2022 AFF Mitsubishi Electric Cup အုပ်စုမဲခွဲပွဲကို ဩဂုတ် ၃၀ ရက် မြန်မာစံတော်ချိန် မွန်းလွဲ ၁ နာရီခွဲတွင် ထိုင်းနိုင်ငံ ဘန်ကောက်မြို့၌ကျင်းပပြုလုပ်ခဲ့သည်။မြန်မာလက်ရွေးစင်အသင်းသည် အုပ်စု (ခ)တွင် ဗီယက်နမ်၊မလေးရှား၊ စင်ကာပူ၊ လာအိုတို့နှင့် ကျရောက်ခဲ့ပြီး အုပ်စု (က)တွင် ထိုင်း၊ ဖိလစ်ပိုင်၊ အင်ဒိုနီးရှား၊ ကမ္ဘောဒီးယား ၊ ဘရူနိုင်းနှင့် တီမောအသင်းတို့ထဲမှ ခြေစစ်ပွဲအောင်အသင်း တို့ ပါ၀င်မည်ဖြစ်သည်။
အာဆင်နယ်အသင်း၏ တိုက်စစ်မှူးဟောင်း သီယာရီအွန်နရီသည် စီးရီးဘီကလပ် ကိုမိုအသင်း၏ ရှယ်ယာရှင်တစ်ဦးဖြစ်လာကြောင်း သိရသည်။
ကိုမိုအသင်းသည် ၂၀၀၂-၀၃ ရာသီက စီးရီးအေပြိုင်ပွဲတွင် ယှဉ်ပြိုင်ကစားခဲ့ဖူးသည့်အသင်းဖြစ်သော်လည်း နောက်ပိုင်းတွင် စီးရီးဒီအထိ ဆင်းသက်ယှဉ်ပြိုင်ခဲ့ရသည့်အသင်းဖြစ်ပြီး ၂၀၂၀-၂၁ ရာသီတွင်မှ စီးရီးဘီသို့ ပြန်လည်ရောက်ရှိလာခြင်းဖြစ်သည်။
ယင်းအသင်းကို ချယ်လ်ဆီးအသင်းနှင့် အင်္ဂလန်လက်ရွေးစင် ကွင်းလယ်ကစားသမားဟောင်း ဒင်းနစ်ဝိုက်စ်က ဥက္ကဋ္ဌအဖြစ် တာဝန်ယူနေပြီး အာဆင်နယ်ကစားသမားဟောင်း ဖာဘရီဂတ်စ်လည်း ပါဝင်ကစားနေသည်။
နော်တင်ဟမ်ဖောရက်ကို အနိုင်ရခဲ့တဲ့ပွဲမှာ အသင်းအနိုင်ဂိုး(၂)ဂိုးစလုံးကို သွင်းယူခဲ့တဲ့ စပါးတိုက်စစ်မှူး ဟယ်ရီကိန်းဟာ (၁၈၇)ဂိုးနဲ့ ပရီးမီးယားလိဂ်တတိယဂိုးသွင်းအများဆုံးကစားသမားအဖြစ်စံချိန်တင်ထားတဲ့ အင်ဒီကိုးလ်ကို လိုက်မီခဲ့ပါတယ်။ အခုအခါ ပရီးမီးယားလိဂ်သမိုင်းမှာ ဂိုးသွင်းအများဆုံးကစားသမား နှစ်ယောက်ဖြစ်တဲ့ အလန်ရှီးယားနဲ့ ရွန်နေးတို့ရဲ့စံချိန်ကို အမီလိုက်မယ်လို့ တိုက်စစ်မှူးဟယ်ရီကိန်းက ကြွေးကြော်ခဲ့ပါတယ်။ အလန်ရှီးယားဟာ ဘလက်ဘန်းနဲ့ နယူးကာဆယ်တို့မှာ ပရီးမီးယားလိဂ် (၂၆၀)ဂိုး သွင်းယူခဲ့ပြီး မန်ယူတိုက်စစ်မှူးဟောင်းရွန်နေးကတော့ ပရီးမီးယားလိဂ်(၂၀၈)ဂိုးသွင်းယူခဲ့ပါတယ်။ စပါးတိုက်စစ်မှူး ဟယ်ရီကိန်းက “အဲဒါက ဝေးကွာနေသေးတာ သေချာပါတယ်။ ကျွန်တော်ကြံ့ခိုင်မှုကောင်းပါတယ်။ ကျွန်တော်နှစ်ပေါင်းများစွာကစားနိုင်သေးတယ်လို့ ခံစားမိပါတယ်။ ရာသီတိုင်းမှာ ဂိုးတွေသွင်းယူဖို့နဲ့ ကျွန်တော်တို့ မြင်နေရတဲ့နာမည်တွေကြားမှာ ပါဝင်ဖို့ ကျွန်တော်ဆန္ဒရှိပါတယ်။ စိန်ခေါ်မှုအတွက် ကျွန်တော်စိတ်လှုပ်ရှား မိပါတယ်။ အလန်နဲ့ရွန်နေးတို့ဟာ အင်္ဂလန်တိုက်စစ်မှူးတွေထဲမှာ အကောင်းဆုံးကစားသမားနှစ်ယောက် ဖြစ်ပါတယ်။ ဒါပေမယ့် ကျွန်တော်ကိုယ့်ကိုယ်ကိုယ်တွန်းအားပေးဖို့ ဆန္ဒရှိပါတယ်။ ကျွန်တော်ဘယ်လောက်အထိ သွားမလဲဆိုတာ ကြည့်ချင်ပါတယ်။ အခုထိရာသီအစကောင်းမွန်နေပါတယ်”လို့ ပြောကြားခဲ့ပါတယ်။
မန်ယူအသင်းဟာ အိုင်းယက်တောင်ပံတိုက်စစ်မှူး အန်တိုနီကို ခေါ်ယူဖို့ ပြောင်းရွှေ့ကြေးယူရို သန်း၁၀၀ နဲ့ သဘောတူညီမှု ရရှိသွားပါတယ်။မန်ယူအသင်းဟာ ဘရာဇီးလက်ရွေးစင် အန်တိုနီအတွက် ကနဦးမှာ ပေါင် ၇၆ သန်းနဲ့ ကမ်းလှမ်းချက်ကို ပယ်ချခဲ့ပါတယ်။
ရီးယဲလ်မက်ဒရစ်အသင်းနည်းပြ အန်ဆယ်လော့တီက မိမိအသင်းတိုက်စစ်မှူး ဘန်ဇီမာမှာ အဝတ်လဲခန်းအတွင်း၌ ခေါင်းဆောင်ကောင်းတစ်ဦးဖြစ်သလို မိမိအတွက်လည်း မိတ်ဆွေကောင်းတစ်ယောက်ဖြစ်ကြောင်း ချီးကျူး ပြောကြားခဲ့သည်။
ကြာသပတေးနေ့ကပြုလုပ်သည့် ၂၀၂၁ -၂၀၂၂ ရာသီ UEFA အကောင်းဆုံးဆုချီးမြှင့်ပွဲတွင် အန်ဆယ်လော့တီက အကောင်းဆုံးနည်းပြဆုနှင့် ဘန်ဇီမာက အကောင်းဆုံး ကစားသမားဆု ဆွတ်ခူးရရှိခဲ့ပြီး ဆုလက်ခံရယူပြီးနောက် ၎င်းက ယခုလို ချီးကျူးခဲ့ခြင်း ဖြစ်သည်။
ယခုနှစ်အတွက် နောက်ဆုံးဂရင်းစလင်းတင်းနစ်ပြိုင်ပွဲဖြစ်သည့် ယူအက်စ်အိုးပင်း ပြိုင်ပွဲတွင် စံချိန်တင်ဆုကြေး အဖြစ် ဒေါ်လာ သန်း ၆၀ ကျော် ချီးမြှင့်မည်ဖြစ်ကြောင်း သိရသည်။
၂၀၂၀-၂၁ ဘောလုံးရာသီတွင် ဥရောပဘောလုံးအဖွဲ့ ချုပ် (UEFA) ၏ ဘဏ္ဍာရေးသာတူညီမျှစည်းမျဉ်း FFP ကို ချိုးဖောက်မှုဖြင့် အရေးယူခံရမည့်စာရင်းတွင် ဘာစီလိုနာ၊ PSG၊ ဂျူဗင်တပ်စ်၊ အင်တာမီလန်၊ ရိုးမားနှင့် မာဆေးလ်အသင်းများ ပါဝင်နေကြောင်း သိရသည်။
UEFA သည် လာမည့်စက်တင်ဘာလတွင် ၂၀၂၀-၂၁ ဘောလုံးရာသီ၌ FFP စည်းမျဉ်းကိုချိုးဖောက်ခဲ့သည့် ကလပ်အသင်း (၁၀)သင်းကို ထုတ်ပြန်ကြေညာရန် ပြင်ဆင်နေပြီး ယင်းစာရင်းတွင် အဆိုပါအသင်းများ ပါဝင်နေခြင်းဖြစ်သည်။
ပရီးမီးယားလိဂ်အမှတ်ပေးဇယားမှာ ထိပ်ဆုံးက ဦးဆောင်နေတဲ့ အာဆင်နယ်အသင်းဟာ ဘဏ္ဍာရေးစည်းမျဉ်းနဲ့ ပတ်သက်ပြီး ယူအီးအက်ဖ်အေရဲ့ စောင့်ကြည့်တာကို ခံနေရပါတယ်။ဥရောပဘောလုံးအဖွဲ့ချုပ်ဟာ ဘဏ္ဍာရေးစည်းမျဉ်းကို ချိုးဖောက်ဖွယ်ရှိတဲ့ ဥရောပက ကလပ်အသင်း ၂၀ ကို စောင့်ကြည့်လေ့လာနေပြီး သက်သေတွေရှိမယ်ဆိုရင် စုံစမ်းစစ်ဆေးတာမျိုး လုပ်လာနိုင်ပါတယ်။
အာဆင်နယ်အသင်းဟာ ပြီးခဲ့တဲ့ရာသီက ငွေကြေးသုံးစွဲမှုအများဆုံးအသင်း ဖြစ်ခဲ့သလို အခုနှစ်ရာသီမှာလည်း ကစားသမားသစ်တွေကို ခေါ်ယူထားတာပါ။ချန်ပီယံလိဂ်ဝင်ခွင့်မရခဲ့မှုနဲ့အတူ ပြီးခဲ့တဲ့ သုံးနှစ်တာကာလအတွင်းမှာ အာဆင်နယ်အသင်းက ပေါင် ၂၁၃ သန်းအထိ အရှုံးပေါ်ခဲ့ကြောင်း သတင်းထွက်နေတာပါ။
စပါးအသင်းနဲ့ ၂ ဂိုးစီသေရက်တဲ့ပြဲက ဖြစ်ရပ်ကြောင့် ချဲလ်ဆီးနည်းပြတူချယ်ကို အက်ဖ်အေက နောက်ထပ် စွဲချက်တစ်ခု ထပ်မံစွဲဆိုလိုက်ပါတယ်။ တူချယ်ဟာ ပွဲအပြီးမှာ စပါးနည်းပြကွန်တီနဲ့ အချင်းများခဲ့တာကြောင့် ဆိုင်းငံ့တစ်ပွဲပယ် ပြစ်ဒဏ်ချမှတ်ခံခဲ့ရသလို ဒဏ်ငွေအဖြစ်လည်း ပေါင် ၃၅၀၀၀ ပေးဆောင်ခဲ့ရပါတယ်။
တူချယ်ဟာ ပွဲအပြီးမှာ ကွင်းလယ်ဒိုင်လူကြီး အန်တိုနီတေလာရဲ့ ဆုံးဖြတ်ချက်တွေနဲ့ပတ်သက်ပြီး ဝေဖန်ပြောဆို ခဲ့တာကြောင့် အက်ဖ်အေက နောက်ထပ်စွဲချက်တစ်ခု ထပ်မံစွဲဆိုလိုက်တာဖြစ်ပါတယ်။ စပါးနဲ့ပွဲအပြီးသတင်းစာ ရှင်းလင်းပွဲမှာ ပရီးမီးယားလိဂ်ဒိုင်လူကြီးတွေက ယုံကြည်ရတဲ့သူတွေမဟုတ်ဘူးလို ဝေဖန်ပြောဆို ခဲ့တာပါ။
မြန်မာ MMA ကစားသမား အောင်လအန်ဆန်နှင့် ဂျပန်နိုင်ငံသား MMA ဖိုက်တာ ယူရှင်အိုကာမီတို့သည် တိုကျိုမြို့၌ကျင်းပမည့် Amazon Prime 4 ၌ ထိုးသတ်မည်ဟု သတင်းများထွက်ပေါ် လျက်ရှိသည်။Asian MMA သတင်းဌာန၏ ဖော်ပြမှုအရ အောင်လအန်ဆန်နှင့် ဂျပန် MMA ဖိုက်တာ ယူရှင်အိုကာမီတို့သည် လာမည့် နိုဝင်ဘာ(၁၉) ရက်တွင် တိုကျိုမြို့၌ ကျင်းပမည့် Amazon Prime 4 ၌ ထိုးသတ်ရန် သဘောတူညီမှုရရှိထားသည်ဟု ဖော်ပြခဲ့သည်။ One Championship အဖွဲ့အစည်းသည် အမေရိကန်စျေးကွက်သို့ ထိုးဖောက်ရန်စီစဉ်လျက်ရှိရာ အမေရိကန်နိုင်ငံ၊ ၀ါရှင်တန်အခြေစိုက် Amazon Prime Video က MMA ပြိုင်ပွဲများကို ထုတ်လွှင့်ပြသရန် သဘောတူညီမှု ရရှိထားပြီး ဖြစ်သည်။
