(၃၀-၁၀-၂၀၂၂) ရက်နေ့၊ ည (၈:၀၀) နာရီမှ (၃၁-၁၀-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၈,၈၁၅) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၉၁) ဦး တွေ့ရှိရသဖြင့် ရောဂါပိုးတွေ့ရှိမှု ရာခိုင်နှုန်းမှာ (၁.၀၃) ရာခိုင်နှုန်း ရှိပါသည်။
နိုင်ငံတော်ကနေ ရှမ်းပြည်နယ်အတွင်း အသေးစား စက်မှုလက်မှု လုပ်ငန်းတွေအတွက် ချေးငွေ ကျပ်(၈)ဘီလျံကို ထုတ်ချေးပေးသွားဖို့ စီစဉ်ထားရှိတယ်လို့ ရှမ်းပြည်နယ်ဝန်ကြီးချုပ် ဒေါက်တာကျော်ထွန်းကပြောခဲ့ပါတယ်။
အောက်တိုဘာလ (၂၉)ရက်နေ့၊ ညနေပိုင်းက ရှမ်းပြည်နယ်(အရှေ့ပိုင်း)၊ တာချီလိတ်မြို့၊ ဆေခမ်းရပ်ကွက်၊ ဟောင်လိတ်စက်မှုဇုန်မှာ စက်မှုလုပ်ငန်းတွေလည်ပတ်နေမှုအခြေအနေနဲ့ ပြည်တွင်း ကုန်ထုတ်လုပ်ငန်း အခြေအနေတွေရဲ့ အားသာချက် ၊အားနည်းချက်တွေကို လမ်းညွှန် ဆွေးနွေးရာမှာဝန်ကြီးချုပ်က ပြောကြားခဲ့တာပါ။
ပြည်ပရောက်မြန်မာနိုင်ငံသားများ၏ နိုင်ငံခြားသုံးငွေဖြင့် ရရှိသောလုပ်ခ/လစာများအား လိုင်စင်ရဘဏ်များမှ တစ်ဆင့် လွှဲပို့ခြင်းအတွက် အမေရိကန်တစ်ဒေါ်လာ(ယင်းနှင့်ညီမျှသော နိုင်ငံခြားငွေ)အပေါ်တွင် ကျပ် ၃၀ နိုင်ငံတော်က အပိုဆောင်းငွေအဖြစ် ပံ့ပိုးသွားမည်ဖြစ်ကြောင် မြန်မာနိုင်ငံတော် ဗဟိုဘဏ်က အောက်တိုဘာ ၂၈ ရက် တွင် ထုတ်ပြန်ခဲ့ပါသည်။ နိုင်ငံတော်အတွက် နိုင်ငံခြားငွေများကို တစ်ဖက်တစ်လမ်းက ရှာဖွေပေးလျက်ရှိသည့် ပြည်ပရောက် မြန်မာနိုင်ငံသားများအား နိုင်ငံတော်က ချီးမြှောက်သောအားဖြင့် ပြည်ပရောက် မြန်မာနိုင်ငံသား များ၏ နိုင်ငံခြားသုံးငွေဖြင့်ရရှိသော လုပ်ခ/လစာငွေများကို ပြည်ပမှ ပြည်တွင်းသို့ နိုင်ငံခြားသုံးငွေ ရောင်းဝယ်ဖောက်ကားသည့် လုပ်ငန်းလိုင်စင်ရဘဏ်များမှတစ်ဆင့် လွှဲပို့ခြင်းအတွက် အမေရိကန် တစ်ဒေါ်လာ (ယင်းနှင့်ညီမျှသော နိုင်ငံခြားငွေ) အပေါ်တွင် ကျပ် ၃၀ အား နိုင်ငံတော်က အပိုဆောင်းငွေအဖြစ် ပံ့ပိုးသွားမည်ဖြစ်ကြောင်း ဗဟိုဘဏ်က ထုတ်ပြန်သည်။
(၂၉-၁၀-၂၀၂၂) ရက်နေ့၊ ည (၈:၀၀) နာရီမှ (၃၀-၁၀-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၈,၅၇၇) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၉၁) ဦး တွေ့ရှိရသဖြင့် ရောဂါပိုးတွေ့ရှိမှုရာခိုင်နှုန်းမှာ (၁.၀၆) ရာခိုင် နှုန်း ရှိပါသည်။
ပညာရေးဝန်ကြီးဌာန ပြည်ထောင်စုဝန်ကြီးဒေါက်တာညွှန့်ဖေက နေပြည်တော်၌ ပြုလုပ်သည့် မြို့နယ် ပညာရေးမှူးများ၊ လက်ထောက်ညွှန်ကြားရေးမှူးများ စီမံခန့်ခွဲမှုစွမ်းဆောင်ရည်မြင့်မားရေးအလုပ်ရုံဆွေးနွေးပွဲ (ဒုတိယအသုတ်)တွင် ပြောကြားခဲ့ခြင်းဖြစ်သည်။ “လာမယ့် ပညာသင်နှစ်မှာ KG+12 ပညာရေးစနစ်ရဲ့ နောက်ဆုံးအတန်းဖြစ်တဲ့ Grade-12 ကိုဖွင့်လှစ် သင်ကြားတော့မှာဖြစ်လို့ စာသင်ခန်းလိုအပ်ချက်နဲ့ တခြားလိုအပ်ချက်တွေကို တွက်ချက်ပြီး စာရင်းပြုစု တင်ပြပေးရပါမယ်” ဟု ပြည်ထောင်စုဝန်ကြီးဒေါက်တာညွှန့်ဖေ ကပြောသည်။ ထို့ပြင် ခရိုင် ၅၀ တွင် စက်မှု-စိုက်ပျိုး-မွေးမြူရေးအထက်တန်းကျောင်း ၅၀ ကို ဖွင့်လှစ်သွားမည်ဖြစ်ကာ ယင်း ကျောင်းများတွင် KG+12 ပညာ ရေးစနစ်အား သင်ကြားမည်ဖြစ်သော်လည်း Grade-9 အောင်မြင်ပြီးသည့် ကျောင်းသား၊ကျောင်းသူများအနေဖြင့် စိုက်ပျိုးရေး၊မွေးမြူ ရေး၊စက်မှုစသဖြင့် ဝါသနာပါရာအားအထူးပြု တက်ရောက်သင်ကြားနိုင်မည်ဟု ပြောသည်။
(၂၆-၁၀-၂၀၂၂) ရက်နေ့၊ ည (၈:၀၀) နာရီမှ (၂၇-၁၀-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၁၀,၁၉၈) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၁၇၆) ဦး တွေ့ရှိရသဖြင့် ရောဂါပိုးတွေ့ရှိမှု ရာခိုင်နှုန်းမှာ (၁.၇၃) ရာခိုင်နှုန်း ရှိပါသည်။
တောင်ကိုရီးယားနိုင်ငံမှ မြန်မာအလုပ်သမားများအား ပြန်လည်လက်ခံပေးလျက်ရှိရာ ၃ ရက်အတွင်း မြန်မာအလုပ်သမား ၄၇၆ ဦးအား EPS စနစ်ဖြင့် စေလွှတ်ပေးနိုင်ခဲ့သည်ဟု ကိုရီးယားနိုင်ငံဆိုင်ရာ မြန်မာသံရုံးမှသိရသည်။ ထိုသို့ စေလွှတ်ရာတွင် အောက်တိုဘာ ၂၅ ရက်က ၁၄၈ ဦး၊ အောက်တိုဘာ ၂၀ ရက်က ၁၇၈ ဦးနှင့် အောက်တိုဘာ ၁၈ ရက်က ၁၅၀ ဦးတို့ဖြစ်ကြောင်း သိရသည်။
တစ်ပတ်အတွင်း ထိုင်းနိုင်ငံ ကန်ချနာဘူရီ ခရိုင်အတွင်းသို့ တရားမဝင် ဝင်ရောက်သည့် မြန်မာနိုင်ငံသား တစ်ရာကျော် ထပ်မံဖမ်းဆီးခံရကြောင်း သိရသည်။
တနင်္သာရီတိုင်းဒေသကြီး၊ထားဝယ်ခရိုင်နှင့်နယ်ချင်းထိစပ်နေသည့်ထိုင်းနို်င်ငံ၊ကန်ချနာဘူရီခရိုင်အတွင်းသို့နယ်စပ်တောလမ်းများ အသုံးပြုကာ တရားမဝင် ဝင်ရောက်လာသည့်မြန်မာနိုင်ငံ သားတစ်ရာကျော်မှာ လမ်းပြများနှင့်အတူ ဖမ်းဆီးခံရကြောင်းထိုင်းမီဒီယာများတွင်ဖော်ပြထားချက်အရသိရှိရသည်။
အောက်တိုဘာ ၂၂ ရက်နေ့ တွင်ကန်ချနာဘူရီခရိုင်၊ ဗန်းကောင်ခရိုင်ခွဲ၊ဗန်းဟွေးနမ်းခေါင်ရှိ တောအုပ်အတွင်း မြန်မာနိုင်ငံသားအမျိုးသား ၁၁ ဦး ၊အမျိုးသမီး ၁၉ ဦးစုစုပေါင်း ၂၇ ဦးဖမ်းဆီးခံရ ကြောင်းသိရသည်။
အောက်တိုဘာ ၂၅ ရက် ည ၈ နာရီမှ အောက်တိုဘာ ၂၆ ရက် ည ၈ နာရီအထိ COVID-19 ဓာတ်ခွဲနမူနာ ၁၀,၇၂၄ ခုအား စစ်ဆေးရာ အတည်ပြုလူနာသစ် ၁၅၇ ဦး တွေ့ရှိပြီး ထပ်မံသေဆုံးသူ နှစ်ဦးရှိခဲ့ကြောင်း အောက်တိုဘာ ၂၆ ရက် ညပိုင်း ကျန်းမာရေးဝန်ကြီးဌာန၏ သတင်းထုတ်ပြန်ချက်အရ သိရသည်။
