Author: USDP 2016

စစ်ကိုင်းတိုင်းဒေသကြီး မုံရွာမြို့သို့ ရောက်ရှိနေသော ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးခင်ရီ၊ ​ဗဟိုအလုပ်အမှုဆောင် ဦးမြင့်စိုးတို့သည် စစ်ကိုင်းတိုင်းဒေသကြီးပါတီတာဝန်ရှိသူများနှင့်အတူ ၂၀၂၂ ခုနှစ်၊ နိုဝင်ဘာလ ၂၂ ရက်နေ့ နံနက် ၀၉၄၅ အချိန်မှ ၁၀၄၅ အချိန်ထိ ” မုံရွာမြို့ ရန်ကင်းပရိယတ္တိ စာသင်တိုက်နှင့် ရွှေတောငဦးတိပိဋကဓမ္မပါလကျောင်းတိုက် ပဓာနနာယက၊ စစ်ကိုင်းတိုင်းဒေသကြီး ဓမ္မစကူးဖောင်ဒေးရှင်းဥက္ကဋ္ဌ အဂ္ဂမဟာပဏ္ဍိတဘဒ္ဒန္တပညာဝံသ ” ဆရာတော်အရှင်သူမြတ်အား သွားရောက် ဖူးမြော်ပြီး လှူဘွယ်ဝတ္ထုငွေနှင့် သင်္ကန်းခြင်းအပါ လှူဘွယ်ပစ္စည်းများအား ဆပ်ကပ်လှူဒါန်း ကာ သြဝါဒစကားနာကြားခဲ့ပါသည်။  
သတင္းအျပည့္အစံုကိုၾကည့္ရႈရန္

ရုရှားနိုင်ငံတွင် နိုဝင်ဘာ ၂၁ ရက်က ကျင်းပသည့် (၁၂) ကြိမ်မြောက် နျူကလီး ယားနည်းပညာအခြေခံ သည့် ဆန်းသစ်တီ ထွင်မှုဖိုရမ် (၂၀၂၂) (XII International Forum ATOMEXPO 2022) ဖွင့်ပွဲသို့ လျှပ်စစ် စွမ်းအားဝန်ကြီးဌာန ပြည်ထောင်စုဝန်ကြီး ဦးသောင်းဟန်နှင့် သိပ္ပံနှင့်နည်းပညာဝန်ကြီးဌာန ပြည်ထောင်စု ဝန်ကြီး ဒေါက်တာမျိုးသိန်းကျော်တို့ ဦးဆောင်သည့် မြန်မာကိုယ်စားလှယ်အဖွဲ့ တက်ရောက်ခဲ့ကြောင်း သိရသည်။ ပြည်ထောင်စုဝန်ကြီးများဦးဆောင်သည့် မြန်မာကိုယ်စားလှယ်အဖွဲ့သည် Sirius Park of Science and Art & Sd Atom ခန်းမတွင် ပြုလုပ်သည့်မျက်နှာစုံညီ အစည်းအဝေး (Plenary SeQion) တွင် ‘Nuclear Spring: creating sustainable future’ ခေါင်းစဉ်ဖြင့်ဆွေးနွေးမှုကို တက်ရောက်လေ့လာခဲ့ ကြောင်း သိရသည်။  
သတင္းအျပည့္အစံုကိုၾကည့္ရႈရန္

နိုင်ငံသားစိစစ်ရေးကတ် နှစ်ကြိမ်နှင့် သုံးကြိမ် ထပ်နေသူ ၁၁၀၀၀၀ ကျော် (၁၁၅,၉၆၁ ဦး) ကို လျှော့ချ နိုင်ခဲ့ကြောင်း ပြည်ထောင်စုရွေးကောက်ပွဲကော်မရှင် (UEC) ဥက္ကဋ္ဌဦးသိန်းစိုးက ပြောကြားသည်။ ပြည်ထောင်စုရွေးကောက်ပွဲကော်မရှင်ရုံး အစည်းအဝေးခန်းမ၌ နိုဝင်ဘာ ၂၂ ရက်က ကျင်းပသည့် မဲဆန္ဒရှင် စာရင်းများ ပြည့်စုံမှန်ကန်ရေး ညှိနှိုင်းအစည်းအဝေးတွင် UEC ဥက္ကဋ္ဌက အထက်ပါအတိုင်း ထည့်သွင်း ပြောကြားခဲ့ခြင်း ဖြစ်သည်။ အစည်းအဝေးတွင် ပြည်ထောင်စုရွေးကောက်ပွဲကော်မရှင်ဥက္ကဋ္ဌက မဲစာရင်းများ ပြုစုရာတွင် သက်ဆိုင်ရာဌာနများမှ စာရင်းဇယားများနှင့် ပူးပေါင်းဆောင်ရွက်ရသကဲ့သို့ နိုင်ငံရေးပါတီများမှတ်ပုံတင်ခြင်း၊ လွှတ်တော်ကိုယ်စားလှယ်လောင်း အမည်စာရင်း တင်သွင်းခြင်း စသည့် ကိစ္စရပ်များတွင်လည်း ယနေ့တက်ရောက်လာသည့် ပြည်ထဲရေးဝန်ကြီးဌာန၊ အထွေထွေအုပ်ချုပ်ရေး ဦးစီးဌာန၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနများနှင့် ပူးပေါင်းဆောင်ရွက်ကြရမည် ဖြစ်ကြောင်း ပြောကြားသည်။  
သတင္းအျပည့္အစံုကိုၾကည့္ရႈရန္

ပါကစ္စတန်၏ နိုင်ငံပိုင်ရေနံကုမ္ပဏီ (PSO) ၏ ငွေပြန်လည်ရရှိနိုင်မှု အကျပ်အတည်းက စံချိန်တင် အမြင့်ဆုံးအတိုင်းအတာကို ရောက်ရှိနေပြီး အဆိုပါကုမ္ပဏီ၏ ရစရာရှိသည့် ကြွေးကျန်ပမာဏက ရူပီး ၆၂၁ ဒသမ ၁၆၈ ဘီလီယံအထိ မကြုံစဖူး ထိုးတက်နေကာ ပေးရန်ကျန်ရှိနေသည့် ငွေပမာဏကလည်း ရူပီး ၂၆၈ ဒသမ ၅ ဘီလီယံအထိ ရောက်ရှိနေသည်။ အဆိုပါ အခြေအနေကြောင့် ပါကစ္စတန် နိုင်ငံပိုင်ရေနံ ကုမ္ပဏီအနေဖြင့် မီးထိုးဆီနှင့် LNG သဘာဝဓာတ် ငွေ့ရည် တင်သွင်းမှုအတွက် ရူပီး ၂၁၈ ဒသမ ၅ ဘီလီယံ ပမာဏရှိသည့် ပေးစရာရှိသည့် ငွေကြေးများကို ပုံပေးနိုင်ခြင်း မရှိသည့် အခြေအနေကို ရောက်ရှိနေခဲ့ သည်။

ရုရှ၏ ကျူးကျော်စစ် စတင်ချိန်မှစပြီး ဗြိတိန်နိုင်ငံသည် ယူကရိန်းထံသို့ ပထမဆုံးအဖြစ် ရဟတ်ယာဉ်များ ပေးပို့မည်ဖြစ်ကြောင်း လန်ဒန်ရှိ ကာကွယ်ရေးဝန်ကြီးဌာနက ဗုဒ္ဓဟူးနေ့တွင် ပြောသည်။  “ဗြိတိန်မှ ယူကရိန်းထံ လှူဒါန်းသော ပထမဆုံး ရဟတ်ယာဉ်များ” အတွက် ယူကရိန်းစစ်မှုထမ်းနှင့် အင်ဂျင်နီယာ ဆယ်ဦးအဖွဲ့က ဗြိတိန်တွင် သီတင်းခြောက်ပတ်ကြာ လေ့ကျင့်သင်တန်းဆင်းနေကြောင်း ကာကွယ်ရေး ဝန်ကြီး ဌာနက ဆိုသည်။  
သတင္းအျပည့္အစံုကိုၾကည့္ရႈရန္

ဆော်ဒီနိုင်ငံသည် ၂၀၂၂ ကမ္ဘာ့ဖလားအုပ်စု အဖွင့်ပွဲတွင် နာမည်ကြီး အာဂျင်တီးနားကို အံ့အားသင့်ဖွယ် အနိုင်ရခဲ့ပြီး နောက်တစ်နေ့ဖြစ်သည့် နိုဝင်ဘာ (၂၃) ရက် (ဗုဒ္ဓဟူးနေ့)ကို နိုင်ငံတော်အားလပ်ရက်အဖြစ် ကြေညာကာ အောင်ပွဲခံခဲ့ကြကြောင်း သိရှိရသည်။

ဆော်ဒီလက်ရွေးစင်အသင်းသည် နိုဝင်ဘာ (၂၂)ရက် (အင်္ဂါနေ့)က ကစားခဲ့သည့် ၂၀၂၂ ကမ္ဘာ့ဖလားအုပ်စု (C) အဖွင့်ပွဲစဉ်တွင် ဗိုလ်စွဲရန် ရေပန်းစားနေသည့် အာဂျင်တီးနားအသင်းကို (၂-၁) ဂိုးဖြင့် အနိုင်ရသည်။

22.11.2022 ရက်နေ့တွင် တိုင်းပါတီကော်မီဝင်ဒေါ်စိုးစိုးရီ၊ဖျာပုံခရိုင် ဥက္ကဌ ဦးစန်းမောင်၊နယ်မြေခံဒေါ်အေးသီတာ တို့မှဒေးဒရဲမြို့နယ်ပြည်ခိုင်ဖြိုးပါတီ လစ်လပ်အတွင်းရေးမှုးနှင့် ဘဏ္ဍာရေးမှုး ရွေးချယ်ရာ အတွင်းရေးမှုး ဦးမျိုးဇော်ဦး ဘဏ္ဍာရေးမှုး ဒေါ်သင်းသင်းမွန်တို့အား  ပါတီကော်မတီဝင်များ၏ဆန္ဒအရ ရွေးချယ် ဖွဲ့စည်းခဲ့ ပါကြောင်းနှင့် ရက်(၉၀)စီမံချက်အရ ပါတီဝင်အင်အားမှန်ကန်ရေး ဝန်းရံအင်အားခိုင်မာရေး တာဝန်ယူထားသော နယ်မြေများတွင်ရေးရာအလိုက် ကျစ်လစ်စွာဆောင်ရွက်နိုင်မည့်အစီအစဉ်များနှင့် ပါတီဥက္ကဌကြီး၏အသေးစိတ် ဆောင်ရွက်ရမည့်အခြေအနေများအားအပြန်အလှန်ဆွေးနွေးကြရာတွင် ဒေးဒရဲမြို့နယ်ပြည်ခိုင်ဖြိုးပါတီ အကူညီ ပေးရေး အဖွဲ့ ကို 15.11.2022ရက်နေ့တွင် ဖွဲ့စည်းပြီးစတင်ကူညီဆောင်ရွက် နေကြောင်းနှင့် အခြားသော ဆောင်ရွက်နေဆဲ လုပ်ငန်းစဥ်များအားလည်း ခေတ္တပါတီဥက္ကဌ ဦးမျိုးဇော်ဦးမှ ရှင်းလင်း ဆွေးနွေးခဲ့ပါသည်။  
သတင္းအျပည့္အစံုကိုၾကည့္ရႈရန္

စစ်ကိုင်းတိုင်းဒေသကြီး၊မုံရွာမြို့၊ တေဇာတာရုံကျောင်းတိုက်ရှိဆွမ်း၊ သင်္ကန်း၊ကျောင်း ၊ဆေး ပစ္စည်းလေးပါး လိုအပ်နေသော သံဃာတော်များအတွက်ရှမ်းပြည်နယ် မြောက်ပိုင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပါတီဥက္ကဋ္ဌဒေါက်တာမျိုးထွန်း၊ ဘဏ္ဍာရေးမှူး ဦးစိုင်းခမ်းကော်၊ ပြည်နယ်ကော်မတီဝင် ဦးကျော်ဇောဝင်းနှင့် ပြည်နယ်ရုံးအုပ်ကြီး ဒေါ်အိအိခိုင်တို့မှ နဝကမ္မအလှူငွေများ ဆပ်ကပ်လှူဒါန်းခဲ့ပါသည်။

တပ်ကုန်းမြို့နယ် ပြည်ခိုင်ဖြိုးပါတီရုံး၌ ခရိုင်/မြို့နယ်ကော်မတီဝင်များလုပ်ငန်းညှိနှိုင်း အစည်းအဝေး ကျင်းပ ခဲ့ပါသည်။ အစည်းဝေးသို့ ဗဟိုပါတီကော်မတီဝင် ဦးကျော်ကျော်လတ်၊ ခရိုင်ပါတီကော်မတီဝင်များ ၊မြို့နယ် ပါတီနာယကကြီး ဦးစု၊ မြို့နယ်ပါတီ ဥက္ကဌ ဦးဇော်မျိုးသိန်း နှင့် မြို့နယ် ပါတီကော်မတီများ စုံညီစွာ တက်ရောက်၍ ရှေ့ဆက်လုပ်ဆောင်ကြမည့် စည်းရုံးရေးလုပ်ငန်းများ၊လုံခြုံရေးဆိုင်ရာ လုပ်ငန်များ ဆွေး​နွေး ဆုံးဖြတ်ခဲ့ကြပါသည် ။  
သတင္းအျပည့္အစံုကိုၾကည့္ရႈရန္

(၂၂-၁၁-၂၀၂၂)ရက်နေ့ နံနက်(၉:၃၀)နာရီအချိန်တွင် ချမ်းမြသာစည်မြို့နယ်ပြည်ခိုင်ဖြိုးပါတီရုံး၌ တိုင်း/ခရိုင်/ မြို့နယ် လုပ်ငန်းညှိနှိုင်းအစည်းအဝေးပြုလုပ်ခဲ့ရာ တိုင်းဒေသကြီးပါတီကော်မတီဝင် ဦးမျိုးမြင့်၊ ဦးကျော်စန်း၊ မဟာအောင်မြေခရိုင်ပါတီဥက္ကဌ ဦးမြင့်သန်းနှင့်ခရိုင်ပါတီကော်မတီဝင်များ၊ ချမ်းမြသာစည်မြို့နယ်ပါတီဥက္ကဌ ဦးကိုကိုဦးနှင့်ကော်မတီဝင်များ၊ ရပ်/ကျေးပါတီဥက္ကဌများတက်ရောက်ခဲ့ကြပြီး လာမည့်ရွေးကောက်ပွဲတွင် ပြုလုပ်မည့် PR စနစ်အကြောင်းရှင်းလင်းဆွေးနွေးခြင်း၊ ရက်(၉၀)စီမံချက်ပါလုပ်ငန်းစဉ်များ အကောင်အထည် ဖော်ဆောင်ရွက်ရေးကိစ္စများရှင်းလင်းခြင်း၊ ပါတီဝင်အင်အားစီစစ်ရေး၊ ပါတီဝင်အသစ်နှင့်ပါတီဝန်းရံ အင်အား တိုးချဲ့စည်းရုံးရေး ကိစ္စရပ်များ၊ လူငယ်/အမျိုးသမီးကဏ္ဍစကားဝိုင်း ဆွေးနွေးပွဲများစဉ်ဆက်မပြတ်ပြုလုပ်ရေး လုပ်ငန်းစဉ်များဆွေးနွေးခဲ့ကြပြီး တက်ရောက်လာသူများမှလည်းသိရှိလိုသည်များကို ပြန်လည်မေးမြန်းဆွေးနွေး ခဲ့ကြပါသည်။  
သတင္းအျပည့္အစံုကိုၾကည့္ရႈရန္