စာချုပ်သစ်ကိစ္စအဆင်မပြေဖြစ်နေတဲ့ ရီးရဲလ်နှင့် ဗီနီစီးယက်စ်
==================
ဘရာဇီးတိုက်စစ်ကစားသမား ဗီနီစီးယက်စ် က ရီးရဲလ်အသင်းနဲ့ စာချုပ်သစ်ချုပ်မှာ မဟုတ်ဘူးလို့ အသိပေးထားကြောင်း သတင်းတွေထွက်ပေါ်နေခဲ့ပါတယ်။
၂၀၂၇ နွေရာသီမှာ စာချုပ်ပြည့်မယ့် ဗီနီစီးယက်စ် က ရီးရဲလ်အသင်းနဲ့ စာချုပ်သစ်အတွက် ဆွေးနွေးမှုတွေ ရပ်ဆိုင်းထားတာဖြစ်ပါတယ်။
ဆွေးနွေးမှုတွေ ပြန်လည်စတင်ဖို့ နှောင့်နှေးနေချိန်မှာ ဗီနီးစီးယက်စ် ဘက်က အသင်းဆီကို အခုလိုအကြောင်းကြားခဲ့တာဖြစ်ပါတယ်။
စီရော်နယ်လ်ဒိုရဲ့ ပွဲပယ်ပြစ်ဒဏ်ကို ဆိုင်းငံ့ပြစ်ဒဏ်အဖြစ် သတ်မှတ်လိုက်တာကြောင့် ကမ္ဘာ့ဖလားအုပ်စုအဖွင့်ပွဲမှာ ပါဝင်ကစားနိုင်မယ်
====================
ကမ္ဘာ့ဘောလုံးအဖွဲချုပ်(ဖီဖာ)က ပေါ်တူဂီအသင်းခေါင်းဆောင် တိုက်စစ်မှူး စီရော်နယ်လ်ဒိုရဲ့ ပွဲပယ်ပြစ်ဒဏ်ကို ဆိုင်းငံ့ပြစ်ဒဏ်အဖြစ် သတ်မှတ်လိုက်တာကြောင့် စီရော်နယ်လ်ဒိုအနေနဲ့ ၂၀၂၆ ကမ္ဘာ့ဖလားအုပ်စုအဖွင့်ပွဲမှာ ပါဝင်ကစားနိုင်မယ်လို သိရပါတယ်။
စီရော်နယ်လ်ဒိုဟာ အိုင်ယာလန်နဲ့ ယှဉ်ပြိုင်ခဲ့တဲ့ ကမ္ဘာ့ဖလားခြေစစ်ပွဲမှာ ပြိုင်ဘက်နောက်ခံလူကို တံတောင်နဲ့တွက်ခဲ့တာကြောင့် အနီကတ်ပြခံခဲ့ရပြီး ပုံမှန်အတိုင်းဆိုရင် (၃)ပွဲပယ်ပြစ်ဒဏ် ကျခံရမှာဖြစ်ပေမဲ့ အာမေးနီးယားနဲ့ ပွဲကိုသာ လွဲချော်ခဲ့ရပြီး ကျန်နှစ်ပွဲကို ဆိုင်းငံ့ပြစ်ဒဏ်အဖြစ် သတ်မှတ်ခံရတာဖြစ်ပါတယ်။
ဘတ်တစ်အသင်းက ကလပ်အသင်း လက်မဲ့ဖြစ်နေသည့် ကစားသမားဟောင်း အစ္စကိုအား သုံးနှစ်စာချုပ်ဖြင့် ပြန်လည်ခေါ်ယူ
========================
ဘက်တစ်အသင်းဟာ စပိန်ကွင်းလယ်တိုက်စစ်ကစားသမား အစ္စကိုကို ၂၀၂၈ ခုနှစ်အထိ သက်တမ်းတိုးလိုက်ကြောင်း သိရပါတယ်။
အစ္စကိုရဲ့ လက်ရှိစာချုပ်က ၂၀၂၇ ခုနှစ်မှာ ကုန်ဆုံးမှာဖြစ်တာကြောင့် ဘက်တစ်အသင်းက နောက်ထပ်တစ်နှစ် သက်တမ်းတိုးခဲ့ခြင်းဖြစ်ပြီး ပရိသတ်တွေက အသင်းရဲ့လုပ်ဆောင်မှုကို ထောက်ခံအားပေးခဲ့ကြကြောင်း သိရပါတယ်။
Davis Cup တင်းနစ်ပြိုင်ပွဲတွင် အီတလီအသင်း ချန်ပီယံဆုဆွတ်ခူး
====================
အီတလီနိုင်ငံ၊ ဘိုလော့ဂ်နာမြို့တွင် ကျင်းပတဲ့ Davis Cup တင်းနစ်ပြိုင်ပွဲ ဗိုလ်လုပွဲတွင် လက်ရှိချန်ပီယံ အီတလီအသင်းနှင့် ချန်ပီယံဟောင်း စပိန်အသင်းတို့ ယှဉ်ပြိုင်ကစားခဲ့ရာ အီတလီအသင်းက အနိုင်ရပြီး ချန်ပီယံဆုကို ဆွတ်ခူးခဲ့ကြောင်း Ubi Tennis သတင်းဌာနက ဖော်ပြခဲ့ပါတယ်။
အိမ်ကွင်းမှာ အဲဗာန်တန်ကို ရှုံးနိမ့်သွားတဲ့ မန်ယူ
======================
ယနေ့နံနက်ပိုင်းက ပရီးမီးယားလိဂ် ပွဲစဉ်(၁၂)အဖြစ် မန်ယူနဲ့ အဲဗာတန်အသင်းတို့ ယှဉ်ပြိုင်ကစားခဲ့ရာတွင် အဲဗာတန်အသင်းက အိမ်ရှင်မန်ယူကို ဝ-၁ ဂိုးနဲ့ အနိုင်ရရှိခဲ့ပါတယ်။
အဲဗာတန်ကွင်းလယ်ကစားသမား ဂေးယီဟာ ၁၃ မိနစ်မှာ အသင်းဖော်နောက်ခံလူ မိုက်ကယ်ကင်းကို ကိုယ်ထိလက်ရောက်ကျူးလွန်လို အနီကတ်ပြသခံခဲ့ရပါတယ်။
မိန်နူးနဲ့ ဇက်ဇီးတို့ ဇန်နဝါရီမှာ အသင်းက ထွက်ခွာရဖွယ်ရှိကြောင်း အာမိုရင်မ် ပြော
====================
မန်ယူအသင်းရဲ့နည်းပြ အာမိုရင်မ်က အသင်းမှာ နေရာမရဖြစ်နေတဲ့ မိန်နူးနဲ့ ဇက်ဇီးတို ဇန်နဝါရီအပြောင်းအရွှေ့ဈေးကွက်မှာ အသင်းက ထွက်ခွာရဖွယ်ရှိကြောင်း ပြောကြားခဲ့ပါတယ်။
ဒီကစားသမားနှစ်ဦးစလုံးဟာ ဒီရာသီ ပရီးမီးယားလိဂ်ပြိုင်ပွဲမှာ တစ်ကြိမ်မှ ပွဲထွက်ကစားခွင့်မရသေးဘဲ ဇက်ဇီးက (၈၂)မိနစ်၊ မိန်နူးက (၁၃၈)မိနစ်သာ ကစားခွင့်ရထားကြောင်း သိရပါတယ်။
မန်ယူကစားသမားဟောင်း အန်တိုနီကို ဘိုင်ယန်မြူးနစ်အသင်း ချိတ်ဆက်ခဲ့သော်လည်း ငြင်းပယ်
================
ဘက်တစ်အသင်းရဲ့ ဘရာဇီးလ်တောင်ပံကစားသမား အန်တိုနီက ပြီးခဲ့တဲ့နွေရာသီအပြောင်းအရွှေ့နောက်ဆုံးနေ့မှာ ဘိုင်ယန်မြူးနစ်နည်းပြ ကွန်ပနီက သူ့ကို ခေါ်ယူဖို့ ချိတ်ဆက်ခဲ့ပေမဲ့ ငြင်းပယ်ခဲ့ကြောင်း ဖွင့်ဟပြောကြားခဲ့ပါတယ်။
အန်တိုနီဟာ ပြီးခဲ့တဲ့နွေရာသီမှာ မန်ယူအသင်းကနေ ဘက်တစ်အသင်းကို ယူရို(၂၅)သန်းဝန်းကျင်နဲ့ အပြီးသတ်ပြောင်းရွှေ့ခဲ့တာဖြစ်ပြီး ဘက်တစ်အသင်းကို သစ္စာဖောက်မဖောက်နိုင်တာကြောင့် ဘိုင်ယန်မြူးနစ်ကို ငြင်းပယ်ခဲ့ခြင်းဖြစ်ကြောင်းလည်း သိရပါတယ်။
အိမ်ဖြူတော်မှာ အမေရိကန်သမ္မတ ဒေါ်နယ်ထရန့်နဲ့ စီရော်နယ်လ်ဒို တွေ့ဆုံ
===========================
ပေါ်တူဂီအသင်းခေါင်းဆောင် စီရော်နယ်လ်ဒိုဟာ မနေ့က ပြုလုပ်ခဲ့တဲ့ အိမ်ဖြူတော်ညစာစားပွဲမှာ အမေရိကန်သမ္မတ ဒေါ်နယ်ထရန့်နဲ့ တွေ့ဆုံခွင့်ရခဲ့ကြောင်း သိရပါတယ်။
ဆော်ဒီကလပ် အယ်လ်နာဆာအသင်းမှာ ကစားနေတဲ့ စီရော်နယ်လ်ဒိုဟာ အဲဒီညစာစားပွဲကို ဆော်ဒီမင်းသား မိုမာမက်ဘင်ဆယ်လ်မန်နဲ့အတူ တက်ရောက်ခဲ့တာဖြစ်ပြီး အခြားနာမည်ကျော်များစွာကိုလည်း ဒေါ်နယ်ထရန့်က ဖိတ်ကြားခဲ့ကြောင်း သိရပါတယ်။
ပြည်ခိုင်ဖြိုးပါတီ ဥက္ကဋ္ဌဖလား ဘောလုံးပြိုင်ပွဲ ဗိုလ်လုပွဲကျင်းပ
============
နိုဝင်ဘာ ၁၈၊ နေပြည်တော်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဇေယျာသီရိမဲဆန္ဒနယ် ပြည်သူ့လွှတ်တော်ကိုယ်စားလှယ်လောင်း ဦးခင်ရီနှင့်အတူ အမျိုးသားလွှတ်တော်မဲဆန္ဒနယ် အမှတ်(၆) ကိုယ်စားလှယ်လောင်း ဦးတင်ဦးလွင်၊ ပြည်ထောင်စုနယ်မြေပါတီဥက္ကဋ္ဌ ၁၈ – ၁၁ – ၂၀၂၅ ရက်နေ့ နေ့လည် ၃ နာရီအချိန်တွင် ပြည်ထောင်စုနယ်မြေ နေပြည်တော် ဇေယျာသီရိမြိုနယ် ကျည်တောင်အုပ်စု စည်ပင်သာယာဘောလုံးကွင်း၌ ကျင်းပပြုလုပ်သည့် ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ ဥက္ကဋ္ဌဖလား ဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲအခမ်းအနားသို တက်ရောက်အားပေး ချီးမြှင့်ခဲ့ကြပါသည်။
(၁၆) ကြိမ်မြောက် ကမ္ဘာ့ကာယဗလနှင့် ကာယကြံ့ခိုင်မှုပြိုင်ပွဲတွင် မြန်မာအားကစားအဖွဲ့ရွှေတံဆိပ် (၁) ခု အပါအဝင် ဆုတံဆိပ် (၅) ခုဆွတ်ခူး
=======================
အင်ဒိုနီးရှားနိုင်ငံ၊ ဘန်တန်ကျွန်းတွင် နိုဝင်ဘာလ ၁၁ ရက်မှ ၁၇ ရက်အထိ ကျင်းပခဲ့သည့် (၁၆) ကြိမ်မြောက် ကမ္ဘာ့ကာယဗလနှင့်ကာယကြံ့ခိုင်မှုပြိုင်ပွဲတွင် မြန်မာအားကစားအဖွဲမှ ရွှေတံဆိပ် (၁) ခု အပါအဝင် ဆုတံဆိပ် (၅) ခုဆွတ်ခူးထားကြောင်း သိရသည်။
