ဧရာဝတီတိုင်းဒေသကြီး၊ အင်္ဂပူမြို့၊ ကြပ်ပြင်သာသနာ့နယ်မြေ၊ ပျူခေတ်ဂဝံမြို့ဟောင်းဒေသ၌ တည်ထားကိုးကွယ်အပ်သော ဖောင်တော်ဦးစေတီတော် ရွှေထီးတော် စိန်ဖူးတော်အထွက်တင် ပူဇော်ပွဲ နှင့် ဗုဒ္ဓါဘိသေကမင်္ဂလာအခမ်းအနားကို မေလ (၉) ရက်နေ့၊ နံနက် (၉) နာရီအချိန်တွင် အဆိုပါ စေတီတော်၌ပြုလုပ်ရာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဒုတိယဥက္ကဋ္ဌ ဦးဌေးဦးနှင့် ဇနီး မြန်မာနိုင်ငံ အမျိုးသမီးရေးရာအဖွဲ့ချုပ် နာယက ဒေါ်နီနီဝင်း၊ ဟင်္သာတခရိုင် အုပ်ချုပ်ရေးမှူး ဦးစန်းဌေး၊ ဟင်္သာတခရိုင် ပြည်ခိုင်ဖြိုးပါတီ အလုပ်အမှုဆောင်များ၊ ဟင်္သာတနှင့် အင်္ဂပူမြို့နယ်မှ ပြည်ခိုင်ဖြိုးပါတီ အတွင်းရေးမှူးများနှင့် အလုပ်အမှုဆောင်များ၊ အင်္ဂပူမြို့နယ် အုပ်ချုပ်ရေးမှူးနှင့် ဌာနဆိုင်ရာတာဝန်ရှိ သူများ၊ ရပ်မိရပ်ဖများ၊ ရပ်/ကျေးစည်းရုံးရေးမှူးများ၊ ဂေါပကအဖွဲ့ဝင်များ၊ လူမှုရေးအသင်းအဖွဲ့ဝင်များ၊ ပြည်ခိုင်ဖြိုးပါတီဝင်များ တက်ရောက်ကြသည်။  
သတင်းအပြည့်အစုံကိုကြည့်ရှုရန်

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဒုတိယဥက္ကဋ္ဌ ဦးဌေးဦးသည် မေလ (၇)ရက်နေ့ နံနက် (၁ဝ)နာရီအချိန်တွင် ဟင်္သာတခရိုင် ပြည်ခိုင်ဖြိုးပါတီ အလုပ် အမှုဆောင်များ၊ ဟင်္သာတမြို့နယ် ပြည်ခိုင်ဖြိုးပါတီ အတွင်းရေးမှူးနှင့် အလုပ်အမှုဆောင်များ လိုက်ပါလျှက် ဟင်္သာတမြို့နယ်၊ စစ်ကုန်း ကျေးရွာ၊ အခြေခံပညာ မူလတန်းကျောင်းသို့ ရောက်ရှိပြီး ကျောင်းအကျိုးတော်ဆောင်များ၊ ရပ်မိရပ်ဖ များနှင့် တွေ့ဆုံသည်။

 
သတင်းအပြည့်အစုံကိုကြည့်ရှုရန်

ဧရာဝတီတိုင်းဒေသကြီး၊ ကန်ကြီးထောင့်မြို့နယ်ရှိ ဝက်ထိုးရွာအဝင်လမ်းကို မိုးတွင်းကာလရောက်ရှိ လာပါက သွားလာဆက်သွယ်ရေး လွယ်ကူစေရန် ပြုပြင် ချဲ့ထွင်ခြင်းလုပ်ငန်းကို မေလ (၁၁) ရက် နေ့က ကျေးရွာသူ ကျေးရွာသားများက ဆောင်ရွက်လျက်ရှိသည်။ 

အဆိုပါဆောင်ရွက်နေခြင်းကို အနောက်တောင်တိုင်းစစ်ဌာနချုပ်မှ အရာရှိ၊ အရာခံ၊ အကြပ်စစ်သည် များနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင်များက လုပ်အားပေးဆောင်ရွက်ပေးခဲ့ရာ ကန်ကြီးထောင့်မြို့နယ် တိုင်းဒေသကြီး လွှတ်တော်ကိုယ်စားလှယ် ဒေါ်ခင်စောမူနှင့် နတခမှ အရာရှိများက သွားရောက် အားပေးကြကာ နေ့လယ်စာ၊ အချိုရည်များနှင့်မုန့်များ ဧည့်ခံကျွေးမွေးခဲ့ကြောင်း သိရသည်။

ရှမ်းပြည်နယ် (အရှေ့ပိုင်း) ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ပြည်နယ်ပါတီကော်မတီဝင် ဒေါ်တင်မေထွန်း၊ တာချီလိတ်မြို့နယ်(နာယက) များဖြစ်ကြသည့် ဦးအားဇီး၊ ဦးကျော်သီဟ၊ ဦးမြင့်ဦး၊ ဦးဘိုလေး၊ ခရိုင်ပါတီအတွင်းရေးမှူး ဦးဘိုစံ၊ မြို့နယ်ပါတီအတွင်းရေးမှူး ဦးစိုင်းရွှေထွန်းနှင့် မြို့နယ် ပါတီကော်မတီဝင်များ၊ စည်းရုံးရေးမှူးများ၊ ပါတီလူငယ်အဖွဲ့၊ ပါတီအမျိုးသမီးအဖွဲ့ အင်အား (၃၀) ဦးတို့သည် မေလ (၁၀) ရက်နေ့က တာချီလိတ်မြို့ တောင်တန်းသာသနာပြု (ဗဟို)ကျောင်းတိုက် ခေါင်းဆောင်ဆရာတော် ဘုရားကြီး ဘဒ္ဒန္တရေ၀တ (ဓမ္မစရိယ၊ အဘိဓဇ အဂ္ဂမဟာ သဒ္ဒမ္မဇောတိက အဂ္ဂမဟာပဏ္ဍိတ) သက်တော်(၈၅)နှစ်၊ သိက္ခာတော်(၆၅)၀ါ၏ ဘ၀နတ်ထံပျံလွန်သည့် တောင်တန်း သာသနာပြု ၀န်ထမ်းကုန်းကျောင်းသို့ လွမ်းသူ့ပန်းခွေများနှင့်  သွားရောက်ဖူးမျှော်၍ တစ်ဦးခြင်း အလှူငွေများ ထည့်ဝင်လှူဒါန်းခဲ့ကြောင်း သိရသည်။  
သတင်းအပြည့်အစုံကိုကြည့်ရှုရန်

နွေရာသီကာလ ကျေးလက်ဒေသများတွင် သောက်သုံးရေများ အခက်အခဲဖြစ်ရာ မုဒုံမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် မေတ္တာကာရီ နာရေး ကူညီအသင်းတို့ ပူးပေါင်း၍ နေ့စဉ်၊ နေ့တိုင်း ကျေးရွာများသို့ အလှည့်ကျ သောက်သုံးရေများ ပေးဝေလှူဒါန်းလျှက်ရှိရာ ယနေ့ ( မေလ ၁၃ရက်နေ့)  နံနက် (၈) နာရီချိန်မှ စတင်ကာ မုဒုံမြိုနယ်ပြည်ခိုင်ဖြိုးပါတီဥက္ကဋ္ဌနှင့် မြို့နယ်ပါတီကော်မတီဝင်များ၊ ပြည်နယ်ပါတီကော်မတီဝင်၊ မုဒုံ(တာဝန်ခံ)ဦးဇော်မြင့်၊ ကျေးရွာ ပါတီကော်မတီဝင်များမှ ကတုံးပေါ်ကျေးရွာ ပြည်သူများအား သောက်သုံးရေများ ပေးဝေနေကြောင်း သိရှိရသည်။

ရန်ကုန်တိုင်းဒေသကြီးအရှေ့ပိုင်းခရိုင် သင်္ဃန်းကျွန်းမြို့နယ် ပြည်ခိုင်ဖြိုးပါတီသည် တိုင်းဒေသကြီး၊ ခရိုင်ပါတီများ၏ လုပ်ငန်းလမ်းညွှန်ချက်နှင့်အညီ ယခုနှစ် မေလအတွင်း ရပ်ကွက်ပါတီစိတ်ကော်မတီများ ပြန်လည်ပြင်ဆင်ရွေးချယ်ဖွဲ့စည်းရေး ဆောင်ရွက်လျက်ရှိရာ မေလ (၁၁) ရက် ညနေ ၅ နာရီမှ ည ၈နာရီထိ သင်္ဃန်းကျွန်းမြို့နယ် ရန်အောင်ရပ်ကွက်နှင့် လေးထောင့်ကန်ရပ်ကွက်တို့တွင် ပြန်လည်ပြင်ဆင် ရွေးချယ်ဖွဲ့စည်းခဲ့သည်။

ပူပြင်းသောနွေရာသီဒဏ်ကြောင့် ကျေးလက်ဒေသ ကျေးရွာအများစုတွင် သောက်သုံးရေ အခက်အခဲများ   တွေ့ကြုံရေသဖြင့် ဘားအံမြို့နယ် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ မေလ (၁၂) ရက်နေ့က ဘားအံမြို့နယ်အတွင်းရှိ မေတ္တာရပ်ကွက်၊ ဝိဇ္ဇာရပ်ကွက်၊ ပန်းမြိုင်စုံရပ်ကွက်နှင့် လွှမ်းမြတောင်ရပ်ကွက်များသို့ သောက်သုံးရေများ သွားရောက်လှူဒါန်းခဲ့ကြောင်း သိရသည်။

Credit – – Zaw Aung Htet  
သတင်းအပြည့်အစုံကိုကြည့်ရှုရန်

ပဲခူးတိုင်းဒေသကြီး(နောက်) ပြည်ခရိုင် ပေါက်ခေါင်းမြို့နယ်တွင် ယခုလ (၁) ရက်မှစ၍ ရပ်/ကျေး (၅၈) အုပ်စုသို့ အမာခံကေဒါများ ဖွဲ့စည်းဆောင်ရွက်ခဲ့ရာ ယခုလ (၁ဝ) ရက်ထိ (၃၁) အုပ်စု ကွင်းဆင်းဆောင်ရွက်ပြီး ဖြစ်ကြောင်း သိရသည်။

ရခိုင်ပြည်နယ် ရသေ့တောင်မြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မြို့နယ်ပါတီ လုပ်ငန်း ညှိနှိုင်းအစည်းအဝေးကို မေလ (၁၂) ရက် နေ့လည် (၁၂) နာရီအချိန်က မြို့နယ်ပါတီရုံး၌ ကျင်းပပြုလုပ်ခဲ့သည်။

အစည်းအဝေးတွင် မြို့နယ်အဆင့် ပါတီညီလာခံကျင်းပနိုင်ရေးအတွက် စီမံချက်များ ရေးဆွဲခြင်း၊ ဆပ်ကော်မတီများဖွဲ့စည်းခြင်းတို့ ဆောင်ရွက်ခဲ့ကြပြီး မြို့နယ်ပါတီကော်မတီဝင်များမှလည်း ညီလာခံကိစ္စနှင့် ရွေးချယ်ရေးအတွက် သိလိုသည်များအား မေးမြန်းပြီး လိုအပ်ချက်များအား ဖြည့်စွက် ဆွေးနွေးခဲ့ကြကြောင်း သိရသည်။