မြန်အောင်ခရိုင် ပြည်ခိုင်ဖြိုးပါတီရုံးဖွင့်ပွဲ၊ ခရိုင်ပါတီဥက္ကဌနှင့် ကော်မတီဝင်များရွေးချယ်ပွဲ၊ မြို့နယ်ပါတီကော်မတီ အစားထိုးခန့်အပ်ပွဲ မြန်အောင်ခရိုင်၊ မြန်အောင်မြို့နယ်ပါတီရုံးတွင် ကျင်းပ

မြန်အောင် သြဂုတ် ၃၀

ဧရာဝတီတိုင်းဒေသကြီး၊ မြန်အောင်ခရိုင် ပြည်ခိုင်ဖြိုးပါတီရုံးဖွင့်ပွဲသို့ တိုင်းဒေသကြီးပါတီဥက္ကဌ၊ ဗဟိုအလုပ်အမှုဆောင် ဦးသိန်းထွန်း၊ တိုင်းဘဏ္ဏာရေးမှူး ဦးလှခိုင်၊ တိုင်းပါတီကော်မတီဝင်၊ မြန်အောင်ခရိုင် တာဝန်ခံ ဦးကျော်ဝင်းနိုင်၊ တိုင်းပါတီကော်မတီဝင် ဦးသန်းထွန်းနှင့် မြန်အောင်၊ ကြံခင်း၊ အင်္ဂပူမြို့နယ်များမှ ပါတီဥက္ကဌများနှင့် တာဝန်ရှိသူများက  တက်ရောက်ဖွင့်လှစ်ခဲ့ပါသည်။

ရေကြီးရေလျှံမှုကြောင့် ရေးဘေးသင့်ပြည်သူများအား သွားရောက်အားပေးစကားပြောကြားပြီး ကူညီထောက်ပံ့ ငွေများပေးအပ်

လားရှိုး ဩဂုတ် ၃၀

ရှမ်းပြည်နယ်(မြောက်ပိုင်း)၊ ပြည်ခိုင်ဖြိုးပါတီမှ ပြည်နယ်အတွင်းရေးမှူး ဒေါက်တာလဆိုင်း၊ ပြည်နယ် ကော်မတီဝင်များ၊ ခရိုင်ကော်မတီဝင်များ၊ မြို့နယ်ဥက္ကဋ္ဌ ဦးအုန်းငွေနှင့် မြို့နယ်ကော်မတီဝင်များသည် ရေးကြီးရေလျှံမှုကြောင့် ရေးဘေးသင့်ခဲ့ရသော လားရှိးမြို့ရပ်ကွက်(၁၂)၊ နယ်မြေ(၂၀)မှ ပြည်သူများအား သွားရောက် တွေ့ဆုံအားပေးစကား​ပြောကြားပြီး ကူညီထောက်ပံ့ငွေများ ပေးအပ်ခဲ့ပါသည်။

 

ဆန် (၄၈)တင်း သွားရောက်လှူဒါန်း

ငပုတော ဩဂုတ် ၂၉

ငပုတောမြို့နယ် စပါးကြီးအုပ်စုရှိ ပြည်ခိုင်ဖြိုးပါတီဝင်များမှ ငရုတ်ကောင်းမြို့၊ ကွင်းဘက်အုပ်စု  သဲချောင်းကျေးရွာရှိ စားဝတ်နေရေးခက်ခဲနေသော ပြည်သူများအတွက် ဆန်(၄၈)တင်း ကို စုပေါင်း လှူဒါန်းပေးခဲ့ကြောင်းသိရှိရသည်။


ပြင်ဦးလွင်ပြည်ခိုင်ဖြိုးပါတီက ဘိလပ်မြေအိပ်များလှူဒါန်း

ဩဂုတ် – ၂၉

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပြင်ဦးလွင်ခရိုင်ပါတီဥက္ကဋ္ဌ ဦးဟိန်းမင်းဦး ပြင်ဦးလွင်မြို့နယ်ပါတီဥက္ကဋ္ဌ ဦးဝင်းဇော်နှင့် ပါတီကော်မတီအဖွဲ့သည် ပြင်ဦးလွင်မြို့နယ်  ရပ်ကွက်ကြီး(၁၆) ၊ ကံကြီးကုန်းအုပ်စု စည်သာကျေးရွာ၊ ပန်းဦးတောင်အုပ်စု ဆင်ဖြူအင်းကျေးရွာအတွက် လမ်းခင်းရာမှာ အသုံးပြုရန် ဘိလပ်မြေအိတ်များ သွားရောက် လှူဒါန်းပေးခဲ့ကြောင်း သိရသည်။


ပါတီကော်မတီဝင်များနှင့် တွေ့ဆုံဆွေးနွေး

မိုးမိတ် ဩဂုတ် ၂၉

ရှမ်းပြည်နယ်(မြောက်ပိုင်း) မိုးမိတ်ခရိုင်ပါတီဥက္ကဋ္ဌဦးစိုးမြင့် မြို့နယ်ပါတီဥက္ကဋ္ဌဦးကျာ်စိန်ဘဏ္ဍာရေးမှူး ဦးစိုးမြင့်ဦး၊ ကော်မတီဝင်ဦးတူးတို့သည် မိုးမိတ်မြို့နယ် တောင်ပိုင်းရပ်ကွက်ရှိ မိမိပါတီကော်မတီဝင်များနှင့် တွေ့ဆုံ၍ ရှေ့လုပ်ငန်းစဉ်များ ဆွေးနွေးခဲ့ပါသည်။


ရေဘေးသင့်ပြည်သူများအား ထောက်ပံ့လှူဒါန်း

လားရှိုး ဩဂုတ် ၂၉

၂၀၂၂ ခုနှစ်၊ သြဂုတ်လ(၂၉) ရက်နေ့ နံနက် ၁၀ နာရီခွဲခန့်အချိန်တွင် ရှမ်းပြည်နယ် (မြောက်ပိုင်း)ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီမှ ပြည်နယ်ကော်မတီဝင်များ၊ ခရိုင်ကော်မတီဝင်များ မြို့နယ်ကော်မတီဝင်များနှင့် နယ်မြေစည်းရုံးရေးမှူးများသည် လားရှိုးမြို့၊ ရပ်ကွက်(၁)၊ နယ်မြေ(၇)အတွင်းတွင် နေထိုင်ကြသော ရေဘေးသင့်ပြည်သူများအား စားစရာခေါက်ဆွဲခြောက်များနှင့် ထောက်ပံ့ငွေများ သွားရောက်ထောက်ပံ့ ကူညီခဲ့ကြပါသည်။

ပြင်ဦးလွင် ခရိုင်/မြို့နယ် ရုံးတွင် ပြည်ခိုင်ဖြိုးပါတီ လူငယ်များနှင့် ခရိုင်/မြို့နယ် ဥက္ကဋ္ဌများနှင့် လူငယ်ရေးရာ တာဝန်ခံများနှင့်တွေ့ဆုံ

ပြင်ဦးလွင် ဩဂုတ် ၂၇

ပြင်ဦးလွင်မြို့နယ်  ပြည်ခိုင်ဖြိုးပါတီ လူငယ်များ ပိုမိုအားကောင်းလာစေရန်   ပြင်ဦးလွင်မြို့ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ  လူငယ်ရေးရာပြန်လည်ဖွဲ့စည်းခြင်းနှင့် (သီဟအားမာန်လူငယ် )အဖွဲ့ ဖွဲ့စည်းခြင်း လူငယ်ရေးရာ ဥက္ကဋ္ဌ နှင့် အတွင်းရေးမှူးနှင့် လူငယ်ကော်မတီများ ရွေးချယ်​ခြင်း တက်ရောက်လာသော လူငယ်များမှ သိရှိလိုသည်များ မေးမြန်းဆွေးနွေးခြင်း နှင့် လူငယ်အင်အား (၃၀)ဦး ပါဝင်တက်ရောက်ခဲ့သည်။

ရှမ်းနီအမျိုးသားညီလာခံသို့ ပြည်ခိုင်ဖြိုးပါတီမှ တက်ရောက်အားပေး

ဟုမ္မလင်း ဩဂုတ် ၂၃

စစ်ကိုင်းတိုင်းဒေသကြီး၊  ဟုမ္မလင်းခရိုင်၊ ဟုမ္မလင်းမြို့၊  မြို့တော်ခန်းမ၌ ကျင်းပသော ဒုတိယအကြိမ် မြန်မာနိုင်ငံလုံးဆိုင်ရာ ရှမ်းနီအမျိုးသားညီလာခံသို့ ဟုမ္မလင်းပြည်ခိုင်ဖြိုးပါတီမှ သဝဏ်လွှာပေးပို့ခြင်းနှင့်အတူ အားပေးတက်ရောက်ခဲ့ပါသည်။


ဆွမ်းနှင့်ဆွမ်းဟင်းများချက်ပြုတ်လှူဒါန်း

ကျောင်းကုန်း ဩဂုတ် ၂၄

ကျောင်းကုန်းမြို့နယ် ပြည်ခိုင်ဖြိုးပါတီမြို့နယ်ပါတီ ဥက္ကဋ္ဌ၊ မြို့နယ်ပါတီကော်မတီဝင်များနှင့် ရုံးအဖွဲ့တို့မှ ကျောင်းပေါင်း(၂၂ )ကျောင်းရှိသံဃာတော် (၂၃၄ )ပါး၊ သီလရှင်(၅၀)ပါးတို့အား ဆွမ်း၊ဆွမ်းဟင်းများ ချက်ပြုတ်လှူဒါန်းခဲ့ကြပါသည်။


ပြည်ထောင်စုနယ်မြေပါတီဥက္ကဋ္ဌ မြို့နယ်ပါတီကော်မတီများနှင့်တွေ့ဆုံ

နေပြည်တော် ဩဂုတ် – ၂၃

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပြည်ထောင်စုနယ်မြေပါတီဥက္ကဋ္ဌ ဦးမြင့်လှိုင်သည် နေပြည်တော် ပြည်ထောင်စုနေ မြေပါတီကော်မတီဝင်များနှင့်အတူ ဥတ္တရသီရိမြို့နယ် ပြည်ခိုင်ဖြိုးပါတီရုံးတွင် ယနေ့ နံနက် ၉ ရက်နေ့က ပုပ္ပသီရိမြို့နယ်နှင့် ဥတ္တရသီရိ မြို့နယ်တိုမှ ပါတီ ဥက္ကဋ္ဌများ မြို့နယ်ပါတီကော်မတီဝင်များနှင့် တွေ့ဆုံခဲ့သည်။