===============
ဥရောပဘောလုံးအဖွဲ့ချုပ်(UEFA)က ၂၀၂၆-၂၇ ရာသီ ချန်ပီယံလိဂ်ဗိုလ်လုပွဲကို အက်သလက်တီကိုအသင်း ရဲ့ Riyadh Air Metropolitano ကွင်းမှာ ကျင်းပဖို့ဆုံးဖြတ်လိုက်ကြောင်း သိရပါတယ်။
အဆိုပါ အက်သလက်တီကို အသင်း ကစားကွင်းကို ၂၀၁၇ ခုနှစ်မှာ စတင်ဖွင့်လှစ်ခဲ့ခြင်းဖြစ်တာကြောင့် (၁၀)နှစ်ပြည့် အထိမ်းအမှတ်အဖြစ် ချန်ပီယံလိဂ် ဗိုလ်လုပွဲ လက်ခံကျင်းပခွင့်ရရှိခဲ့တာ ဖြစ်ပါတယ်။
မန်ယူကွင်းလယ်လူဟောင်း အဲရစ်ဆင် ဝုဖ်ဘတ်အသင်းသို့ ပြောင်းရွှေ့
================================
ဒိန်းမတ်ကွင်းလယ်လူ အဲရစ်ဆင်ဟာ ပြီးခဲ့တဲ့ရာသီအကုန်မှာ မန်ယူအသင်းကနေ ထွက်ခွာခဲ့ပြီးတဲ့နောက် ဝုဖ်ဘတ်အသင်းသိူ့ ပြောင်းရွှေ့ခဲ့ပါတယ်။ အသက်(၃၃)နှစ်အရွယ်ကစားသမားဟာ ဝုဖ်ဘတ်အသင်းနဲ့ ၂၀၂၇ခုနှစ်နွေရာသီအထိ စာချုပ်ချုပ်ဆိုခဲ့ပါတယ်။ မန်ယူအသင်းမှာ (၃)ရာသီကစားခဲ့ရာမှာ အဲရစ်ဆင်ဟာ (၁၀၇)ပွဲကစားပေးခဲ့ပြီး (၈)ဂိုးသွင်းယူခဲ့ကာ အသင်းနဲ့အတူ ၂၀၂၃မှာ ကာရာဘောင်းဖလားနဲ့ ၂၀၂၄ မှာ အက်ဖ်အေဖလား ဆွတ်ခူးခဲ့ပါတယ်။ အဲရစ်ဆင်ဟာ အရင်က ဘရန့်ဖို့ဒ်၊ အင်တာမီလန်၊ စပါးနဲ့ အေဂျက်ဇ်အသင်းတို့မှာ ကစားခဲ့ပြီး မန်ယူကနေ ထွက်ခွာလာချိန် မယ်လ်မိုအသင်းနဲ့အတူလေ့ကျင့်ခန်းဆင်းခဲ့ပါတယ်။
မြန်မာကိုယ်စားပြု ISPE အသင်း ပါဝင်တဲ့ အာရှအမျိုးသမီးချန်ပီယံဂ်မဲခွဲပွဲပြုလုပ်
=========
အာရှအမျိုးသမီးချန်ပီယံလိဂ်မဲခွဲပွဲကို ယနေ့ (စက်တင်ဘာ ၁၁)ရက်နေ့က ကျင်းပခဲ့ရာ မြန်မာကိုယ်စားပြုISPE အသင်း အင်အားကြီးနိုင်ငံကလပ်အသင်းများနှင့် တွေ့ဆုံနေသည်။
ISPE အသင်းသည် တောင်ကိုရီးယား၊ ဂျပန်၊ မြောက်ကိုရီးယားအခြေစိုက်ကလပ်အသင်းများနှင့် အတူ တအုပ်စုတည်းကျရောက်ခဲ့ခြင်း ဖြစ်သည်။
လာလီဂါရဲ့ သြဂုတ်လအတွက် အကောင်းဆုံးနည်းပြဆုကို အလွန်ဆို ရရှိ
==============
ရီးယဲလ်မက်ဒရစ်အသင်းရဲ့နည်းပြ ရှာဘီအလွန်ဆိုဟာ လာလီဂါရဲ့ သြဂုတ်လအတွက် အကောင်းဆုံးနည်းပြဆု ရရှိခဲ့ကြောင်း သိရပါတယ်။
အလွန်ဆိုဟာ အကောင်းဆုံးနည်းပြဆုအတွက် ဘီလ်ဘာအိုနည်းပြ ဗယ်လ်ဗာဒီ၊ အက်စ်ပန်ညိုနည်းပြ မာနိုလိုဂွန်ဇာလက်ဇ်တို့နဲ့ အဓိကပြိုင်ဆိုင်ခဲ့ရတာဖြစ်ကြောင်း သိရပါတယ်။
မန်ယူဂိုးသမား အိုနာနာ တူရကီကလပ်အသင်းသို့ အငှားနဲ့ ပြောင်းရွှေ့မယ်
===========
မန်ယူအသင်းရဲ့ ဂိုးသမား အိုနာနာဟာ တူရကီကလပ် ထရက်ဇွန်စပေါ်အသင်းထံ တစ်ရာသီအငှားစာချုပ်နဲ့ ပြောင်းရွှေ့ကစားဖို့ သဘောတူညီမှုရရှိခဲ့ပြီဖြစ်ကြောင်း သိရပါတယ်။
မန်ယူအသင်းဟာ အိုနာနာကို ၂၀၂၃ နွေရာသီမှာ အင်တာမီလန်အသင်းဆီကနေ ကနဦးပြောင်းရွှေ့ကြေး ပေါင်(၄၃.၈)သန်း+ Add-ons ကြေး ပေါင်(၃.၄)သန်းနဲ့ ခေါ်ယူပြီး (၅)နှစ်စာချုပ် ချုပ်ဆိုထားတာပါ။
မက်ဂွိုင်းရားကို ခေါ်ယူဖို့ ကမ်းလှမ်းနေတဲ့ ဆော်ဒီကလပ်
===========
ဆော်ဒီကလပ်အသင်းနှစ်သင်းဟာ မန်ယူအသင်းရဲ့ အင်္ဂလန်နောက်ခံလူ မက်ဂွိုင်းရားကို ခေါ်ယူဖို့ ကမ်းလှမ်းမှုပြုလုပ်ထားကြောင်း သိရပါတယ်။
မက်ဂွိုင်းရား(၃၂ နှစ်)ဟာ မန်ယူအသင်းက ရောင်းထုတ်ဖွယ်ရှိတဲ့ ကစားသမားတစ်ဦးဖြစ်ကြောင်း သတင်းထွက်ခဲ့ဖူးသူဖြစ်တာကြောင့် ဆော်ဒီကလပ်တွေက ကမ်းလှမ်းခဲ့ခြင်းဖြစ်ကြောင်း သိရပါတယ်။
နောက်ဆုံးကမ္ဘာ့ဖလားခြေစစ်ပွဲမှာ အာဂျင်တီးနားအသင်းအတွက် မက်ဆီ နှစ်ဂိုးသွင်း
==============
အာဂျင်တီးနားအသင်းခေါင်းဆောင် တိုက်စစ်မှူး မက်ဆီဟာ ကစားသမားဘဝ နောက်ဆုံးကမ္ဘာ့ဖလားခြေစစ်ပွဲမှာ နှစ်ဂိုးသွင်းယူပြီး ခြေစွမ်းပြနိုင်ခဲ့ကြောင်း သိရပါတယ်။
ဗင်နီဇွဲလားအသင်းနဲ့ ဒီနေ့မနက် ယှဉ်ပြိုင်ကစားတဲ့ ကမ္ဘာ့ဖလားခြေစစ်ပွဲဟာ မက်ဆီအတွက် နောက်ဆုံးယှဉ်ပြိုင်ကစားတဲ့ ကမ္ဘာ့ဖလားခြေစစ်ပွဲ ဖြစ်သလို၊ အာဂျင်တီးနားမြေမှာ ယှဉ်ပြိုင်ကစားတဲ့ နောက်ဆုံးသော ပြိုင်ပွဲအဆင့် ပွဲစဉ်တစ်ပွဲဖြစ်ကြောင်း သိရပါတယ်။
အောင်လအန်ဆန်နှင့် ဆွီဒင်ဖိုက်တာ ကာဒက်စတန်တို့ မစ်ဒယ်ဝိတ်တန်းတွင် ယှဉ်ပြိုင်မည်
========
လာမည့် အောက်တိုဘာ(၃)ရက်၌ ထိုင်းနိုင်ငံ၊ ဘန်ကောက်မြို့တွင် ကျင်းပမည့် One Fight Night- 36 ပွဲစဉ်အတွင်းမြန်မာ့အချစ်တော် MMA ဖို-က်တာ အောင်လအန်ဆန်နှင့် ဆွီဒင်ဖို-က်တာ ကာဒက်စတန်တို့ မစ်ဒယ်ဝိတ်တန်းတွင် ယှဉ်ပြိုင်ထိုးသ-တ်သွားမည်ဟု ONE Championship က တရားဝင် အသိပေးလာသည်။
အီဆက်ခ်ကို ဗြိတိန်စံချိန်တင်ပြောင်းရွှေ့ကြေး ပေါင်(၁၂၅)သန်းနဲ့ လီဗာပူးလ် သဘောတူညီမှုရရှိ
===============
လီဗာပူးလ်အသင်းဟာ နယူးကာဆယ်အသင်းက ဆွီဒင်တိုက်စစ်မှူး အီဆက်ခ်ကို ဗြိတိန်စံချိန်တင်ပြောင်းရွှေ့ကြေး ပေါင်(၁၂၅)သန်းနဲ့ သဘောတူညီမှုရရှိခဲ့ပြီလို့ သိရပါတယ်။
အီဆက်ခ်ဟာ ဒီမနက်မှာ လီဗာပူးလ်အသင်းနဲ့ ဆေးစစ်မှုပြုလုပ်ပြီး (၆)နှစ်စာချုပ် ချုပ်ဆိုသွားမယ်လို့လည်း သိရပါတယ်။
======================
မြန်မာနိုင်ငံ ကြက်တောင်အဖွဲ့ချုပ်မှ ကျင်းပမည့် သာမန်တန်းနှင့် အသက် ၁၉ နှစ် အောက် အမျိုးသား+ အမျိုးသမီး အသင်းလိုက် ကြက်တောင်ပြိုင်ပွဲကို ၂၀၂၅ ခုနှစ်၊ အောက်တိုဘာလ ၉ ရက်မှ ၁၂ ရက်အထိ ရန်ကုန်တိုင်း ဒေသကြီး လမ်းမတော်မြို့နယ် အနော်ရထာလမ်းရှိ မြန်မာနိုင်ငံကြက်တောင်အဖွဲ့ချုပ် အမျိုးသားကြက်တောင်အားကစား ခန်းမတွင် ကျင်းပသွားမည်ဖြစ်ကြောင်း သိရပါတယ်။
