တွံတေးခရိုင်၊ဒလမြို့နယ် ပြည်ခိုင်ဖြိုးပါတီရုံး၌တွံတေးခရိုင်ဥက္ကဌ ဦးကျော်ဇင်ဟိန်း၊ ခရိုင်ကော်မတီ၀င် ဦးသိန်းထွန်း ဦးဆောင်ပြီး မြို့နယ် ရပ်ကျေး ပါတီကော်မတီ၀င်များနှင့်တွေ့ဆုံကာ ပါတီကျစ်လစ်ခိုင်မာရေး၊ မိမိပါတီ၀င်အင်အား များ အမှန်ပြန်လည်စီစစ်ရေး၊ ပါတီအောင်နိုင်ရေးကိစ္စရပ်များအားတွေ့ဆုံဆွေးနွေးခဲ့ပါသည်။
ပြည်ခိုင်ဖြိုးပါတီဗဟိုကော်မတီဝင် ဒေါက်တာ-နေလင်းသည် တိုက်ကြီးခရိုင် နာယက ဦးဟန်စိန်၊ခရိုင်ဥက္ကဋ္ဌ ဦးခင်မောင်မြင့်အဖွဲ့နှင့်အတူယနေ့(15-1-2023)နေ့လယ် ၁ နာရီအချိန် မှစတင်ကာ ဘွတ်ကုန်းကျေးရွာ မြို့နယ် အရန်ပါတီကော်မတီဝင် ဒေါ်မတုတ်(ခ)ဒေါ်စောမြတ်ဆွေနေအိမ်တွင် အဆိုပါကျေးရွာရှိ ဒေသခံတောင်သူ လယ်သမားများ နှင့် တွေ့ဆုံ၍ လက်ရှိနိုင်ငံရေးအခြေအနေများ၊ လာမည့်ပါတီစုံဒီမိုကရေစီ အထွေထွေ ရွေးကောက်ပွဲ၌ ကျင့်သုံးမည့် PR စနစ်အကြောင်းအကျယ်တဝင့် ရှင်းလင်း၍တောင်သူလယ်သမားများ၏ စိုက်ပျိုးရေးလုပ်ငန်းတွင် လက်ရှိကြုံတွေ့နေရသည့်အခက်အခဲများ၊ စပါးစျေး၊ဓာတ်မြေဩဇာ၊စိုက်ပျိုးရေရရှိရေး၊ စက်သုံးဆီ၊ပိုးသတ်ဆေး၊စိုက်ပျိုးစရိတ်စသည့်သွင်းအားစု အခြေအနေများ၊စိုက်ပျိုးစရိတ်ချေးငွေ ကြွေးမြီပြဿနာ များ အစရှိသည်တို့ကို တောင်သူလယ်သမားများနှင့်ရင်းရင်းနှီးနှီး အပြန်အလှန်ဆွေးနွေးကြပြီး အမျိုးသမီးများ တစ်နိုင်တပိုင်ဝင်ငွေရရှိရေးလုပ်ငန်း အကောင်အထည်ဖော်ဆောင်ရွက်ပေးနိုင်ရေးကိစ္စများလည်းဆွေးနွေးခဲ့ပါသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးခင်ရီသည် ၂၀၂၃ ခုနှစ်၊ ဇန်နဝါရီလ ၁၅ ရက်နေ့ နေ့လည် ၂ နာရီ အချိန်တွင် တောင်ကြီးမြို့နယ် ပါတီရုံးခန်းမတွင်ပြုလုပ်သော ရှမ်းပြည်နယ်(တောင်ပိုင်း)အတွင်းရှိ တိုင်းရင်းသား စာပေယဥ်ကျေးမှုအဖွဲ့ (၈)ဖွဲ့ နှင့် တွေ့ဆုံပွဲအခမ်းအနားသို့ တက်ရောက်ခဲ့ပါသည်။ အခမ်းအနားတွင် ပါတီဥက္ကဋ္ဌမှ နှုတ်ခွန်းဆက် အဖွင့်အမှာစကားပြောကြားရာ ” ၂၀၂၀ ခုနှစ် အထွေထွေရွေးကောက်ပွဲနှင့်ပတ်သက်ပြီး မဲမသမာမှု အချက်အလက်များနှင့် အကြောင်းအရာများကိုလည်းကောင်း၊ တစ်နိုင်ငံတည်း တစ်မြေတည်းနေ တစ်ရေတည်း သောက်ကြသည့် တိုင်းရင်းသားများဖြစ်ကြသည့်အတွက် မလိုသူတို့၏သွေးထိုးမှုများကို နားမယောင်ကြရန်နှင့် အချင်းချင်းသွေးစည်းညီညွတ်ကြရန်၊ လာမည့်ရွေးကောက်ပွဲအောင်မြင်စွာ ကျင်းပနိုင်ရေးအတွက် စည်းလုံး ညီညွတ်စွာဖြင့် ဝိုင်းဝန်းဆောင်ရွက်ကြရန် ” ပြောကြားခဲ့ပါသည်။
ပဲခူးတိုင်းဒေသကြီး(အနောက်ပိုင်း) ပြည်ခရိုင်၊ ပြည်မြို့နယ်၊မြို့နယ်ပါတီ ကော်မတီအစည်းအဝေးကို မြို့နယ် ပါတီရုံးအစည်းအဝေးခန်းမ၌ ကျင်းပ ပြုလုပ်ရာ မြို့နယ်ပါတီဥက္ကဋ္ဌ ဦးထွန်းထွန်းနိုင် နှင့်ကော်မတီဝင်များတက် ရောက်ကြပါသည်။ အဆိုပါအစည်းအဝေးသို့ တိုင်းပါတီ အတွင်းရေးမှူးဦးကျော်ကျော်လင်း၊ တိုင်းပါတီကော်မတီ ဝင် ဦးမျိုးအောင် ၊ ဦးထွန်းထွန်းဦး နှင့် ပြည်ခရိုင်ပါတီ ဥက္ကဌ ဒေါ်ဆွေဆွေသင်း တို့တက်ရောက်ပြီး ပါတီလုပ်ငန်းစဉ် များ ညှိ့နှိုင်း ဆွေးနွေးခဲ့ကြောင်း သိရှိရပါ သည်။
ပြည်ခရိုင် ၊ရွှေတောင်မြို့နယ် ပြည်ခိုင်ဖြိုးပါတီ ဥက္ကဌ ဦးခင်အောင်ဝင်း ကျန်းမာရေးအရ ဆေးကုသမှုခံယူ နေကြောင်း သိရှိရသည့်အတွက် ပဲခူးတိုင်းဒေသကြီး(အနောက်ပိုင်း)တိုင်းပါတီ အတွင်းရေးမှူး ဦးကျော်ကျော်လင်း ၊ တိုင်းပါတီကော်မတီဝင် ဦးထွန်းထွန်းဦး ၊ပြည်ခရိုင် ပါတီဥက္ကဌ ဒေါ်ဆွေဆွေသင်း တို့ သွားရောက် တွေ့ဆုံအားပေး စကားပြောကြားပြီး အဟာရစားသောက်ဖွယ်ရာများပေးအပ်ခဲ့ပါသည်။
(၁၂-၁-၂၀၂၃)ရက်နေ့ နံနက်(၉:၃၀)နာရီအချိန်တွင် စဉ့်ကိုင်မြို့နယ်၊ကံသစ်ကျေးရွာအုပ်စု၊ကန်သစ်ကျေးရွာရှိ လေးမျက်နှာဘုရား ပြုပြင်မွမ်းမံရန်အတွက် ဘုရားပြုပြင်ရေးကော်မတီနှင့်ဒေသခံပြည်သူများ၏ အကူအညီ တောင်းခံမှု အရ ပြည်ခိုင်ဖြိုးပါတီမှ အလှူငွေနှင့်ဘိလပ်မြေအိတ်များ သွားရောက်လှူဒါန်းခဲ့ပါသည်။ လှူဒါန်းပွဲအား လေးမျက်နှာဘုရားဓမ္မာရုံတွင်ပြုလုပ်ခဲ့ပြီး လှူဒါန်းပွဲသို့ မန္တလေးတိုင်းဒေသကြီးပြည်ခိုင်ဖြိုးပါတီ၊ ဘဏ္ဍာရေးမှုး ဒေါ်သိင်္ဂီအောင်၊ကျောက်ဆည်ခရိုင်ဘဏ္ဍာရေးမှုးဒေါ်ခင်နွယ်မြင့်၊စဉ့်ကိုင်မြို့နယ်ဥက္ကဌဦးထွန်းထွန်းနိူင်နှင့်ကော်မတီဝင်များ၊ရပ်/ ကျေးပါတီကော်မတီဝင်များ၊ လေးမျက်နှာဘုရားပြုပြင်ရေး ကော်မတီဝင်များ၊ရပ်မိ/ရပ်ဖများ၊ ဒေသခံ ပြည်သူများတက်ရောက်ခဲ့ကြပါသည်။ လှူဒန်းပွဲတွင် တိုင်းဒေသကြီးပါတီဘဏ္ဍာရေးမှုး ဒေါ်သိင်္ဂီအောင်နှင့် စဉ့်ကိုင် မြို့နယ် ဥက္ကဌဦးထွန်းထွန်းနိူင်တို့က လှူဒါန်းရခြင်းရည်ရွယ်ချက်နှင့်ပြည်ခိုင်ဖြိုးပါတီမှ အမျိုး ဘာသာ၊သာသနာ ထိန်းသိမ်း ကာကွယ်စောင့်ရှောက်ရေးဆောင်ရွက်မှုများအား ရှင်းလင်းပြောကြားခဲ့ပါသည်။၎င်းနောက် လေးမျက်နှာ ဘုရားပြုပြင်မွမ်းမံရန်အတွက် ဘုရားပြုပြင်ရေးကော်မတီထံသို့ ပြည်ခိုင်ဖြိုးပါတီဝင်များမှလှူဒါန်းငွေ(၂)သိန်း ကျပ်နှင့်ပထမအကြိမ်တိုင်းဒေသကြီးလွှတ်တော်ကိုယ်စားလှယ် ဦးညီညီမှလှူဒါန်းသည့်ဘိလပ်မြေ(၁၅)အိတ်တို့ကို ပေးအပ်လှူဒါန်းခဲ့ပါသည်။ လှူဒါန်းပွဲအပြီးတွင်တက်ရောက်လာသူများအား ၂၀၂၃ ခုနှစ်၊ပြည်ခိုင်ဖြိုးပါတီ ပြက္ခဒိန် များနှင့် ထမင်းဘူးများလက်ဆောင်ပေးခဲ့ကြောင်း သိရှိရသည်။
(၁၂.၁.၂၀၂၃)ရက်နေ့ နေ့လည်(၁၂)နာရီမှ (၁း၃၀)နာရီအချိန်ထိ စဉ့်ကူးမြို့နယ် ပြည်ခိုင်ဖြိုးပါတီမှ မြို့နယ် ပါတီဥက္ကဌ ဦးဝင်းဆွေနှင့်မြို့နယ်ပါတီကော်မတီဝင် ဦးမောင်ကျော်တို့သည် ထုံးကြီးကျေးရွာအုပ်စု စားကျက်ကလေး ကျေးရွာသို့ သွားရောက်ခဲ့ပြီး ဒေသခံပါတီဝင်များ ရပ်မိ/ဖများ ပါတီဝန်းရံသူများနှင့်တွေ့ဆုံခဲ့ပါသည်။ တွေ့ဆုံပွဲတွင် မြို့နယ်ပါတီဥက္ကဌ ဦးဝင်းဆွေမှ တက်ရောက်လာသူများအား ၂၀၂၃ရွေးကောက်ပွဲတွင် ကျင့်သုံးမည့် PRစနစ် အကြောင်း ရှင်းလင်းခြင်း။ ယခု ပြည်ခိုင်ဖြိုးပါတီမှ လုပ်ဆောင်နေသည့် လုပ်ငန်းစဉ်များ ရှင်းလင်းခြင်း။ ပါတီဝင်အသစ်များတိုးပွားရေးအတွက် ဝိုင်းဝန်းဆောင်ရွက်ပေးကြပါရန် ပြောကြားခဲ့ကြောင်းသိရှိရပါသည်။
