သူ့ပါတီကပါတီလှုပ်ရှားသူများနဲ့ လူမှုမီဒီယာလှုပ်ရှားသူတွေကို ပါကစ္စတန်အစိုးရက ထောင်ချီဖမ်းဆီးခဲ့တယ်လို့ ယခင်ပါကစ္စတန်ဝန်ကြီးချုပ်ဟောင်း Imran Khan က ပြောလိုက်ပါတယ်။ ဖမ်းဆီးထားသူတွေ ဘယ်မှာရောက်နေမှန်းမသိရသလို လွတ်လာသူတွေကလည်း ညှဉ်းပန်းနှိပ်စက်မှုတွေရှိတယ်လို့ ပြောကြကြောင်း စနေနေ့နှောင်းပိုင်း ရုပ်မြင်သံကြားကနေ လွှင့်ထုတ်ခဲ့တဲ့မိန့်ခွန်းမှာ Imran Khan က ပြောခဲ့တာပါ။
လက်ရှိအဖမ်းခံရသူ ၃,၁၀၀ ကျော်ရှိပြီး Punjab နဲ့ Khyber Pakhtunkhwa ပြည်နယ်တွေမှာ အများဆုံးဖြစ်တယ်လို့ သူက ဆိုပါတယ်။
လူတွေ တစ်လနဲ့တစ်လ အလျင်မီအောင် မနည်းရုန်းကန်ရအောင် လုပ်ဆောင်နေချိန်မှာပဲ အိမ်ရာဈေးနှုန်း နဲ့ အိမ်ငှားရမ်းခတွေ အဆမတန် ဈေးနှုန်းမြင့်တက်နေလို့ ပေါ်တူဂီမြို့တော် လစ္စဘွန်းနဲ့ အခြားမြို့ကြီးတွေမှာ လူထောင်သောင်းချီပြီး ဆန္ဒပြခဲ့ကြကြောင်း သိရပါတယ်။
“ ကြီးမားတဲ့ အိမ်ရာအကျပ်အတည်းတစ်ရပ်ဖြစ်ပေါ်နေပြီး ဒါက လူမူရေးအရေးပေါ်အခြေအနေဖြစ်ပါတယ်။” လို့ Habita အိမ်ရာလုပ်ငန်းမှ အရာရှိ ရီတာဆေးလ်ဗား က လစ္စဘွန်းမြို့ ဆန္ဒပြပွဲမှာ ပြောကြားပါတယ်။
ဂျပန်နိုင်ငံမှာ သက်ကြီးရွယ်အို များပြားနေပြီး ကလေးမွေးဖွားနှုန်း ကျဆင်းနေကာ ဝေးလံခေါင်သီတဲ့ ဒေသတွေမှာ ကျောင်းသား/သူ မရှိတော့လို့ ပိတ်ပစ်ရတဲ့ စာသင်ကျောင်းတွေ တစ်စထက်တစ်စ ပိုများလာပါတယ်။ ဂျပန်နိုင်ငံမြောက်ပိုင်း တန်အိတောင်တန်းဒေသမှာရှိတဲ့ ယူမိုတိုအလယ်တန်းကျောင်းမှာ ကျောင်းသား ၂ ယောက်ပဲ ကျန်ရှိတော့ပြီး စာသင်နှစ် နောက်ဆုံးနေ့ဖြစ်တဲ့ မတ်လ ၃၁ ရက်နေ့လွန်ရင် ဒီကျောင်းကို ပိတ်ပစ်တော့မှာပါ။ ဒီကျောင်း သက်တမ်းက ၇၆ နှစ် ရှိပါပြီ။
အမေရိကန်နိုင်ငံ ကန်တာကီပြည်နယ်မှာ စစ်တပ်သုံး Black Hawk အမျိုးအစား ဆေးဘက်ဆိုင်ရာ ကယ်ဆယ်ရေး ရဟတ်ယာဉ် ၂ စီး ပျက်ကျမှုမှာ လူ ၉ ဦး သေဆုံးခဲ့တယ်လို့ စစ်တပ် ပြောရေးဆိုခွင့်ရှိသူက ပြောပါတယ်။
ဖိလစ်ပိုင်နိုင်ငံမှာ ခရီးသည် ၂၅၀ လိုက်ပါလာတဲ့ ကူးတို့သင်္ဘောတစ်စီး မီးလောင်မှုဖြစ်ပွားပြီး အနည်းဆုံး လူ ၁၂ ယောက်သေဆုံးကာ ၇ ယောက်ပျောက်ဆုံးနေတယ်လို့ ပြည်နယ်တာဝန်ရှိသူတွေက ပြောပါတယ်။ ကြာသပတေး နေ့က ဖြစ်ပွားခဲ့တဲ့ MY Lady Mary Joy 3 ကူးတို့သင်္ဘော မီးလောင်မှုဖြစ်စဉ်အတွင်းမှာ ကယ်ဆယ်ရေးသမားတွေ ကယ်တင်ထားနိုင်တဲ့ လူအများစုဟာ မီးအားကောင်းလာတဲ့အတွက် ကြောက်လန့်တကြား ရေထဲခုန်ချသူတွေ ဖြစ်တယ်လို့ ဆိုပါတယ်။ အဲဒီဖြစ်စဉ်မှာ အသက်ရှင်ကျန်ရစ်နိုင်သူတွေကို ရှာဖွေကယ်ဆယ်ရေးတွေ ဆက်လုပ် နေပါတယ်။
အမေရိကန်အခြေစိုက် Wall Street Journal သတင်းစာတိုက်က ရုရှားနိုင်ငံအလယ်ပိုင်းမှာ အထိန်းသိမ်းခံခဲ့ရတဲ့ သူတို့ သတင်းသမားတစ်ဦးရဲ့ ဘေးကင်းလုံခြုံမှုအတွက် အကြီးအကျယ် စိုးရိမ်မကင်း ဖြစ်မိတယ်လို့ ထုတ်ဖော်ပြောကြားလိုက်ပါတယ်။
အဲဒီသတင်းသမား အီဗန် ဂါရှ်ကိုဗစ်ချ် ကို ယီကာတာရင်ဘာ့ဂ်မြို့မှာ ထိန်းသိမ်းခဲ့ပြီး သူလျှိုမှုနဲ့ စွပ်စွဲထားတယ်လို့ ရုရှားပြည်တွင်း လုံခြုံရေးအဖွဲ့ FSB က အစောပိုင်းက အတည်ပြုပြောပါတယ်။
မြောက်ကိုရီးယားခေါင်းဆောင် ကင်ဂျုံအန်သည် ၎င်း၏နျူကလီးယားလက်နက်တိုက်ကို တိုးချဲ့ရန်အတွက် လက်နက်အဆင့်သုံးပစ္စည်းများကို တိုးမြှင့်ထုတ်လုပ်မည်ဟု ကတိပြုလိုက်ပြီး၊ တနင်္လာနေ့တွင် မြောက်ကိုရီးယားမှ ထုတ်လုပ်ထားသော နျူကလီးယားထိပ်ဖူးအသစ် အသေးစားကို ထုတ်ဖော်ပြသခဲ့သည်။
ကင်သည် တနင်္လာနေ့က မြောက်ကိုရီးယားနိုင်ငံ နျူလက်နက်အင်စတီကျုသို့ သွားရောက်လည်ပတ်စဉ် Hwasan-31 ဟုခေါ်သော နည်းဗျူဟာမြောက် ထိပ်ဖူးများကို စစ်ဆေးခဲ့ကြောင်း နိုင်ငံပိုင် ကိုရီးယားဗဟိုသတင်းအေဂျင်စီက အင်္ဂါနေ့တွင် ဖော်ပြခဲ့သည်။
ကမ္ဘာပေါ်က အကြီးဆုံး လမုတောကို လာရောက်ကြတဲ့ ခရီးသွားတွေက ပစ်ချခဲ့ကြတဲ့ အမှိုက်တွေက လမုတော ဂေဟစနစ်ကို ဖျက်ဆီးနေကြောင်း သဘာဝပတ်ဝန်းကျင်ထိန်းသိမ်းရေးသမားတွေက ပြောကြားခဲ့ပြီးနောက် ဘင်္ဂလားဒေ့ရှ်နိုင်ငံက ကမ္ဘာ့အမွေအနှစ် စာရင်းဝင်နေရာမှာ တစ်ခါသုံး ပလတ်စတစ်တွေကို ပိတ်ပင်လိုက်ပါတယ်။
Sundarbans သစ်တောက ဘင်္ဂလားဒေ့ရှ်နိုင်ငံရဲ့ ကမ်းရိုးတန်း တစ်ဖက်တစ်ချက်မှာ ခွလျက်တည်ရှိနေပြီး ဘင်ဂါလီကျား နဲ့ ဧရာဝတီလင်းပိုင်တွေ အပါအဝင် ကမ္ဘာပေါ်မှာ အရှားပါးဆုံး သတ္တဝါတွေ ကျက်စားနေထိုင်ကြပါတယ်။
အမေရိကန်က ယူကရိန်းကို ထောက်ပံ့ ပေးခဲ့သည့် တာဝေးပစ် ရော့ကတ်တစ်စင်းကို ပထမဆုံးအကြိမ် ပစ်ချနိုင်ခဲ့ကြောင်း ရုရှားက မတ်လ ၂၈ ရက်တွင် ကြေညာခဲ့ပြီး ယင်းလက်နက်များသည် ရုရှားတပ်ဖွဲ့များကို တန်ပြန်တိုက်ခိုက်မှုတွင် အဓိကကျသည့် လက်နက်များဖြစ်သည်ဟု ယူကရိန်းက ပြောကြားခဲ့သည်။
ယူကရိန်းသည် ဂျာမနီနှင့် ဗြိတိန်ထံမှ Leopard နှင့် Challenger တိုက်ပွဲဝင်တင့်ကားများကို လက်ခံရရှိခဲ့ကြောင်း ပြောကြား ခဲ့ပြီးနောက် ရုရှားကာကွယ်ရေးဝန်ကြီးဌာန ၏ အစီရင်ခံစာ ထွက်ပေါ်လာခြင်းဖြစ်သည်။
တစ်နိုင်ငံလုံး အတိုင်းအတာနဲ့ ကြီးမားတဲ့ သပိတ်ဖြစ်ပေါ်လာခဲ့ပြီးနောက် တရားရေးစနစ် အောက်ခြေသိမ်း ပြုပြင်ပြောင်းလဲရေး အစီအစဉ်ကို ဆိုင်းငံ့လိုက်တယ်လို့ အစ္စရေးဝန်ကြီးချုပ် ဘင်ဂျမင် နာတာညာဟု က ပြောကြားပါတယ်။
ပြည်သူလူထုကြား ပေါက်ကွဲမှုကို တားဆီးဖို့ တရားရေးစနစ်ပြုပြင်ပြောင်းလဲရေး ဥပဒေကို ရပ်တန့်ထားမယ်လို့ နာတာညာဟု က တနင်္လာနေ့ညက ပြောပါတယ်။
