စက်တင်ဘာ ၁၄၊ နေပြည်တော်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုအလုပ်အမှုဆောင်ကော်မတီ လုပ်ငန်းညှိနှိုင်းအစည်းအဝေး (၅/၂၀၂၂)ကို ၂၀၂၂ ခုနှစ်၊ စက်တင်ဘာလ (၁၂)ရက်နေ့မှ (၁၄)ရက်နေ့ထိ ပါတီဌာနချုပ် အစည်းအဝေးခန်းမ (၁)တွင် ကျင်းပပြုလုပ်ခဲ့ရာ ပါတီဥက္ကဋ္ဌ ဦးသန်းဌေးက အဖွင့်အမှာစကား ပြောကြားခဲ့ပါသည်။
လယ်ဝေး စက်တင်ဘာ ၁၃
ယနေ့ပြည်ထောင်စုနယ်မြေ၊ လယ်ဝေးမြို့နယ် ပြည်ခိုင်ဖြိုးရုံးတွင် မြို့နယ်ကော်မတီလုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့သည်။ ထိုအစည်းအဝေးသို့ ပြည်ထောင်စုကော်မတီဝင် ဦးခင်မောင်ထွန်း လယ်ဝေးမြို့နယ် ပါတီဥက္ကဌ ဦးအောင်ခိုင်မိုးနှင့် မြို့နယ်ကော်မတီဝင်များစုံညီစွာ တက်ရောက်ဆွေးနွေးခဲ့ကြသည်။
စက်တင်ဘာ ၁၃၊ သံတွဲ
သံတွဲမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ မြို့နယ်ပါတီဥက္ကဌ ဦးစန်းနိုင်၊ မြို့နယ် ကော်မတီဝင်များ ဖြစ်ကြသော ဦးသန်းလှ၊ ဦးအောင်မျိုးဦး၊ အမျိုးသမီးရေးရာအဖွဲ့ဝင် အရံကော်မတီ ဒေါ်မူယာကျော်နှင့် လူငယ်ပါတီဝင်များ၊ အမျိုးသမီးရေးရာပါတီဝင်များသည် ငပလီမြို့၊ ဇီးဖြူကုန်းရပ်ကွက်ရှိ ရတနသဒ္ဓိပရဟိတ ဘုန်းတော်ကြီးကျောင်းသို့ သွားရောက်၍ သံတွဲမြို့နယ် ပြည်ခိုင်ဖြိုးပါတီနှင့် TMP အအေးခန်းစက်ရုံမိသားစုတို့ စုပေါင်းလှူဒါန်းသော ဆွမ်းဆန်တော် (၂၄) ပြည်အိပ် (၃)အိပ်အား ကျောင်းတိုက်ရှိ ဆရာတော် သံဃာတော်များနှင့် ကျောင်းသား/သူများ အာဟာရဒါနအဖြစ် သွားရောက်လှူဒါန်းခဲ့ပြီး ဆရာတော်၏ သြဝါဒတရားများ နာကြားခဲ့ကြသည်။
ချောက် စက်တင်ဘာ ၉
ချောက်မြို့နယ်၊ အမှတ်(၁)ရပ်ကွက်၊ ရွှေပုံတောင်ရပ်တွင် တည်ထားကိုးကွယ်တော်မူသည့် ရွှေပုံတောင် မာန်အောင်မြင်စေတီတော်မြတ်ကြီး၏ အကြိမ်(၅၁၇) ကြိမ်မြောက် ဆွမ်းလောင်းလှူပွဲကြီးအား ချောက်မြို့နယ် ပြည်ခိုင်ဖြိုးပါတီဥက္ကဌ ဦးသန်းလှိုင်၊ အတွင်းရေးမှူး ဦးဖေသန့်ဇော် နှင့် ကော်မတီဝင်များမှ ဆရာတော် အရှင်သူမြတ်အား လှူဖွယ်ပစ္စည်းများ ဆက်ကပ်လှူဒါန်းခဲ့ပါသည်။
ကျောက်မဲ စက်တင်ဘာ ၉
ယနေ့(9-9-2022)ရက်နေ့နံနက်ပိုင်းတွင် ကျောက်မဲခရိုင် ပြည်ခိုင်ဖြိုးပါတီ ဥက္ကဌ ဦးသန်းထိုက်ဇော်၊ မြို့နယ်ပါတီဥက္ကဌ ဦးလှတင်၊ ဘဏ္ဍာရေးမှူးဒေါ်ဖြူဖြူမြင့်နှင့် ဒေါ်ဝင်းမြင့်တို့မှ သာသနောဒယကျောင်းတိုက် အမှတ်(၁)ရပ်ကွက် ပြိန်းနင်ရပ်(14)ကြိမ်မြှောက်ပုညသဟာရ ဆွမ်းလောင်ပွဲတွင်လှူဖွယ်ဝတ္ထုအစုစုတို့ကို လှူဒါန်းခဲ့ပါသည်။
စက်တင်ဘာ ၈၊ တပ်ကုန်း
ပြည်ထောင်စုနယ်မြေ၊ တပ်ကုန်းမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ မြို့နယ်ပါတီကော်မတီဝင်များ ပုံမှန်တွေ့ဆုံဆွေးနွေးမှုကို ၈-၉-၂၀၂၂ ရက်နေ့ နံနက်ပိုင်းတွင် မြို့နယ်ပါတီရုံးအစည်းအဝေးခန်းမ၌ ကျင်းပပြုလုပ်ခဲ့ပါသည်။ တွေဆုံပွဲ့သို့ မြို့နယ်ပါတီဥက္ကဋ္ဌနှင့် မြို့နယ်ပါတီကော်မတီဝင်များ တက်ရောက်ခဲ့ကြပြီး ပါတီ၏ လုပ်ငန်းစဉ်များ၊ ပါတီဝင်အင်အားတိုးတက်ရရှိရေးဆိုင်ရာများအား ဆွေးနွေးခဲ့ကြသည်။
စက်တင်ဘာ ၈၊ တောင်ကြီး
ရှမ်းပြည်နယ်(တောင်ပိုင်း)၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ပြည်နယ်အတွင်းရှိ ခရိုင်ပါတီအဆင့် ကော်မတီဝင်များအား ရွေးချယ်ဖွဲ့စည်းခြင်းကို ဆောင်ရွက်လျက်ရှိပြီး ၂၀၂၂ ခုနှစ်၊ စက်တင်ဘာလ ၈ ရက်နေ့ နံနက်ပိုင်းတွင် မိုင်းရှူးခရိုင်နှင့် နေ့လည်ပိုင်းတွင် နမ့်စန်ခရိုင်တို့ ဖွဲ့စည်းခြင်းအား Zoom Meeting ဖြင့် ပြုလုပ်ဆောင်ရွက်ပါသည်။
စက်တင်ဘာ ၆၊ နေပြည်တော်
နေပြည်တော်၊ ပြည်ထောင်စုနယ်မြေ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးမြင့်လှိုင်နှင့် ပြည်ထောင်စုနယ်မြေအတွင်းရှိ ပြည်ထောင်စုနယ်မြေပါတီကော်မတီဝင်များ၊ ခရိုင်များနှင့် မြို့နယ်များမှ ပါတီဥက္ကဋ္ဌများနှင့် ကော်မတီဝင်များ န၀မအကြိမ်မြောက် တွေ့ဆုံဆွေးနွေးပွဲ အစည်းအဝေးကို ၆-၉-၂၀၂၂ ရက်နေ့ နံနက် ၀၉:၀၀ နာရီအချိန်တွင် ဇမ္ဗူသီရိမြို့နယ်၊ ရွှေကြာပင်ရပ်ကွက်ရှိ ပြည်ထောင်စုနယ်မြေပါတီရုံး အစည်းအဝေး ခန်းမတွင် ကျင်းပပြုလုပ်ခဲ့ပါသည်။
ပြင်ဦးလွင် စက်တင်ဘာ ၅
ပြင်ဦးလွင်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် ပြင်ဦးလွင်မြို့ရှိ သမိုင်းဝင်မဟာရွှေမြင်တင် ဘုရားကြီးနှင့် သမိုင်းဝင်ဦးခန္တီမဟာမုနိဘုရားကြီးတို့တွင် သန့်ရှင်းရေးများပြုလုပ်ခြင်း၊ ခြင်ဆေးဖျန်းခြင်းတို့ကို ကုသိုလ်ယူ ဆောင်ရွက်ခဲ့သည်။
ထို့နောက် ပြင်ဦးလွင်ခရိုင်ပါတီဥက္ကဋ္ဌ ဦးဟိန်းမင်းဦးနှင့် ကော်မတီဝင်များ၊ မြို့နယ်ပါတီဥက္ကဌ ဦးဝင်းဇော်နှင့် ကော်မတီဝင်များ၊ မြို့နယ်လူငယ်ဥက္ကဌနှင့်ကော်မတီဝင်များစုပေါင်း၍ ရက်ကွက်ကြီး(၁)အမှတ်(၆) အခြေခံပညာ မူလတန်းကျောင်း၊ ရက်ကွက်ကြီး(၂)အမှတ်(၂) အခြေခံပညာမူလတန်းကျောင်း(ဒေါ်အမာ)တို့တွင် ခြင်ဆေးဖြန်း ခြင်း သန့်ရှင်းရေးပြုလုပ်ခြင်းများ ပြုလုပ်ဆောင်ရွက်ခဲ့ပါသည်။
မိုးမိတ် ဩဂုတ် ၅
ယနေ့ညနေ၅နာရီ မိုးမိတ်ခရိုင်ပါတီဥက္ကဋ္ဌဦးစိုးမြင့် သည် မြို့နယ်ဥက္ကဋ္ဌ ဦးကျော်စိန်၊ ဘဏ္ဍာရေးမှူးဦးစိုးမြင့်ဦး ကော်မတီဝင် ဦးကျော်ထွန်းနိုင် တို့နှင့်အတူ လက်ခုတ်တန်းရပ်ကွက်ရှိ မိမိပါတီဝင်များနှင့် တွေ့ဆုံပြီး ရှေ့လုပ်ငန်းစဉ်များ ဆွေးနွေးခဲ့ပါသည်။
