ပေါ်တူဂီအသင်းခေါင်းဆောင် စီရော်နယ်လ်ဒိုအနေဖြင့် ဂါနာနှင့်ပွဲမှ အငြင်းပွားဖွယ်ပယ်နယ်တီကို ပါရမီရှင်တစ်ဦး ပုံစံဖြင့် ရယူခဲ့ခြင်းဖြစ်ကြောင်း ဖီဖာ၏ နည်းစနစ်လေ့လာရေး အဖွဲ့ဝင် ကိုလံဘီယာဂိုးသမားဟောင်း မွန်ဒရာဂွန်က မှတ်ချက်ပြုခဲ့သည်။ ယင်းပွဲ၌ ဂါနာနောက်ခံလူ ဆာလီဆူက စီရော်နယ်လ်ဒိုကို တားဆီးရာမှ ပေါ်တူဂီအသင်း ပယ်နယ်တီရရှိခဲ့ ခြင်းဖြစ်သည်။ ဂါနာနည်းပြ အော့တိုအက်ဒိုက အဆိုပါဆုံးဖြတ်ချက်မှာ ဒေါသထွက်စရာဖြစ်သလို ပေါ်တူဂီအသင်းအား အထူးလက်ဆောင်ပေး လိုက်ခြင်းဖြစ်ကြောင်း ဝေဖန်ပြစ်တင်ခဲ့သည်။
စနေနေ့က ယှဉ်ပြိုင်ကစားခဲ့သော အာဂျင်တီးနား ၂-၀ မက္ကဆီကိုပွဲတွင် Lusail Iconic Stadium ၌ ကွင်းအတွင်း လာရောက်ကြည့်ရှုသည့်ပရိသတ် (၈၈၉၆၆)ဦး ရှိခဲ့သည့်အတွက် ကမ္ဘာ့ဖလားပြိုင်ပွဲ၌ (၂၈) နှစ်အတွင်း ပရိသတ် အများဆုံးအဖြစ် စံချိန်တင်ခဲ့ကြောင်း ဖီဖာက ကြေညာခဲ့သည်။ အဆိုပါကွင်းမှာ ၂၀၂၂ ကမ္ဘာ့ဖလားပြိုင်ပွဲတွင် အသုံးပြုနေသည့် ကွင်း(၈)ကွင်းထဲ၌ အကြီးဆုံးဖြစ်ပြီး ပရိသတ်ဝင်ဆံ့မှုမှာလည်း (၈၈၉၆၆)ဦးပင်ဖြစ်၍ အာဂျင်တီးနား-မက္ကဆီကိုပွဲတွင် ပရိသတ်ကွင်းလုံးပြည့် လာရောက်ကြည့်ရှုခဲ့ခြင်းဖြစ်သည်။
နယ်သာလန်ရဲ့ ကမ္ဘာ့ဖလားအုပ်စုအဖွင့်ကတော့ ရလဒ်ကောင်းခဲ့တယ်။ အာဖရိကနိုင်ငံများ ဖလားလက်ရှိ ချန်ပီယံဆီနီဂေါကို (၂-ဝ)ဂိုးနဲ့အနိုင်ယူလိုက်ပြီး အဖွင့်လှခဲ့တယ်။ ဒီနိုင်ပွဲက နယ်သာလန်ရဲ့ ရှေ့ခရီးမျှော်လင့်ချက် တွေ အတွက်အားဆေးတစ်ခွက်ဆိုလည်းမမှားဘူး။ ဒါ့ပြင် ဒီပွဲနိုင်ပွဲကြောင့် နယ်သာလန်ဟာ နောက်ဆုံးကစားခဲ့တဲ့ ကမ္ဘာ့ဖလားပြိုင်ပွဲ (၃)ခုရဲ့ အုပ်စုတွင်းပွဲတွေမှာ (၇)ပွဲဆက်အနိုင်ကိုလည်း ပိုင်ဆိုင်ခဲ့တယ်။
နယ်သာလန်အသင်းဟာ ၂၀၂၂ ကမ္ဘာ့ဖလား အုပ်စု (A) မှာ အိမ်ရှင် ကာတာ၊ ဆီနီဂေါ၊ အီကွေဒေါတို့လိုအသင်းတွေနဲ့ ကျရောက်နေပြီး အုပ်စုအဖွင့်ပွဲမှာ အာဖရိကအင်အားကြီး ဆီနီဂေါကို (၂)ဂိုး၊ ဂိုးမရှိနဲ့ အနိုင်ရထားပါတယ်။ နယ်သာလန်က ဒီပြိုင်ပွဲမှာ ရေပန်းစားတဲ့အသင်းမဟုတ်သလို ကြယ်ပွင့်ကစားသမားတွေ သိပ်မရှိပေမဲ့ ပြိုင်ပွဲကြီးတွေရောက်တိုင်း ခြေမှန်မှန်နဲ့ ကစားနေတာကို တွေ့ရတတ်ပါတယ်။ လူးဝစ်ဗန်ဟားလ်က အသင်းကို ဗန်ဒိုက်၊ ဖရန်ကီဒီယွန်း၊ ဒီပိုင်းတို့နဲ့ ကျောရိုးတည်ပြီး တည်ဆောက်ထားပါတယ်။ ဘာစီလိုနာမှာ ခြေစွမ်းပြနေတဲ့ အသက် (၂၅)နှစ် အရွယ် ဖရန်ကီဒီယွန်းက ဆီနီဂေါနဲ့ပွဲမှာ အသင်းရဲ့ကွင်းလယ်ကို ဦးဆောင်ခဲ့ပြီး ဂတ်ပိုသွင်းခဲ့တဲ့ဂိုးကို ဖန်တီးပေးနိုင်ခဲ့ပါတယ်။ ကစားသမားဘ၀ ပထမဆုံးကမ္ဘာ့ဖလားအပေါ် ဒီယွန်းရဲ့ရင်ခုန်သံနဲ့ မျှော်လင့်ချက်တွေကို ဖော်ပြလိုက်ပါတယ်။
ဆော်ဒီနိုင်ငံသည် ၂၀၂၂ ကမ္ဘာ့ဖလားအုပ်စု အဖွင့်ပွဲတွင် နာမည်ကြီး အာဂျင်တီးနားကို အံ့အားသင့်ဖွယ် အနိုင်ရခဲ့ပြီး နောက်တစ်နေ့ဖြစ်သည့် နိုဝင်ဘာ (၂၃) ရက် (ဗုဒ္ဓဟူးနေ့)ကို နိုင်ငံတော်အားလပ်ရက်အဖြစ် ကြေညာကာ အောင်ပွဲခံခဲ့ကြကြောင်း သိရှိရသည်။
ဆော်ဒီလက်ရွေးစင်အသင်းသည် နိုဝင်ဘာ (၂၂)ရက် (အင်္ဂါနေ့)က ကစားခဲ့သည့် ၂၀၂၂ ကမ္ဘာ့ဖလားအုပ်စု (C) အဖွင့်ပွဲစဉ်တွင် ဗိုလ်စွဲရန် ရေပန်းစားနေသည့် အာဂျင်တီးနားအသင်းကို (၂-၁) ဂိုးဖြင့် အနိုင်ရသည်။
“ဒါဟာ အရမ်းပြင်းထန်တဲ့ ထိုးနှက်ချက်ဖြစ်ပြီး နာကျင်စေမယ့် ရှုံးနိမ့်မှုပါပဲ၊ ဒါပေမယ့် ကျနော်တို့ ကိုယ့်ကိုကိုယ် ယုံကြည်မှုဆက်ရှိရပါမယ်” လို့ အာဂျင်တီးနားက အုပ်စု C မှာ ၂-၁ ဂိုးနဲ့ ရှုံးပြီးနောက် မက်ဆီက ပြောပါတယ်။ “ဒီအစုအဖွဲ့က အရှုံးပေးသွားမှာ မဟုတ်ပါဘူး။ ကျနော်တို့တွေ မက္ကဆီကို,ကို အနိုင်ယူဖို့ ကြိုးစားမှာပါ” ဟု သူက ထည့်သွင်းပြောဆိုခဲ့ပါတယ်။
မန်ချက်စတာယူနိုက်တက်အသင်း၏ လက်ထောက်နည်းပြဟောင်းဖြစ်သူ မိုက်ဖီလန်က မန်ယူအသင်းကို ဆိုးလ်ရှားကိုင်တွယ်စဉ်က စီရော်နယ်လ်ဒိုကို ပွဲစဉ်တိုင်းကစားခိုင်းရန်အတွက် မည်သည့်ဖိအားမျှမရှိခဲ့ကြောင်း ပြောကြားခဲ့သည်။
အဲရစ်တန်ဟက်ဂ် လက်ထက်တွင် စီရော်နယ်လ်ဒိုသည် ပုံမှန်ကစားခွင့်မရဖြစ်နေပြီး ယင်းမှာ ကစားသမား၏ အသက်အရွယ်အပေါ် အခြေခံစဉ်းစားခြင်းကြောင့်ဆိုသည့် သုံးသပ်မှုများရှိသော်လည်း မိုက်ဖီလန်က စီရော်နယ်လ်ဒို သည် ပွဲတိုင်းကစားရန် လုံလောက်သည့် ကြံ့ခိုင်မှုရှိသည်ဟု ဆိုခဲ့သည်။
လီဗာပူးလ်အသင်းနည်းပြ ယာဂန်ကလော့ပ်က မိမိတို့အနေဖြင့် တစ်သမတ်တည်းမရှိသည့် ကစားပုံမျိုးဖြင့် ချန်ပီယံလိဂ်ဝင်ခွင့်မရနိုင်ကြောင်း လိဒ်စ်အသင်းနှင့်ပွဲအပြီးတွင် သတိပေးပြောကြားသည်။ လီဗာပူးလ်အသင်းသည် ပရီးမီးယားလိဂ် ပွဲစဉ် (၁၄) အဖြစ် စနေနေ့ ညပိုင်းက လိဒ်စ်အသင်းနှင့် ယှဉ်ပြိုင်ကစားရာ အိမ်ကွင်းမှာပင် (၁-၂) ဂိုးဖြင့် ရှုံးနိမ့်ခဲ့သည်။
အင်္ဂလန် နှင့် အီရန်
လက်တလောရလဒ်တွေကို ကြည့်ရင် အင်္ဂလန်အသင်းက နိုင်ပွဲတွေ ဝေးနေတာကြာပြီ။ တိုက်စစ်ပိုင်းအားနည်းနေပြီး နောက်ဆုံးပွဲမှာတော့ ဂျာမနီကို (၃) ဂိုးသွင်းခဲ့တယ်။ ဒါပေမဲ့ Open Play ကနေရတဲ့ဂိုးမပါတာကို သတိပြုရမယ်။ အင်္ဂလန်အသင်းရဲ့နေရာစုံမှာ ကစားသမားအင်အားက တောင့်တင်းတယ်။ ပုံမှန်အားဖြင့် စုစည်းမှုလည်းကောင်းတဲ့ အသင်းတစ်သင်းအဖြစ် မြင်နိုင်ပေမဲ့ အဖွင့်ပွဲစဉ်မှာ သူတို့ရဲ့ စွမ်းဆောင်ရည်အပြည့်အ၀ ပြသနိုင်ပါ့မလားဆိုတာကို တွေးရမယ်။ ကားလို့စ်ကွီရော့ဇ်ရဲ့ အီရန်အသင်းက ကစားသမားကောင်းတချို့ပိုင်ဆိုင်ထားသလို၊ စုဖွဲ့မှုလည်း ကောင်းတဲ့အသင်းပါ။ အင်္ဂလန်အတွက် နိုင်ပွဲရဖို့ အရမ်းခက်ခဲတဲ့ ပွဲစဉ်မျိုးတော့ မဟုတ်ဘူး။ ဒါပေမဲ့ ဂိုးတွေ အများကြီးသွင်းပြီး နိုင်ဖို့လည်း မလွယ်ကူလောက်ဘူး။ အင်္ဂလန် ၁-ဝ၊ ၂-၁ လောက်ပဲ ဖြစ်ဖို့များတယ်။
မန်ယူအသင်းအနေနဲ့ စီရော်နယ်ဒိုကို ရက်ပိုင်းအတွင်းမှာပဲ အသင်းကနေ ထုတ်ပယ်ဖို့လိုအပ် ကြောင်း နောက်ခံလူဟောင်း ဂယ်ရီနဗီးလ်က တိုက်တွန်းပြောကြားလိုက်ပါတယ်။ ရော်နယ်ဒိုဟာ ပီယာ့စ်မော်ဂန်နဲ့ အင်တာဗျူးမှာ အသင်းတာဝန်ရှိသူတွေရဲ့ သစ္စာဖောက်တာ ခံခဲ့ရတယ်လို့ လူသိရှင်ကြားဝေဖန်ခဲ့တာပါ။ ရော်နယ်ဒိုဟာ အသင်းဆီကို ပြန်လာဖို့ဆန္ဒရှိမယ်ဆိုရင် အင်တာဗျူးမှာ ဝေဖန်ခဲ့မှာမဟုတ်ဘဲ အသင်းဆီပြန်လာဖို့ မရှိလို့သာ အဲဒီလိုစကားပြောခဲ့တာဖြစ်ကြောင်း နဗီးလ် ကပြောပါတယ်။
