြားထားသည်။ သို့ရာတွင် ဘောလုံးပွဲများကို မည်သည့်နေရာတွင်ကျင်းပမည်ဆိုသည့် ဆုံးဖြတ်ချက်သည် ဖီဖာ၏ အုပ်ချုပ်ရေးအဖွဲ့အစည်းအပေါ်တွင်သာ မူတည်သည်ဟု ယင်းအချိန်က ဖီဖာက ပြောကြားခဲ့သည်။
=================
ဂါဇာအရေးထိပ်သီးညီလာခံကို အောက် တိုဘာလ ၁၃ ရက်တွင် အီဂျစ်နိုင်ငံရှိ ရှမ် အယ်ရှိတ်မြို့၌ကျင်းပပြီး တက်ရောက်လာသည့် ကမ္ဘာ့ခေါင်းဆောင်များက ဂါဇာငြိမ်းချမ်းရေးသဘောတူစာချုပ် ပထမအဆင့်ကို လက်မှတ် ရေးထိုးလိုက်ကြောင်း သိရသည်။
ထိုထိပ်သီးညီလာခံကို အီဂျစ်သမ္မတ အယ်စီစီနှင့် အမေရိကန်သမ္မတ ဒေါ်နယ် ထရမ့်တို့က သဘာပတိအဖြစ်ဦးဆောင်ကျင်းပခြင်းဖြစ်ပြီး ကမ္ဘာ့နိုင်ငံပေါင်း ၂၀ ကျော်မှခေါင်းဆောင်များသာမက ဒေသတွင်းနှင့်နိုင်ငံတကာအဖွဲ့အစည်းအကြီး အကဲများတက်ရောက်သည်။
