ဂိုးအများဆုံးသွင်းယူနိုင်သူအဖြစ် စီရော်နယ်လ်ဒို စံချိန်တင်
ဂိုးအများဆုံးသွင်းယူနိုင်သူအဖြစ် စီရော်နယ်လ်ဒို စံချိန်တင်
====================
ပေါ်တူဂီအသင်းခေါင်းဆောင် တိုက်စစ်မှူး စီရော်နယ်လ်ဒိုဟာ ကမ္ဘာ့ဖလားခြေစစ်ပွဲတွေမှာ ဂိုးအများဆုံးသွင်းယူနိုင်သူအဖြစ် (၄၁)ဂိုးနဲ့ စံချိန်တင်ခဲ့ကြောင်း သိရပါတယ်။
စီရော်နယ်လ်ဒိုဟာ ဟန်ဂေရီအသင်းနဲ့ (၂-၂)ဂိုး သရေကျခဲ့တဲ့ ကမ္ဘာ့ဖလားခြေစစ်ပွဲမှာ ပေါ်တူဂီအသင်းအတွက် နှစ်ဂိုးစလုံးသွင်းယူခဲ့တာကြောင့် အခုလို စံချိန်တင်နိုင်ခဲ့တာပါ။
စီရော်နယ်လ်ဒိုဟာ ဒီပွဲမတိုင်ခင်တုန်းက ဂွါတီမာလာတိုက်စစ်မှူး ကားလို့စ်ရုဇ်နဲ့အတူ (၃၉)ဂိုးစီနဲ့ ပူးတွဲရပ်တည်နေခဲ့ပြီး အခု နှစ်ဂိုးအသာနဲ့ စံချိန်တင်နိုင်ခဲ့တာပါ။
စီရော်နယ်လ်ဒိုဟာ ၂၀၀၆ ကမ္ဘာ့ဖလားခြေစစ်ပွဲမှာ ပထမဆုံးကမ္ဘာ့ဖလားခြေစစ်ပွဲသွင်းဂိုး သွင်းယူနိုင်ခဲ့တာဖြစ်ပြီး ၂၀၁၀ ကမ္ဘာ့ဖလားခြေစစ်ပွဲတွေမှာတော့ ဂိုးသွင်းယူနိုင်ခြင်းမရှိခဲ့ပါဘူး။
သူ့ရဲ့ ကမ္ဘာ့ဖလားခြေစစ်ပွဲသွင်းဂိုးမှတ်တမ်းကတော့ ၂၀၀၆ ကမ္ဘာ့ဖလားခြေစစ်ပွဲမှာ (၇)ဂိုး၊ ၂၀၁၄ ကမ္ဘာ့ဖလားခြေစစ်ပွဲမှာ (၈)ဂိုး၊ ၂၀၁၈ ကမ္ဘာ့ဖလားခြေစစ်ပွဲမှာ (၁၅)ဂိုး၊ ၂၀၂၂ ကမ္ဘာ့ဖလားခြေစစ်ပွဲမှာ (၆)ဂိုး၊ ၂၀၂၆ ကမ္ဘာ့ဖလားခြေစစ်ပွဲမှာ (၅)ဂိုး ဖြစ်ပါတယ်။
စီရော်နယ်လ်ဒိုဟာ ကလပ်နဲ့ လက်ရွေးစင်အသင်းအတွက် စုစုပေါင်း (၉၄၈)ဂိုး သွင်းယူနိုင်ခဲ့ပြီဖြစ်ပြီး သူ့ရဲ့ ရည်မှန်းချက်ဖြစ်တဲ့ သွင်းဂိုး(၁၀၀၀)ပြည့်မြောက်ဖို့ (၅၂)ဂိုးသာ လိုပါတော့တယ်။
