ပရီးမီးယားလိဂ်ကလပ်အသင်းများသည် ကိုရိုနာဗိုင်းရပ်စ်ကူးစက်ပြန့်ပွားမှုကို ကာကွယ်တားဆီးရန်အတွက် နည်းလမ်းပေါင်းစုံကို စဉ်းစားနေကြပြီး ယင်းထဲတွင် COVID ကာကွယ်ဆေးမှတ်တမ်းအရ ကစားသမားများကို သီးခြားခွဲထားမည့် အစီအစဉ်လည်း ပါဝင်ကြောင်း ဗြိတိန်သတင်းစာ Daily Mail က ဖော်ပြခဲ့သည်။
ချယ်လ်ဆီးကစားသမားများဖြစ်သည့် ကွန်တေနှင့် လော့ဖ်တပ်ချိခ်တို့သည် COvID ကာကွယ်ဆေး ထိုးနှံထားခြင်းမရှိသောကြောင့် အသင်း၏ အမေရိက ရာသီကြိုခရီးစဉ်ကို လွဲချော်ခဲ့ရသည်။
မော်လ်ဒိုက်နိုင်ငံတွင် ကျင်းပမည့် ၅၄ ကြိမ် မြောက် အာရှကာယဗလနှင့် ကာယကြံ့ခိုင်မှု ပြိုင်ပွဲတွင် မြန်မာ ကစားသမားများ ဝင်ရောက်ယှဉ်ပြိုင်မည်ဖြစ်ကြောင်း သိရသည်။
ယင်းပြိုင်ပွဲကို ဇူလိုင် ၁၅ ရက်မှ ၂၁ ရက်အထိ ကျင်းပမည်ဖြစ်ပြီး ကာယဗလပွဲစဉ် များနှင့် ကာယကြံ့ခိုင်မှုပြိုင်ပွဲများ ပါဝင်မည် ဖြစ်သည်။ မြန်မာကာယဗလအဖွဲ့သည် ကာယဗလပွဲစဉ်များအပြင် ကာယကြံ့ခိုင်မှု ပြိုင်ပွဲများတွင်လည်း ဝင်ရောက်ယှဉ်ပြိုင်သွား မည်ဖြစ်သည်။
မန်ယူနဲ့ အင်္ဂလန်တိုက်စစ်မှူးဟောင်း ဝိန်းရွန်နီကို နည်းပြချုပ်အဖြစ် ခန့်အပ်လိုက်တယ်လို့ အမေရိကန်မေဂျာလိဂ်အသင်း ဒီစီယူနိုက်တက်က ပြောပါတယ်။ ၂၀၁၈ နဲ့ ၂၀၁၉ တုန်းက ဒီစီယူနိုက်မှာ ကစားခဲ့တဲ့ ၃၆ နှစ် အရွယ် ရွန်နီက ဒါဘီကို ၁၇ လကြာကိုင်တွယ်ပြီးတဲ့နောက်မှာ ပြီးခဲတဲ့လက နုတ်ထွက်ခဲ့ပါတယ်။ အဲဒီ ကာလအတွင်းမှာ ဒါဘီက ဘဏ္ဏာရေး အခက်အခဲတွေ ကြုံခဲ့ပြီး တတိယတန်းကို တန်းဆင်းခဲ့ရပါတယ်။
ONE Championship အဖွဲ့အစည်းက ကျင်းပနေသည့် MMA ပြိုင်ပွဲများ၏ ဝယ်လ်တာဝိတ်တန်း လက်ရှိချန်ပီယံ ဖြစ်သူ ကာဂျစ္စတန်ဖိုက်တာ အဘာဆော့ဗ်က မြန်မာ MMA ကစားသမား အောင်လအန်ဆန်နှင့် ယှဉ်ပြိုင်ထိုးသတ် လိုကြောင်း ၎င်း၏ Instagram မှတစ်ဆင့် စိန်ခေါ်ပြောဆိုခဲ့သည်။
လီဗာပူး ဟာ အရန်လူတွေ ၊ လူငယ်ကစားသမားတွေနဲ့ အဓိက ပွဲထွက်လာခဲ့ပြီး ပထမ လူစာရင်းထဲက ဟန်ဒါဆင် ၊ လူးဝစ် ဒီယာ့ဇ် နဲ့ ဂိုးသမား အလစ်ဆွန် တို့ ၃ ဦးသာ ပါဝင်ခဲ့ပါတယ် ။
လူသစ်လေး ဖာဘီယို ကာဗယ်ဟို ကတော့ သူ့ရဲ့ လီဗာပူး ကစားသမားဘ၀ ပထမဆုံး ပွဲထွက်ခွင့်ကို ရရှိခဲ့ပါတယ် ။
လန်ဒန်မြို့မှာ ကျင်းပနေတဲ့ ဝင်ဘယ်ဒန် တင်းနစ်ပြိုင်ပွဲရဲ့ အမျိုးသမီး တစ်ဦးချင်း ဗိုလ်လုပွဲမှာ ကာဇက်စတန် နိုင်ငံက တင်းနစ်မယ် အီလီနာ ရီဘီကီနာ က တူနီးရှားမှ ဂျာဘီယာကို နောက်ကနေ လိုက်ကစားပြီး အနိုင်ယူဗိုလ်စွဲသွားခဲ့ပါတယ်။
တနင်္ဂနွေနေ့က ကျင်းပတဲ့ Wimbledon တင်းနစ် အမျိုးသားတဦးချင်းဖိုင်နယ်မှာ ဆားဗီးယားနိုင်ငံသား Novak Djokovic (ဂျိုကိုးဗစ်ချ်)က သြစတြေးလျနိုင်ငံသား Nick Kyrgios(ကီးရီး အော့်စ်)ကို ၄-၆, ၆-၃, ၆-၄, ၇-၆ နဲ့ အနိုင်ရသွားပြီး Wimbledon ချန်ပီယံဆုကို သတ္တမကြိမ်မြောက် ဆွတ်ခူးသွားပါတယ်။ အသက် ၃၅ နှစ် ရှိပြီဖြစ်တဲ့ Djokovic က ဒီ Wimbledon ပြိုင်ပွဲမှာ ၄ နှစ်ဆက်တိုက် ရှုံးပွဲမရှိပဲ (၂၈)ပွဲလုံး အနိုင်ရခဲ့တာပါ။
ယမန်နေ့က ဩစတြီးယားကိုအနိုင်ရခဲ့တဲ့ အင်္ဂလန်အမျိုးသမီးအသင်းရဲ့ ယူရို ၂၀၂၂ အဖွင့်ပွဲမှာ ပရိသတ်ဦးရေ စံချိန်တင်အများဆုံး လာရောက်အားပေးခဲ့တယ်လို့ သိရပါတယ်။ အင်္ဂလန်က မန်ယူအသင်းရဲ့ အိုးထရက်ဖို့ဒ် ကွင်းကြီးထဲမှာ လက်ခံကျင်းပတဲ့အဆိုပါပွဲစဉ်မှာ အိမ်ရှင် အင်္ဂလန် အမျိုးသမီး အသင်းက ဩစတြီးယား အမျိုးသမီးအသင်းကို ၁ ဂိုး ဂိုးမရှိနဲ့ အနိုင်ရခဲ့ပါတယ်။ အဆိုပါပွဲမှာ ကွင်းတွင်းလာရောက်အားပေးသူပရိသတ် ၆၈၈၇၁ ဦး အထိရှိခဲ့ပါတယ်။ ဒီပမာဏဟာ အမျိုးသမီး ယူရိုပြိုင်ပွဲသမိုင်းတလျှောက်မှာ ပရိသတ်ဝင်ရောက်မှု အများဆုံးအဖြစ် စံချိန်တင်ခဲ့ပါတယ်။ ယခင်စံချိန်ဟောင်းကတော့ ၂၀၁၃ ခုနှစ်က နော်ဝေကိုအနိုင်ရတဲ့ ဂျာမနီအမျိုးသမီးအသင်းရဲ့ ယူရို ဗိုလ်လုပွဲဖြစ်ပြီး ပရိသတ် ၄၁၃၀၁ ဦး ကြည့်ရှုအားပေးခဲ့ပါတယ်။
မန်စီးတီးတောင်ပံကစားသမား စတာလင်းဟာ ချဲလ်ဆီးအသင်းကို ပြောင်းရွှေ့ကစားဖို့ ပုဂ္ဂိုလ်ရေး သဘောတူညီမှုရရှိသွားခဲ့ပြီဖြစ်ပါတယ်။ အသက် ၂၇ နှစ်အရွယ် စတာလင်းဟာ မန်စီးတီးအသင်းနဲ့ စာချုပ် သက်တမ်း ၁ နှစ်ကျန်ရှိနေပေမယ့် သူ့ကို အခြားထိပ်တန်းလိဂ်က အသင်းတွေကပါ ခေါ်ယူဖို့ စိတ်ဝင်စား နေကြတာပါ။ ၂၀၁၅ ခုနှစ်က လီဗာပူးကနေ ပြောင်းရွှေ့ကြေး ပေါင် ၄၉ သန်းနဲ့ ပြောင်းရွှေ့ လာခဲ့တဲ့ စတာလင်းဟာ မန်စီးတီးအသင်းအတွက် ပွဲပေါင်း ၃၃၉ ပွဲကစားထားပြီး ၁၃၁ ဂိုး သွင်းယူထား သူဖြစ်ပါတယ်။
