Author: USDP 2016

ဗဟိုဘဏ်က နိုင်ငံခြားငွေလဲနှုန်း တစ်ဒေါ်လာ ကျပ် ၂၁၀၀ စျေးသတ်မှတ်ထားပြီး ဒီဇင်ဘာ ၁၉ ရက် ပြင်ပစျေးကွက်တွင် တစ်ဒေါ်လာ ကျပ် ၂၈၂၀ ဝန်းကျင်ရှိနေဟု သိရသည်။ ဗဟိုဘဏ်နိုင်ငံခြား ငွေလဲနှုန်း တစ်ဒေါ်လာ ၂၁၀၀ ကျပ်ဝန်းကျင် သတ်မှတ်ထားသော်လည်း ငွေလဲကောင်တာ အများစုတွင် တစ်ဒေါ်လာ ၂၈၆ဝကျပ်ဖြင့် ဝယ်ယူနေပြီး ၂၈၉၀ ဝန်းကျင်ဖြင့် ပြန်လည်ရောင်းချနေကြောင်း သိရသည်။ “အခုကတော့ ပြင်ပစျေးကွက်မှာ ဒေါ်လာစျေးက၂၈၀၀ ဝန်းကျင်ကို ရောက်လာတာပါ။ ခုနေ့လည်မှာတော့ တစ်ဒေါ်လာ ၂၈၂၀ ကျပ်နဲ့ ဝယ်ပြီး ၂၈၄၀ နဲ့ ပြန်ရောင်းနေတာကို တွေ့ရပါတယ်” ဟု ငွေလဲကောင်တာတွင် ဒေါ်လာ သွားရောက် ရောင်းချသူတစ်ဦးက ပြောကြားသည်။  
သတင္းအျပည့္အစံုကိုၾကည့္ရႈရန္

 
သတင္းအျပည့္အစံုကိုၾကည့္ရႈရန္

နိုင်ငံများသည် ကမ္ဘာ၏မျိုးစိတ်များနှင့် ဂေဟစနစ်များကို ခြိမ်းခြောက်လျက်ရှိသည့် ဆယ်စုနှစ်များစွာ သဘာဝပတ်ဝန်းကျင်ဆိုင်ရာပျက်စီးမှုကို ပြောင်းပြန်လှန်ပစ်ရေးအတွက် ဒီဇင်ဘာ ၁၉ ရက် စောစောပိုင်း က ကုလသမဂ္ဂ ဇီဝမျိုးစုံထိန်းသိမ်းစောင့်ရှောက်ရေးထိပ်သီး၌ သမိုင်းဝင်သော သဘောတူညီချက်တစ်ရပ် ကို သဘောတူခဲ့ကြသည်။ COPI 5 ထိပ်သီး၏သဘာပတိဖြစ်သော တရုတ်ပတ်ဝန်းကျင်ဝန်ကြီးဟွမ်ရမ် ကျုက မွန်ထရီရယ်မြို့၌ ပြုလုပ်သော ထိပ်သီး၌ ညနက်ချိန်အစည်းအဝေးတွင် အတည်ပြုခဲ့သော သဘော တူညီချက်ကိုကြေညာလိုက်ရာ တက်ရောက်လာသော ကိုယ်စားလှယ်များထံမှ ကျယ်လောင်သော သြဘာသံများ ထွက်လာခဲ့သည်။  
သတင္းအျပည့္အစံုကိုၾကည့္ရႈရန္

 
သတင္းအျပည့္အစံုကိုၾကည့္ရႈရန္

ရီးယဲလ်မက်ဒရစ်အသင်းနည်းပြ အန်ဆယ်လော့တီသည် ၎င်း၏နည်းပြဘဝစာမျက်နှာသစ်အတွက် ယခုရာသီကုန်တွင် အသင်းမှထွက်ခွာဖွယ်ရှိနေကြောင်း သိရသည်။ ဘရာဇီးလ်လက်ရွေးစင်အသင်း၏ စိတ်ဝင်စားခြင်းကိုခံနေရသည့် အသက် (၆၃)နှစ်အရွယ် အီတလီလူမျိုးဝါရင့်နည်းပြအန်ဆယ်လော့တီသည် မူလက ရီးယဲလ်အသင်းတွင် စာချုပ်သက်တမ်းကုန်မည့် ၂၀၂၄ ခုနှစ်အထိဆက်နေမည်ဟု မီဒီယာများက ဖော်ပြခဲ့ကြသော်လည်း ယခုအခါရာသီကုန်တွင် စပိန်မြေကိုစွန့်ခွာဖွယ်ရှိနေကြောင်း သိရသည်။ အန်ဆယ်လော့တီသည် လက်ရွေးစင်အသင်းနည်းပြအဖြစ် ဆောင်ရွက်ဖူးခြင်းမရှိသေးသောကြောင့် အပြောင်းအလဲပြုလုပ်ရန် လိုလားနေကြောင်းလည်း သိရသည်။

အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနပြည်ထောင်စုဝန်ကြီးဦးကိုကိုလှိုင်နှင့် ဘန်ကောက် မြို့အခြေစိုက် ကုလသမဂ္ဂစီမံကိန်းဝန်ဆောင်မှုရုံး(UNOPS)၏ အာရှဒေသဆိုင်ရာ ညွှန်ကြားရေးမှူး မစ္စတာဆန်ဂျေးမာသာကို ဒီဇင်ဘာ ၁၆ ရက် နံနက် ၁၀ နာရီတွင် နေပြည်တော်ရှိ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန၌ တွေ့ဆုံခဲ့ကြောင်းသိရသည်။ အဆိုပါ တွေ့ဆုံဆွေးနွေးပွဲသို့ အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာနမှ တာဝန်ရှိသူများနှင့်ရန်ကုန်မြို့အခြေစိုက် ကုလသမဂ္ဂ စီမံကိန်းဝန်ဆောင်မှုရုံး၏ မြန်မာနိုင်ငံဆိုင်ရာ ယာယီညွှန်ကြားရေးမှူးတို့ တက်ရောက်ခဲ့ပြီး၊ မြန်မာနိုင်ငံအစိုးရနှင့် ကုလသမဂ္ဂစီမံကိန်းဝန်ဆောင်မှုရုံးတို့အကြား လက်ရှိပူးပေါင်း ဆောင်ရွက်မှုလုပ်ငန်း စဉ်အဆင်ပြေချောမွေ့ရေးကိစ္စရပ်များနှင့်ပတ်သက်၍ ဆွေးနွေးခဲ့ကြောင်းသိရသည်။  
သတင္းအျပည့္အစံုကိုၾကည့္ရႈရန္

ဖုန်းဆင်းကတ်များကို ဇန်နဝါရီ ၃၁ ရက် နောက်ဆုံးထားပြီး မှတ်ပုံတင်ကြရန်နှင့် အချက်အလက်များ မှားယွင်းမှုရှိပါက ပြင်ဆင်ကြရန် အော်ပရေတာများက သတိပေးချက်များ ထုတ်ပြန်ထားသည်။ သုံးစွဲနေ သည့် ဆင်းမ်ကတ်များကို စစ်ဆေးပြီးပြန်လည်ပြင်ဆင်မှတ်ပုံတင်ခြင်းအား ဖြင့် သုံးစွဲသူများအတွက် မိုဘိုင်းလ်ငွေကြေး ဝန်ဆောင်မှုများကိုလည်း လုံခြုံစိတ်ချစွာဖြင့် သုံးစွဲနိုင်မည့်အပြင် ဒီဂျစ်တယ်ပိုင်းဆိုင်ရာ နှင့် ပြင်ပလိမ်လည်မှုများ၏ အန္တရာယ်မှ ကာ ကွယ်ပေးမည် ဖြစ်သည်ဟု အဆိုပါအော်ပ ရေတာများက သုံးစွဲသူများသို့ စာတိုပို့အ ကြောင်းကြားထားသည်။  
သတင္းအျပည့္အစံုကိုၾကည့္ရႈရန္

(၁၅-၁၂-၂၀၂၂)ရက်နေ့ နံနက်(၁၀)နာရီအချိန်တွင် မြင်းခြံမြို့နယ်ပြည်ခိုင်ဖြိုးပါတီရုံး၌ လုပ်ငန်းညှိနှိုင်း အစည်းအဝေးကျင်းပပြုလုပ်ခဲ့ရာ မြင်းခြံခရိုင်ဥက္ကဌ ဦးဘိုသိန်းနိူင်၊ ဘဏ္ဍာရေးမှုးဒေါ်ရီရီမြင့် ၊မြင်းခြံမြို့နယ် ဥက္ကဌ ဦးမန်းမြင့်နှင့်ကော်မတီဝင်များတက်ရောက်ခဲ့ကြပြီး လာမည့်ရွေးကောက်ပွဲတွင်ကျင့်သုံးမည့် PR စနစ်အကြောင်း၊ ပထမ(၃)လပတ်၊ ရက်(၉၀) စီမံချက်ပါလုပ်ငန်းစဉ်များ အကောင်အထည်ဖော် ဆောင်ရွက်ရေး၊ လူငယ်/အမျိုးသမီး  ကဏ္ဍတွေ့ဆုံ ဆွေးနွေးပွဲများပြုလုပ်သွးရေး ဆွေးနွေးခဲ့ကြကြောင်း သိရှိရသည်။

   
သတင္းအျပည့္အစံုကိုၾကည့္ရႈရန္

၄၈နှစ်မြောက် ရခိုင်ပြည်နယ်နေ့အခမ်းအနားကို ပြုလုပ်ကျင်းပရာသို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီ ရခိုင်ပြည်နယ်ဥက္ကဋ္ဌ ဒေါက်တာစန်းရွှေ တက်ရောက်ခဲ့သည်။ ယနေ့ ဒီဇင်ဘာ ၁၅ ရက်နေ့တွင် ကျရောက်သော ရခိုင်ပြည်နယ်နေ့ အခမ်းအနားအား နံနက် ၈ နာရီက စစ်တွေမြို့ ဦးဥတ္တမခန်းမ၌ ရခိုင်ပြည်နယ်အစိုးရအဖွဲ့မှ ကြီးမှူးကျင်းပခဲ့ခြင်းဖြစ်သည်။ အဆိုပါအခမ်းအနားသို့ ရခိုင်ပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဒေါက်တာစန်းရွှေ(ဗဟိုအလုပ်အမှုဆောင်)မှ တက်ရောက် ခဲ့ပြီး ရခိုင်ပြည်နယ်ဝန်ကြီးချုပ်၊ အနောက်ပိုင်းတိုင်း စစ်ဌာနချုပ်တိုင်မှူးနှင့် အဖွဲ့ဝင်များ၊ ဌာနဆိုင်ရာ အကြီးအကဲများ၊ ရခိုင်မျိုးနွယ်စုဝင် တိုင်းရင်းသားများ၊ ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။  
သတင္းအျပည့္အစံုကိုၾကည့္ရႈရန္

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ရခိုင်ပြည်နယ် အတွင်းရေးမှူး ဦးသန်းဝေသည် သံတွခရိုင်ပါတီ၊ တောင်ကုတ်ခရိုင်ပါတီကော်မတီဝင်များ၊ သံတွဲမြို့နယ်၊ တောင်ကုတ်မြို့နယ် ပါတီကော်မတီဝင်များနှင့် တွေ့ဆုံပြီး ပါတီရှေ့ဆက်လုပ်ဆောင်ရမည့် လုပ်ငန်းစဉ်များအား ဆွေးနွေးခဲ့ကြသည်။ ယနေ့ ဒီဇင်ဘာ ၁၆ ရက်နေ့ နံနက် ၁၀ နာရီက သံတွဲမြို့နယ်ပါတီရုံး အစည်းအဝေးခန်းမတွင် ပြည်နယ်ပါတီအတွင်းရေးမှူးနှင့် သံတွဲခရိုင်ပါတီကော်မတီဝင်များ၊ သံတွဲမြို့နယ်ပါတီကော်မတီဝင်များ တွေ့ဆုံခဲ့ကြခြင်းဖြစ်သည်။  
သတင္းအျပည့္အစံုကိုၾကည့္ရႈရန္