အမေရိကန်အခြေစိုက် Wall Street Journal သတင်းစာတိုက်က ရုရှားနိုင်ငံအလယ်ပိုင်းမှာ အထိန်းသိမ်းခံခဲ့ရတဲ့ သူတို့ သတင်းသမားတစ်ဦးရဲ့ ဘေးကင်းလုံခြုံမှုအတွက် အကြီးအကျယ် စိုးရိမ်မကင်း ဖြစ်မိတယ်လို့ ထုတ်ဖော်ပြောကြားလိုက်ပါတယ်။
အဲဒီသတင်းသမား အီဗန် ဂါရှ်ကိုဗစ်ချ် ကို ယီကာတာရင်ဘာ့ဂ်မြို့မှာ ထိန်းသိမ်းခဲ့ပြီး သူလျှိုမှုနဲ့ စွပ်စွဲထားတယ်လို့ ရုရှားပြည်တွင်း လုံခြုံရေးအဖွဲ့ FSB က အစောပိုင်းက အတည်ပြုပြောပါတယ်။
မြောက်ကိုရီးယားခေါင်းဆောင် ကင်ဂျုံအန်သည် ၎င်း၏နျူကလီးယားလက်နက်တိုက်ကို တိုးချဲ့ရန်အတွက် လက်နက်အဆင့်သုံးပစ္စည်းများကို တိုးမြှင့်ထုတ်လုပ်မည်ဟု ကတိပြုလိုက်ပြီး၊ တနင်္လာနေ့တွင် မြောက်ကိုရီးယားမှ ထုတ်လုပ်ထားသော နျူကလီးယားထိပ်ဖူးအသစ် အသေးစားကို ထုတ်ဖော်ပြသခဲ့သည်။
ကင်သည် တနင်္လာနေ့က မြောက်ကိုရီးယားနိုင်ငံ နျူလက်နက်အင်စတီကျုသို့ သွားရောက်လည်ပတ်စဉ် Hwasan-31 ဟုခေါ်သော နည်းဗျူဟာမြောက် ထိပ်ဖူးများကို စစ်ဆေးခဲ့ကြောင်း နိုင်ငံပိုင် ကိုရီးယားဗဟိုသတင်းအေဂျင်စီက အင်္ဂါနေ့တွင် ဖော်ပြခဲ့သည်။
ကမ္ဘာပေါ်က အကြီးဆုံး လမုတောကို လာရောက်ကြတဲ့ ခရီးသွားတွေက ပစ်ချခဲ့ကြတဲ့ အမှိုက်တွေက လမုတော ဂေဟစနစ်ကို ဖျက်ဆီးနေကြောင်း သဘာဝပတ်ဝန်းကျင်ထိန်းသိမ်းရေးသမားတွေက ပြောကြားခဲ့ပြီးနောက် ဘင်္ဂလားဒေ့ရှ်နိုင်ငံက ကမ္ဘာ့အမွေအနှစ် စာရင်းဝင်နေရာမှာ တစ်ခါသုံး ပလတ်စတစ်တွေကို ပိတ်ပင်လိုက်ပါတယ်။
Sundarbans သစ်တောက ဘင်္ဂလားဒေ့ရှ်နိုင်ငံရဲ့ ကမ်းရိုးတန်း တစ်ဖက်တစ်ချက်မှာ ခွလျက်တည်ရှိနေပြီး ဘင်ဂါလီကျား နဲ့ ဧရာဝတီလင်းပိုင်တွေ အပါအဝင် ကမ္ဘာပေါ်မှာ အရှားပါးဆုံး သတ္တဝါတွေ ကျက်စားနေထိုင်ကြပါတယ်။
အမေရိကန်က ယူကရိန်းကို ထောက်ပံ့ ပေးခဲ့သည့် တာဝေးပစ် ရော့ကတ်တစ်စင်းကို ပထမဆုံးအကြိမ် ပစ်ချနိုင်ခဲ့ကြောင်း ရုရှားက မတ်လ ၂၈ ရက်တွင် ကြေညာခဲ့ပြီး ယင်းလက်နက်များသည် ရုရှားတပ်ဖွဲ့များကို တန်ပြန်တိုက်ခိုက်မှုတွင် အဓိကကျသည့် လက်နက်များဖြစ်သည်ဟု ယူကရိန်းက ပြောကြားခဲ့သည်။
ယူကရိန်းသည် ဂျာမနီနှင့် ဗြိတိန်ထံမှ Leopard နှင့် Challenger တိုက်ပွဲဝင်တင့်ကားများကို လက်ခံရရှိခဲ့ကြောင်း ပြောကြား ခဲ့ပြီးနောက် ရုရှားကာကွယ်ရေးဝန်ကြီးဌာန ၏ အစီရင်ခံစာ ထွက်ပေါ်လာခြင်းဖြစ်သည်။
တစ်နိုင်ငံလုံး အတိုင်းအတာနဲ့ ကြီးမားတဲ့ သပိတ်ဖြစ်ပေါ်လာခဲ့ပြီးနောက် တရားရေးစနစ် အောက်ခြေသိမ်း ပြုပြင်ပြောင်းလဲရေး အစီအစဉ်ကို ဆိုင်းငံ့လိုက်တယ်လို့ အစ္စရေးဝန်ကြီးချုပ် ဘင်ဂျမင် နာတာညာဟု က ပြောကြားပါတယ်။
ပြည်သူလူထုကြား ပေါက်ကွဲမှုကို တားဆီးဖို့ တရားရေးစနစ်ပြုပြင်ပြောင်းလဲရေး ဥပဒေကို ရပ်တန့်ထားမယ်လို့ နာတာညာဟု က တနင်္လာနေ့ညက ပြောပါတယ်။
ဂျပန်နိုင်ငံရှိ ကိုဗစ်ကူးစက်ခံရပြီးနောက်ဆက်တွဲအနေဖြင့် ပြင်းထန်ဦးနှောက်ရောဂါခံစားနေရသည့် ကလေးငယ်များ ၏ ၁၀ ရာခိုင်နှုန်းကျော်သေဆုံးခဲ့ကြောင်း ကျန်းမာရေးဝန်ကြီးဌာန၏ သုတေသနအဖွဲ့မှမကြာသေးခင်က ထုတ်ပြန်ထားသော နိုင်ငံတစ်ဝန်းစစ်တမ်းရလာဒ်များအရသိရသည်။
အဆိုပါစစ်တမ်းအရ ၂၀၂၀ ပြည့်နှစ် ဇန်နဝါရီလမှ ၂၀၂၂ ခုနှစ် မေလအထိ အသက် ၁၈ နှစ်အောက် ကလေးငယ်များတွင် ကိုဗစ်ဆက်စပ်ပြင်းထန်ဦးနှောက်ရောင်ရောဂါဖြစ်ပွားမှု ၃၄ ခုတွေ့ရှိခဲ့ကြောင်းသိရသည်။ အဆိုပါအဖွဲ့သည် ဦးနှောက်ရောဂါဖြစ်စေနိုင်သော နောက်ခံရောဂါမရှိသည့် လူနာကလေးငယ် ၃၁ ဦးကို လေ့လာမှုများ ပြုလုပ်ခဲ့ခြင်းဖြစ်သည်။
တရုတ်၏ ဈေးဝယ်အက်ပ်ပလီကေးရှင်း Pinduoduo တွင် အန္တရာယ်ပြုနိုင်သော ဆော့ဖ်ဝဲထည့်သွင်းထားသည်ကို တွေ့ရှိပြီးနောက် Google က အက်ပ်စတိုးတွင် အဆိုပါအက်ပ်အား ဆိုင်းငံ့ထားလိုက်သည်။
လုံခြုံရေးစိုးရိမ်မှုများကြောင့် Google Play မှ Pinduoduo အက်ပ်ကို ဆိုင်းငံ့ထားကြောင်း Google က မတ်လ ၂၁ ရက် ထုတ်ပြန်ချက်တွင် ဖော်ပြထားသည်။
မြောက်ကိုရီးယားသည် ယနေ့နံနက်တွင် တာတိုပစ်ပဲ့ထိန်းဒုံးကျည်နှစ်စင်းအား အရှေ့ဘက်ကမ်းရိုးတန်းပင်လယ်သို့ ထပ်မံပစ်လွှတ်စမ်းသပ်ခဲ့ကြောင်း တောင်ကိုရီးယားစစ်တပ်က ပြောကြားခဲ့သည်။ မြောက်ကိုရီးယား၏ ယခုတစ်ကြိမ် ပစ်လွှတ်မှုသည် အမေရိကနှင့်တောင်ကိုရီးယားတို့၏ ပူးတွဲစစ်ရေးလေ့ကျင့်မှုအတွင်း နောက်ဆုံး အကြိမ် ပစ်လွှတ်မှုလည်းဖြစ်သည်။
အဆိုပါဒုံးကျည်နှစ်စင်းလုံးသည် ဂျပန်၏အထူးသီးသန့်စီးပွားရေးဇုန်အပြင်သို့ ကျရောက်သွားပုံပေါ်ကြောင်း ဂျပန်မီဒီယာများ၏ ဖော်ပြချက်အရသိရသည်။ တောင်ကိုရီးယားစစ်တပ်ကလည်း မြောက်ကိုရီးယား၏ ယခုလုပ်ရပ်အား ပြင်းထန်စွာရှုံ့ချသည်။
ရွှေ့ပြောင်းဝင်ရောက်သူများကြောင့် ကနေဒါနိုင်ငံရဲ့လူဦးရေမှာ တစ်သန်းကျော်အထိ ပိုများလာခဲ့ကြောင်း BBC သတင်းတစ်ရပ်က ဖော်ပြခဲ့ပါတယ်။ ပြီးခဲ့တဲ့ ၂၀၂၂ ခုနှစ် အတွင်း စစ်တမ်းများအရ ကနေဒါရဲ့ စုစုပေါင်းလူဦးရေ ၃၈ သန်းခွဲကနေ ၃၉ သန်းခွဲအထိ တိုးတက်လာခဲ့ကြောင်း ၊ ဒီပမာဏဟာ လူဦးရေတိုးတက်မှု ၂ ဒသမ ၇ ရာခိုင်နှုန်း ရှိခဲ့ပြီး ၁၉၅၇ ခုနှစ်နောက်ပိုင်း တစ်နှစ်တာအတွင်း လူဦးရေအများဆုံးတိုးတက်မှုဖြစ်ခဲ့ပါတယ်။
အခုလို လူဦးရေတိုးတက်လာမှုရဲ့အဓိကအကြောင်းရင်းတစ်ခုက ပြည်တွင်း အလုပ်သမားလိုအပ်ချက်ကြောင့် ပြည်ပရွှေ့ပြောင်းဝင်ရောက်သူတွေကို တရားဝင်နေထိုင်ခွင့်ပြုလိုက်တဲ့ ကနေဒါအစိုးရရဲ့ဆုံးဖြတ်ချက်ပဲဖြစ်ပါတယ်။ ကနေဒါအစိုးရက ထုတ်ပြန်တဲ့စာရင်းစစ်တမ်းတွေအရ လူဦးရေတိုးတက်မှုရဲ့ ၉၆ ရာခိုင်နှုန်းဟာ ရွှေ့ပြောင်း ဝင်ရောက်သူတွေကြောင့်ဖြစ်ကြောင်း သိရပါတယ်။ -Ref: BBC
