သာမန်တန်းနှင့် အသက် ၁၉ နှစ်အောက် အမျိုးသား+အမျိုးသမီး အသင်းလိုက် ကြက်တောင်ပြိုင်ပွဲကျင်းပမည်
သာမန်တန်းနှင့် အသက် ၁၉ နှစ်အောက် အမျိုးသား+အမျိုးသမီး အသင်းလိုက် ကြက်တောင်ပြိုင်ပွဲကျင်းပမည်
======================
မြန်မာနိုင်ငံ ကြက်တောင်အဖွဲ့ချုပ်မှ ကျင်းပမည့် သာမန်တန်းနှင့် အသက် ၁၉ နှစ် အောက် အမျိုးသား+ အမျိုးသမီး အသင်းလိုက် ကြက်တောင်ပြိုင်ပွဲကို ၂၀၂၅ ခုနှစ်၊ အောက်တိုဘာလ ၉ ရက်မှ ၁၂ ရက်အထိ ရန်ကုန်တိုင်း ဒေသကြီး လမ်းမတော်မြို့နယ် အနော်ရထာလမ်းရှိ မြန်မာနိုင်ငံကြက်တောင်အဖွဲ့ချုပ် အမျိုးသားကြက်တောင်အားကစား ခန်းမတွင် ကျင်းပသွားမည်ဖြစ်ကြောင်း သိရပါတယ်။
အဆိုပါ ပြိုင်ပွဲများ၏ သာမန်တန်းပြိုင်ပွဲများတွင် အမျိုးသားတစ်ဦးချင်းပြိုင်ပွဲ၊ အမျိုးသားနှစ်ယောက်တွဲပြိုင်ပွဲ၊ အမျိုးသမီးတစ်ဦးချင်းပြိုင်ပွဲ၊ အမျိုးသမီးနှစ်ယောက်တွဲပြိုင်ပွဲ၊ အမျိုးသား+အမျိုးသမီး နှစ်ယောက်တွဲပြိုင်ပွဲများပါဝင်ပြီး အသက် ၁၉ နှစ်အောက် ပြိုင်ပွဲများတွင် အမျိုးသားတစ်ဦးချင်းပြိုင်ပွဲ၊ အမျိုးသားနှစ်ယောက်တွဲပြိုင်ပွဲ၊ အမျိုးသမီး တစ်ဦးချင်းပြိုင်ပွဲ၊ အမျိုးသမီးနှစ်ယောက်တွဲပြိုင်ပွဲနှင့် အမျိုးသား+အမျိုးသမီး နှစ်ယောက်တွဲပြိုင်ပွဲများ ပါဝင်သွားမှာ ဖြစ်ပါတယ်။
သာမန်တန်းပြိုင်ပွဲများတွင် မည်သူမဆိုပါဝင်ယှဉ်ပြိုင်နိုင်ကြောင်း၊ မြန်မာ့လက်ရွေးစင်ကစားသမားများအား ပါဝင် ယှဉ်ပြိုင်ခွင့်မပြုသော်လည်း အသက် ၃၅ နှစ်ပြည့်ပြီးသော မြန်မာ့လက်ရွေးစင် အမျိုးသားကစားသမားဟောင်းများနှင့် အသက် ၃၀ နှစ်ပြည့်ပြီးသော မြန်မာ့လက်ရွေးစင်အမျိုးသမီး ကစားသမားဟောင်းများ ပါဝင်ယှဉ်ပြိုင်နိုင်ကြောင်း သတ်မှတ်ထားပါတယ်။
ပြိုင်ပွဲကို ကမ္ဘာ့ကြက်တောင်အဖွဲ့ချုပ်(BWF)မှ ထုတ်ပြန်ထားသော ကြက်တောင်ကစားနည်းဥပဒေနှင့်အညီ ကျင်းပသွားမှာဖြစ်ပြီး ဆုကြေးငွေများအဖြစ် ပထမဆုငွေကျပ် သိန်းသုံးဆယ်၊ ဒုတိယဆုငွေကျပ် ဆယ့်ငါးသိန်း၊ ပူးတွဲ တတိယနှစ်ဆုအတွက် တစ်ဆုလျှင် ငွေကျပ်ခုနစ်သိန်းစီ ချီးမြှင့်သွားမှာဖြစ်ပါတယ်။
ပါဝင်ယှဉ်ပြိုင်လိုသူများအနေဖြင့် မြန်မာနိုင်ငံကြက်တောင်အဖွဲ့ချုပ်ရုံးခန်းသို့ ရုံးချိန်အတွင်း လူကိုယ်တိုင်ဖြစ်စေ၊ ဖုန်း-၀၉-၇၉၄၅၁၅၈၄၉ သို့ဖြစ်စေ အောက်တိုဘာလ ၆ ရက်နောက်ဆုံးထား၍ ဆက်သွယ်ဆောင်ရွက်နိုင်ကြောင်း သိရပါတယ်။
