ဂျူဗင်တပ်အသင်းဟာ မန်ယူတိုက်စစ်ကစားသမား ဂရင်းဝုဒ်ကို ပေါင်သန်း(၄၀)ဝန်းကျင်နဲ့ ခေါ်ယူဖို့ စိတ်ဝင်စားနေတယ်လို့ သိရပါတယ်။ မန်ယူအသင်းကလည်း အခုနွေရာသီမှာ အသက်(၂၂)နှစ်အရွယ် ဂရင်းဝုဒ်ကို ရောင်းချဖို့ ဆန္ဒရှိနေပြီး ပြောင်းရွှေ့ကြေးပေါင်သန်း(၄၀)ဟာ ဂရင်းဝုဒ်အတွက် မန်ယူသတ်မှတ်ထားတဲ့ တန်ကြေးနဲ့နီးစပ်ပါတယ်။ ဒါ့အပြင် မန်ယူဟာ နည်းပြတန်ဟတ်ရဲ့အပြောင်းအရွှေ့ အတွက် ငွေကြေးသုံးစွဲနိုင်ဖို့ ကစားသမားတစ်ချို့ကိုရောင်းချဖို့ စီစဉ်နေပါတယ်။ ဂျူဗင်တပ်ဟာ ဂရင်းဝုဒ်အတွက် ကမ်းလှမ်းမှုမလုပ်ရသေးပေမယ့် ကစားသမားသာ သဘောတူညီမယ်ဆိုရင် အပြောင်းအရွှေ့အပြီးသတ်နိုင်မယ်လို့ ယုံကြည်နေပါတယ်။ ဂရင်းဝုဒ်ဟာ ပြီးခဲ့တဲ့ရာသီက ဂီတာဖေးမှာ အငှားနဲ့သွားရောက်ကစားခဲ့ပြီး ခြေစွမ်းပြကစားနိုင်ခဲ့တာကြောင့် ကလပ်အသင်းတစ်ချို့က ခေါ်ယူဖို့ စိတ်ဝင်စားနေကြပါတယ်။  
သတင်းအပြည့်အစုံကိုကြည့်ရှုရန်

ဘရိုက်တန်အသင်းနည်းပြသစ်အဖြစ် ခန့်အပ်ခြင်းခံလိုက်ရတဲ့ အသက် ၃၁ နှစ်အရွယ် ဟာဇီလာဟာ ပရီးမီးယားလိဂ်သမိုင်းမှာ အသက်အငယ်ဆုံးနည်းပြဖြစ်လာခဲ့ပါတယ်။ အမေရိကန်နဲ့ ဂျာမနီနွယ်ဖွား ဟာဇီလာဟာ ပြီးခဲ့တဲ့ဘောလုံးရာသီက စိန့်ပေါ်လီအသင်းကို ဘွန်ဒက်စ်လီဂါ(၂) ချန်ပီယံဆုကို ရရှိစေခဲ့ပြီး တန်းတက်ခွင့်ရအောင် ဦးဆောင်ပေးနိုင်ခဲ့သူဖြစ်ပါတယ်။ နည်းပြဟာဇီလာက ကိုယ်ပိုင်စတိုင်ရှိပြီး အသင်းကို အကောင်းဆုံးဦးဆောင်မှုပေးနိုင်မယ်ဆိုတာ ယုံကြည်တယ်လို့ ဘရိုက်တန်အသင်းဥက္ကဋ္ဌ တိုနီဘလွန်းက ပြောခဲ့ပါတယ်။ နည်းပြ ဟာဇီလာကို ဘရိုက်တန်အသင်းက ၂၀၂၇ အထိစာချုပ်ချုပ်ဆိုခဲ့တာပါ။ ၂၀၂၁ တုန်းက စပါးအသင်းယာယီနည်းပြ မေဆန်ဟာ အသက် ၂၉ နှစ်အရွယ်နဲ့ ပရီးမီးယားလိဂ်ပွဲစဉ်တစ်ပွဲကို ကိုင်တွယ်ခွင့်ရတဲ့ အသက်အငယ်ဆုံးနည်းပြအဖြစ် မှတ်တမ်း ဝင်ခဲ့ပေမယ့် အခု ဟာဇီလာကတော့ အမြဲတမ်းနည်းပြတွေထဲ အသက်အငယ်ဆုံးအဖြစ်မှတ်တမ်းဝင် တော့မှာဖြစ်ပါတယ်။  
သတင်းအပြည့်အစုံကိုကြည့်ရှုရန်

ပြီးခဲ့တဲ့ရာသီက မန်ယူအသင်းကို ရလဒ်ကောင်းရရှိအောင် လုပ်ဆောင်မပေးနိုင်ခဲ့တာကြောင့် အသင်းကနေ ထုတ်ပယ်မယ်လို့ သတင်းတွေ ထွက်ပေါ်နေပေမယ့်လည်း မန်ယူအသင်းဟာ တန်ဟတ်ကို နည်းပြအဖြစ် ဆက်ခန့်ဖို့ ဆုံးဖြတ်လိုက်တယ်လို့ သတင်းတွေမှာ ဖော်ပြနေပါတယ်။
နည်းပြတန်ဟတ်လက်ထက် မန်ယူအသင်း ဟာ ပြီးခဲ့တဲ့ရာသီက ပရီးမီးယားလိဂ်ပြိုင်ပွဲမှာ အဆင့်(၈)နေရာနဲ့ ပြီးဆုံးခဲ့ပေမယ့် မန်စီးတီးအသင်းကို အနိုင်ရပြီး အက်ဖ်အေဖလားဆွတ်ခူးနိုင်ခဲ့တာပါ။ ပြီးခဲ့တဲ့ရာသီအကုန်မှာပဲ မန်ယူအသင်းရဲ့ တာဝန်ရှိသူတွေက နည်းပြ တန်ဟတ်ရဲ့အနာဂတ်ကို ဆုံးဖြတ်နေကြတာဖြစ်ပြီး အခုအချိန်မှာ တော့ အသင်းမှာ ဆက်ထားဖို့ ဆုံးဖြတ်ခဲ့တာ ဖြစ်ပါတယ်။
မန်ယူအသင်းနဲ့ နည်းပြတန်ဟတ်တို့ရဲ့ စာချုပ်ဟာ လာမယ့် ဘောလုံးရာသီအပြီးမှာ ကုန်ဆုံးမှာဖြစ်တာကြောင့် စာချုပ်သစ်ချုပ်ဆိုဖို့ကိုလည်း ဆွေးနွေးနေတယ်လို့ သတင်းတွေက ဖော်ပြလာခဲ့ပါတယ်။  
သတင်းအပြည့်အစုံကိုကြည့်ရှုရန်

 
သတင်းအပြည့်အစုံကိုကြည့်ရှုရန်

လာမယ့်(၂၀၂၅) ကလပ်ကမ္ဘာ့ဖလားပြိုင်ပွဲမှာ ပါဝင်ဖွယ်မရှိဘူးဆိုတဲ့ သတင်းတွေ ထွက်ပေါ်လာခဲ့ပြီးနောက် ရီးရဲလ်မက်ဒရစ်အသင်းက ကလပ်ကမ္ဘာ့ဖလားပြိုင်ပွဲမှာ ပါဝင်ဖို့အတွက် ဆန္ဒရှိတယ်လို့ ဇွန်လ(၁၀)ရက်က တရားဝင် ကြေညာခဲ့ပါတယ်။ ရီးရဲလ်မက်ဒရစ်နည်းပြ အန်ဆလော့တီက လာမယ့် ကလပ်ကမ္ဘာ့ဖလားပြိုင်ပွဲမှာ ပါဝင်ဖွယ်မရှိတဲ့ ပုံစံမျိုးပြောခဲ့ပြီးနောက် ချက်ချင်းဆိုသလိုပဲ သတင်းတွေ ထွက်ပေါ်လာခဲ့တာကြောင့် ရီးရဲလ် မက်ဒရစ်အသင်းဘက်က အခုလိုမျိုး ကြေညာခဲ့ရတာပါ။
ရီးရဲလ်မက်ဒရစ်အသင်းအနေနဲ့ လာမယ့်ကလပ် ကမ္ဘာ့ဖလားပြိုင်ပွဲကို စီစဉ်ထားတဲ့အတိုင်း ပါဝင်ယှဉ်ပြိုင်သွားမှာ ဖြစ်ပြီး အောင်မြင်မှုရရှိအောင် ကစားသွားမှာဖြစ်တယ်လို့ ကလပ်အသင်းဘက်က ထုတ်ပြန်ခဲ့ပါတယ်။ (၂၀၂၅) ကလပ်ကမ္ဘာ့ဖလာ ပြိုင်ပွဲဟာ အရင်က တိုက်ကြီး(၇)တိုက်ရဲ့ချန်ပီယံ အသင်း(၇)သင်းပဲ ပါဝင်ယှဉ်ပြိုင်ခဲ့တာ ဖြစ်ပေမယ့် အခုအချိန်မှာ အသင်းပေါင်း (၃၂)သင်းအထိ ဖြစ်လာတာကြောင့် ကစားရမယ့်ပွဲစဉ်တွေ များပြားလာ တဲ့အတွက် ဝေဖန်မှုတွေနဲ့လည်း ကြုံတွေ့နေရပါတယ်။  
သတင်းအပြည့်အစုံကိုကြည့်ရှုရန်

အာဆီယံတက္ကသိုလ်အားကစားပြိုင်ပွဲကြီးကို (၂)နှစ်တစ်ကြိမ်ကျင်းပခဲ့တာ အခုဆို(၂၁)ကြိမ်မြောက်ပြီဖြစ်ပါတယ်။(၂၁)ကြိမ်မြောက် အာဆီယံတက္ကသိုလ်အားကစားပြိုင်ပွဲကြီးကို ဇွန်လ(၂၅)ရက်မှ ဇူလိုင်လ(၆)ရက်နေ့အထိ အင်ဒိုနီးရှားနိုင်ငံမှာကျင်းပသွားမှာဖြစ်ပါတယ်။
ဒီပြိုင်ပွဲကို အာဆီယံဒေသတစ်ဝှမ်းက အားကစားသမားတွခေါ်ယူကျင်းပတာဖြစ်ပြီး မြန်မာနိုင်ငံမှလည်း ပိုက်ကျော်ခြင်းအားကစားကိုဝင်ရောက်ယှဉ်ပြိုင်မှာဖြစ်ပါတယ်။မြန်မာ့လက်ရွေးစင်ပိုက်ကျော်ခြင်းအားကစားသမားများအနေနဲ့လည်း ဇွန်လဆန်းထဲက သုဝဏ္ဏပိုက်ကျော်ခြင်းအားကစားရုံမှာ လေ့ကျင့်မှုတွေပြုလုပ်နေပြီဖြစ်ပါတယ်။
ယှဉ်ပြိုင်ကြမယ့်အားကစားသမားတွေက အသက်(၂၇)နှစ်အောက် လက်ရွေးစင်လူငယ်အားကစားသမားတွေဖြစ်ပြီး ၂ယောက်တွဲ၊ ၃ယောက်တွဲ၊ ၄ယောက်တဲ့စတဲ့ ကစားနည်းတွေနဲ့ပါဝင်ယှဉ်ပြိုင်သွားမှာဖြစ်ပါတယ်။

===========  
သတင်းအပြည့်အစုံကိုကြည့်ရှုရန်

မန်ယူအသင်းသည် ပြီးခဲ့သည့် ဇန်နဝါရီအပြောင်းအရွှေ့ကာလ၌ ဒေါ့မွန်အသင်းထံ အငှားချခဲ့သည့် အင်္ဂလန်တောင်ပံကစားသမား ဆန်ချိုကို ယခုနွေရာသီတွင် ပေါင်သန်း(၄၀)ဖြင့် ရောင်းထုတ်ရန် စီစဉ်နေကြောင်း သိရသည်။

ဆန်ချို(၂၄ နှစ်)သည် နည်းပြ တန်ဟက်ဂ်နှင့် အဆင်မပြေဖြစ်ခဲ့သဖြင့် အသင်းဟောင်း ဒေ့ါမွန်ထံ အငှားသွားရောက်ကစားခဲ့ခြင်းဖြစ်ပြီး တန်ဟက်ဂ် ဆက်ရှိနေပါက မန်ယူအသင်းထံ ပြန်မလာလိုတော့ကြောင်း သတင်းထွက်ခဲ့သည်။  
သတင်းအပြည့်အစုံကိုကြည့်ရှုရန်

 
သတင်းအပြည့်အစုံကိုကြည့်ရှုရန်

ကမ္ဘာ့အဆင့် ၁ ပိုလန်တင်းနစ်မယ် ဆွီယာတက်ခ်ဟာ အခုနှစ်ပြင်သစ်အိုးပင်းတင်းနစ် အမျိုးသမီး တစ်ဦးချင်းပွဲမှာ အနိုင်ရခဲ့ပြီးနောက် ချန်ပီယံဆုကို ၃ နှစ်ဆက် သိမ်းပိုက်သွားခဲ့ပါတယ်။ဗိုလ်လုပွဲမှာ ဆွီယာတက်ခ်နဲ့ အီတလီတင်းနစ်မယ် ပါအိုလီနီတို့ဆုံတွေ့ခဲ့တာဖြစ်ပြီး ဆွီယာတက်ခ်အတွက် သက်သောင့်သက်သာ ရှိတဲ့ ဗိုလ်လုပွဲတစ်ပွဲဖြစ်ခဲ့ပါတယ်။ပါအိုလီနီကလည်း အကောင်းဆုံးကြိုးစားခဲ့ပေမယ့်ပွဲအပြီးမှာ ဆွီယာတက်ခ်က (၆:၂ ၊၆:၁)ဆိုတဲ့ရလဒ်နဲ့ အနိုင်ရခဲ့ပြီး ချန်ပီယံဆုကိုရယူသွားခဲ့တာဖြစ်ပါတယ်။ ဆွီယာတက်ခ်အတွက်တော့ အခုချန်ပီယံဆုက ၄ကြိမ်မြောက် ပြင်သစ်အိုးပင်းချန်ပီယံဆု ဖြစ်သလို ၅ ခုမြောက်ဂရင်းစလမ်ချန်ပီယံဆုလည်းဖြစ်ခဲ့ပါတယ်။  
သတင်းအပြည့်အစုံကိုကြည့်ရှုရန်