ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP) နှင့် ကမ္ဘောဒီးယားပြည်သူ့ပါတီ (CPP) တို့ နှစ်နိုင်ငံပါတီချင်း ပူးပေါင်းဆောင်ရွက်ရေးဆိုင်ရာ သဘောတူစာချုပ် (MOU)လက်မှတ်ရေးထိုးပြီးစီး
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP) နှင့် ကမ္ဘောဒီးယားပြည်သူ့ပါတီ (CPP) တို့ နှစ်နိုင်ငံပါတီချင်း ပူးပေါင်းဆောင်ရွက်ရေးဆိုင်ရာ သဘောတူစာချုပ် (MOU)လက်မှတ်ရေးထိုးပြီးစီး
================
ဩဂုတ် ၂၈၊ ရန်ကုန်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP) နှင့် ကမ္ဘောဒီးယားပြည်သူ့ပါတီ (CPP) တို့ နှစ်နိုင်ငံပါတီချင်း ပူးပေါင်းဆောင်ရွက်ရေးဆိုင်ရာ သဘောတူစာချုပ်(MOU) လက်မှတ်ရေးထိုးပွဲ အခမ်းအနားကို ယနေ့ ညနေ ၄ နာရီအချိန်တွင် ကမ္ဘောဒီးယားပြည်သူ့ပါတီ(CPP) ရုံးချုပ်တွင် ကျင်းပခဲ့ပါသည်။
အဆိုပါ သဘောတူစာချုပ်သည် ပါတီဥက္ကဋ္ဌ ဦးခင်ရီက ၂၀၂၄ ခုနှစ် နိုဝင်ဘာလ (၂၁)ရက်နေ့မှ (၂၃)ရက်နေ့အထိ ကမ္ဘောဒီးယားနိုင်ငံ၊ ဖနွမ်ပင်မြို့တွင် ကျင်းပခဲ့သော (၁၂)ကြိမ်မြောက် အာရှနိုင်ငံရေးပါတီများဆိုင်ရာ အထွေထွေညီလာခံတက်ရောက်စဉ် မစ္စတာဟွန်ဆန်နှင့်တွေ့ဆုံ၍ နှစ်နိုင်ငံပါတီချင်း ပါတီလုပ်ငန်းများအား နှစ်နိုင်ငံ၏ တည်ဆဲဥပဒေများကို လေးစားလိုက်နာလျက် ပူးပေါင်းဆောင်ရွက်နိုင်ရေး စတင်ဆွေးနွေးခဲ့ပြီး ယနေ့တွင် အောင်မြင်စွာရေးထိုးခဲ့ခြင်း ဖြစ်ပါသည်။
ထိုလက်မှတ်ရေးထိုးပွဲအခမ်းအနားသို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP)မှ ပါတီဥက္ကဋ္ဌ ဦးခင်ရီ၊ ဗဟိုအလုပ်အမှုဆောင် ဦးမြင့်ကိုကိုနှင့် အဖွဲ့ဝင် (၁)ဦး တက်ရောက်ပြီး ကမ္ဘောဒီးယားပြည်သူ့ပါတီ(CPP)မှ ပါတီဥက္ကဋ္ဌ မစ္စတာဟွန်ဆန်နှင့် ပါတီထိပ်ပိုင်းခေါင်းဆောင်များ တက်ရောက်ခဲ့ကြောင်း သတင်းရရှိပါသည်။
