ထိုင်းနိုင်ငံ၊ ဘန်ကောက်မြို့မှာ ကျင်းပမယ့် မန်ယူနဲ့ လီဗာပူး ပွဲလက်မှတ်စျေးနူန်းကြီးမြင့်မားမှုကြောင့် ရုပ်ရှင်ရုံတွေကနေပဲ ကြည့်မယ့်သူ ဦးရေများလာပါတယ်။
The Match : Bangkok Century Cup လို့ အမည် ပေးထားတဲ့ မန်ယူနဲ့ လစ်ဗာပူးအသင်းတို့ရဲ့ ပွဲစဉ်ကို လာမယ့် ဇူလိုင် ၁၂ ရက်မှာ ဘန်ကောက်မြို့ရှိ ရာဇမင်္ဂလာကွင်းမှာကျင်းပသွားမှာပါ။
စီရော်နယ်ဒို အနေနဲ့ အသင်းရဲ့ရာသီကြို ခြေစမ်းပွဲတွေကို လွဲချော်နိုင်ဖို့ ရှိနေတာကြောင့် မန်ယူအသင်းအနေနဲ့ ငွေကြေးဆုံးရှုံးမှုတွေရှိနိုင်တယ်လို့ သတင်းတွေရဲ့ဖော်ပြချက်အရ သိရပါတယ်။ စီရော်နယ်ဒိုဟာ မန်ယူအသင်းရဲ့ ရာသီကြို ခြေစမ်းပွဲ ပိုစတာ မှာ ပါဝင်ခဲ့သူဖြစ်ပေမယ့် လက်ရှိအချိန်မှာတော့ မိသားစုအရေး ကိစ္စကြောင့် အသင်းနဲ့ ပူးပေါင်းနိုင်ခြင်း မရှိသေးသလို အသင်းရဲ့ရာသီကြို ခြေစမ်းပွဲတွေမှာလည်း ပါဝင်နိုင်ဖို့ မရှိဘူးလို့ သိရပါတယ်။ လာမယ့်သောကြာနေ့က စပြီး မန်ယူဟာ ထိုင်း၊သြစတြေးလျနဲ့ နော်ဝေ နိုင်ငံတွေမှာ ခြေစမ်းပွဲတွေ ကစားမှာဖြစ်ပြီး ပွဲစီစဉ်သူတွေဟာ စီရော်နယ်ဒို ပါဝင်မယ်ဆိုတဲ့ အကြောင်းပြချက်နဲ့ လက်မှတ်တွေကို ရောင်းချခဲ့တာကြောင့် ပရိသတ်အချို့က သူတို့ငွေကြေးတွေကို ပြန်ရယူဖို့အတွက် အလိုရှိနေတယ်လို့လည်း သိရပါတယ်။
ရုရှားနဲ့ ဘီလာရုစ်ပြိုင်ပွဲဝင်တွေကို ပါဝင်ယှဉ်ပြိုင်ခွင့်ပိတ်ပင်ခဲ့တဲ့ ဝင်ဘယ်ဒန်တင်းနစ်ပြိုင်ပွဲကျင်းပရေးအဖွဲ့ကို ကမ္ဘာ့အမျိုးသမီးတင်းနစ်အဖွဲ့ချုပ်က ဒဏ်ရိုက်လိုက်ပါတယ်။ အင်္ဂလန်မြက်ခင်းပြင် တင်းနစ်ကလပ်အဖွဲ့ချုပ် (AELTC)နဲ့ မြက်ခင်းပြင်တင်းနစ်အဖွဲ့ချုပ်(LTA) တို့ကို ကမ္ဘာ့အမျိုးသမီး တင်းနစ်အဖွဲ့ချုပ်က ဒဏ်ရိုက်ခဲ့တာ ဖြစ်ပါတယ်။ ရုရှား-ယူကရိန်းအရေးနဲ့ပတ်သက်ပြီး ဝင်ဘယ်ဒန်ပြိုင်ပွဲမှာ ဘီလာရုစ်နဲ့ ရုရှားတင်းနစ် ကစားသမား တွေ ပါဝင်ယှဉ်ပြိုင်ခွင့်ပိတ်ပင်ခဲ့လို့ အင်္ဂလန်မြက်ခင်းပြင်တင်းနစ်ကလပ် အဖွဲ့ချုပ်ကို ပေါင် ၂ သိန်း ၇ ထောင်၊ မြက်ခင်းပြင်တင်းနစ် အဖွဲ့ချုပ်ကို ပေါင် ၆ သိန်း ၂ သောင်း ဒဏ်ရိုက်ခဲ့တာ ဖြစ်ပါတယ်။ အဲဒီအဖွဲ့ နှစ်ဖွဲ့စလုံး ကတော့ ပြစ်ဒဏ်အပေါ်မကျေတာကြောင့် အယူခံဝင် သွားမယ်လို့ အသီးသီးထုတ်ပြန်ကြေညာထားပါတယ်။ ကမ္ဘာ့အမျိုးသမီးတင်းနစ်အဖွဲ့ချုပ်ရဲ့ ဆုံးဖြတ်ချက်နဲ့ ပတ်သက်ပြီး စိတ်ပျက်မိတယ်လို့လည်း အင်္ဂလန်မြက်ခင်းပြင် တင်းနစ်ကလပ်အဖွဲ့ချုပ်ဥက္ကဋ္ဌ ဆယ်လီဘော်တန်က တုံ့ပြန်ဝေဖန်သွားခဲ့ပါတယ်။
ရွှေသံလွင်မီဒီယာကုမ္ပဏီလီမိတက်၊ SkyNet ရုပ်သံလိုင်းက ကြီးမှူးကျင်းပတဲ့ ရွှေအောင်လံမြန်မာ့ရိုးရာလက်ဝှေ့ ပြိုင်ပွဲ ဆီမီးဖိုင်နယ်ပွဲကို ဇူလိုင် ၃ ရက် နေ့လယ် ၂ နာရီက ရန်ကုန်မြို့၊ သိမ်ဖြူလက်ဝှေ့အားကစားရုံမှာကျင်းပ ခဲ့ပါတယ်။
စပါးအသင်းသည် အဲဗာတန်အသင်းမှ ဘရာဇီးလ်တိုက်စစ်မှူး ရစ်ချာလီဆန်ကို ပေါင်သန်း(၆၀)ဖြင့် ခေါ်ယူခဲ့ပြီး နွေရာသီအပြောင်းအရွှေ့ဈေးကွက်၌ ငွေအများဆုံးသုံးစွဲထားသည့် ပရီးမီးယားလိဂ်အသင်းအဖြစ် ဦးဆောင်နေ ကြောင်း သိရသည်။
စပါးအသင်းသည် ရစ်ချာလီဆန်အတွက် ကနဦး ပြောင်းရွှေ့ကြေး ပေါင်သန်း(၅၀)သာ ပေးချေရမည်ဖြစ်သော်လည်း Add-ons ကြေးများကိုပါ ထည့်တွက်ပါက ပေါင်သန်း (၆၀)အထိ ရှိလာမည်ဖြစ်သည်။
မန်ယူတိုက်စစ်မှူး ရော်နယ်ဒို က ချန်ပီယံလိဂ်မှာ ကစားချင်နေတာကြောင့် ဒီနွေရာသီမှာပဲ အသင်းက ထွက်ခွာချင်ကြောင်း မန်ယူအသင်းကို ပြောကြားထားတယ်လို့ သည်တိုင်းစ် သတင်းစာက ဖော်ပြပါတယ်။
