======================
ထိုင်းဝန်ကြီးချုပ်ဟောင်း ပေထုန်ရှင်နာဝပ်ထ်ကို အခြေခံဥပဒေခုံရုံးက အပြစ်ရှိတယ်လို့ဆုံးဖြတ်လိုက်တာကြောင့် ဝန်ကြီးချုပ်ရာထူးကနေ ဖယ်ရှားခံလိုက်ရတယ်လို့ သိရပါတယ်။
ပေထုန်ရှင်နာဝပ်ထ်နဲ့ ဟွန်ဆင်တို့ ဖုန်းပြောဆိုထားတဲ့ အသံဖိုင်ပေါက်ကြားမှုဟာ ထိုင်းနိုင်ငံကို ထိခိုက်မှုဖြစ်စေခဲ့တယ်လို့ အခြေခံဥပဒေခုံရုံးက ဆုံးဖြတ်ခဲ့တာဖြစ်တယ်လို့ သိရပါတယ်။
အခြေခံဥပဒေခုံရုံးက ဒီနေ့ နောက်ဆုံးကြားနာမှုအပြီးမှာပဲ အပြစ်ရှိကြောင်း ဆုံးဖြတ်လိုက်ပါ။
==================
(နိုင်ငံတကာ) ဩဂုတ် ၂၈
ကုလသမဂ္ဂအတွင်းရေးမှူးချုပ် အန်တိုနီယို ဂူတာရက်စ်က ဉာဏ်ရည်တုနည်းပညာဆိုင်ရာ နိုင်ငံတကာ ပူးပေါင်းဆောင်ရွက်မှုကို မြှင့်တင်ရန် ရည်ရွယ်ချက်ဖြင့် ကုလသမဂ္ဂလက်အောက် အဖွဲ့အစည်းအသစ်တစ်ခု ထူထောင် ရန် ကုလသမဂ္ဂအထွေထွေ ညီလာခံ၏ဆုံးဖြတ်ချက်ကို ကြိုဆိုကြောင်း ပြောကြားခဲ့သည်။
တောင်ကိုရီးယားက စာသင်ကျောင်းများတွင် မိုဘိုင်းဖုန်းများနှင့် ဒစ်ဂျစ်တယ်ပစ္စည်းများအသုံးပြုမှုကို တားမြစ်သည့်ဥပဒေပြဌာန်း
=====================
တောင်ကိုရီးယားနိုင်ငံတွင် စာသင်ကျောင်းများ၌ မိုဘိုင်းဖုန်းများနှင့် တက်ဘလက်များကဲ့သို့ smart devices များအသုံးပြုမှုကို တားမြစ်ထားသည့် ဥပဒေမူကြမ်းကို အတည်ပြုပြဌာန်းလိုက်ပါသည်။
ထို့ကြောင်း တောင်ကိုရီးယားသည် ကလေးများနှင့် ဆယ်ကျော်သက်များအကြား ဖုန်းအသုံးပြုမှုကို ကန့်သတ်သည့် နောက်ဆုံးနိုင်ငံဖြစ်လာခဲ့သည်။
တရုတ်ကျောင်းများတွင် ဉာဏ်ရည်တု ဘာသာရပ်ကိုမသင်မနေရ ပြဋ္ဌာန်း
=====================
တရုတ်နိုင်ငံ ဇီကျန်းပြည်နယ်ရှိ ဟန်ကျိုး၌ မူလတန်းနှင့် အလယ်တန်းကျောင်းများ၌ ဉာဏ်ရည်တု ဘာသာရပ်ကို မသင်မနေရ ဘာသာရပ် အဖြစ် ပြဋ္ဌာန်းလိုက်သည်။
သင်ခန်းစာများ၌ ဉာဏ်ရည်တုအကြောင်းအရာများကို သတင်းအချက်အလက်နည်းပညာနှင့် သိပ္ပံကဲ့သို့သော ဘာသာရပ်များတွင် ပေါင်းစပ်သင်ကြားခြင်းဖြစ်သည်။
=================
၂၀၂၅ ခုနှစ် စက်တင်ဘာလ ၂ ရက်၌ကျရောက်မည့် ဗီယက်နမ်နိုင်ငံ၏ အမျိုးသားနေ့တွင် အကျဉ်းသား ၁၀,၀၀၀ ကျော်ကို လွတ်ငြိမ်းချမ်းသာခွင့်ဖြင့် လွှတ်ပေးရန်စီစဉ်နေကြောင်း၊ ယင်းမှာ ပြုပြင်ပြောင်းလဲမှု လုပ်ခဲ့ ကြသည့် အကျဥ်းသားများအတွက် လက်ရှိအချိန်အထိ အကြီးမားဆုံးလွတ်ငြိမ်းချမ်းသာခွင့် ပေးခြင်းလည်း ဖြစ်မည်ဟု မျှော်လင့်ရကြောင်း ဗီယက်နမ်ပြည်တွင်းမီဒီယာ VNExpress ၏ ဩဂုတ်လ ၂၆ ရက် သတင်းဖော်ပြမှု အရ သိရသည်။
====================
အပူပိုင်းမုန်တိုင်း ကဂျိကိသည် ဩဂုတ်လ ၂၅ ရက်နံနက်ပိုင်းတွင် ဗီယက်နမ်နိုင်ငံမြောက်ပိုင်းရှိ အလယ်ပိုင်း ကမ်းရိုးတန်းဒေသ ကုန်းတွင်းပိုင်းသို့ဝင်ရောက်တိုက်ခတ်ကြောင်း၊ ထိုမုန်တိုင်း၏ အရှိန်ကြောင့် သစ်ပင်များလဲကျခြင်း နှင့်နေအိမ်များ ရေလွှမ်းမိုးခံရခြင်းတို့ဖြစ်ပွားကြောင်း သိရသည်။
ပါကစ္စတန်နိုင်ငံ၌ မုတ်သုံရာသီအတွင်း သေဆုံးသူ ၇၀၆ ဦးရှိလာ ခိုင်ဘာပတ်တန်ခွာပြည်နယ်က သေဆုံးသူအများဆုံးဖြစ်
ပါကစ္စတန်နိုင်ငံ၌ ယခုနှစ် မုတ်သုံရာသီအတွင်း သေဆုံးသူစုစုပေါင်း ၇၀၆ ဦး အထိရှိလာပြီဖြစ်ကြောင်း အမျိုးသားသဘာဝဘေး စီမံခန့်ခွဲရေး အာဏာပိုင်အဖွဲ့(NDMA) က ဩဂုတ်လ ၁၉ ရက်တွင် ထုတ်ပြန်ထားသည်။
အိမ်ဖြူတော်က တစ်တော့အက်ပလီကေးရှင်း စတင်အသုံးပြု
=================
ဝါရှင်တန် ဩဂုတ် ၂၀ အိမ်ဖြူတော်က ၎င်း၏ တရားဝင် တစ်တော့အကောင့်ကို ဩဂုတ် ၁၉ ရက် တွင် စတင်ဖွင့်လှစ်ခဲ့ကြောင်း သိရသည်။ အမေရိကန်သမ္မတ ဒေါ်နယ်ထရမ့် တစ်တော့အက်ပလီကေးရှင်းကို အမေရိကန်ကုမ္ပဏီတစ်ခုသို့ ရောင်းချရန် သို့မဟုတ် နိုင်ငံအတွင်း၌ သုံးစွဲမှုတားမြစ် ပိတ်ပင်ရန် စဉ်းစားသုံးသပ်လျက်ရှိစဉ် အိမ်ဖြူတော်က တရားဝင်တစ်တော့ အကောင့်ကို စတင်ဖွင့်လှစ်အသုံးပြုခဲ့ ခြင်းဖြစ်သည်။
===================
တရုတ်နိုင်ငံ ပေကျင်းမြို့၌ ဩဂုတ်လ ၁၇ ရက်က ကျင်းပပြီးစီးခဲ့ပြီး ကမ္ဘာ့ပထမဆုံးဖြစ်ပြီး ၂၀၂၅ ခုနှစ် ကမ္ဘာ့လူပုံစံတူ စက်ရုပ်အားကစားပွဲတွင် အသင်းတစ်သင်းလျှင် စက်ရုပ်ဘောလုံးသမား ငါးဦးစီပါဝင်သော တရုတ်နိုင်ငံမှ Tsinghua Hephaestus အသင်းက ဂျာမနီနိုင်ငံမှ HTWK Robots နှင့် Nao Devils တို့ ပူးတွဲ အသင်းအား အနိုင်ရရှိကာ ချန်ပီယံ ဖြစ်လာခဲ့သည်။
========================
တောင်ကိုရီးယားနိုင်ငံနှင့်အမေရိကန်နိုင်ငံတို့က နှစ်စဉ်ဆောင်ရွက်မြဲဖြစ်သော အကြီးစား ပူးတွဲစစ်ရေး လေ့ကျင့်ခန်းကို ဩဂုတ်လ ၁၈ ရက်တွင် စတင်လုပ်ဆောင်ခဲ့ကြောင်း သိရသည်။
Ulchi Freedom Sheild (UFS) အမည်ရှိ အဆိုပါပူးတွဲစစ်ဆင်ရေးလေ့ကျင့်ခန်းကို ၁၁ ရက်ဆောင်ရွက်မည်ဖြစ်ပြီး တောင်ကိုရီးယားစစ်သည် ၁၈,၀၀၀ ခန့်ပါဝင်လေ့ကျင့်မည်ဖြစ်ကြောင်းနှင့် နယ်ပယ်ပေါင်းစုံတွင် ဖြစ်ပေါ်လာနိုင်သည့် အခြေအနေများကို ကြိုတင် သုံးသပ်၍ လေ့ကျင့်မှုများ လုပ်ဆောင်သွားမည်ဖြစ်သည်။
