ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရန်ကုန်တိုင်းဒေသကြီး ၊ ဗိုလ်တထောင် ခရိုင်ကော်မတီဝင်များနှင့် မြို့နယ် ကော်မတီဝင်များ၊ ရပ်ကျေးကော်မတီဝင်များ အဆင့်ဆင့် တွေ့ဆုံပွဲအခမ်းအနားကို ယနေ့နေ့လည် ( ၀၁:၀၀ ) အချိန်တွင် မဂ်လာတောင်ညွန့်မြို့နယ် ပါတီရုံးခန်းမတွင် ကျင်းပပြုလုပ်ခဲ့ပါသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ရန်ကုန်တိုင်းဒေသကြီး ၊ဒဂုံမြို့သစ်(ခရိုင်) မှ အမျိုးသမီးပါတီဝင်များနှင့် တွေ့ဆုံဆွေးနွေးခြင်းကို စဉ်ဆက်မပြတ်ပြုလုပ်နေလျှက်ရှိရာ ဒဂုံမြို့သစ်(အရှေ့ပိုင်း)မြို့နယ် အတွင်းရှိ ရပ်ကွက် အသီးသီးမှ တာဝန်ရှိသူအမျိုးသမီးများနှင့် တွေ့ဆုံဆွေးနွေးခြင်း အခမ်းအနားကို ယနေ့နေ့လည်(၀၁ :၀၀) ခန့် အချိန်မှစတင်၍ ကျင်းပပြုလုပ်ခဲ့ရာ အဆိုပါဆွေးနွေးပွဲသို့ ဗဟိုကော်မတီဝင် (ရန်ကုန်တိုင်းဒေသကြီး အမျိုးသမီး ရေးရာ တာဝန်ခံ) ဒေါ်စန်းစန်းဝင်း တက်ရောက်၍ အမှာစကားပြောကြားပေးခဲ့သည်။
နေပြည်တော် ဇေယျာသီရိမြို့နယ် သာစည်အုပ်စု သာစည်ကျေးရွာ ပါတီဆိုင်းဘုတ်တင်ပွဲနှင့်လူထုတွေ့ဆုံပွဲကို ယနေ့နေ့လည်ပိုင်းတွင် ကျင်းပပြုလုပ်ခဲ့ပါသည်။ အဆိုပါတွေ့ဆုံပွဲသို့ ပြည်ထောင်စုကြံ့ခိုင်ရေးနှင့်ဖွံ့ဖြိုးပါတီ ပြည်ထောင်စုနယ်မြေ ခေတ္တပါတီ ဥက္ကဌ ဦးလှဆွေ၊ ပြည်ထောင်နယ်မြေပါတီကော်မတီဝင်ဦးဖိုးသိန်းနှင့် မြို့နယ် ဥက္ကဌ၊ မြို့နယ်ကော်မတီဝင်များ၊ ပါတီစည်းရုံးရေးတာဝန်ခံများနှင့် ပါတီသို့ အသစ်ဝင် ရောက်လာသော ပါတီဝင်အသစ် (၈၅)ဦးအား ပါတီဝင်ကဒ်များ ပေးအပ်ခြင်းအခမ်းအနားအား အင်အား (၁၅၀)ခန့်ဖြင့်အောင်မြင်စွာ ကျင်းပနိုင်ခဲ့ပါသည်။
ရန်ကုန်တိုင်းဒေသကြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ကမာရွတ်ခရိုင်မှဦးစီး၍ ခရိုင်အတွင်းရှိ လူငယ် တာဝန်ခံများ၊ ပါတီဝင်လူငယ်များပါဝင်သည့် လူငယ်တွေ့ဆုံပွဲနှင့် လူငယ်စကားဝိုင်းကို ကမာရွတ်ခရိုင် ဗဟန်း မြို့နယ် ပါတီရုံးတွင် ယနေ့ နေ့လည် (၁) နာရီအချိန်က ကျင်းပပြုလုပ်ခဲ့ကြောင်း သိရှိရသည်။
17.11.2022. နံနက် ၉ နာရီအချိန်တွင် ပြည်ကြီးတံခွန်မြို့နယ် ပြည်ခိုင်ဖြိုးပါတီရုံး၌ (၁၀၂) နှစ်မြောက် အမျိုးသားနေ့ ဂုဏ်ပြုပွဲ အခမ်းအနား နှင့် ဇာတိသွေး ၊ ဇာတိမာန် တက်ကြွရေး ဆွေးနွေးပွဲ စကားဝိုင်းကျင်းပခဲ့ပါသည်။
ပဲခူး နိုဝင်ဘာ ၁၇
ပဲခူးတိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးပါတီ၏ လုပ်ငန်းညှိနှိုင်းအစည်းအဝေးပွဲနှင့် သုံးလတာ ရက် ၉၀ စီမံကိန်း ရာနှုန်းပြည့်အောင်နိုင်ရေးအစည်းအဝေးပွဲအား နိုဝင်ဘာလ ၁၇ ရက်နေ့ နံနက်ပိုင်းက ရွှေမော်ဓောဘုရားရှိ တိုင်းပါတီရုံးအစည်းအဝေးခန်းမတွင်ကျင်းပပြုလုပ်ခဲ့သည်။ အစည်းအဝေးသို့ ပါတီဗဟိုအလုပ်အမှုဆောင် တိုင်းဒေသကြီးပါတီဥက္ကဌဦးရဲမြင့်ထွန်း၊ တိုင်းပါတီအတွင်းရေးမှူးဦးအောင်နိုင်နှင့် တိုင်းကော်မတီဝင်များ၊ ခရိုင်ဥက္ကဌများ၊ မြို့နယ်ဥက္ကဌများတက်ရောက်ခဲ့ပါသည်။
ရန်ကုန်၊ နိုဝင်ဘာ၊ ၁၇
လှည်းကူးခရိုင်ပါတီ ဥက္ကဌ ဦးအောင်မျိုးနိုင်မှ ဦးဆောင်ကာ ခရိုင်လူငယ်နှင့်အမျိုးသမီးရေးရာတို့မှ လူငယ်ကဏ္ဍအသွင်သစ်နှင့်စည်းရုံးရေး ခေါင်းစဉ်ဖြင့်အပြန်အလှန် ဆွေးနွေးခဲ့ကြပြီး၊ တွေဆုံပွဲကို အင်းတိုင်ဒေသ ပြည်ခိုင်ဖြိုးပါတီမှ ရပ်ကျေးများ၊အမျိုးသမီး/ လူငယ် ရေးရာအဖွဲ့များ ဒေသခံများတက်ရောက်ကာ ဆွေးနွေးပွဲကို နံနက်(၉:၀၀) မှစတင်ကာ နေ့လည် (၁၂:၀၀) နာရီ အချိန်တွင် အောင်မြင်အေးချမ်းစွာ ရုတ်သိမ်းခဲ့ပါသည်။
ဝေါ နိုဝင်ဘာ ၁၇
ပဲခူးတိုင်းဒေသကြီး ဝေါမြို့နယ်ပြည်ခိုင်ဖြိုးပါတီဥက္ကဌဦးမောင်ယုနှင့် မြို့နယ်ကော်မတီဝင်များသည်နိုဝင်ဘာလ ၁၇ ရက်နေ့ နံနက်ပိုင်းက ကြာလဟာကျေးရွာရှိပါတီဝင်များ ပါတီအားဝန်းရံသူများနှင့်တွေ့ဆုံခဲ့သည်။
တွေ့ဆုံခဲ့ရာတွင် ပါတီ၏ပြုပြင်ပြောင်းလဲမှုအခြေနေများ တိုင်း ၊ ခရိုင်၊ မြို့နယ်ပါတီ၏ လုပ်ဆောင်နေသော လုပ်ငန်းစဥ်များ ပါတီ၏ စုဖွဲ့ထားရမည့်အခြေနေ မြေပြင်စာရင်းမှန်ကန်စွာပြုစုထားရှိရန် ရေးရာကဏ္ဍများအား စုဖွဲ့ထားရှိရန်၊ PRစနစ်အကြောင်း၊ မြေပြင်အမှန်ပါတီဝင်စာရင်းအမှန်ပြုစုထားရှိရန် စသည်တို့ကို ရှင်းလင်း တင်ပြခဲ့သည်။ ရှင်းလင်းချက်များအပေါ်ရပ်ကျေး/ ပါတီဝင်များမှပါတီ၏ လုပ်ငန်းကိစ္စရပ်များ လုပ်ဆောင် နေမှုများအား ရှင်းလင်းတင်ပြဆွေးနွေးခြင်း၊ အကြံပြုခြင်းတို့အားဆွေးနွေးတင်ပြခဲ့ကြသည်။ တင်ပြချက်များ အပေါ် မြို့နယ်ပါတီတာဝန်ရှိသူများမှ ပေါင်းစပ်ညှိနှိုင်းခဲ့သည်။
ရန်ကုန် နိုဝင်ဘာ ၁၇
ရန်ကုန်တိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အလုံခရိုင်မှ ဦးစီး၍ ခရိုင်အတွင်းရှိ လူငယ်တာဝန်ခံများ၊ ပါတီဝင်လူငယ်များပါဝင်သည့် လူငယ်တွေ့ဆုံပွဲနှင့် လူငယ်စကားဝိုင်းကို အလုံမြို့နယ် ပါတီရုံးတွင် ယနေ့ နေ့လည် (၁) နာရီအချိန်က ကျင်းပပြုလုပ်ခဲ့ကြောင်း သိရှိရသည်။
