တရုတ်နိုင်ငံ စီချွမ်ပြည်နယ် ရှီးချန်း ဂြိုဟ်တုလွှတ်တင်ရေး စင်တာမှ နိုဝင်ဘာ ၁၉ ရက် နံနက် ၂း၀၇နာရီတွင် ဂြိုဟ်တုသစ်၂လုံး အား Long March-3B ဂြိုဟ်တုသယ်ဆောင်ရေးဒုံးပျံတစ်စင်း ဖြင့် အာကာသ အတွင်းရှိ BeiDou တည်နေရာပြဂြိုဟ်တုစနစ် (BDS) အတွင်းသို့ လွှတ်တင်ခဲ့ကြောင်းသိရသည်။
အမေရိကန်နိုင်ငံ၊ ကယ်လီဖိုးနီးယား ပြည်နယ်တွင် တောမီး လောင်ကျွမ်းမှုများ ဖြစ်ပွားအပြီး ပျောက်ဆုံးနေသူ ဦးရေမှာ ထောင်ဂဏန်းထိ မြင့်တက်လာကြောင်း သိရသည်။
ပြည်နယ်သမိုင်းတွင် အသေအပျောက် အများဆုံး စာရင်းဝင် တောမီး ဖြစ်လာသည့် Camp Fire အပါအဝင် ကယ်လီဖိုးနီးယား၌ အနည်းဆုံး တောမီးသုံးခု တပြိုင်တည်းလိုလို ပျံ့နှံ့ ကူးစက် လောင်ကျွမ်းခဲ့သည်။ တောမီးများကို စတင် ထိန်းချုပ်စ ပြုလာနိုင်သော်လည်း Camp Fireကိုမူ ၅၀ ရာခိုင်နှုန်း ပြည့်အောင်ပင် မတားဆီးနိုင်သေးချေ။
ပါရီ နိုဝင်ဘာ ၁၈
ပြင်သစ်နိုင်ငံ၌ စက်သုံးဆီဈေးနှုန်းများ မြင့်တက်မှုအပေါ် ဒေါသထွက်နေကြသူများသည် နိုင်ငံတစ်ဝန်းတွင် လမ်းများကို ပိတ်ဆို့၍ ဆန္ဒပြခဲ့ကြရာ ယာဉ် အသွားအလာများ ကမောက်ကမ ဖြစ်ခဲ့ရကြောင်း၊ ဆန္ဒပြသူများ၏ ဟန့်တားမှုကြောင့် ထိတ်ထိတ်ပျာပျာဖြင့် မောင်းနှင်လာသော မော်တော်ယာဉ်တစ်စီးသည် ဆန္ဒပြသူ လူအုပ်ကြီး အတွင်းသို့ ကားကို မောင်းနှင်မိရာမှ ဆန္ဒပြသူ အမျိုးသမီးတစ်ဦး သေဆုံးခဲ့ရပြီး လူအများအပြား ထိခိုက်ဒဏ်ရာ ရရှိခဲ့ရကြောင်း ဒေသဆိုင်ရာ သတင်းဌာနများက နိုဝင်ဘာ ၁၈ ရက်တွင် သတင်းထုတ်ပြန်သည်။
၂၀၁၆ ခုနှစ် အမေရိကန် သမ္မတ ရွေးကောက်ပွဲနဲ့ ရုရှားရဲ့ ၀င်ရောက် စွက်ဖက်မှုတွေအကြောင်း စုံစမ်း ဖော်ထုတ်နေတဲ့ အထူး စုံစမ်း စစ်ဆေးရေးမှူး Robert Mueller နဲ့ တဦးချင်းထိုင်ပြီး လူတွေ့ မေးမြန်းခွင့် ပြုမှာမဟုတ်ဘူးလို့ သမ္မတ Donald Trump က ပြောပါတယ်။ အထူးစုံစမ်းရေးမှူးရဲ့ မေးခွန်းတွေကို စာနဲ့ရေးပြီး ဖြေကြားထားခြင်းဟာ သူ့ရဲ့ နောက်ဆုံး လုပ်ဆောင်ချက်ဖြစ်တယ်လို့ တနည်းအားဖြင့် သမ္မတ Trump က ပြောကြားလိုက်တာလည်း ဖြစ်ပါတယ်။
နှစ်ပေါင်း ၃၀ ကျော်အတွင်း အမေရိကန်၏ စစ်အင်အားကို အမီလိုက်နိုင်ရန် တရုတ်သမ္မတ စီကျင်းပင်က မျှော်လင့်နေကြောင်း သိရသည်။
၂၀၅၀ ပြည့်နှစ်တွင် တရုတ်၏ စစ်လက်နက်အင်အားနှင့် စစ်ဖက်နည်းပညာ ကဏ္ဍသည် အမေရိကန်ကို ရင်ဘောင်တန်းနိုင်ရန် စီက မျှော်လင့်ထားသည်။ စီသည် မော်စီတုံးခေတ်နောက်ပိုင်း တရုတ်၏ ဩဇာအကြီးဆုံး နိုင်ငံခေါင်းဆောင်အဖြစ် အသိအမှတ်ပြု ခံထားရပြီး နိုင်ငံစီးပွားရေးနှင့် စစ်ရေးကဏ္ဍကို စိတ်တိုင်းကျ ခြယ်လှယ် ဦးဆောင်ခွင့် ရှိနေသည့်အတွက် ထိုရည်မှန်းချက်ကို လက်တွေ့ အကောင်အထည်ဖော်လာဖွယ် ရှိနေသည်။
မလေးရှားဝန်ကြီးချုပ်ဟောင်း နာဂျစ်ရာဇတ်ရဲ့ဇနီးကို ဆိုလာစွမ်းအင်ထုတ်လုပ်ခွင့်ရဖို့ အစိုးရနဲ့ စာချုပ်ချုပ်နိုင်ရေး ကိစ္စမှာ လာဘ်ငွေ အမေရိကန်ဒေါ်လာ ၄၅ သန်းရယူခဲ့တယ်ဆိုတဲ့ စွပ်စွဲချက် ၂ ခုနဲ့ ဒီကနေ့ ထပ်မံစွဲဆို လိုက်ပါတယ်။
တရားရုံးကရရှိတဲ့အချက်အချက်တွေအရ နာဂျစ်ရာဇတ်ရဲ့ဇနီးဖြစ်သူ ရိုစ်မာ မန်ဆန် Rosmah Mansor ဟာ နိုင်ငံအရှေ့ပိုင်း ဆာရာဝတ်ပြည်နယ်က ကျောင်းတွေမှာ ဆိုလာစွမ်းအင်စီမံကိန်းတွေ လုပ်ဆောင်ဖို့ ၂၀၁၆ နဲ့ ၂၀၁၇ ခုနှစ်အတွင်း လာဘ်ငွေတောင်းထားတာတွေ၊ ရယူထားတွေရှိတယ်လို့ ဖော်ပြပါတယ်။
အမေရိကန်နိုင်ငံ ဘဏ္ဍာရေးဝန်ကြီးဌာနက နိုဝင်ဘာ ၁၅ ရက် ၌ ဆော်ဒီအာရေဗျ နိုင်ငံ သတင်းထောက် အသတ်ခံရမှု နှင့်ပတ်သက်ကြောင်း သံသယရှိသူ ၁၇ ဦး အား ပိတ်ဆို့အရေးယူကြောင်း ထုတ်ပြန် ကြေညာခဲ့သည်။
အာဆီယံ အလှည့်ကျဥက္ကဋ္ဌရာထူးကို နိုဝင်ဘာ ၁၅ ရက်နေ့က ထိုင်းနိုင်ငံကို တရားဝင် လွှဲပြောင်းပေးခဲ့ပါတယ်။
စင်ကာပူနိုင်ငံမှာ ၃ ရက်ကြာ ပြုလုပ်တဲ့ ထိပ်သီးဆွေးနွေးပွဲအတွင်း အာဆီယံ ၁၀ နိုင်ငံ ခေါင်းဆောင်တွေဟာ အမေရိကန်၊ တရုတ်၊ ဂျပန်၊ တောင်ကိုရီးယား၊ အိန္ဒိယ၊ နယူးဇီလန်နဲ့ ကနေဒါ နိုင်ငံတွေက ခေါင်းဆောင်တွေနဲ့ တွေ့ဆုံဆွေးနွေးပြီး ကုန်သွယ်ရေးမှသည် လုံခြုံရေး ကိစ္စရပ်တွေအထိ ဆွေးနွေးခဲ့ပါတယ်။
အကြမ်းဖက်မှုတိုက်ဖျက်ရေး ပူးပေါင်းဆောင်ရွက်ကြဖို့ ရုရှားသမ္မတ ဗလာဒီမီယာ ပူတင်က အာဆီယံ ခေါင်းဆောင်တွေနဲ့ ပထမဆုံး အစည်းအဝေးမှာ နိုဝင်ဘာ ၁၄ ရက်က ပြောလိုက်ပါတယ်။
စင်ကာပူနိုင်ငံမှာ ကျင်းပနေတဲ့ အရှေ့တောင်အာရှနိုင်ငံများအသင်း အာဆီယံရဲ့ ထိပ်သီးညီလာခံအတွင်း အစည်းအဝေးမှာ ခုလို ပြောခဲ့တာပါ။
အစ္စရေးကာကွယ်ရေးဝန်ကြီး အာဗီဒေါလစ်ဘာမန်းဟာ ဂါဇာဒေသ အပစ်အခတ် ရပ်စဲတာကို ဆန့်ကျင်တဲ့အနေနဲ့ နိုဝင်ဘာ ၁၄ ရက်နေ့က ရာထူးကနေ နုတ်ထွက်ကြောင်း ကြေညာခဲ့ပါတယ်။
လစ်ဘာမန်းက “အပစ်အခတ်ရပ်စဲရေး” ကို “အကြမ်းဖက်မှုအပေါ် အလျှော့ပေးမှု” အဖြစ် ပြောကြား လိုက်ပါတယ်။ ဒါ့အပြင် လစ်ဘာမန်းက သူသာ ကာကွယ်ရေးဝန်ကြီး ဆက်လုပ်မယ်ဆိုရင် တောင်ပိုင်း ဒေသခံတွေကို စေ့စေ့ကြည့်ရဲမှာ မဟုတ်ဘူးလို့လည်း ပြောခဲ့ပါတယ်။
