Ballon d’Or ဆုပေးပွဲအခမ်းအနားမှာ ရော်နယ်လ်ဒင်ဟို ဆုချီးမြှင့်မည်
===================
နာမည်ကျော် ဘရာဇီးလ်ဂန္ထဝင်ဘောလုံးသမား ရော်နယ်လ်ဒင်ဟိုဟာ ဒီနေ့ကျင်းပမယ့် Ballon d’Or ဆုပေးပွဲအခမ်းအနားမှာ Ballon d’Or ဆုရရှိသူကို ဆုချီးမြှင့်သွားမယ်လို သိရပါတယ်။
၂၀၂၅ ခုနှစ်အတွက် Ballon d’Or ဆုပေးပွဲကို ပြင်သစ်နိုင်ငံ၊ ပါရီမြိုမှာ ဒီနေ့ ကျင်းပပြုလုပ်သွားမှာဖြစ်ပြီး မြန်မာစံတော်ချိန်အားဖြင့် ည ၁း၃၀ နာရီမှာ စတင်သွားမှာဖြစ်ပါတယ်။
စက်တင်ဘာလအတွက် ဖီဖာအဆင့်သတ်မှတ်ချက် မြန်မာအသင်း ကမ္ဘာ့အဆင့် ၁၆၀ တွင်ရှိ
==================
ကမ္ဘာ့ဘောလုံးအဖွဲချုပ် (ဖီဖာ) ၏ စက်တင်ဘာလအတွက် ကမ္ဘာ့အဆင့်သတ်မှတ်ချက်၌ မြန်မာအမျိုးသားလက်ရွေးစင်ဘောလုံးအသင်းသည် ကမ္ဘာ့အဆင့် (၁၆၀) တွင်ရှိနေသည်။
အာဆီယံတွင်မူ အဆင့် (၇) တွင် ရပ်တည်နေပြီး မြန်မာ၏ နောက်တွင် ကမ္ဘောဒီးယား၊ ဘရူနိုင်း၊ လာအိုနှင့် တီမောတို အသီးသီးရှိနေကြသည်။
===================
ရီးရဲလ်မက်ဒရစ်အသင်းရဲ့နောက်ခံလူ အင်္ဂလန်ကစားသမား အာနိုးလ် ဟာ တံကောက်ကြောဒဏ်ရာ ကြောင့် ၆ ပတ်ဝန်းကျင် အနားယူရဖွယ်ရှိကြောင်း သိရပါတယ်။
အာနိုးလ် ဟာ မာဆေးလ်အသင်းနဲ့ ယှဉ်ပြိုင် ကစားခဲ့တဲ့ ချန်ပီယံလိဂ်ပွဲမှာ ဒဏ်ရာရရှိခဲ့တာကြောင့် ပွဲအစ ၅ မိနစ်မှာပဲ လူစားလဲခံခဲ့ရပါတယ်။
ဒဏ်ရာပြဿနာကြောင့် နယူးကာဆယ်နဲ့ပွဲလူစာရင်းမှာ ယမားလ် လွဲချော်
======================
ဘာစီလိုနာအသင်း လူငယ်ကစားသမား ယာမယ် သည် ဒဏ်ရာပြဿနာကြောင့် နယူးကာဆယ်အသင်းနှင့် ချန်ပီယံလိဂ်ပွဲစဉ်ကို လွဲချော်မည်ဖြစ်ကြောင်း သိရသည်။
အသက် ၁၈ နှစ်အရွယ် လူငယ်ကစားသမား ယာမယ်သည် ပေါင်ခြံဒဏ်ရာဆိုးရွားစွာ ခံစားခဲ့ရပြီးနောက် စက်တင်ဘာလ ၁၄ ရက်က စပိန်လာလီဂါ ပွဲစဉ်အဖြစ် ယှဉ်ပြိုင်ကစားသည့် ဗလင်စီယာအသင်း နှင့်ပွဲစဉ်တွင် ပါဝင်ကစားခဲ့ခြင်း မရှိသကဲ့သို့ ယခုအခါ နယူးကာဆယ်အသင်းနှင့် ယှဉ်ပြိုင်ကစားမည့် ချန်ပီယံလိဂ်ပွဲစဉ်ကိုပါ ထပ်မံလွဲချော်ရမည်ဖြစ်သည်။
မြန်မာ့လက်ရွေးစင် ဖူဆယ်အသင်း၏ အာရှဖလား ခြေစစ်ပွဲစဉ်များ
=======================
စက်တင်ဘာလအတွင်း၌ မြန်မာ့လက်ရွေးစင် ဖူဆယ်အသင်း၏ အာရှဖလား ခြေစစ်ပွဲစဉ်များကို ရန်ကုန်မြိုရှိ MFF Futsal Stadium တွင် ကျင်းပသွားရန် ရှိနေသည်။
ထိုပွဲစဉ်များကို စက်တင်ဘာ (၂၀) ရက်မှ (၂၄) ရက်အထိ ကျင်းပသွားမည်ဖြစ်ပြီး မြန်မာအသင်းသည် အာဖဂန်နစ္စတန်၊ မော်လ်ဒိုက်အသင်းတိုနှင့် ယှဉ်ပြိုင်ရမည် ဖြစ်သည်။
===================
အေစီမီလန်အသင်း ကွင်းလယ်ကစားသမား မိုဒရစ် ဟာ အီတလီစီးရီးအေမှာ ဂိုးသွင်းယူနိုင်သည့် ပဉ္စမမြောက် အသက်ကြီးဆုံးကစားသမားအဖြစ် စံချိန်မှတ်တမ်းဝင်ခဲ့ကြောင်း သိရပါတယ်။
အသက် ၄၀ ပြည့်ပြီးဖြစ်တဲ့ မိုဒရစ် အနေနဲ့ အီတလီစီးရီးအေပွဲစဉ်အဖြစ် အေစီမီလန်အသင်းက ဘိုလော့ဂ်နာ အသင်းကို တစ်ဂိုး၊ ဂိုးမရှိဖြင့် အနိုင်ရရှိခဲ့တဲ့ပွဲစဉ်မှာ အသင်းအတွက် အနိုင်ဂိုးသွင်းယူပေးပြီးနောက် ယခုလို မှတ်တမ်းတစ်ရပ် ပိုင်ဆိုင်ခဲ့ခြင်းဖြစ်ပါတယ်။
ရီးယဲလ်အသင်းအတွက် ဂိုး(၅၀) အမြန်ဆုံးသွင်းနိုင်တဲ့ကစားသမားအဖြစ် ဘာပေ မှတ်တမ်းဝင်
==================
ယနေ့နံနက်အစောပိုင်းက ချန်ပီယံလိဂ်ပွဲစဉ်မှာ ယှဉ်ပြိုင်ကစားခဲ့တဲ့ ရီးယဲလ်မက်ဒရစ်အသင်းရဲ့ တိုက်စစ်မှူး ဘာပေဟာ စီရော်နယ်လ်ဒိုရဲ့နောက် ရီးယဲလ်အသင်းအတွက် ဂိုး(၅၀)အမြန်ဆုံးသွင်းနိုင်တဲ့ ကစားသမားအဖြစ် မှတ်တမ်းဝင်ခဲ့ကြောင်း သိရပါတယ်။
ပြင်သစ်တိုက်စစ်မှူး ဘာပေဟာ မာဆေးလ်အသင်းကို (၂-၁)ဂိုးနဲ့ အနိုင်ရရှိတဲ့ ချန်ပီယံလိဂ်ပွဲစဉ်မှာ အသင်းအတွက် ပယ်နယ်တီကနေ (၂)ဂိုးစလုံးသွင်းယူပြီး ဒီမှတ်တမ်းကို ပိုင်ဆိုင်ခဲ့တာဖြစ်ပါတယ်။
==============
မန်ယူတိုက်စစ်မှူးဟောင်း မာရှယ် ဟာ ဂရိကလပ် AEK အေသင်အသင်းမှ မက္ကဆီကိုကလပ် မွန်တာရေး အသင်းသို့ ပြောင်းရွှေ့သွားခဲ့ပါတယ်။
အသက် ၂၉ နှစ်အရွယ်ရှိပြီဖြစ်တဲ့ အန်တိုနီ မာရှယ် ဟာ မွန်တာရေး အသင်းနဲ့ နှစ်နှစ်စာချုပ်ဆိုခဲ့ပြီး တစ်နှစ်သက်တမ်းတိုးခွင့်လည်း ပါဝင်ခဲ့ပါတယ်။
မန်ယူအသင်း တန်းဆင်းသွားမယ်လို့ စူပါကွန်ပျူတာ တွက်ချက်ထား
==========
နာမည်ကျော် အချက်အလက်ဝက်ဘ်ဆိုက် Opta ရဲ့ စူပါကွန်ပျူတာက ဒီရာသီမှာ မန်ယူအသင်း ချန်ပီယံလိဂ်ဝင်ခွင့်ရရှိဖို့ထက် တန်းဆင်းရဖို့က ဖြစ်နိုင်ခြေပိုများတယ်လို့ တွက်ချက်ထားကြောင်း သိရပါတယ်။
===============
ဥရောပဘောလုံးအဖွဲ့ချုပ်(UEFA)က ၂၀၂၆-၂၇ ရာသီ ချန်ပီယံလိဂ်ဗိုလ်လုပွဲကို အက်သလက်တီကိုအသင်း ရဲ့ Riyadh Air Metropolitano ကွင်းမှာ ကျင်းပဖို့ဆုံးဖြတ်လိုက်ကြောင်း သိရပါတယ်။
အဆိုပါ အက်သလက်တီကို အသင်း ကစားကွင်းကို ၂၀၁၇ ခုနှစ်မှာ စတင်ဖွင့်လှစ်ခဲ့ခြင်းဖြစ်တာကြောင့် (၁၀)နှစ်ပြည့် အထိမ်းအမှတ်အဖြစ် ချန်ပီယံလိဂ် ဗိုလ်လုပွဲ လက်ခံကျင်းပခွင့်ရရှိခဲ့တာ ဖြစ်ပါတယ်။
