မာလီနိုင်ငံမှာ တိုက်ခိုက်ရေးသမားတွေက လောင်စာဆီပိတ်ဆို့ထားတာကြောင့် ကျောင်းတွေ ပိတ်ထားရ
မာလီနိုင်ငံမှာ တိုက်ခိုက်ရေးသမားတွေက လောင်စာဆီပိတ်ဆို့ထားတာကြောင့် ကျောင်းတွေ ပိတ်ထားရ
=================
မာလီနိုင်ငံမှာ အစိုးရဆန့်ကျင်ရေး JNIMလက်နက်ကိုင်အဖွဲ့က လောင်စာဆီ တင်သွင်းမှုကို ပိတ်ဆို့ထားတာကြောင့် စာသင်ကျောင်းတွေနဲ့ တက္ကသိုလ်တွေကို စစ်အစိုးရက နှစ်ပတ်ကြာ ပိတ်ထားဖို့ အမိန့်ပေးခဲ့ကြောင်း သိရပါတယ်။
မာလီနိုင်ငံဟက ကုန်းတွင်းပိတ်နိုင်ငံဖြစ်တာကြောင့် လောင်စာဆီတင်သွင်းမှုကို ပိတ်ဆို့လိုက်တာဟာ နိုင်ငံရဲ့ စီးပွားရေး၊ ပညာရေး၊ ကျန်းမာရေးအဖက်ဖက်က ထိခိုက်နိုင်ကြောင်း နိုင်ငံတကာ လေ့လာသုံးသပ်သူတွေက ရိုက်တာကိုပြောပါတယ်။
ပညာရေးဝန်ကြီး Amadou Sy Savane က ကျောင်းတွေကို နိုဝင်ဘာ ၉ ရက်အထိ ပိတ်ထားမှာဖြစ်ပြီး နိုဝင်ဘာ ၁၀ ရက်မှာ အတန်းတွေပြန်ဖွင့်နိုင်ဖို့အတွက် လောင်စာဆီ ပုံမှန်ပြန်လည်ရရှိရေး တတ်နိုင်သမျှ ဆောင်ရွက်ပေးမှာဖြစ်ကြောင်း ပြောကြား ထားပါတယ်။
အယ်လ်ကေးဒါးအဖွဲ့ခွဲ JNIM လက်နက်ကိုင်အဖွဲ့ဟာ ဆီနီဂေါနဲ့ အိုင်ဗရီကို့စ် နိုင်ငံတွေက တင်သွင်းတဲ့ လောင်စာဆီတွေကို ပိတ်ဆို့ထားဖို့ ကြေညာပြီး နှစ်လအကြာမှာ အခုလိုအခက်အခဲတွေကြုံရတာလည်းဖြစ်ပါတယ်။
