စက်တင်ဘာ ၂၂၊ စပိန်
တစ်ဖက် တစ်ဂိုးစီ သရေကျခဲ့သော ဘာစီလိုနာအသင်းနှင့် အက်သလက်တီကိုအသင်းတို့၏ ပွဲစဉ်တွင် ဘာစီလိုနာ ကွင်းလယ်လူ အင်နီယေစတာသည် ဂိုးဖန်တီးမှုပြုလုပ်ပေးနိုင်ခဲ့သည့်အတွက် ၁၄ ရာသီဆက်တိုက် ဂိုးဖန်တီး ပေးနိုင်သူအဖြစ် မှတ်တမ်းသစ် ရေးထိုးလိုက်သည်။
ထိုပွဲစဉ်တွင် ရာကီတစ်ခေါင်းတိုက်သွင်းယူခဲ့သော ဂိုးကို အင်နီယေစတာက ဖြတ်တင်ပေးခဲ့ခြင်း ဖြစ်သည်။ ထို့ကြောင့် အင်နီယေစတာသည် လာလီဂါတွင် ၁၄ ရာသီဆက်တိုက် အနည်းဆုံး ဂိုးတစ်ဂိုးဖန်တီးပေးသူအဖြစ် မှတ်တမ်း ၀င်သွားခဲ့သည်။
စက်တင်ဘာ ၂၂၊ မက်ဒရစ်
လာလီဂါတွင် မယုံနိုင်စရာခြေစွမ်းပြနေသော ရီးယဲလ်မက်ဒရစ်အသင်း၏ ရလဒ်ကောင်းများမှာ ဗုဒ္ဓဟူးနေ့ ဗီလာရီးယဲလ်နှင့် ပွဲတွင် ရပ်တန့်သွားခဲ့ပြီး ဘာစီလိုနာအသင်း၏ စံချိန်ကိုလည်း ကျော်ဖြတ်နိုင်ခြင်းမရှိခဲ့ပေ။
ဇီဒန်း၏ ရီးယဲလ်မက်ဒရစ်အသင်းသည် လာလီဂါ ၁၆ ပွဲဆက်အနိုင်ရထားပြီး ၂၀၁၀-၁၁ ဘောလုံးရာသီက ဘာစီလိုနာအသင်း ရရှိထားသည့် လာလီဂါနိုင်ပွဲဆက် စံချိန်နှင့် တူညီနေခဲ့သည်။
စက်တင်ဘာ ၂၂၊ မန်ချက်စတာ
ယာယာတိုရေးသည် ဇန်နဝါရီအပြောင်းအရွှေ့အတွင်းမန်စီးတီးမှထွက်ခွာဖြစ်ခဲ့ပါက ပရီးမီးယားလိဂ်အသင်း တစ်သင်းသို့ ပြောင်း ဖွယ်ရှိနေသည်။
တိုရေးသည် အေးဂျင့်ဖြစ်သူ ဒီမီထရီနှင့် နည်းပြဂွာဒီယိုလာအကြား မပြေမလည်ဖြစ်နေခြင်းကြောင့် အီတီဟတ်တွင် ၎င်း၏ အနာဂါတ်ဆက်မရှိနိုင်တော့ကြောင်း လက်ခံထားသည်။
တိုရေးသည် ချက်ရှိုင်းယားတွင်အခြေကျနေပြီဖြစ်သော မိသားစုကိုမပြောင်းရွှေ့စေလိုသဖြင့် နွေရာသီအပြောင်းအရွှေ့ ကာလ အတွင်း အင်တာမီလန်သို့ပြောင်းနိုင်မည့်အခွင့်အရေးကိုလည်းကောင်း တရုတ်လိဂ် မှ ငွေအမြောက်အမြားဖြင့် ကမ်းလှမ်းမှုကို လည်းကောင်း ပယ်ချခဲ့ပြီး အင်္ဂလန်နိုင်ငံတွင်သာ ဆက်ကစားချင်နေသည်။
(ဓာတ်ပုံ – ဘာစီလိုနာ)
မနေ့ညက နူးကမ့်မှာ ဘာစီလိုနာနှင့် အက်သလက်တီကိုမက်ဒရစ်တို့ တစ်ဂိုးစီသရေကျတဲ့ပွဲမှာ မက်ဆီဟာ ပေါက်ခြံဒဏ်ရာရရှိသွားပြီး (၃) ပတ်လောက် အနားယူရမယ်လို့ ဘာစီလိုနာအသင်းက အတည်ပြုခဲ့ပါတယ်။
မက်ဆီဟာ ညဘက်ခြေထောက်မှာ ပေါက်ခြံဒဏ်ရာရရှိကြောင်း ဘာစီလိုနာအသင်းက ဆိုပါတယ်။
စက်တင်ဘာ ၂၁၊ အင်္ဂလန်
ယာယာတိုရေး၏ အေးဂျင့်ဖြစ်သူမှ ၎င်းအားတောင်းပန်မှု ပြုလုပ်ရန် မန်စီးတီးအသင်းနည်းပြ ဂွါဒီယိုလာက ပြောကြားလိုက်သည်။ ထိုကဲ့သို့တောင်းပန်မှု မပြုလုပ်ပါက ယာယာတိုရေးအနေဖြင့် မန်စီးတီးအသင်းတွင် လုံးဝ ကစားခွင့် ရရှိလိမ့်မည် မဟုတ်ကြောင်းလည်း ဂွါဒီယိုလာက ပြောဆိုလိုက်သည်။
အသက် ၃၃ နှစ်အရွယ်ရှိ ယာယာတိုရေးသည် မန်စီးတီးအသင်း၏ သမိုင်းဝင်ကစားသမားတစ်ဦးဖြစ်ခဲ့သော်လည်း အသင်းသို့ ဂွါဒီယိုလာရောက်ရှိလာသည့်အချိန်မှ စတင်ပြီး ပွဲထွက်ခွင့်မရဘဲ ချန်ပီယံလိဂ်လူစာရင်းမှပင် ချန်လှပ် ခံခဲ့ရသည်။
အင်္ဂါနေ့ ညက ကစားခဲ့တဲ့ EFL လိဂ်ဖလား ပြိုင်ပွဲမှာ ချယ်လ်ဆီး၊ အာဆင်နယ်၊ လီဗာပူး အသင်းကြီးတွေအားလုံး နိုင်ပွဲကိုယ်စီ ရခဲ့ကြောင်း သိရပါတယ်။
ဗလင်စီယာအသင်းသည် လာလီဂါပြိုင်ပွဲတွင် ရာသီအဖွင့်(၄)ပွဲဆက်တိုက် ရှုံးနိမ့်ခဲ့ပြီးနောက် နည်းပြ ပါကိုအေယီ စတာရန်ကို ရာထူးမှ ထုတ်ပယ်လိုက်ကြောင်း သိရှိရသည်။
အေယီစတာရန်သည် ပြီးခဲ့သည့်ရာသီကုန်ခါနီးတွင် ဂယ်ရီနဗီးလ်၏နေရာကို အစားထိုးတာဝန်ယူခဲ့ရသူဖြစ်ပြီး ၂၀၁၇-၁၈ ရာသီအထိ စာချုပ်ချုပ်ဆိုခဲ့ခြင်းဖြစ်သည်။
သို့သော် တနင်္ဂနွေနေ့က ယှဉ်ပြိုင်ကစားခဲ့သောပွဲတွင် ဘီလ်ဘာအိုအသင်းကို (၁-၂)ဂိုးဖြင့် ရှုံးနိမ့်ပြီး အမှတ်ပေးဇယား အောက်ဆုံးမှ ရုန်းထွက်နိုင်ခြင်းမရှိခဲ့သည့်အတွက် ဗလင်စီယာအသင်း ဘုတ်အဖွဲ့က အရေးပေါ်အစည်းအဝေး ပြုလုပ်ကာ အင်္ဂါနေ့တွင် ရာထူးမှ ထုတ်ပယ်လိုက်ခြင်းဖြစ်သည်။
(ဓာတ်ပုံ – အီးပီအေ)
ကော်တိုရစ်က ချယ်လ်ဆီးနဲ့ စာချုပ်သစ်အတွက် လက်မှတ်ထိုးဖို့ မသေချာသေးပဲ အနာဂတ်မှာ စပိန် လာလီဂါဆီ ပြန်သွားလိုကြောင်း ဝန်ခံပြောဆိုလိုက်ပါတယ်။
ဂိုးသမား ကော်တိုရစ်ဟာ ၂၀၁၁ ခုနှစ်က Genk အသင်းမှ ချယ်လ်ဆီးအသင်းဆီ လာရောက် ပူးပေါင်းခဲ့ပြီး ချက်ချင်းဆိုသလို အက်သလက်တီကိုအသင်းသို့ (၃) ရာသီ အဌားနဲ့ ပြောင်းရွှေ့ခဲ့ပါတယ်။
ဘာစီလိုနာအသင်း၌ အရန်ခုံထိုင်ရမည့် အလား အလာကြောင့် ပရီးမီးယားလိဂ်မှ မန်စီးတီးသို့ ပြောင်းလဲခဲ့သည်ဟု ချီလီလက်ရွေးစင်ဂိုးသမား ဘရာ ဗိုက ထုတ်ဖော်ပြောကြားသည်။
ဘရာဗိုသည် ဘာကာတွင် ၂ နှစ်ကစားပြီး ဆုဖလားများရရှိ ခဲ့သော်လည်း ပြီးခဲ့သည့်လက ဂွါဒီယိုလာ၏ မန်စီးတီးသို့ ရောက်လာခဲ့သည်။
စက်တင်ဘာ ၂၀၊ အင်္ဂလန်
မန်ယူအသင်း၏ ဆိုးရွားသော ရလဒ်များကြောင့် နည်းပြမော်ရင်ဟိုသည် အသင်းခေါင်းဆောင်ရွန်နီကို ပထမ ကစားသမား ၁၁ ဦးစာရင်းမှ ထုတ်ပယ်တော့မည်ဟု သတင်းများထွက်ပေါ်လျက် ရှိသည်။
မန်ယူအသင်းသည် မန်စီးတီး၊ ဖီယင်နုနှင့် ၀က်ဖို့ဒ်အသင်းတို့ကို ဆက်တိုက်ရှုံးနိမ့်ထားပြီး နည်းပြမော်ရင်ဟိုနှင့် တစ်သင်းလုံးမှာ ဖိအားများနှင့် ရင်ဆိုင်ရလျက် ရှိသည်။
