အက်စ်တိုးနီးယားနိုင်ငံမှာ တနင်္ဂနွေနေ့က ကျင်းပပြီးစီးသွားတဲ့ ပါလီမန်ရွေးကောက်ပွဲမှာ ဗဟိုလက်ယာပါတီရဲ့ ဝန်ကြီးချုပ် ကာဂျာကာလပ်စ် ကအနိုင်ရသွားပါတယ်။ မဲတွေ အားလုံးနီးပါး ရေတွက်ပြီးစီးသွားချိန်မှာ ယူကရိန်း အရေးကို ပွင့်ပွင့်လင်းလင်း ထောက်ခံခဲ့တဲ့ ကာလပ်စ် အနိုင်ရကြောင်း ရလဒ်တွေက ပြခဲ့ပါတယ်။
တောင်ကိုရီးယားသည် ဂျပန်စစ်အတွင်း အတင်းအဓမ္မ ခိုင်းစေခံရသူများအား လျော်ကြေးငွေပေးမည့် အစီအစဉ်ကို မတ်လ ၆ ရက် တနင်္လာနေ့တွင် ကြေညာခဲ့သည်။
ကိုရီးယားနိုင်ငံအား ဂျပန်တို့ ၃၅ နှစ်ကြာ အုပ်ချုပ်ခဲ့စဉ်အတွင်း ကိုရီးယားလူမျိုး ၇ သိန်း ၈ သောင်းခန့်သည် ဂျပန်ကုမ္ပဏီများ၏ အတင်းအဓမ္မ ခိုင်းစေခြင်းကို ခံခဲ့ရကြောင်း ဆိုးလ်မြို့မှ အချက်အလက်များက ဖော်ပြထားသည်။
စစ်ပွဲအတွက် တရုတ်က ရုရှားကို လက်နက်တွေပေးပို့ခဲ့ရင် နောက်ဆက်တွဲ အကျိုးဆက်တွေ ရှိလာမှာဖြစ်ကြောင်း ဂျာမနီ အဓိပတိ အိုလက်ဖ်ရှိုးဇ် က ပြောကြားပါတယ်။ ဒါပေမယ့်လည်း ဘေဂျင်းက ဒီလိုလုပ်မှာ မဟုတ်ဘူးလို့ စိတ်ချကြောင်းလည်း သူက ပြောပါတယ်။
အမေရိကန်သမ္မတ ဂျိုးဘိုင်ဒန်နဲ့တွေ့ဆုံပြီးနောက် နှစ်ရက်အကြာ မတ် ၅ ရက်က ထုတ်လွှင့်ခဲ့တဲ့ စီအင်န်အင်န်နဲ့ တွေ့ဆုံမေးမြန်းခန်းမှာ အိုလက်ဖ်ရှိုးဇ် က အထက်ပါအတိုင်းပြောကြားတာဖြစ်ပါတယ်။
မစ္စတာရှီကျင့်ဖျင်ကို သမ္မတအဖြစ် တတိယအကြိမ် အာဏာအပ်နှင်းမယ့် ပါလီမန်အစည်းအဝေးမှာ နိုင်ငံရပ်ခြားက ခြိမ်းခြောက်မှုတွေ အရှိန်မြင့်တက်လာတယ်လို့ သတိပေးပြောကြားရင်း သူတို့ စစ်ဘက်ရဲ့ အသုံးစရိတ်ကို မြှင့်တင်လိုက်ကြောင်း တရုတ်က ကြေညာခဲ့ပါတယ်။
တရုတ်ရဲ့ စီးပွားရေးရည်မှန်းချက်ကို ၁၀ နှစ်အတွင်းမှာ အနိမ့်ဆုံးနှုန်းတစ်ခုဖြစ်တဲ့ ငါးရာခိုင်နှုန်းသာတိုးတက်ဖို့ မျှော်လင့်ကြောင်း တရုတ်ခေါင်းဆောင်တွေက ပြောကြားချိန်မှာပဲ ကမ္ဘာမှာ ဒုတိယအများဆုံး ကာကွယ်ရေးဆိုင်ရာ ဘတ်ဂျက် တိုးမြှင့်မှုထွက်ပေါ်လာတာဖြစ်ပါတယ်။
ထိုင်းနိုင်ငံ၌ကျင်းပပြုလုပ်နေသည့် “Cobra Gold” စစ်ရေးလေ့ကျင့်မှု၌ ပါဝင်နေသည့်အမေရိကန်စစ်သား တစ်ဦးသည် ထိုင်းနိုင်ငံမြောက်ပိုင်းရှိ စစ်ရေးလေ့ကျင့်ရေးစခန်းမှ ရေချိုးခန်းအတွင်း၌သေဆုံးနေသည်ကို တွေ့ရှိခဲ့ရကြောင်း သိရသည်။
အဆိုပါစစ်သားသေဆုံးနေသည့် အမှတ် (၃၁) ခြေလျင်တပ်ရင်းသို့ တာဝန်ရှိသူများ သွားရောက်စစ်ဆေးခဲ့ရာ ၎င်း၏ခေါင်း၌ဒဏ်ရာရထားသည်ကိုတွေ့ရှိရသည်ဟုဆိုသည်။သေဆုံးသူသည်မည်သူမည်ဝါဖြစ်သည်နှင့်ပတ်သက်၍ အသေးစိတ်အချက်အလက်များကို တာဝန်ရှိသူများက မပြောကြားဘဲသေဆုံးရသည့် အကြောင်းနှင့် ပတ်သက်၍ သံသယဖြစ်စရာများကိုပါထုတ်ဖော်ပြောကြားခြင်းမပြုခဲ့ပေ။
Elon Musk ဟာ Bloomberg ရဲ့ ကမ္ဘာ့ အချမ်းသာဆုံး လူစာရင်းမှာ နံပါတ် ၁ နေရာကို ပြန်လည် သိမ်းပိုက်လိုက်နိုင်ပါတယ်။
ဗီယက်နမ်ကွန်မြူနစ်ပါတီသည် နိုင်ငံတွင်း အကျင့်ပျက်ခြစားမှု တိုက်ဖျက်ရေး လှုပ်ရှားမှု၏ တစ်စိတ်တစ်ပိုင်းအဖြစ် ဇန်နဝါရီလတွင် ယခင်သမ္မတ ရာထူးမှ နုတ်ထွက်ခဲ့ပြီးနောက် ဗီယက်နမ်ကွန်မြူနစ်ပါတီမှ အသက်အငယ်ဆုံး ပေါ်လစ်ဗျူရိုအဖွဲ့ဝင် Vo Van Thuong အား နိုင်ငံ၏ သမ္မတသစ်အဖြစ် ခန့်အပ်လိုက်ကြောင်း ပါတီသတင်း ရင်းမြစ်နှစ်ခုက Reuters သတင်းဌာနသို့ ပြောကြားခဲ့သည်။
ထိုင်းမူးယစ်ဆေးရောင်းဝယ်သူတစ်ဦးက သူ့မျက်နှာကို “ချောမောတဲ့ ကိုရီးယား အမျိုးသား” မျက်နှာနဲ့တူအောင် ပလတ်စတစ်ဆာဂျရီ အကြိမ်ပေါင်းများစွာ ခွဲစိတ် ပြုပြင်ဖန်တီး ရုပ်ဖျက်ခဲ့တဲ့အကြောင်း ထိုင်းဒေသဆိုင်ရာ ရဲတပ်ဖွဲ့က ပြောပါတယ်။ ဆောင်ဂျီမင်လို့ နာမည်ပြောင်းထားတဲ့ ဆာဟာရတ်ဆာဝမ်ဂျာဟန်ကို ပြီးခဲ့တဲ့ အပတ်က ဘန်ကောက်က ကွန်ဒိုတိုက်ခန်းတစ်ခုမှာ ရဲတပ်ဖွဲ့က ဖမ်းဆီးခဲ့ပါတယ်။
အယ်လ်ဆာဗေးဒိုး အစိုးရဟာ သံသယရှိဖွယ် ဂိုဏ်းဝင်ထောင်ပေါင်းများစွာကို အသစ်ဖွင့်လိုက်တဲ့ ထောင်ကြီးဆီ ဖေဖော်ဝါရီ ၂၄ ရက်က ပြောင်းရွှေ့ခဲ့ပါတယ်။
အလယ်အမေရိကနိုင်ငံရဲ့ အကျဉ်းထောင်လူဦးရေကို တိုးမြင့်လာစေတဲ့ အငြင်းပွားစရာ ကောင်းတဲ့ ရာဇ၀တ်မှုနှိမ်နင်းရေးရဲ့ နောက်ဆုံးခြေလှမ်းဖြစ်ပါတယ်။
“ဒါဟာ သူတို့ရဲ့ အိမ်အသစ်ဖြစ်ပြီး လူထုကို နောက်ထပ် အန္တရာယ်ပြုနိုင်မှာ မဟုတ်ပါဘူး” လို့ သမ္မတ နာယစ်ဘ် ဘူခေလေက တွစ်တာ လူမှုကွန်ရက်မှာ ရေးသားခဲ့ပါတယ်။
တရားမဝင်ရွှေ့ပြောင်းနေထိုင်သူများကို တင်ဆောင်လာသော လှေတစ်စင်းသည် ဖေဖော်ဝါရီလ ၂၆ ရက် တနင်္ဂနွေနေ့တွင် အီတလီနိုင်ငံ ကာလာဘရီယာ ဒေသရှိ ကရိုတိုနေးမြို့အနီးသို့ ကမ်းကပ်ရန် ကြိုးပမ်းစဉ် ကျောက်ဆောင်တစ်ခုနှင့် တိုက်မိခဲ့သဖြင့် ပျက်စီးနစ်မြုပ်ခဲ့ရာ ကလေး ၁၂ ဦး အပါအဝင် လူ ၅၉ ဦးထက်မနည်း သေဆုံးခဲ့ကြောင်း အာဏာပိုင်များက ပြောကြားခဲ့သည်။
