Author: USDP 2016

ထိုင်းနိုင်ငံမှာ အကြောင်းအမျိုးမျိုးကြောင့် ပြစ်ဒဏ်ကျခံရပြီး ပြန်လည်လွတ်မြောက်လာတဲ့ မြန်မာနိုင်ငံသား (၄၆)ယောက်ကို ဩဂုတ်(၂၉)ရက်၊ မနက်ပိုင်းက တာချီလိတ်မြို့၊ မြန်မာ-ထိုင်း ချစ်ကြည်ရေး တံတားအမှတ် (၂)ကနေ ပြန်လည်လွှဲပြောင်းပေးခဲ့တယ်လို့ သိရပါတယ်။

ပြန်လည်လွှဲပြောင်းပေးလာသူတွေကို တာချီလိတ်တပ်နယ်က ဗိုလ်မှူးကြီးမင်းမင်းထွန်း၊ ခရိုင်လဝက တာဝန်ရှိသူ တွေက ကြိုဆိုလက်ခံခဲ့ကြတယ်လို့ သိရပါတယ်။ သူတို့ကို ကျန်းမာရေးဝန်ထမ်းတွေက ကိုဗစ်ရောဂါရှိ/မရှိ ဆေးစစ်တာတွေပြုလုပ်ပြီး ဝမ်လုံး Quarantine Center မှာ( ၇ )ရက်ထားရှိမှာဖြစ်တယ်လို့ ဆိုပါတယ်။  
သတင္းအျပည့္အစံုကိုၾကည့္ရႈရန္

(၂၈-၈-၂၀၂၂) ရက်နေ့၊ ည (၈:၀၀) နာရီမှ (၂၉-၈-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၇,၉၁၈) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၆၈) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၈၆) ရာခိုင်နှုန်း ရှိပါသည်။ ယနေ့တွေ့ရှိသော COVID-19 ရောဂါ ဓာတ်ခွဲအတည်ပြု လူနာသစ် (၆၈) ဦးအနက် (၈) ဦး၊ (၁၁.၇၆) ရာခိုင်နှုန်းမှာ ပြည်ပမှဝင်ရောက်လာသူများအား ဓာတ်ခွဲ စစ်ဆေးရာမှ တွေ့ရှိခြင်းဖြစ်ပြီး (၆၀) ဦး၊ (၈၈.၂၄) ရာခိုင်နှုန်းမှာ ပြည်တွင်းတွင် ကူးစက်ဖြစ်ပွားသူ များ ဖြစ်ပါသည်။MOH  
သတင္းအျပည့္အစံုကိုၾကည့္ရႈရန္

ဥရောပတိုက်ဟာ နှစ်ပေါင်း ၅၀၀ အတွင်း အဆိုးရွားဆုံး မိုးခေါင်ရေရှားမှုကို ကြုံတွေ့နေရပြီး တိုက်ကြီးရဲ့ သုံးပုံ နှစ်ပုံနီးပါးဟာ တပ်လှန့် သတိပေးချက်တွေနဲ့ ကြုံတွေ့နေရတယ်လို့ ဥရောပသမဂ္ဂ (EU) အေဂျင်စီက မကြာသေးမီက ပြောကြားလိုက်ပါတယ်။

ဥရောပရဲ့နယ်မြေ ၄၇ ရာခိုင်နှုန်းဟာ မြေဆီလွှာ အစိုဓာတ် အလွန်အမင်း ချို့တဲ့မှုကြောင့် သတိပေးချက်အခြေအနေ အောက်မှာ ရှိနေတယ်လို့  European Drought Observatory (EDO) ရဲ့ သြဂုတ်လထုတ် အစီရင်ခံစာထဲမှာ ဖော်ပြထားပါတယ်။  
သတင္းအျပည့္အစံုကိုၾကည့္ရႈရန္

ပါကစ္စတန်မှာ ဆယ်စုနှစ်တွေအတွင်း အဆိုးရွားဆုံး ရေကြီးမှုနဲ့ကြုံနေရပြီး၊ သက်ဆိုင်ရာ တာဝန်ရှိသူတွေနဲ့ လူသားချင်း စာနာမှုကူညီရေးအဖွဲ့တွေက တုန့်ပြန်လုပ်ဆောင်နေပါတယ်။ ဒီရေကြီးမှုကြောင့် လူပေါင်း ၃၃ သန်းလောက် အတိဒုက္ခ ရောက်နေပြီး လွန်ခဲ့တဲ့ ၂ လအတွင်း လူပေါင်း ၁၂၀၀ ကျော်သေဆုံးခဲ့တယ်လို့ ပါကစ္စတန် ရာသီဥတု ပြောင်းလဲမှုဆိုင်ရာ ဝန်ကြီး Sherry Rehman ကတနင်္လာနေ့မှာ ပြောဆိုခဲ့ပါတယ်။  
သတင္းအျပည့္အစံုကိုၾကည့္ရႈရန္

အာဆင်နယ်အသင်း၏ တိုက်စစ်မှူးဟောင်း သီယာရီအွန်နရီသည် စီးရီးဘီကလပ် ကိုမိုအသင်း၏ ရှယ်ယာရှင်တစ်ဦးဖြစ်လာကြောင်း သိရသည်။

ကိုမိုအသင်းသည် ၂၀၀၂-၀၃ ရာသီက စီးရီးအေပြိုင်ပွဲတွင် ယှဉ်ပြိုင်ကစားခဲ့ဖူးသည့်အသင်းဖြစ်သော်လည်း နောက်ပိုင်းတွင် စီးရီးဒီအထိ ဆင်းသက်ယှဉ်ပြိုင်ခဲ့ရသည့်အသင်းဖြစ်ပြီး ၂၀၂၀-၂၁ ရာသီတွင်မှ စီးရီးဘီသို့ ပြန်လည်ရောက်ရှိလာခြင်းဖြစ်သည်။

ယင်းအသင်းကို ချယ်လ်ဆီးအသင်းနှင့် အင်္ဂလန်လက်ရွေးစင် ကွင်းလယ်ကစားသမားဟောင်း ဒင်းနစ်ဝိုက်စ်က ဥက္ကဋ္ဌအဖြစ် တာဝန်ယူနေပြီး အာဆင်နယ်ကစားသမားဟောင်း ဖာဘရီဂတ်စ်လည်း ပါဝင်ကစားနေသည်။  
သတင္းအျပည့္အစံုကိုၾကည့္ရႈရန္

နော်တင်ဟမ်ဖောရက်ကို အနိုင်ရခဲ့တဲ့ပွဲမှာ အသင်းအနိုင်ဂိုး(၂)ဂိုးစလုံးကို သွင်းယူခဲ့တဲ့ စပါးတိုက်စစ်မှူး ဟယ်ရီကိန်းဟာ (၁၈၇)ဂိုးနဲ့ ပရီးမီးယားလိဂ်တတိယဂိုးသွင်းအများဆုံးကစားသမားအဖြစ်စံချိန်တင်ထားတဲ့  အင်ဒီကိုးလ်ကို လိုက်မီခဲ့ပါတယ်။ အခုအခါ ပရီးမီးယားလိဂ်သမိုင်းမှာ ဂိုးသွင်းအများဆုံးကစားသမား နှစ်ယောက်ဖြစ်တဲ့ အလန်ရှီးယားနဲ့ ရွန်နေးတို့ရဲ့စံချိန်ကို အမီလိုက်မယ်လို့ တိုက်စစ်မှူးဟယ်ရီကိန်းက ကြွေးကြော်ခဲ့ပါတယ်။ အလန်ရှီးယားဟာ ဘလက်ဘန်းနဲ့ နယူးကာဆယ်တို့မှာ ပရီးမီးယားလိဂ် (၂၆၀)ဂိုး သွင်းယူခဲ့ပြီး မန်ယူတိုက်စစ်မှူးဟောင်းရွန်နေးကတော့ ပရီးမီးယားလိဂ်(၂၀၈)ဂိုးသွင်းယူခဲ့ပါတယ်။ စပါးတိုက်စစ်မှူး ဟယ်ရီကိန်းက “အဲဒါက ဝေးကွာနေသေးတာ သေချာပါတယ်။ ကျွန်တော်ကြံ့ခိုင်မှုကောင်းပါတယ်။ ကျွန်တော်နှစ်ပေါင်းများစွာကစားနိုင်သေးတယ်လို့ ခံစားမိပါတယ်။ ရာသီတိုင်းမှာ ဂိုးတွေသွင်းယူဖို့နဲ့ ကျွန်တော်တို့ မြင်နေရတဲ့နာမည်တွေကြားမှာ ပါဝင်ဖို့ ကျွန်တော်ဆန္ဒရှိပါတယ်။  စိန်ခေါ်မှုအတွက် ကျွန်တော်စိတ်လှုပ်ရှား မိပါတယ်။ အလန်နဲ့ရွန်နေးတို့ဟာ အင်္ဂလန်တိုက်စစ်မှူးတွေထဲမှာ အကောင်းဆုံးကစားသမားနှစ်ယောက် ဖြစ်ပါတယ်။ ဒါပေမယ့် ကျွန်တော်ကိုယ့်ကိုယ်ကိုယ်တွန်းအားပေးဖို့ ဆန္ဒရှိပါတယ်။ ကျွန်တော်ဘယ်လောက်အထိ သွားမလဲဆိုတာ ကြည့်ချင်ပါတယ်။ အခုထိရာသီအစကောင်းမွန်နေပါတယ်”လို့ ပြောကြားခဲ့ပါတယ်။  
သတင္းအျပည့္အစံုကိုၾကည့္ရႈရန္

အီတလီဇိမ်ခံ Sports ကားကုမ္ပဏီ လမ်ဘော်ဂီနီက သူတို့ရဲ့ကားအားလုံးကို ၂၀၂၄ ခုနှစ်စာအထိ ရောင်းချထားပြီဖြစ်ပြီး ဝယ်လိုအားမြင့်မားနေပါတယ်။ ၂၀၂၂ ခုနှစ် ပထမနှစ်ဝက်ကျော်အတွင်း ရောင်းချ၊ ပေးပို့ခဲ့တဲ့ ကားအစီးရေ (၅၀၉၀) အထိရှိပြီး အော်ဒါမှာယူမှုနဲ့ ရောင်းချမှုအရ စံချိန်တင်ရလဒ်တွေ ရရှိနေပါတယ်။ လမ်ဘော်ဂီနီကုမ္ပဏီဟာ နောက် (၁၈) လအထိလည်း အော်ဒါတွေ ပြည့်နေပါတယ်။

ပြင်ဦးလွင် ဩဂုတ် ၂၇

ပြင်ဦးလွင်မြို့နယ်  ပြည်ခိုင်ဖြိုးပါတီ လူငယ်များ ပိုမိုအားကောင်းလာစေရန်   ပြင်ဦးလွင်မြို့ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ  လူငယ်ရေးရာပြန်လည်ဖွဲ့စည်းခြင်းနှင့် (သီဟအားမာန်လူငယ် )အဖွဲ့ ဖွဲ့စည်းခြင်း လူငယ်ရေးရာ ဥက္ကဋ္ဌ နှင့် အတွင်းရေးမှူးနှင့် လူငယ်ကော်မတီများ ရွေးချယ်​ခြင်း တက်ရောက်လာသော လူငယ်များမှ သိရှိလိုသည်များ မေးမြန်းဆွေးနွေးခြင်း နှင့် လူငယ်အင်အား (၃၀)ဦး ပါဝင်တက်ရောက်ခဲ့သည်။

၂၀၂၂ ခုနှစ် သြဂုတ် ၂၈ရက်တွင် ဗဟိုဘဏ်စျေးနှုန်း နိုင်ငံခြားငွေလဲနှုန်း တစ်ဒေါ် လာ ကျပ် ၂၁၀၀ စျေးသတ်မှတ်သော်လည်း ပြင်ပစျေးကွက်တွင် တစ်ဒေါ် လာ ၃၂၀၀ ဝန်း ကျင်ဖြစ်ပေါ်နေကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။  
သတင္းအျပည့္အစံုကိုၾကည့္ရႈရန္

ပြည်တွင်းအလုပ်အကိုင် ရှာဖွေပေးရေး အေဂျင်စီကိုးခုတို့သည် လုပ်သား ၇၀၀ ကျော်ကို ဩဂုတ် ၂၆ ရက် နံနက်ပိုင်းက မြ၀တီ-မဲဆောက် ချစ်ကြည်ရေးအမှတ် (၂)တံတားမှတစ်ဆင့် MoU စနစ်ဖြင့် ထိုင်းနိုင်ငံသို့ ထပ်မံ စေလွှတ်ခဲ့ကြောင်း သိရသည်။

ယင်းသို့ လုပ်သားများ စေလွှတ်ခဲ့ရာတွင် ပြည်တွင်းအလုပ်အကိုင်အေဂျင်စီကုမ္ပဏီများမှ အမျိုးသား ၄၇၂ ဦး၊ အမျိုးသမီး ၂၇၀ စုစုပေါင်းလုပ်သား ၇၄၂ ဦးကို ထိုင်းနိုင်ငံသို့ သွားရောက်အလုပ်လုပ်ကိုင်နိုင်ရန်အတွက် ပို့ဆောင်ပေးခဲ့ကြောင်း သိရသည်။  
သတင္းအျပည့္အစံုကိုၾကည့္ရႈရန္