ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုဦးစီးနာယကကော်မတီဝင် ဦးဌေးဦးနှင့် ဇနီး ဒေါ်နီနီဝင်းတို့သည် မိတ္ထီလာမြို့နယ် မန်ကျည်းပင်ပုကျေးရွာ မှန်ကျောင်းဆရာတော်အား ယခုလ ၄ ရက် ညနေ ၄ နာရီခွဲတွင် ဖူးမြော် ကြည်ညိုပြီး မှန်ကျောင်းဓမ္မာရုံပြုပြင်ရန်နှင့် ဆီမီးပူဇော်ရန်အတွက် လှူဒါန်းငွေများ ဆက်ကပ်လှူဒါန်းခဲ့ကြောင်း သိရသည်။
ကချင်ပြည်နယ်၊ မိုးကောင်းမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌ ဦးထွန်းထွန်းအောင်နှင့် မြွှိုနယ်ပါတီကော်မတီဝင်၊ နယ်မြေတာဝန်ခံ ဦးမြင့်စိုးတို့ ဦးဆောင်သော မြို့ပေါ်ပြည်ခိုင်ဖြိုးပါတီဝင် အင်အား (၂၅) ဦးသည် စက်တင်ဘာ (၅) ရက် နံနက် (၇) နာရီမှ (၉) နာရီအချိန်ထိ ရွာသစ်ရပ်ကွက် အုပ်ချုပ်ရေးမှူး၊ ကျောင်းသားမိဘများနှင့်ပူးပေါင်း၍ အမက-ရွာသစ်ကျောင်းဝင်းအတွင်း ပေါင်းမြက်ရှင်းလင်းရေးလုပ်ငန်းများ ကျောင်းရှေ့ရေမြောင်း ရှင်းလင်းရေးလုပ်ငန်းများ ဆောင်ရွက်ခဲ့ကြကြောင်း သိရသည်။
ရှမ်းပြည်နယ်(မြောက်ပိုင်း) လားရှိုးမြို့တွင် အသက်ရာကျော် အဘွားများအား ပူဇော်ကန်တော့ ထောက်ပံ့လှူဒါန်းခြင်းကို အဂ္ဂ မဟာ သရေစည်သူ၊ အဂ္ဂမဟာ သီရိသုဓမ္မဦးသိန်းစိန် (နိုင်ငံတော် သမ္မတ၊ ငြိမ်း) ဦးဆောင်တည် ထောင်ထားသည့် ရာဇသင်္ဂဟ ဖောင်ဒေးရှင်းမှ ယခုလ ၃ ရက် မွန်းလွဲ ၁ နာရီခွဲတွင် ပြုလုပ်ခဲ့ ကြောင်းသိရသည်။
အဂ္ဂမဟာ သရေစည်သူ၊ အဂ္ဂ မဟာသီရိသုဓမ္မဦးသိန်းစိန် (နိုင်ငံ တော်သမ္မတ၊ ငြိမ်း)ဦးဆောင် တည်ထောင်သည့် ရာဇသင်္ဂဟ ဖောင်ဒေးရှင်းမှ လားရှိုးမြို့နယ် အတွင်း အသက် ၁ဝဝ ကျော် အဘွားများဖြစ်ကြသည့် (၆)ရပ်ကွက် မှ အသက် ၁ဝဝ ရှိ ဒေါ်နန်းအမ်၊ (၇)ရပ်ကွက်မှ အသက် ၁ဝ၅ နှစ်ရှိ ဒေါ်နိုင်းခမ်းဆိုင်၊ (၁၂) ရပ်ကွက် မှ အသက် ၁ဝ၃ နှစ်ရှိ ဒေါ်လီဖင် ရီ၊ (၁၂) ရပ်ကွက်မှ အသက် ၁ဝ၂ နှစ်ရှိ ဒေါ်ရှင်ရှာဖောင်တို့အား တစ်ဦးလျှင် ငွေကျပ်နှစ်သိန်းနှုန်း ဖြင့် ကိုယ်စိတ်နှစ်ဖြာ ကျန်းမာ ချမ်းသာစွာ ဆက်လက်နေထိုင် နိုင်ပါစေကြောင်း ဆုမွန်ကောင်း တောင်းသော ဂုဏ်ပြုမှတ်တမ်း လွှာကို ရှမ်းပြည်နယ် ပြည်ခိုင်ဖြိုး ပါတီဥက္ကဋ္ဌဦးသန်းဝင်း၊ ဒုတိယ ဥက္ကဋ္ဌ ဦးအောင်သူနှင့် ပြည်နယ်၊ ခရိုင်၊ မြို့နယ်ပြည်ခိုင်ဖြိုးပါတီမှ ကော်မတီဝင်များသည် အသက်ရာ ကျော်အဘွားများအား အိမ်တိုင်ရာ ရောက် သွားရောက်ကန်တော့ ထောက်ပံ့လှူဒါန်းပေးအပ်ခဲ့သည်။
မန္တလေးတိုင်းဒေသကြီး၊ တောင်သာမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မြို့နယ်ပါတီကော်မတီဝင်များနှင့် ရပ်ကွက်၊ ကျေးရွာ စည်းရုံးရေးတာဝန်ခံများ လပတ်ပုံမှန် တွေ့ဆုံပွဲကို စက်တင်ဘာ (၅) ရက် နံနက် ၉ နာရီတွင် မြို့နယ်ပါတီ ရုံးခန်းမ၌ ကျင်းပခဲ့သည်။
တွေ့ဆုံပွဲသို့ မန္တလေးတိုင်းဒေသကြီး ပါတီဥက္ကဋ္ဌ ဦးဝင်းမောင်၊ မြင်းခြံခရိုင်ပါတီအတွင်းရေးမှူး ဦးမျိုးကျော်ဇင်၊တောင်သာမြို့နယ် ပါတီဥက္ကဋ္ဌ ဦးသိန်းညွန့်နှင့် မြို့နယ်ပါတီကော်မတီဝင်များ၊ ရပ်ကွက်၊ ကျေးရွာများမှ စည်းရုံးရေးတာဝန်ခံများ တက်ရောက်ကြသည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဗဟိုဦးဆောင်ကော်မတီဝင် ဦးဌေးဦးနှင့် ဇနီးဒေါ်နီနီဝင်း တို့သည် ယခုလ ၄ ရက် မွန်းလွဲ ၁ နာရီက မန္တလေးတိုင်းဒေသကြီး ရမည်းသင်းခရိုင်နှင့် ပျော်ဘွယ်မြို့နယ် ပြည်ခိုင်ဖြိုးပါတီတို့မှ ဥက္ကဋ္ဌနှင့် အမှုဆောင်များ လိုက်ပါကာ ယင်းတော်သံလျင်တောရ မင်းကျောင်းသို့ ရောက်ရှိလာခဲ့ပြီး ကျောင်းတိုက် အတွင်း သီတင်းသုံး ကိန်းဝပ်လျက်ရှိသော ရှေးဟောင်း ဗုဒ္ဓရုပ်ပွားတော်များနှင့် ကျောက် စိမ်းနက်ဆင်းတုတော်၊ စွယ်တော်မြတ်စေတီတို့ကို ဖူးမြော်ကာ ပန်း-ရေချမ်းတို့ ဆက်ကပ်ပူဇော်ကြသည်။
ကချင်ပြည်နယ် ဗန်းမော်မြို့ တွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဗဟိုကော်မတီဝင် ဦးဝင်းမောင်သိန်း၊ ဗန်းမော်ခရိုင် ပြည်ခိုင်ဖြိုးပါတီဥက္ကဋ္ဌ ဦးသန်း ဇော်လေး၊ အတွင်းရေးမှူး ဒေါ်ဝိုင်း နှင့်ပါတီကော်မတီဝင်များ၊ မြို့နယ် ပါတီဥက္ကဋ္ဌဦးသက်ဝင်းနှင့် ပါတီ ကော်မတီဝင်များသည် ယခုလ ၃ ရက်နံနက် ၉ နာရီကဗန်းမော်မြို့ ညောင်ပင်ရပ်ကွက်နေ ဒေါ်အေး စိန် ၁ဝ၅နှစ်၊ မင်းကုန်းရပ်ကွက် ဦးကွမ်းအန် ၁ဝ၁နှစ်၊ မြို့မရပ် ကွက်နေ ဒေါ်သက်စီ၁ဝ၁နှစ်တို့ထံ အိမ်တိုင်ရာရောက် သွားရောက်ခဲ့ ကြပြီး နိုင်ငံတော်သမ္မတဦးသိန်းစိန် (ငြိမ်း)၏ ရာဇသင်္ဂဟဖောင်ဒေး ရှင်းမှဂါရဝပြုလှူဒါန်းသောတစ်ဦး လျှင်ငွေကျပ် နှစ်သိန်းစီတို့ကိုပေး အပ်လှူဒါန်းခဲ့ကြသည်။
ပဲခူးတိုင်းဒေသကြီး သာယာ ဝတီခရိုင်ရှိ ပြည်ခိုင်ဖြိုးခရိုင်ရုံး ရွှေသီဟခန်းမ၌ စက်တင်ဘာ (၆) ရက် န့နံနက် ၁ဝ နာရီက ခရိုင်ပြည်ခိုင်ဖြိုးပါတီနှင့် ၎င်းခရိုင်အတွင်းရှိ မြို့နယ်ပါတီ များ၏ အစည်းအဝေးပွဲကိုကျင်းပခဲ့၏။ အစည်းအဝေးတွင် ပဲခူးတိုင်းဒေသကြီး ပါတီ ဗဟိုဦးဆောင်နာယက အတိုင်ပင်ခံ ဦးဥာဏ်ဝင်းက အဖွင့်အမှာစကားပြောကြားသည်။
ထို့နောက် တိုင်းဒေသကြီးဥက္ကဋ္ဌ ဦးစောမော်ထွန်းက အမှာစကားပြောကြားကာ မြို့နယ်အသီးသီးမှ ပါတီဥက္ကဋ္ဌများက မိတ်ဆက်ခြင်း နှင့်မြို့နယ်များအတွင်းမိမိတို့ပါတီ ဆောင်ရွက်နေမှုများကို တင်ပြကြသည်။
ကိုဖီအာနန်အပါအဝင် ပြည်ပနိုင်ငံသားသုံးဦး ပါဝင်ဖွဲ့စည်းထားသည့် ရခိုင်ပြည်နယ်ဆိုင်ရာ အကြံပေးကော်မရှင်ကို မြန်မာနိုင်ငံသားများဖြင့်သာ ဖွဲ့စည်းရန်ဟူသည့် အရေးကြီးအဆိုအား ပြည်သူ့လွှတ်တော်တွင် စက်တင်ဘာ ၆ ရက်က ထိုင်၊ ထစနစ်ဖြင့် ဆုံးဖြတ်ရာတွင် ကန့်ကွက်မှုများသည့်အတွက် အဆိုရှုံးနိမ့်သွားသည်။ (more…)
၂ဝ၁၇ ခုနှစ် ဇန်နဝါရီ ၄ ရက်တွင် ကျရောက်မည့် (၆၉)နှစ်မြောက် လွတ်လပ်ရေးနေ့ အထိမ်းအမှတ် ရောင်စုံ ဓာတ်ပုံပြိုင်ပွဲအား ”အေးချမ်းသာယာ ပြည်မြန်မာ” ဟူသော ခေါင်းစဉ်ဖြင့် ကျင်းပသွားပါမည်။ အဆိုပါပြိုင်ပွဲသို့ မည်သူမဆို ပါဝင်ယှဉ်ပြိုင်နိုင်ပြီး နိုင်ငံတော်၏ ဖွံ့ဖြိုးတိုးတက်မှုများ၊ သာယာလှပမှုများ၊ အေးချမ်း တည်ငြိမ်မှုများ၊ တိုင်းရင်းသားရိုးရာ အလှအပများ စသည်တို့ကို ဖော်ညွှန်းရိုက်ကူးထားသည့် ဓာတ်ပုံများဖြင့် ပါဝင်ယှဉ်ပြိုင်ရ မည်ဖြစ်ပါသည်။ ပြိုင်ပွဲ စည်းကမ်း ချက်များမှာ အောက်ပါအတိုင်း ဖြစ်ပါသည်- (more…)
ယခင်က နှစ်နှစ်သာတက်ရောက်ခဲ့ရသည့် ပညာရေးကောလိပ်များတွင် လာမည့် ပညာသင်နှစ်မှစတင်ကာလေးနှစ် တက်ရောက်ရတော့မည်ဖြစ်ပြီး ဘွဲ့ အဆင့်ထိ သတ်မှတ်တိုးမြှင့်ပေး အပ်တော့မည်ဖြစ်ကြောင်း သိရသည်။ (more…)
