
ဖိလစ်ပိုင်နိုင်ငံမှာ ခရီးသည် ၂၅၀ လိုက်ပါလာတဲ့ ကူးတို့သင်္ဘောတစ်စီး မီးလောင်မှုဖြစ်ပွားပြီး အနည်းဆုံး လူ ၁၂ ယောက်သေဆုံးကာ ၇ ယောက်ပျောက်ဆုံးနေတယ်လို့ ပြည်နယ်တာဝန်ရှိသူတွေက ပြောပါတယ်။ ကြာသပတေး နေ့က ဖြစ်ပွားခဲ့တဲ့ MY Lady Mary Joy 3 ကူးတို့သင်္ဘော မီးလောင်မှုဖြစ်စဉ်အတွင်းမှာ ကယ်ဆယ်ရေးသမားတွေ ကယ်တင်ထားနိုင်တဲ့ လူအများစုဟာ မီးအားကောင်းလာတဲ့အတွက် ကြောက်လန့်တကြား ရေထဲခုန်ချသူတွေ ဖြစ်တယ်လို့ ဆိုပါတယ်။ အဲဒီဖြစ်စဉ်မှာ အသက်ရှင်ကျန်ရစ်နိုင်သူတွေကို ရှာဖွေကယ်ဆယ်ရေးတွေ ဆက်လုပ် နေပါတယ်။








