တောင်မြောက်ကိုရီးယား နယ်စပ်အနီးရှိ ဆည်တစ်ခုမှ ရေများကို ကြိုတင်အကြောင်းမကြားဘဲ တောင်ကိုရီးယားဘက်သို့ မြောက်ကိုရီးယားက ဖောက်ချခဲ့ကြောင်း VOA သတင်းတစ်ရပ်က ဖော်ပြထားသည်။ ပြီးခဲ့သည့် ရက်ပိုင်းအတွင်းက မိုးများသည်းထန်စွာ ရွာသွန်းခဲ့မှုများ ရှိခဲ့သောကြောင့် ယခုကဲ့သို့ မြောက်ကိုရီးယားဘက်မှ ရေများရောက်လာသည့်အတွက် ရေကြီးရေလွှမ်းမိုးမည်ကို တောင်ကိုရီးယား ဒေသခံများက စိုးရိမ်လျက်ရှိကြသည်။
အီးယူမှ နှုတ်ထွက်ရန် ဗြိတိန်တွင် မဲပေးခဲ့ကြပြီးနောက် အခြားနိုင်ငံများ နောက်ထပ် နုတ်ထွက် နိုင်ခြင်းကို အီးယူကစိုးရိမ်နေကြောင်းနှင့် ဗြိတိန်ကဲ့သို့ပင် နယ်သာလန်တွင်လည်း လူဝင်မှုနှင့် အချုပ်အချာ အာဏာကိစ္စရပ်များအပေါ် စိုးရိမ်မှု ကြီးထွားလာပြီး ခွဲရေးအတွက် ဆန္ဒခံယူပွဲ ကျင်းပရန် တောင်းဆိုမှုများ တိုးမြင့်လာသည်ဟု VOA သတင်းက ဖော်ပြသည်။
ဘာသာရေး အထွဋ်အမြတ် နေရာတစ်ခုတွင် အသေခံဗုံးခွဲမှု ပေါ်ပေါက်ခဲ့သည့်နောက် လက်သည်များကို ရှာဖွေ ဖော်ထုတ်ပြီး အညှာအတာမရှိ ဒဏ်ခတ်သွားမည်ဟု ဆော်ဒီ အာရေးဘီးယား ဘုရင်က ပြောကြားခဲ့သည်။
မလေးရှားနဲ့ အင်ဒိုနီးရှား နိုင်ငံတွေအပေါ် အကြမ်းဖက်လုပ်ရပ်တွေ ဆက်လက်လုပ်ဆောင်သွားမယ့် အကြောင်း အိုင်အက်စ် စစ်သွေးကြွ အဖွဲ့က ဗီဒီယိုဖိုင်တစ်ခု ထုတ်လွှင့်ပြီး စစ်ကြေညာလိုက်ပါတယ်။ ကလေးငယ်ပေါင်းများစွာက AK-47 သေနတ်တွေကိုင်ထားတဲ့ မြင်ကွင်းတွေ၊ သေနတ်တွေ ပစ်ခတ်နေတဲ့ မြင်ကွင်းတွေ ပါဝင်ခဲ့တာလည်း တွေ့ရပါတယ်။
ဘဂ္ဂဒက်၊ ဇူလိုင် ၆
ဇူလိုင် ၃ ရက်က ဖြစ်ပွားသည့် အီရတ်နိုင်ငံ မြို့တော် ဘဂ္ဂဒက်အတွင်း အသေခံဗုံးဖောက်ခွဲမှု၌ သေဆုံးသူဦးရေသည် ၂၅၀ အထိ တိုးမြင့်လာခဲ့ရာ ၂၀၀၃ ခုနှစ် နိုင်ငံအတွင်း အမေရိကန်ကျုးကျော်ပြီးနောက်ပိုင်း သေဆုံးမှုအများဆုံး တိုက်ခိုက်မှုဖြစ်ခဲ့သည်။
ပေါက်ကွဲပစ္စည်းများ တင်ဆောင်သည့် လော်ရီအားဖြင့် ကာရာဒါအရပ်တွင် မွတ်စလင်ဥပုလ်လအတွက် ဈေးဝယ်များ ဖြင့် စည်ကားနေရာ၌ ဖောက်ခွဲခဲ့ခြင်းဖြစ်သည်။
ဝါရှင်တန်၊ ဇူလိုင် ၆
အီးမေးလ်အရှုပ်တော်ပုံကြုံသော်လည်း အက်ဖ်ဖီအိုင်က ရာဇ၀တ်မှု မမြောက်ဟု ဆုံးဖြတ်ခံရသည့် ဟီလာရီ ကလင်တန်အတွက် သမ္မတအိုဘားမားကိုယ်တိုင် သမ္မတ ဖြစ်ရေး ထောက်ခံမဲဆွယ်ပေးသည်။ အိုဘားမားက ယခင်သူ့အစိုးရအဖွဲ့တွင် နိုင်ငံခြားရေးဝန်ကြီးအဖြစ် တာဝန်ထမ်းဆောင်ခဲ့သူ ဟီလာရီ၏ ကိုယ်ရည်ကိုယ်သွေးကို အမွှမ်းတင်ချီးကျုးကာ သမ္မတအဖြစ် သူ့နေရာကို ဆက်ခံထိုက်သူဖြစ်ကြောင်း ထောက်ခံပြောဆိုသည်။
ဂျေရုဆလင် ဇူလိုင် ၅
အစ္စရေးဝန်ကြီးချုပ် ဘင်ဂျမင်နေတန်ယာဟုသည် တနင်္လာနေ့က အာဖရိကသို့ ပထမဦးဆုံးအကြိမ် အဖြစ် အလည်အပတ်သွားရောက်ခဲ့ပြီး ခရီးစဉ်အတွင်း ကုလသမဂ္ဂ၌ ပါလက်စတိုင်းတို့ လွှမ်းမိုး လာနိုင်မှုကို တုံ့ပြန်နိုင်ရန်နှင့် ကုန်သွယ်မှု မိတ်ဖက်နိုင်ငံသစ် ရှာဖွေရန်ဟု ယူဆရသည်။
ဇူလိုင် ၅ ။ ။ ဆော်ဒီ အာရေဗျနိုင်ငံတွင် ဇူလိုင်လ ၄ ရက်က အသေခံဗုံးဖောက်ခွဲမှု သုံးကြိမ်ဖြစ်ပွားခဲ့ရာ ဗုံးခွဲတိုက်ခိုက်သူ သုံးဦးအပါအ၀င် အနည်းဆုံး ခုနစ်ဦး သေဆုံးခဲ့ကြောင်း သတင်းတစ်ရပ်တွင် ဖော်ပြထားသည်။ ၂၄ နာရီ အတွင်း နိုင်ငံရှိ မြို့ကြီးသုံးမြို့တွင် ဗုံးခွဲတိုက်ခိုက်မှုသုံးခု ဆက်တိုက်ဆိုသလို ပေါ်ပေါက်ခဲ့ခြင်းဖြစ်သည်။
ဥရောပ သမဂ္ဂ (အီးယူ) ဒေသတွင်း ရှိနေသည့် ကျောက်မီးသွေးသုံး ဓါတ်အားပေးစက်ရုံများမှ ထွက်ရှိနေသော ဖုန်မှုန့်များကြောင့် တစ်နှစ်ကို လူ့အသက်ပေါင်း ၂၃,၀၀၀ ခန့် ဆုံးရှုံးနေရလျက်ရှိသည်ဟု NGO အဖွဲ့အစည်းများမှ ထုတ်ပြန်သည့် အစီရင်ခံစာတွင် ဖော်ပြထားသည်။ လူ့အဆုတ်တွင်းသို့ ၀င်ရောက်တတ်သော အဆိုပါ ဖုန်မှုန့်များ ကြောင့် ဒေသအတွင်းရှိ ကျန်းမာရေး ကဏ္ဍတွင်လည်း ယူရို ဘီလီယံပေါင်းများစွာကိုလည်း ကုန်ကျစေလျက် ရှိသည်။
ဆီးရီးယား နိုင်ငံမှာ လက်နက်ကိုင် အုပ်စု အသီးသီးရဲ့ ပိတ်ဆို့ ဝိုင်းရံ ခံထားရတဲ့ မြို့ ၄ မြို့ က လူပေါင်း ၆ သောင်း ၂ ထောင်ဟာ အစာရေစာ ပြတ်တောက်ပြီး သေဆုံး နိုင်တဲ့ အန္တရာယ် ကြုံနေ ရတယ်လို့ ကုလသမဂ္ဂက သတိပေး လိုက်ပါတယ်။
